عمرو مصطفـى رئيســا للجمهوريــه !!!!

عمرو مصطفى يعتزم الترشح لانتخابات الرئاسة في مصر

قال الملحن والمغني المصري عمرو مصطفى إنه يعتزم تأسيس حزب سياسي، والترشح لانتخابات الرئاسة المقبلة في مصر.
وبرر مصطفى الذي خرج في المظاهرات المؤيدة للرئيس السابق حسني مبارك رغبته في خوض العمل السياسي، قائلا: يجب أن يكون لي دور في الحياة السياسية في الفترة المقبلة، رغبة مني في المشاركة في بناء مصر، وهذا حقي كمواطن مصري.
وحول رؤيته لمستقبل مصر؛ قال الملحن المصري لصحيفة "الجريدة" الكويتية الثلاثاء 8 مارس/آذار الجاري: إنه ما زال قلقا؛ لأن الرؤية لم تتضح بعد، وثمة مخاوف من طريقة تعامل الجيش مع الأمور الحالية، لا سيما إعادة بناء الاقتصاد المصري الذي انهار بفعل الأحداث، على حد قوله.
على الصعيد الغنائي؛ قال إنه ما زال يحتاج لوقت ليقرر ما إذا كان سيغني للثورة، وأوضح: بطبعي لا أقدم عملا إلا إذا كانت لديّ قناعة كاملة به ليصل إلى الجمهور، لذا أحتاج إلى مزيد من الوقت.
وفسر خروجه في مظاهرات تأييد للرئيس المصري السابق، قائلا: كمواطن مصري، خائف على بلدي ومستقبله؛ هتفت للرئيس عن حب واحترام له، وما زالت مكانته محفوظة في نفسي، وليس للتقرّب من السلطة، كما يزعم المعارضون لي، فأنا لا أعرف النفاق.
ونفى أن يكون الفنانون الذين خرجوا في تظاهرات لمبارك مدفوعين من النظام المخلوع، داعيا إلى احترم آراء الآخرين، خاصة وأنه ثمة اتفاق على إقامة دولة ديمقراطية، ركيزتها التعددية، والاختلاف في الرأي.
وأكد أنه لا يخشى على مصر من شباب الثورة، وإنما من الفتنة التي يحاول الغرب تصديرها إلى مصر، وأخشى أن تواجه مصر مصير العراق في ظل التهديدات الإسرائيلية على الحدود معها، على حد قوله.
وقال الملحن المصري: إنه ثوري حتى النخاع؛ إذ خاض على حد تعبيره ثورات في مجالين؛ سواء في تجربة إصدار الـ"ميني ألبوم" الذي يعتبر ثورة حقيقية في مجال الموسيقى، أو على جمعية المؤلفين والملحنين للمطالبة بالحقوق التي كانت مهدرة حتى وقت قريب.
وأوضح أنه تعامل مع الثورة في مصر "من منطلق احترام "الكبير" أي الرئيس مبارك؛ لأنه رجل خدم مصر طيلة حياته، وظل رئيسا لها 30 عاما".
وتابع أن البعض قد يتعجب من دفاعه عن نظام سقط، لكنه قال: إن هذه هي الحقيقة التي يتمسّك بها ويعلنها على الدوام. وقال: إن علينا أن ننتظر 10 سنوات لنرى نتائج الثورة في التعامل مع ملفات الرشوة والمحسوبية، وتحقيق العدالة الاجتماعية.


نو كومنــــت

المصــدر: http://www.d1g.com/forum/show/4232980

شكرا ليكى قط على نقلك لهذا التصريح ..وانا نفسى بجد والله اقول للفنان عمرو مصطفى كلمة واحدة"لا ياراجل" واقول ان رئيس الدولة لابد ان يتميز بالقدرة على التجميع والتوحيد وليس التفريق او تلبيس الباطل زى الحق ..بس بردوا" لا ياراجل"

meran fahmy كتب:

شكرا ليكى قط على نقلك لهذا التصريح ..وانا نفسى بجد والله اقول للفنان عمرو مصطفى كلمة واحدة"لا ياراجل" واقول ان رئيس الدولة لابد ان يتميز بالقدرة على التجميع والتوحيد وليس التفريق او تلبيس الباطل زى الحق ..بس بردوا" لا ياراجل"

لا ياحبيبتى قولى اللى انتى عوزاه انا عن نفسى قلت أكتر من كده، ده واحد بجد ميصلحش لاى حاجه فى الدنيا غير للفن وبس لا ليه فى سياسه ولا عنده خبرة فى حل المشاكل اللى اكيد هتقابله فى مشواره اللى هو داخل عليه ده انا من كتر الاخبار اللى كترت فى الموضوع ده بجد هتجنن وخايفه ليرشحوا نفسهم فعلا وناس معندهمش عقل ينتخبوهم ... ربنا يستر والله

ميرسى على مرورك

الـفــن اخــــــــــــلاق كتب:

ههههههههههه
ايه النكت اللى عمالين يوزعوها ديه جماعة
كما ن شعبولا هيرشح نفسه

اولا انا مش مقتنعة بعمرو مصطفى كفنان لان الفن بالنسبالى حاجة تانية غير اللى بيقدموها
عشان اقتنع بيه كسياسى لا وايه رئيس جمهوريتنا كمان

اه صحيح من حق كل مواطن انه يرشح نفسه, لكن كمان من حقنا احنا كشعب نلاقى مرشحين ينفعوا يكونوا مرشحين و رؤساء كمان
مش يكونوا واجهة قناة كليبات واغانى

اسكتى يانور بالله عليكى ده ولا حتى ينفع واجهة قناه كليبات، انا عن نفسى لو بتفرج على مزيكا ولقيته فى حوار ولا حاجه وقاعد كده قدام الشاشه وبيتكلم والله هغير القناه

بصراحه يعنى انا بحب ليه حوالى 3 اغانى كده وشكراا ولما اجى اسمعهم بيبقوا mp3 مش فى التليفزيون او يوتيوب، وبصراحه بقى انا هموووووت واعرف الفكرة دى جتله منين ده لازم على الاقل يكونوا الناس قابلينه ، لكن ده مفيش خالص والله انا كل ما اقول لحد على الخبر ده يفضل يضحك زى ما عملتى انتى كده يانور ومحدش مصدق
ربنا يستر لما نشوف مين تانى جاى بعده

وعلى فكرة والله انا مش معترضه على شكله مش قصدى ابداا والله بس اقصد انه مش هينفع بكل المقاييس، ده لا هو سياسى ولا يفهم فى السياسه ولا حتى كان له موقف من الثورة ولا من رحيل مبارك يبقى ازاى عاوز يمسك مكانه وهو مبيعرفش يعمل حاجه غير انه يغنى ويلحن وبسسسسس