بجد يا جماعه الواحد مبقاش عارف يعمل ايه ولا يصدق مين
الموضوع ده لازم نعرفله حل بس مش تقلقوا يعني هو كده كده مالوش حل
طريقنا مسدود مسدود مسدود
هاطول عليكوا في الموضوع شويه
بس أراهنكوا انكوا هاتكملوه علشان لازم تكملوه
اولا بقي المقاطعه ::
* قاطع المنتجات الامريكيه لأنها تدعم اسرائيل .
*قاطع المنتجات البريطانيه لأنها تدعم امريكا .
*قاطع المنتجات الدينماركيه علشان الكاريكاتير .
*قاطع المنتجات الهولنديه علشان الفيلم .
*قاطع بقي المنتجات الألمانيه علشان هي جنب الدول اللي فاتت واللي سبق ذكرها .
المشكله انه في الأخر الناس اللي قاعده بتقري التوبيكات دي ولا بتبعت ايميلات تمنع فيها الحاجات دي بيكون من كمبيوتر أو لاب توب كل البرامج اللي فيه امريكيه وهما قاعدين في ستار بوكس بعد ما اتعشوا في كنتاكي ومعاهم تيك اواي من ماكدونالدز
ثانيا الصحه
(في النازل زي ما كلنا عارفين )
::
*لا تشرب بيبسي لأنه بيحتوي علي مواد تنظيف وعصارة خنزير .
*لا تشرب ريد بول لأنه يسبب العقم .
*لا تستعمل مزيل العرق ولا الشامبو ولا الصابون علشان يسبب السرطان .(يقصدوا من كده اننا نبقي معفنين من الاخر مثلا ؟
)
*لا تأكل لحم البقر لأنه يسبب جنون البقر .
*لا تأكل فراخ لأنها تسبب انفلونزا الطيور .
*لا تأكل سمك بسبب المد الأحمر .
*لا تأكل خضار ولا فواكه لأنها كلها هرمونات .
*لا تأكل معلبات لأنها تحتوي علي مواد حافظه .
*لا تشرب عصير طبيعي لأنه يأتي علي شكل عصارة مركبه .
*لا تشرب عصير غير طبيعي لأنه كله الوان .
هتقولولي طيب يعني ناكل هوا !!..؟؟
هقولكوا لأ طبعا الهوا كله ملوثات وعوادم سيارات ومصانع كمان .
أما بالنسبه لثالثا ورابعا بقي فانتظروها في المرة اللي جايه لحد ما أشوف ايه ردودكوا علي الموضوع ده ويا تري ممكن نلاقي حل ولا لأ ؟؟
الاجابه معرووفه طبعا
استنوا الجزء اللي جاي
sheroo 
السبت يوليو 25, 2009 5:49 pm
