حاسب منها

موضوع: حاسب منها السبت يوليو 24, 2010 11:18 pm

حاسب منها يا قلبى
اوعى تروح
خايف تعشق ترجع تبكى
تبات مجروح

حاسب منها
اوعى تسلم نفسك ليها
اوعى تخاف او تجرى عليها
اوعى تصدق كدب عيونها

حاسب منها
راح تسهر على طول لياليها
وبنار شوق تفضل تناديها
تعشق تغرق تبقى اسيرها

حاسب منها
هيا صحيح زى الأحلام
بس انا خايف من الأيام
تغدر بيك وتعيش أوهام
تندم إنك يوم حبتها
حاسب منها

----*----*----

حاسب منها
ياما كتير خدعت عشاق
أصلها بحر من الأشواق

موجة محبة بشوق حنيه
وموجة غدر وموجة قسيه
حاسب منها دى موجة شقية
وأسهل حاجة تقول يا فراق

----*----*----

حاسب منها
حاسب كدب عنيها السود
اوعى تصدق منها وعود

توعد تخلف فى المواعيد
مهما تقرب منها بعيد
راح تنساك وتحب جديد
غدر عنيها ماله حدود

----*----*----

حاسب منها
نبع حنانها وهم سراب
ليل أحلامها ليل كداب

سهل يا قلبى تلعب بيك
سهل تخون وتبيع لياليك
راح تهجر وتسيب لعينيك
دمع وسهد وآه وعذاب

----*----*----

حاسب منها
كل كلامها دايما كدب
دى متعرفش طعم الحب

لما تلاقى إنك صدقت
لما تحس إن انت ضعفت
تلعب بيك وتضيع وقت
اسهل لعبة فى إيدها الحب

----*----*----

حاسب منها
جنة حبها دايما نار
سجن عنيها بدون اسوار

اوعى تصدق منها كلام
تغدر بيك وهتنسى قوام
نجمة وهم فى ليل احلام

موضوع: رد: حاسب منها السبت يوليو 24, 2010 11:49 pm

حلوه اووووووى يا ساسووووووو تسلم إيدك

موضوع: رد: حاسب منها الأحد يوليو 25, 2010 12:06 am

ميرسي يا مصطفي

ربنا يخليك

يارب تكون عجبتك

موضوع: رد: حاسب منها الأحد يوليو 25, 2010 7:24 am

حلوه اوى يا عمونا بس بتاعتك ولا ايه عاوز اقرأ ليكى حاجه بقى

» مواقف تعترينا في هذه الحياة فلنأخذ منها عبراً !