قذف عمرو دياب بالطوب في دبي!!!!

20/05/2010 12:34:23 م
موقف صعب تعرض له عمرو دياب أثناء تواجده في دبي لاحياء حفل هناك،‮ ‬حيث ترددت أخبار عن قذف احد الجماهير له بطوبة اعتراضا علي تأخره لأكثر من أربع ساعات عن موعد بدء الحفل‮.‬
وكان عمرو قد تعرض لحادث مروري أدي إلي هذا التأخير،‮ ‬وألقت الصحافة الاماراتية باللوم علي التنظيم الذي وصفته بالعشوائي في الوقت الذي نفي فيه دياب ايضا علي لسان مدير أعماله تعرضه لحادث و تساءل كيف يحدث ذلك وقد ظهر دياب في كامل لياقته الفنية والصحية خلال الحفل بدليل أدائه لأبرز أغانيه واستمراره حتي الواحدة والنصف فجرا دون تعب أو ملل‮.. ‬وانتشرت أخبار الحفل عبر المواقع والمنتديات الالكترونية متضمنة تفاصيل عديدة بعضها قام دياب بنفيها وأخري لم يعلق عليها‮.‬
وأكد البعض ان عمرو طلب من المتعهد عدم تواجد الاعلاميين والصحفيين خلف الكواليس لانه لا يريد التصوير او اجراء اي مقابلة صحفية وان الجمهور تململ لتأخر دياب واخذ ينادي‮ »‬عايزين عمرو كفاية‮.. ‬كفاية‮.. ‬عايزين عمرو‮«.. ‬وهتف الجمهور مطالبا منظمي الحفل‮ ‬بالافصاح عن السبب وراء تأخر دياب‮.‬
المصدر:http://www.akhbarelyom.org.eg/nogoom/issues/920/detailze6d9f.html?field=news&id=575&num=%C7%E1%D1%C6%ED%D3%ED%C9

مينفعش يا عمرو ولو مكنش الحادث سبب التأخير يبقى عدم ألتزام منك
ومع كل أحترامى وتقديري للهضبة وجمهوره فى خبر نزل ع الفيس بجد أخر نكته !!
قال ايه أن عمرو هو اللى خد جائزة أسطورة القرن مش تامر وكمان مزورين الخطاب الرسمي اللى جه لتامر وكاتبين اسم عمرو دياب بدل منه ههههههههه بجد دى عيب اووووى فى حق الهضبة وجمهوره أنهم يحقدوا على تامر وده أكبر دليل على التفوق والتطور الساحق لأسطورة القرن تامر حسني مع الفرق فى الأجيال ومينفعش أنهم يتقارنوا ببعض ده واحد بيغنى بقالو 25 سنة والتانى لسه مبقالوش 8 سنين وبجد أنجاز كبير يحسب لتامر أنه قدر يعمل كل الشهرة والتألق ده فى المده دى بس !!

هههههههههههههههههههههههههههههههه

ضحكتنى والله يا مصطفى

ربنا يخليلكوا تموووورة

هههههههههه ويخليك يا عم طارق وأكيد وجهة فنية مشرفة لمصر ورافع أسمها فى العالم فى أى تكريم بياخده

ازاى يعنى يامصطفى معروف أصلا ان عمرو (مطرب) مش مغنى وانه كمان حد ميختلفش عليه اتنين وليه تاريخ عظيم واصلا هو مش محتاج انه ياخد لقب الاسطورة لأنه هو اسطورة بأغانيه وتاريخه وكفايه كلمات اغانيه اللى بيختارها بدقه شديده جدا بدليل انه ليه معجبين ومعجبات من جيل السبعينات يعنى جمهوره مش مقتصر على الشباب وبس وعمره الفنى بجد طويل جدااااا وان شاء الله يكمل معاه ومش محتاج ان حد يقيمه ومفيهاش حاجه يعنى لو إتأخر شويه وبجد هى قله ذوق من اللى عمل كده

هههههههههههههههه وجهة نظر بردو يا نور وبعدين يا ستى كل واحد ليه سقطات وذلات مفيهاش حاجه يعنى وبعدين ده كاتب إسم ابنه يعنى مش حد غريب هههههههههههههههههههههه
وميرسى جداا يا نوراه على مرورك اللى بيبسطنى جداا بجد

مرسي يا انوس عالخبر
بس ايه اللى دخل تامر حسنى فالموضوع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
معرفش ليه الناس ديما بتربطهم ببعض ديما ده حاجه وده حاجه تانية وانا عن نفسي بسمع للاتنين وبحبهم الاتنين

ميرسى ليكى انتى يا ملوكتى وبعدين مين جاب سيرة تامر أصلا انا مقولتش تامر انا بقول عمرو
وعلى فكرة انا كمان زيك بحب أسمع لعمرو وتامر الاتنين زى بعض بس عمرو أكتر شويه

اللى حاولوا يقارنوهم ببعض محبين عمرو ع الفيس لما قالوا ان عمرو اخد جائزة اسطورة القرن اللى خدها تامر اصلا
واللى يقارن تامر بعمرو يبقى مبيفهمش لأن ده واحد بقالو 25 سنه بيغنى وتامر لسه طالع من 8 سنين ده حاجه وده حاجه تانية خالص ولكل واحد ميزته اللى اللى بتخليه متميز فى حاجه زى اختيار عمرو للأغانى واحساسه وخبرته اللى مخياه التوب زى منير واصاله واليسا اما تامر بتأليفه وكلماته والحانه واحساسه وتمثيله واخيرا اخراجه فعلا بيثبت انه شخصية فريده فى مصر والوطن العربي وكفابه انه مشرفنا واول عربى يعمل اعلان نظارات بوليس وع فكره انا بعشق اغانى لعمرو قديمه ومع احترامى وتقديرى للجميع

اه فعلا معاك حق مينفعش نقارن بين عمرو وتامر لان كل واحد فيهم ليهم مميزاته وعيوبه وليه أسلوبه وشخصيته ومينفعش كمان نخلط بينهم بس ممكن جداا نقول ان عمرو مطرب بقاله 25 سنه بيغنى وليه معجبين من مختلف الاجيال وميختلفش عليه اتنين وكمان أخد الميوزك أوورد 3 مرات تقريبا أما بقى تامر فنان شامل بيغنى وبيألف ويلحن وينتج ويخرج بسم الله ما شاء الله موهوب وليه مستقبل وتاريخ فنى بس نقطه الاختلاف هنا على انه ازاى يعملوا كده فى مطرب جاااااااااااااامد جدا زى عمرو
واللى انا نفسى أعرف بجد مين اللى فتح باب المقارنه بين الاتنين؟؟!!
ميرسى يا جماعه بجد كلكوا نورتونى جدااااااا