ايران تصدر طابعا بريديا تكريما لشهيدة الحجاب المصرية

ايران تصدر طابعا بريديا تكريما لشهيدة الحجاب المصرية

أصدرت ايران الاحد طابعا بريديا تكريما لشهيدة الحجاب المصرية مروة الشربيني التي قتلت على يد الماني متطرف.
وفي مراسم خاصة بطهران، تم تدشين الطابع بحضور وزير الاتصالات وتقنية المعلومات الايراني محمد سليماني ومسؤولين اخرين، اضافة الى مستشار قائد الثورة الاسلامية علي اكبر ولايتي وممثلين عن مجلس الشورى الإسلامي.
وقد دان المشاركون عملية قتل الشربيني والصمت الغربي ازاء هذه الجريمة.
وقال وزير الاتصالات ان 300 ألف طابع تذكاري لشهيدة الحجاب سيصدر الى 200 دولة في العالم.
وكانت الشهيدة مروة التي تحمل الجنسية المصرية، وهي حامل، قد تلقت 18 طعنة في قاعة محكمة المانية أمام طفلها، من مواطن ألماني من أصول روسية ادين بشتمها ونزع حجابها عندما طلبت منه أن يفسح مكانا لطفلها في أحد المتنزهات بمدينة دريسدن الالمانية قبل اكثر من اسبوع ووصفها بالارهابية.

واستشهدت مروة على الفور فيما نقل زوجها الى المستشفى في حالة حرجة.

وأثارت هذه الواقعة حالة من الاستياء الشديد في مصر وفي العالم الاسلامي ارتبطت بتوجيه اتهامات للحكومة الألمانية بأنها تجاهلت الواقعة.


هی مصر عملت ایه؟؟؟؟؟؟؟؟؟؟؟؟؟؟؟

وتقتکروا سبب اقدام ایران علی العمل ده
هو انها جمهوریة اسلامیة وبتخاف علی حقوق المسلمین ومن واجبها تعمل کده وهی مؤمنة بکده
ولا انها جمهوریة اسلامیة ظاهریة وبالعمل ده بتزین الواجهة الخارجی للجمهوریة الاسلامیة ظاهراً ولیس باطناٌ

انا نفسی محتارة لو حد عارف یقولی
لکن بشکرهم جدا علی هذا العمل اللی لم تجده مروة ولن تجده فی بلدها
والله یرحمها

مرسي يااسراء والله انا مش عارفه ليه

بس يمكن يكون نواه لعوده العلافات المصريه الايرانيه

الله يرحمها

مرسى جدا يا اسراء
بس انا اعتقد انها عملت كدا لانها دولة اسلامية وبتحاول تحافظ عل حقوق المسلمين
وبعيدن عن انها مصرية فا هى مسلمة

انا شایفه انها جمهوریة اسلامیة ظاهریة انا حاسه ان هی واخده الاسلام واجهه عشان تنشر معتقداتهافقط

ايران تحاول ان تحبب العالم الاسلامى لها

وخاصة مصر ولكن تسمية الشارع بسبب ان تؤكد اسلاميتها واشتراكها

لمشكلات امتها الاسلام

سبحان الله
اذا كان الرسول رد على الناس اللى كانت تشكك فى رجل يرتاد المساجد بكثرة
فقالهم اشهدول ليه بالتقوي
لانه يفعل عمل صالح
اما النية دي اللى يحسبه عليها ربنا
لحد امتي هنقعد نشكك فى نوايا ايران؟
ايران معظم مواقفها تشرفنا احنا كمسلمين
احنا ليه بنخاف من اللى بيعمل حاجة صح و مش بنصدقه
هل لاننا اتعودنا على الغلط؟

أنا معاكي يا عبير اننا مش لازم نشك في نوايا ايران
لكن في دنيا السياسية كل حاجة وارده ، يعني هو كان مين يصدق ان ايران الجمهورية الاسلامية اللي بتحارب الاستكبار والاستعمار لاي بلد - علي حد مزاعم الثورة الاسلامية - انها هي اللي تساعد امريكا في احتلال العراق مقابل انها تطلق ايدها في الملف النووي الايراني !!!!!!
الكلام ده كلنا درسناه واعترف بيه آقاي خاتمي بنفسه في الفيلم الوثائقي اللي كنت عرضاه هنا
ومين يصدق انهم يشتروا اسلحه من اسرائيل وهما بردو اللي يعترفوا بكده !!!!!

عموماً اي اقدام تقوم به ايران يستحق التأمل والتأني والتفكير قبل التصديق
ولازم الشك لانه اول خطوة لبلوغ اليقين
انا مش بعتبرها عيب اني اشك في كل حاجه حوليا
لكن ده اسلوبي عشان اوصل لليقين في كل شئ وكل معلومة عندي
ايران فعلا لها مواقف يحترمها جداً اي مسلم
لكن اتمني ان كل مواقفها تكون باطنها هو ظاهرها ، متكونش بتخفي وراها اي اشياء اخري .
اي جمهورية اسلامية تطبق الاسلام بشكل صحيح هي جديرة بالاحترام علي ان يكون الاسلام اسلوب وليس شعار

اسراء
لازم نعترف دلوقت ان شعار الاسلام مبقاش الطريق للنجاح
لان للاسف الغرب لا يحترم الاسلام
و الشعوب تخاف من اسم الحكم الاسلامي
و الحكومات بتترعب من فكرة الحكم باسم الدين
يبقي انا لو واحدة شريرة و كل همي السلطة بأي تمن و لا يهمني الاسلام فى شئ
يبقي همشي مع الموجه اللى ماشية
و هكلم الناس عن الليبرالية و العلمانية و العالم المفتوح
مش هعادي الدنيا كلها و امسك فى شعارات ترجعني لورا
ان من رأيي إن ايران لو منفقة عمرها مهتتكلم باسم الدين
لانه حصان خاسر فى عصرنا المنيل ده