عبرى ساعدونى ارجوكم

شباب انا قررت اتعلم عبرى دلوقتى

انا كنت ناوية اتعلمه بعد ما اخلص جامعة...بس بجد الفضول والحماس هيقتلونى
انا عايزة ادخل فى عقل الناس ديه مش بس اقرأ ترجمتنا ليهم
انا عايزة اعرف ترجمتهم لينا
ومن عرف لغة قوم آمن مكرهم
انا مش هستنا لحد ماخلص دراستى الجامعية ...انا هخدها واحدة واحدة كدة
واشوف لما اخلص جامعة انا وصلت فى اللغة ديه لفين
انا عايزاكم تساعدونى بليز...لو مش هعطلكم
عايزة اعرف مخارج الحروف كيفية الكتابة والنطق و انماط الكتابة
وانا بدخل على برنامج الترجمة لجوجل بستفاد منه برضوا
بس ده برنامج ترجمة مش تعلم لغة
وانا بحاول استفاد من المواقع اللى احمد كان بيقول عليها
شباب ارجوكم وبالله عليكم اقفوا جنبى ما تحبطونيش

اه نسيت حاجة
انا عايزة اعرف ظروف المحاضرات والدكاترة عندكم
يعنى لو حضرت معاكوا عشان استفاد اكتر ممكن اتفش ولا ايه
وكمان لغة عبرية كانت كام محاضرة فى الاسبوع الترم اللى فات
انا عارفة انكو سنة تانية بس لو حضرت اقدر اطلع ولو بجملة واحدة ولا مش هفهم حاجة
لان سنة اولى واقعة منى

أنا معاكى يا نور وتحت أمرك فى أى حاجه بس سنة أولى فعلاً مهمة جداااااااااا بس متقلقيش لو عاوزة تعرفى أى حاجه أنا ممكن أعلمك قواعد النطق والحروف وطريقة الكتابة كمان وأحنا كان عندنا 3 مواد عبرى الترم اللى فات يعنى كتييييير المحاضرات والكلمات ولكن لو واخداها جد أنا معاكى من الصفر لحد البروفيشنال ومتقلقيش من العبرى هو صعب بس عاوز مخ نظيف زى أى لغة أهم حاجتين السينس والكلمات .. منتظر ردك

انا معاكى يانور انا صحيح اتخصصت فارسي بس لسه فاككر ة العبرى وكنت بحضر قليييييييل جدا السنة دى عبرى مع اصحابى فى 2 بس اهم حاجه لازم تعريفها اول حاجه الحروف

ربنا يخليك يا مصطفى يبارك فيك يارب
انا فعلا والله واخدة الموضوع جد بس مشكلتى انى الترم ده عندى تمن مواد
مش المهم ساعة كل يوم عبرى مش هتأثر
وفعلا كلامك ماحسسنى انى فاتنى كتير اوى اوى اوى
ميرسى بجد جدا يا مصطفى
بس ماتخفش انا مش استغلالية لدرجة بروفيسينال يعنى
بالنسبة للمخ هو موجود ....والتراب اللى عليه نبقى نشوف هنعمل فيه ايه بعدين
بس بجد لو عرفت شوية قواعد للعبرى اقدر احضر معاكوا
والدكاترة ممكن تقفشنى ولا مش بيدققوا

حقيقى مش عارفة اقولك ايه يامصطفى
وانا مستعدة دلوقتى اتعلم عبرى
عبرى ساعدونى ارجوكم Image

يارب مايحرمنى منك ابدا
انا فرحانة بجد انى لاقيت تشجيع واستجابة منكوا
لانى بجد هموت واتعلم اللغة العبرية
ايوة ياملك ربنا يخليكى خليكى معايا
وانا معاكوا فى كل اللى هتقولولى عليه
بس واحدة واحدة عليا عشان عندى تمن مواد

ومش عارفة اقولك ايه بجد ياملوكة على مساعدتك ليا رغم انك مش عبرى عندك استعداد تساعدينى
ربنا يخليكى ليا
ويجازيكوا عنى كل خير ويجعلها فى ميزان حساناتكم

عبرى ساعدونى ارجوكم Image

اليكى الدرس الاول
א الف أ

ב بت (الباء بمد مكسور قليلا) ب

ג جيمل (حرف الجيم تلفظ كالجيم المصرية) ج

ד تالت د

ה هي ( حرف الهاء بمد مكسور قليلا) ه ( هاء)

ו فاف vav لا يوجد ما يقابله بالعربي

ז زاين ز

ח حت (حرف الحاء بمد مكسور قليلا) ح

ט تيت (حرف التاء بمد مكسور) أو طيط (حرف الطاء بمد مكسور قليلا)

י يود ي

כ كاف واحيانًا خاف ك واحيانًا خ

ל لامد ل

מ ميم م

נ نون ن

ס سامخ س

ע عاين ع

פ في (الفاء بمد مكسور قليلا) ف

צ تسادك لا يوجد مقابل لها بالعربي

ק كُوف ك

ר رش ( حرف الراء بمد مكسور قليلا)

ש شين إذا كانت نقطة نوق الحرف على اليمين، وسين إذا كانت نقطة فوق الحرف على الشمال. ش واحيانا س

ת تاف ت

الحروف الموجودة ضمن الحروف السابقة ولكنها تكتب آخر الكلمة فقط ها هي:

ך خاف سوفيت، يلفظ خ آخر الكلمة

ם ميم سوفيت، يلفظ م آخر الكلمة

ן نون سوفيت، يلفظ نون آخر الكلمة

ף في سوفيت، يلفظ ف آخر الكلمة

ץ تسادك سوفت

دى الحروف المطبعية
عبرى ساعدونى ارجوكم 1210622590untitled

ودى الحروف العبرى الحديث الحروف اليدوية
عبرى ساعدونى ارجوكم Jpg2pf3

بس يستحسن تعرفى الاول الحروف المطبعية

ميرسى يا ملك يا روح فلبى وانا هحفظهم انهاردة او بكرة بكتير ان شاء الله
متشكرة جدا يا روح قلبى

عبرى ساعدونى ارجوكم Af8752ebba

وانا برده تحت امرك يا نور فى اى حاجه تسالى فيها
انا شوفت ملك نزلتلك الحروف بعد ما تحفظيها
نتكلم شويه على القواعد وان شاء الله تحبيه اما المحاضرات
فملك نزلت الجدول شوفى عايزه تحضرى ايه عندنا
فى سامى وربنا معاكى

ميرسى اوى يا حياتى
وانا انهاردة هحفظهم
هتعبكم معايا ...بجد متشكرة جدا

عبرى ساعدونى ارجوكم 486370_l

[b]خيركم من تعلم العلم وعلمه
أنسة نور
مساء الخير
لو فعلا عايزة تتعلمي العبري انا علي استعداد تام لمساعدتك بالشكل اللي تفضليه
وهكون سعيد جدا لو ربنا وفقني ان اقدر اعلم ما تعلمته[/b][center]

ميرسى جدا لحضرتك الله يكرمك
وانا اللى هكون سعيدة وهتشرف بمساعدة حضرتك
واسفة جدا لو هتعب حضرتك

عبرى ساعدونى ارجوكم 7503042601200896840

وانا معاكى يانورا انا اينعم فارسى بس ميمنعش انى طبعا اساعدك مادمت انا قادرة اساعدك وان شاء الله تتعلمى بسرعه وتبقى شاطرة فيه كمان cheers

وبعدين انتى معاكى اساتذه فى العبرى هنا وانا طبعا مش زيهم اوى بس برده ادينى حاولت

ميرسى يا انوستى يا حبيبتى وطبعا هتكونى استاذتى
وميرسى جدا لكل الاساتذة اللى بيساعدونى
ومن علمنى حرفا اخلصت له ودا
وانا مستنية بقى تغرقونى عبرى

بصى يانورا انا بجد عملت سيرش كتير جداااااااا لحد ما لقيت الموقع ده وهو فعلا ممكن يساعدك وانا برده معاكى لو لسه مش فاهمه حاجه ادور لك عليها تانى وتالت ومليون لحد ما تبقى تمام ودى بس البدايه

http://www.bdr130.net/vb/t454312.html

وانا تحت امرك فى اى وقت يانوارتى

ربنا يخليكى يا ايناس يا حبيبة قلبى
وانا ان شاء الله هرفع راسكم لفوق
واسفة اوى يا جميل على تعبك معايا
عبرى ساعدونى ارجوكم 4869

ياحبيبتى مفيش تعب ولا حاجه انتى بس اؤمرى وبعدين المهم تكونى استفادتى يارب ان شاء الله

» ادخلوا ساعدوني ارجوكم....
» ممكن فارسى ممكن عبرى
» بليز ساعدونى
» مين هيدخل عبرى ؟؟؟؟
» عبرى ما قبل الصفر