ممكن فارسى ممكن عبرى

لوسمحت لغات شرقية فارسى
طبعا كلنا عارفين ان السينما الفارسية من السينمات التى وصلت للعالمية فى فترة تعتبر وجيزة مقارنة بغيرها
طب انا عايزة اعرف ايه هى مراحل تطور افلام وتمثيل السينما الايرانية يعنى معروف ان النساء فى السينما الايرانية بيمثلو بالحجاب
طب قبل كدة يا ترى السينما الايرانية وصلت لمرحلة التفكك الاخلاقى والمشاهد الخارجة اللى وصلتلها حاليا السينما المصرية والمغربية ولا الحمد لله الايرانين من يومهم محترمين معلش هتقل عايزة اعرف ايه اهم موضوعات السينما الايرانية وازاى السينما بتتعامل مع الشباب من خلال افلامها واسفة على الاطالة



لو سمحت لغات شرقية عبرى
انا قرأت فى المنتدى توبيك مش فاكرة بتاع مين مع احترامى ليها او ليه طبعا
التوبيك عن اغنية لسريت حداد ، طب انا عايزة اعرف منكم عن فكرها تجاه الوضع الحالى للمسلمين والصهاينة
وتكون هى المعلومات اللى خلت معجبينها من المسلمين والشرقين يحبوها وهما عارفين كويس اوى انها اسرائيلية

بصى يا نور اولا احنا مش معجبين بسريت حداد ابدا هيا أشهر مغنية فى اسرائيل هوا دا السبب اننا بنحب نسمعلها وبعدين احنا مش بنسمع حبا فيها او فى ثقافتها او فى ديانتها او فى دولتها احنا بنسمع الاغانى بتاعتهم عشان ننمى اللغة العبرية مش اكتر وفى حاجة عايزة اقولهالك اللى بيتعلم اى لغة لازم يبقى موضوعى وإلا مكناش اتعلمنا عبرى او اى لغة لاى عدو لينا صح
ثانيا عايزة اشكرك على المجهود الرائع اللى عملاه فى المنتدى بجد جميييل جدااا

شكرا جولى حياة قلبى على الرد
وميرسىىىى كتيييير اوووووووىىىىىى

طب يا ترى انتو بتابعوا الافلام العبرية او الصهيونية ولو حتى الوثائيقية
افتكر كدة هيكون افضل من الاغاتى لان الاغانى تقريبا فى الغالب بتكلم عن مواضيع واحدة
وكمان الافلام الوثائيقية الصهيونية او العبرية هتنمى اكتر اللغة لان فيها مواضيع ومصطلحات كتيرة وكملان تنمى الثقافة عن المجتمع ده اللى المفروض نحطه تحت المجهر

جولى ممكن نتقابل ياريت تدخلى قسم كلام بنات وتقرأى توبيك يا بنات