ما أصعب الحب من طرف واحد

ليتنى اجد كلاما اقوله فى هذا الموضوع فقد عجز قلمى عن كتابه اى شيئ فما اصعب التحدث فى هذا الموضوع :

إنه ( الحب ) ولكن من طرف واحد !!

فلان يحب فلانة ... وهي لا تعلم ( والعكس صحيح )

فلان يحب فلانة ... وهي تعلم ذلك ولكن لا تحبه أو لا تبادله نفس الشعور ( والعكس صحيح )


فمن مر بهذه التجربة سوف يحس بما أكتبه في هذا الموضوع ، ولكننا من هنا نريد أن نبحث عن أرائكم حول هذه القضية !!

فهل من الأفضل أن تحب شخصا لا يحبك ، وأنت تحبه ؟؟ أم العكس !!؟؟

وليعلم الجميع أن هذا النوع من الحب قد يخلق عاشقين متيمين ، بل إنه قد يخلق مجانين وأساطير في عالم الحب .... ولكن ألا تسألون أنفسكم بمدى العذاب الذي مروا به كل أولئك الذين عانوا من الحب من طرف واحد !!؟؟


فلو تكلمت فرضا عن حالة شخص ... وقلت لكم أنه يحب بجنون ، ولكن حبه من طرف واحد !!

فربما تقولون لي ... ليحاول أن يحب إنسانة أخرى ؟؟؟

والجواب سيكون مستحيل ، لأنه يحب بجنون

وربما تقولون لي ... لن تقف الدنيا عند تلك الفتاة ؟؟؟

والجواب سيكون مستحيل ، ستقف الدنيا هذه المرة لأن تلك الفتاة هي حياته ودنيته


يا ترى كيف سيكون ردكم على مثل هذه الحالات ؟؟؟

وسؤالي الأخير ... وهو السؤال الرئيسي لهذا الموضوع

يقول سؤالي : لو علمت أن هنالك شخص يحبك بجنون ، ولولاك سيكون الموت مصيره ، وذلك لعظم حبه !!! فكيف سيكون تعاملك مع هذا الموقف ؟؟؟

ميرسى يا انوووووس يا سلام على الجمدنة
انا مش هعمل حاجة هو اللى هيعمل يجى يتقدم ومايخفش ماهصدج هلاجى عريس يا بوى
دا لو فعلا حب بجد واراد ان الحب ده يبقى مصيره فى دنيته
انا فعلا مش هقدر اعمل حاجة حيائى يمنعنى وماضمنش عقليته فى انه يحكم على السلوكى ويقول عنى ان عندى كل حاجة عادى

سؤال محتاج اجابة من حد عنده خبرة
شكرا يا انووووس

موضوع جميل جداً يا إيناس بجد تسلم أفكارك
والحب من طرف واحد ده شئ من أصعب ما يمكن بجد لأنك ممكن تتخيل أن الأنسان اللى بتحبه صورته مش بتفارق خيالك وكمان أحلام اليقظة والكلام ده يعنى بس مش لدرجة أن حياته تقف عند الأنسانه دى
أما بخصوص سؤالك يا أنوووس فأنا عن نفسي وقعت فى التجربة دى قبل كده والحمد لله مش وصلت للموت ولا حاجه لأنى خدت الأمور بالعقل شوية وحاولت أفهمها أننا فريندس وبردك بعقل بحسسها أنى بحبها وبخاف عليها بس زى أختى وهى مش زعلت وتقبلت الموقف ولسه صحاب لحد ناو !

ميرسى يا نورا على مرورك ورأيك بجد عاقل جدا وحلو جداااا وطمنتينى عليكى
وانت يا مصطفى ميرسى ليك والحمدلله انه محصلش حاجه وميرسى جدا على صراحتك ومتستعجلش اوى كده ان شاء الله تدخل محكمه ملك وتعترف هههههههههههه ميرسى على مرورك

فعلا الموضوع دا صعب اوى

بس عارفة الاصعب ايه

ان يكون الحب من طرف واحد وان يكون اللى بيحب بيتمنى يقرب للشخص دا وتشاء الظروف انهم يقربوا من بعض على شكل صداقة

ويرضى الطرف اللى بيحب بالوضع دا على امل التحسن والوصول لحلمه

وتحصل ارخم حاجة ممكن تحصل ان حتى علاقة الصداقة متكملش ويصحى الطرف الغلبان دا يعينى وكل احلامه واماله وامنياته طارت فى الهوا

مش الكلام دا اصعب من الحب من طرف واحد بلا امل ... ولا ايه ؟

على فكرة يا طارق انت وايناس
بجد تعبتونا نفسيا اوى فى الموضوع ده
انا عن نفسى لسة مجربتش حاجة بس بجد هتعيطونى
وانت معاك حق ده الصعب اوى
زى العطشان اللى شايف الميه ومش قادر يشرب

اولا انتى فهمتى قصدى بس مش اوى

انا مش قصدى ان يبقى فيه بينهم صداقة لأ انا قصدى انهم يبقوا اصدقاء وعلاقة الصداقة متكملش كمان

دا اللى اقصد انه صعب انه رضى بعلاقة الصداقة وكمان متهناش بيها ومبقوش اصدقاء يعنى رضى بالهم والهم مرضيش بيه

جا انا متهيأتلى انه صعب لانه بيبقى عامل زى الغرقان اللى لقى الاقشاية اللى يتعلق بيها وبعد الامل تتقطع القشاية

مش كان من الاحسن انه يعيش منغير الامل ولا ايه

ثانيا بقى سيبك من كل دا

انتى جبتى المفيد فى الاخر

بجد اللى انتى قولتى عليه هو دا اصعب حاجة انه يكون فى حب والطرف التانى مع حد تانى بيحبه وانت شايفه

لا بجد انتى عندك حق جدا جدا

وفينك يا نور تيجى تكملى معانا قصيدة الصعب والاصعب وتفرفشى شوية بالتوبيك المتفائل دا ههههههههههههههه

بس بجد توبيك فالجون يا انوووس ودا مش جديد عليكى ومش محتاج انى اقوله يعنى

ميرسى ياطارق وكويس الحمدلله انى فهمت انت عاوز ايه والا بعد كل الرغى ده يبقى شكلى وحش اوى انى فهمت حاجه غلط وبرغى فيه كمان هههههههههه
طيب انا اشفقت عليهم ياطارق وقلت انهم ممكن يكونوا اصحاب انت كمان بتقول لأ حتى قطعت الامل اللى فاضل اللى هو ممكن يكون عايش بيه ونسفت له القشايه اللى طول عمره بيحلم بيها!!!!
كده احنا خلاص قضينا عليه وكسرنا قلبه.. بس تفتكر فى ناس كده فعلا؟؟؟؟
بصراحه انا لو مكانه (بعيد الشر عنكم وعنى) ممكن بجد يحصلى حاجه او اموت اصلا لان ده بيبقى حلم بيفضل طول عمره يحلم بيه ومش عاوز يفوق منه, تخيل بقى لو فاق منه على كابووووووس ده ممكن ينعزل عن الحياه تماما ويتصدم الصدمه اللى بيقولوا عليها صدمه العمر دى بعيد الشر عنك وعننا كلنا (فينك يانور ههههههههه)
احنا بقينا شريرين كده ليه؟؟
انسى ياطارق الموضوع ليعمل فينا حاجه اكتر من كده ههههههههه ده من ساعه ما اقترحت الفكرة مفيش غيرنا انت ونور وانا بنتكلم فيه انت وانا بنتناقش ونور بتعترض ههههههههههههههه
بجد والله نورتنى جداا ياطارق وربنا يكملك بعقلك يارب
ونور ان شاء الله تجربى وعرفى وتكتسبى خبره بس بطلى الاسئله اللى ملهاش اجابه دى هههههههه ونورتينى