أنا والمنتدى وهواك !

ميرسى على الافكار يامصطفى
وبالفعل فى اعجاب من اول نظرة وفى رائى انه اصدق من الحب من اول نظرة لان الحب كلمة كبيرة اوى وليها اساسيات لكن الاعجاب يتحول الى حب فالاعجاب هو الخطوة الاولى للحب فعلا فى ناس نشفهم نعجب بيهم وبفكرهم ونحس اننا عرفانهم من زمن طويل
ميرسى تانى يامصطفى

انا المرة دى مش هتصل انا هبعت رسالة

هههههههههه اوك يا ملك انتى تنورينا فى اى وقت وبأى حاجه

ممكن أشارك معاكم؟؟؟؟؟؟؟؟؟؟؟؟؟

يا نهاااااااااااار ابيض انتى تنورينا يا ايناس ازاى تقولى كده ؟؟

أتفضلي سمعينا أحلى كلام وأراء وأقتراحاتك الجميله كالعاده

الحقيقه انا مش هقدر أفيدكم لأنى مجربتش
بس أقدر أأكدلك انه فى حاجه اسمها صداقه من أول نظرة، انا فى حد شفته وقلت اننا هنبقى صحاب جامدين جداا وفعلا كنا صحاب أوى أوووووووووووى وبصراحه هو كان محترم جدااا وعاقل كمان وبيخاف عليا وماما كانت تعرفه وبتحبه من كلامى عليه بس واضح انه فى حاجه اتفهمت غلط وحصل سوء تفاهم بس طبعا الكلام ده من زماااان لان دلوقتى مش نعرف حاجه عن بعض
بس يلااا يلاا مش مشكله، ميرسى علشان سمعتوا رأيى الموضوع حلو

بليز يامصطفى تقوله ربنا يسامحه علشان انا اتظلمت جدااا بجد

قطتى عندك حق فعلا القلوب بتلاقا قبل العيون
ربنا يوفقك فى حياتك

ربنا يخليكى ليا يارورور
ويوفقك انتى كمان ياقمــر ويسعدك ويهنيكـى

ميرسي يا أنوس لمشاركتك الجميله والمؤثره وفعلا الصداقه اللى بجد صعب تتعوض
وانا قريت الماسج 15 مره أنى أفهم أقول لمين .. أبدا ههههههههه عموماً هقوله ياستى
بس حاجه جميله جداااااااا انك تخسري حد وتفتكريلوا الحلو وتشكرى فيه

نورتيني وأتمنى مشاركتك بأستمرار


ومنوره كالعاده يا روميساء بمرورك الجميل ميييييييييرسي

ميرسى يامصطفى عوزين نتكلم عن الكرامة فى الحب
انا عن نفسى عندى المشكلة دى وعوزة اسمع ارائكم لومش فى مانع
ميرسى يامصطفى

MOSTAFA ROMIO كتب:

ميرسي يا أنوس لمشاركتك الجميله والمؤثره وفعلا الصداقه اللى بجد صعب تتعوض
وانا قريت الماسج 15 مره أنى أفهم أقول لمين .. أبدا ههههههههه عموماً هقوله ياستى
بس حاجه جميله جداااااااا انك تخسري حد وتفتكريلوا الحلو وتشكرى فيه

نورتيني وأتمنى مشاركتك بأستمرار


ومنوره كالعاده يا روميساء بمرورك الجميل ميييييييييرسي

احم احم ايه الإحراج ده
انت قوله بس يامصطفى اللى انا قلتلك عليه وهو هيفهم

حلوة الفكرة بتاعه رورو ياريت تنفذها وميرسى ليكـ

يا سلام بس كده انتوا تؤمروا وأنا أنفذ .. باصولي وأنا أشوووط

يلا كله يقول رأيه وبصراحه
وأنا من رأيي المتوضع أن الحب كرامه بعكس ما الناس بتردد أن الحب مفيهوش كرامه
احنا ممكن نتشاور وناخد رأى بعض وبكل أحترام وبدون أهدار كرامة الاخر ومن غير ما نزعله
وحتى لو حد غلط أو ظلم اللى بيحبه مش عيب أنه ييجي ويصالحه ودى مش ضعف ولا قلة كرامه
بالعكس دى الشجاعه والعظماء هما اللى بيعتذروا لما بيغلطوا

حلوة اوى الفكرة ياجماعه,

بصراحه كده انا شايفه انه الكرامه لازم تكون موجوده اه بس حضورها ميكونش طاغى ومغطى على حاجات تانيه أهم، يعنى مثلا متكونش عند الحبيبين أهم من حبهم نفسه، يعنى انا بخاف على الحد ده ومقدرش أجرحه علشان بحبه وكرامته عندى كأنها كرامتى انا بالظبط،
الكلام ده مش هيبقى مفيد بالنسبه لك لو انت بتحب بجد، لأنه لو انت بتحب بجد هتحس انه انت واللى بتحبه شخص واحد وكرامتكم واحده، كل واحد فيكم بيخاف على كرامه حبيبه، ميقدرش يجرحه، بيخاف عليه من الهوا الطاير زى ما بيقولوا، وهتلاقى نفسك انت بتيجى على كرامنك كتير اوى علشان خاطر حبيبك ومش مهم بالنسبه لك لا ده انت كمان هتبقى مبسوط بكده، وهو كمان أكيد هيعمل كده علشانك، مش هيبقى فى بينكم حدود أصلا، وشويه بشويه هيتلاشى مفهوم الكرامه عندكم انتوا الاتنين وهيبقى كل همكم انكوا تحافظوا على الحب ده مش الهالات والمفاهيم اللى حواليه اللى لو اهتمينا بيها هنضيع الحب نفسه اللى هو أهم من كل حاجه

معلش طولت عليكم بس الموضوع مهم وفكرة هايلــه يارورو

مصطفـى من فضلك عاوزة أسمع "من أول لمسـه" للكينــج طبعا..

ميرسى ليك يامصطفى
انك نفذت طلبى ومش جديدة على اخلاقك العالية
ومييييييييييييرسى كتير على رئيك

ميرسى ليكى ياقطتى عندك حق


بس انا عندى مشكلة الكرامة بزيادة شويتين
لان كرامتى اهم كتييييييير من حبى ودى ف حد ذاتها مشكلة انا بسامح وبنسا علطول بس مش فى كل حاجة بس مش بحب احيانا ابدا طالما مش غلطانةهى المفروض تكون موجودة ولكن مش اوووى لان الشئ لما يزيدعن حده بينقلب ضده يالاربنا يهدينا جمعيا

انا عاوزة أقول على مشكله وأعرف رأيكم ممكن؟

أتفضلي يا أنوس وكلنا هنسمعك وأن شاء الله نحاول نحل مشكلتك

لا هى مش مشكلتى أنا، هى مشكله بنوته صاحبتى وانا كنت عاوزة أعرف رأيكم علشان أتأكد إذا كنت انا صح ولا لأ...

الموضوع ببساطه شديده جداا، ان صاحبتى دى كانت بتحب ابن خالتها ومش قايلاله لحد ما جه هو بالصدفه وقالها انه بيحبها فهى كمان قالتله انها بتحبه، واتفقوا على كل حاجه وانه هيخطبها بعد ما تخلص دراسه،
وبعدين فجأه وبدون سبب عرف العيله كلهــا انها هى اللى بتحبه وطلع الرسايل اللى كانت هى بعتاهاله و وراهم لقرايبهم كلهم ودى طبعا فى حد ذاتها دليل وهى متقدرش تنكر و المشكله بقى ان مامتها مكانتش تعرف بالموضوع ده ولا حتى باباها، راح هو عرفهم
الدنيا طبعا اتقلبت عليها فى البيت عندها، ومبقتش تخرج خالص وحالتها النفسيه ياحرام بقت زفت
ولما رجعت تخرج تانى وتروح الجامعه، فى حد زميلها حبها وهى اتشدت ليه بس مش حبته، وقالها انه عاوز يقابل باباها والموضوع بقى جد جدا
والعيله كلها عرفت، وابن خالتها ده عرف ومن ساعتها وهو عمال يلمحلها بحبه الجامد جداا ليهاا وانه كان غلطان فى حقها والكلام ده كله
قولولى بقى إيه رأيكم؟؟؟؟؟ مع انى من قبل ما أسمع اى كلمه من أى حد فيكم انا متأكده انى صح جداااااا

انوس لو تسمعى رائى ومش يديقك مع احترامى لرايكم بس
انامن رائى متكملش معاه بن خالتها طالما عملها مشكلة ومخدش خطوة ايجابية لما لقاها ف مشكلة
لكن زميلها فى الجامعة دة واخدالامورجد وكمان بيحبها يبقى تخليها مع اللى بيحبها وشاريهاوعوزها بجد
وتسبها من بن خالتها وتبدا صفحة جديدة مع نفسها وتحب اللى يحبها

ميرسى على رأيك المتناهى المتوازى يامصطفــى،
بس انا بقى شايفه غير كده خااالص، سامحونى ياجماعه فى اللى هقوله أصل الموضوع بجد مضايقنى وانا كنت بعيط عليها لما كانت بتحكيلى،
ده حد بيستعبط وكان عاوز يعمل لنفسه منظر لأنه معروف فى عيلتهم انه روميو والبنات كلهم هيموتوا عليه وعارف بنات بعدد شعر راسه زى ما بيقولوا وتليفونه مبيبطلش اتصالات بنات بقى وعلشان يقولوا ياااه دى حتى بنت خالته كمان حبته وبتجرى وراه، انا مش بفترى عليه على فكرة ياجماعه وهى كمان مكانتش مصدقه اللى بقوله بس الكلام ده طلع بجد فعلا من الاحداث اللى جت بعد كده وهى صدقت كل كلمه انا قلتها فى الموضوع ده، وبالنسبه لموضوع العريس ده، فهو ده لما سمع انها هتتخطب وتروح لحد تانى حس بقيمتها وحس انها هتطير من ايده ففكر انه يرجعلها تانى بس للأسف معندوش الجرأه انه يصرحلها لأنه لحظه السيء شكله حبها بجد المره دى، المرة اللى كلهم عرفوا فيها انه كداب واهلها طبعااا عمرهم ما هيآمنوا علي بنتهم مع حد كشف سرها فى يوم من الايام

معلش طولت عليكم بس ياريت لو حد فيكم شايف انى بتكلم غلط او ظلمته يقول لأنى هقولها على أراءكم وينوبكم ثواب انكم ساعدتوها

وميرسى مرة تانيه ليك يامصطفى على رأيك المتناهى المتوازى