أنا والمنتدى وهواك !

منا فاهم يا ماما

متقوليش كده يا انوس

..


..


انتى بتفترى ايه كل الاغانى دى
نسمع السونج ونرجع مع اراء الناس وهعليها ع الاخر اهو عشان الناس تصحى وترد عليكي

انا مع ان ممكن من حب حد ليك يجبرك انك تحبه
بس من راى ان متكونش البداية ابد ابدا من بنت
وان البنت مهما كان متصرحش بحبها الاول لازم البداية من الولد

انا معاكى يارورو فى ان الخطوة الأولى دايمااا للولد (ان لم يكن باقى الخطوات كمان عليه )
وأفهم من كده انك بتقولى انه اه ممكن حد يحبب حد فيه من كتر حبه ليه
يسلملى مرورك ياحبى


وانت بقى يامصطفى مستكتر عليا الأغانى اللى بتجيبها مش انت اللى قلت اننا نطلب وانت تجيب الأغانى !!!
طييييب انا بررررردو عاوزة أسمع أغنيه على ذوقك انت المرة دى بس تكون لعمرو وقديمه كمان يلا بقى ها

اكيد بهرج

اطلبوا زى مانتو عاوزين انا مش بزهق اصلا

اسمعوا دى ع ذوقى وان شاء الله هتعجبكم

اية الموضوع الجامد دة
على فكرة انا مع رورو ماينفعش ابدا البنت تبدأ خصوصا فى مجتمعنا
لان الولد هيفسر الكلام دة غلط ودى وجهة نظرى
وبردو مش شرط حب شخص ليكى يجبرك على حبك لية
ودى وجهة نظرى
وبما انكم ديابين اضرب دى ههههههه
اغنية تحفة مش هتندموا والله

ياعينى عليكى ياعيوده ياديابى ياجامد انت
عايزة أقولك انك جيتى على الجرح انا بقالى أكتر من شهرين بدور على الأغنيه دى وقلبت عليها الدنيا ولحد دلوقتى مش عارفه ألاقيها خاااالص
انا هاضطر كده أحفظ الفيديو ده عندى ولما أحب أسمعها هشغله بقى وأمرى لله


وميرسى على رأيك ياعيوده نورتينى بجد وتسلم إيدك على الأغنيه طبعااا

ياديابية ياجامدة والا غنية جامدة تسلم ايدك ياعيودتى
زوقك جميل
واىه رايكم فى الانانية ف الحب؟؟؟؟؟؟؟

يعنى اللى يحب حد عواز كل تفكير حبيبه ليه واهتمامى كله بيه
يعنى كل حياته ليه بس زى الفريك من غير شريك كدة ههههه

مرسى لانوس حبيبتى
ولرورو حبيبتى بردو
انا قلت فرصة انكم بتحبوا عمرو وغير كدة الاغنية جامدة جدا
وبالنسبة للانانية ف الحب ..................
هية الى حد ما شبة الغيرة بمعنى انها مطلوبة وجميله ولكن لو زادت قلبت للضد وبقت مضرة فى العلاقة بين الطرفين
وعشان كدة انا شايفة ان فعلا خير الامور الوسط فى كل شئ حتى ف الحب نفسة

انا معاكى وهيا فعلا الانانية عامة من وجهة نظرى صفة سئية لكن اعتقد انها ف الحب لازم لازم
مش عرفة بالنسبة ليا شايفة ان دة من حق كل واحد يبقى اللى بيحبه ليه لوحده بس مش عجبانى ابدا لفظة الانانية اللى بيقولها بس انا مع الانانية ف الحب بس ويارب الاسم يتغير

ايووووووووووووووووووووة هو دة يانوس وكمان قصدى ان كل فكره وروحه ليا انا وبس

بالظبط يارورو وده لو حصل فعلا مش هتبقى أنانيه ولا حاجه على فكرة لأنه هيبقى شعور متبادل ده بالعكس بقى ده إحساس ملوش حل بجد انكوا انتوا الاتنين بتحبوا بعض وبتغيروا على بعض وانا عن نفسى بعتبر الغيرة دى أجمل مايكون فى الحب عارفه ان حد يقولك متعمليش كذا ومتروحيش فى المكان كذا ومتكلميش الشخص كذا علشان خايف عليكى وانتى حد مهم بالنسبه له وأكيد هيبقى شعور متبادل فى كل حاجه يعنى انتى كمان حاسه كده من ناحيته..معلش طولت عليكى بس الموضوع بجد جميل علشان انتى اللى اختارتيه ولو فضلنا نتلكم فيه للصبح مش هيخلص الكلام
تسلم إيدكى ياحبى

ب مناسبة الجميل والاجمل فالموضوع حلو لكن الاجمل كلامك والله ياقطتى
والاجمل والاجمل اننا متفقين ف الموضوع دة كمان

ميرسي اوووووووى لمروركم وردودكم اللى منوره التوبيك يا بنات ويارب دايما ع كده

من رأيي الأنانيه لها معنيين
الأول وهو اللى انتوا اتكلمتوا فيه وهو الغيره لدرجه ان المحب لا يقبل بأى حال من الأحوال أن تعرف حبيبته اى شخص غيره حتى لو اقاربها ودى بتبقى شده اوى بس من حقه لأنه طالما بيحبها يبقى مش هيحب انها حتى تتكلم مع اى شخص غيره ولا تخرج منها كلمه حلوه الا ليه وبس
والثانى هو أن المحب ميحبش غير نفسه ودى غلط جدا ويعطى لنفسه كل الحقوق ولا يعطي لحبيبته ادنى حق فى انها تفعل ما تشاء او حتى تخرج غير بأذنه وهو يتصرف كما يشاء ويعرف اللى يعرفهم ودى تقاليد مجتمعنا الشرقي الذى لا يجعل للمرأه الحق فى انها تعمل اى حاجه غير بأذن حبيبها او زوجها بمعنى اصح وده كويس بس فى حاجات وحاجات يعنى مثلا سمعت من واحد صاحبي انه منع اللى مرتبط بيها من انها تخرج مع والدها ؟؟ وده اوفر اوى بصراحه ولابد اولا واخيرا ان يغير الطرفان لأن بدون الغيره لأصبح الحب ثلجاً

اسمحلى يعنى الغيره انواع والمعنيين اللى انت قلتهم دول نوع كده غلسسس اوى ويودى فى داهيه إسمه الغيره القاتله ودى بقى ملهاش علاج ابداااا بس من الأول لو فى ثقه عمر ما هتبقى الغيره دى موجوده، لو الحد ده واثق فى خطيبته او حبيبته زى ما بتقول ومتأكد انها بتحبه زى ما هو بيحبها وأكتر شويه وانها مقتنعه بيه هيسيبها تعمل اللى هى شيفاه وهتتعامل مع كل الناس بس هيبقى فى حدود اعتبارا للشخص اللى آمنها على نفسه وحياته كلها وبيته وأولاده فيما بعد فأكيد يعنى هى مش هيهون عليها انها حتى تضايقه او تجرح مشاعره، الكلام ده مش معناه ان الغيره دى حاجه وحشه لأ بالعكس دى أجمل حاجه فى الحب بس لما تبقى غيره بعقل شويه.. تقبل مرورى
وبليز ممكن أسمع بغير عليها ..تامر حسنى

المقصود غيرة المحب ومدام فيها حب بالتاكيد خوف وحب على بعض مش وحشة ابدا والانانية دى ممكن يبقا فيها لبعض الاوقات حب امتلاك لكنها جميلة وياريت واتمنا ان اسم الانانية ف الحب يتغير لان لفظة الانانية سيئة جدا

يا جماعه دى اراء عادى يعنى كل واحد يقول وجهة نظره
والأختلاف فى الوز لا يفسد للبط قضية خااااااااالص

نسمع تامر ( بغير عليها ) ونرجع نتكلم فى موضوع جديد




موضوعنا هو التلاعب بالمشاعر !!
يعنى ان حد يفهمك انه معجب بيك ويعمل كل حاجه عشان يوقعك فى مصيدت حواراته
وفى الاخر يقولك انا مكنش قصدى كده والحركات دى بجد دى بتبقى شخصيات كدابه سورى يعنى
لأنه بيتقمص دور انه بيحبك وبيخاف عليك وبعد ما يستمتع معاك انه مبسوط لأنه اخيرا لقى حد يهتم بيه

منتظر ارائكم وردوكم

التلاعب يالمشاعر موضوع جميل تسلم الافكار
دة اكبر صدمة تتدمر الانسان ياااااااااااااااااه على قسوة قلب اللى يعمل كدة
وعلشان كدة لازم الواحد ميسلمش قلبه وفكره ل اى حد بسهولة كدة لازم بردو نشغل عقلنا
التلاعب بالمشاعر جريمه ..!!
يعاقب عليها القلب بالاعدام ألماً ..!!
ربنا ينجينا جمعيا من المتلاعبين

ايه الكلام الجامد ده بس والله عندك حق يا رورو يسلملى مرورك ومشاركاتك فى التوبيك

نسمع أغنيه ع ذوقى ونرجع مع رأى تانى

أصاله ( مخادع )

الو الو ايوة ولا الو انا صديقة البرنامج بس بقالى كتير مش بتصل ازيكم عاملين ايه وياريت تتقولى بتتكلموا فى ايه عشلان مش معقوله هاجيب التوبيك من اوله قرايه

ايون .. ملك طبعا صديقة البرنامج أحنا بنتكلم فى موضوع التلاعب بالمشاعر
ايه رأيك فى التلاعب والمتلاعبين بهدف انهم يوقعوا اللى ادامهم ويوهموهم بالحب
عشان يسمعوا كلام حلو ويحسوا ان حد بيحبهم ويبقوا مبسوطين بكده .. نسمع ملك يا شباب

ده يبقى اسمه لعب عيال وانانية اصلا ازاى الواحد يقدر يكدب على حد فى المشاعر مش اللى قدامه ده قلب ودم ومشاعر وبيحس والمفروض يحط نفسه مكانه هل هيرضى كده على نفسه انا بعتبر ده انانية يا سيدى القاضى وبطلب النقد فى هذة المسالة المهمة