انت واحد منهم

السلام عليكم ورحمة الله وبركاته

هل تشعر بأنك تائه بداخل نفسك ؟

هل تشعر بأنك تتغير ولكن الى الأسوأ وتحن الى شخصيتك القديمة ؟

هل تشعر بانك متذبذب بين اكتر من شخصية مرة تحس انك طيب ومرة منافق وكداب علشان تجارى الدنيا ؟

حاسس ان كل حاجة بتضيع منك ؟

يبقى متضيعش نفسك زيادة اقف عند الوضع ده ومتقولش صعب ارجع تانى
وهقولك تعمل ايه
عن تجربة ناس كتير مجرباها ونجحت معاها

1- دينك اهم حاجة سواء كنت مسلم او مسيحى ،لان تم اثبات ان الانسان القريب من دينه انجح بكتير من اى شخصية تانى ،وده لانه بيديلك دفعة معنوية كبيرة فى حياتك كلها
يعنى لو انت مسلم حاول تحافظ على صلاتك فى الجامع وحاول تقرب من القران وتدعى ربنا قبل ما تنام ،وتحاول تدى لدينك تركيز شوية وصدقنى مش هتندم

2- الدراسة قبل ما تبدأ تذاكر حب دراستك ،قبل ما تنام اقعد فكر فى المستقبل واربط دراستك بيه ،هتلاقيها مهمة جدا وهتحبها وهتصحى تروح جامعتك او مدرستك بكل همة ونشاط باذن الله

3- ادى لنفسك ولو ساعتين يوميا لممارسة الرياضة ولو حتى الجرى على سبيل المثال ،وده بينشط المخ والذاكرة وبيجرى الدم فى جسمك وبيديك تركيز عالى

4- خلى دايما مستقبلك قدام عينيك وقول دايما باذن الله هثبت ذاتى

5- حاول انك تخلى ولو يوم فى الاسبوع اجازة من الدراسة تعمل فيه حاجة مختلفة تكسر بيها ملل اسبوعك الدراسى

باذن الله بالطريقة دى تبقى استفدت من فراغك وقتلت الوقت اللى ممكن يضرك وطوعته لخدمتك
وتلاقى نفسك الشخصية اللى انت بتتمناها مش الشخصية اللى ممكن تقتلك

منقووووووووووووووووووووووووووووول ويارب يكون مفيد

http://www.daralansar.com/

حلو أوووووى بجد نايس توبيك يا نور