محكمة الحب

موضوع: رد: محكمة الحب الجمعة فبراير 12, 2010 2:30 pm

الان حان وقت محاكمه المتهم المدعى مصطفى
محكمة
كلوا يتفضل بالجلوس معادا المتهم مصطفى يفضل واقف فى القفص
بس بس احنا هنا فى المحكمة محدش يضحك على مصطفى ده زى اخوكوا برده
هااا محكمة
حكمت المحكمة حضوريا ببراءة المتهم مصطفى روميو ولكن بدفع كفالة قدرها
1_الاجابة على 20 سؤال وهما
1_متى تشعر بالضعف امام من تحب ؟ وكبف تتصرف وقتها ؟
2_ماهو الحب من وجهه نظرك؟
3_هل تتمنى ان تعيش قصة حب ؟
4_هل من الممكن ان تعيش الحب مع اتنين ؟
5_عيب شايفه فى نفسم من جه الحب؟
6_ميزة شايفها فى نفسك من جه الحب؟
7_متى تكره الحب ؟
8_لو بتحب وك مش موافقين عن حبك ده هل تتخلى عن حبيبتك او سوف تتمسك بها ؟ وكيف سوف تفعل ذلك فى كلتا االحالتين؟
9_لو حبيت واحده اكبر منك سننا هتعمل ايه؟
10_لو حبك من طرف واحد هتتصرف ازاى؟
11_لو صاحبك بيحب نفس البنت اللى انت بتحبها هتعمل ايه؟؟
12_لو اكتشفت خيانة حبيبتك ليك هتعمل ايه؟؟
13_ما مدى تسامحك فى الحب؟
14_لو تقدمت لخطبة حبيبتك واهلها موفقوش هتعمل ايه؟
15_ولو حبيبتك اتخطبت هتعمل ايه؟
16_ما هى مواصفات فتاة احلامك؟
17_ليك النظر فى عين من تحب؟
18_ايه الحاجه اللى ممكن تصدر من من تحب ومتقدرش تسامح فيها ابدا لدرجه انك تضحى بحبك بسببها؟
19_اذا اردت ان تبكى الان فعلى من تبكى؟
20_لو خيروك بين اعز صديق وبين حبيبتك من ستختار؟

بعد كده
دفع كفالة اخرى قدرها 20 صورة رومانسية

ودفع كفالة اخرى قدرها 5 قصايد رومانسية

وايضا فيلم عربى رومانسى واخر اجنبى وياريت يكون تيتانك

كفاية عليك كده

رفعت الجلسة

محكمة

موضوع: رد: محكمة الحب السبت فبراير 13, 2010 6:04 am

محدش يضحك على مصطفى......حرام عليكى يا ملك دانا موت على نفسى من الضحك
سورى يا مصطفى اصل العقوبة حلوة اوى
واجابة السؤال الرابع اجابة محترمة وجميلة جدا وانت عندك حق اوى
فى الكلمتين دول
لواى حد يحط نفسه فى الموقف ده .. مش هيبقى في بنت واحدة مش محترمة ولا تحرش ولا حاجه وحشه فى البنات وبعدين لما يجى يتجوز يشك فى مراته مهو من اللى بيعمله

محكمة الحب - صفحة 2 28349

موضوع: رد: محكمة الحب السبت فبراير 13, 2010 6:11 am

اى خدمة يانور رمش حرماكوا من حاجه اهو farao

موضوع: رد: محكمة الحب السبت فبراير 13, 2010 6:29 am

ده ظلم وربنا أنا بريييييييييييييييئ lol!

ايه الأسئلة دى بقى يا ست ملك .. ده تعجيز !! الأسئلة دى من بره المنهج afro

طب أنا أنا طول عمرى عارف أن القضاء المصرى نزييييييه ولكن أمرى لله هجاوب بس فى الأستئناف Razz

موضوع: رد: محكمة الحب السبت فبراير 13, 2010 6:31 am

ههههههههههههههههههههههههه جااااوب احسلك بدل ما ازود الاحكام

موضوع: الكفالة الثلاثاء فبراير 16, 2010 9:17 am

حكمت المحكمة حضوريا ببراءة المتهم مصطفى روميو ولكن بدفع كفالة قدرها
1_الاجابة على 20 سؤال وهما
وربنا أنا برئ بس هدفع الكفالة لأنى عارف أن القضاة اللى زى ملك بيسترزقوا منى ويلا صدقة على روح جوليت

1_متى تشعر بالضعف امام من تحب ؟ وكبف تتصرف وقتها ؟
لو الحب ضعف مكنش ولا رااااااجل حب الحب كرامة وقوة بلاحدود إذا كان هناك تواصل بين المحبين

2_ماهو الحب من وجهه نظرك؟
الحب أجمل وأروع إحساس فى الدنيا
وأحب أزود سؤال كنت متوقعه يلا مجتش على السؤال ده أعتبرى جاى مع العفش يا ملك قصدى مع الكفاله
وهو ما هى أساسيات الحب ؟؟
الحب إحساس & احترام & تضحية & تفاهم & توافق & أشتياق & التسامح & الحنية & العطاء & الأهتمام & الأحتواء & الشوق & الأعجاب & الأقتناع & الذكاء & المرونة & الثقة & الرومانسية & الصدق & الصراحه & الحب بمعنى الكلمة من الطرفين وبنفس القيم السابقة ينجح أى علاقة حب فى الدنيا ...

3_هل تتمنى ان تعيش قصة حب ؟
أتمنى أووووووووى أن أعيش قصة حب ولكن مع الأنسانة اللى تستاهل روميو وتقدرنى وتعرف هى بتكلم مين وأن لا يكون بيننا حدود فى الحب ليصل إلى العشق والجنون كقصص المشاهير ونعيش مع بعض طول العمر فى جنة الحب والأحلام

4_هل من الممكن ان تعيش الحب مع اتنين ؟
لأ طبعاً .. لأنى ليا قلب واحد يحس وفم واحد ليتحدث بلغة الرومانسية وعقل واحد ليفكر ويحلم بجوليت واحدة وهى لم تأتى أن لم تكن ماتت ومحدش يقولى ازاى ...

5_عيب شايفه فى نفسم من جه الحب؟
أنى رومانسي زيادة عن اللزوم وبغير على اللى بحبها جدا وممكن ممكن أتعلق بحد بسرعة لأنى بستخدمى القلب دون العقل وده غلط أكيد وانا عارف بس الحب مش بيختار بالعقل الحب بيجي فى ثانية وبيتحس بالقلب

6_ميزة شايفها فى نفسك من جه الحب؟
أنى رومانسي برضك لأن دى زى السيف ذو حدين وأنى بحب حب بجد وعارف قيمته كويس ويوم ما هرتبط أن شاء الله ينتهى الأرتباط الإيجابى بالزواج

7_متى تكره الحب ؟
عندما تنجرح من إنسان حبيته تكره حبه وسيرته واللى أديته

8_لو بتحب وك مش موافقين عن حبك ده هل تتخلى عن حبيبتك او سوف تتمسك بها ؟ وكيف سوف تفعل ذلك فى كلتا االحالتين؟
مع أنى مش عارف مين اللى مش موافقين بس عموماً أنا اللى هحب وهتجوز مش هما ولازم أتمسك بيها حتى أخر لحظة

9_لو حبيت واحده اكبر منك سننا هتعمل ايه؟
عادى ممكن تحصل بس مش فرق أكتر من سنتين ويكون عقلها متوافق مع عقلى مش أقل ولا أكبر بس معتقدش أنى ممكن أعمل حاجه زى كده

10_لو حبك من طرف واحد هتتصرف ازاى؟
لازم أصرح لأنى كده كده هتعذب سواء بالتفكير أو الرفض أما الموافقة فهى المطلوب والمثل بيقول ويفوز بالملذات كل مغامر وعن هتصرف أزاى فأنا من اللى شفته فى الدنيا دى والتجارب والخبرات اللى عيشتها وسمعتها وأتحطيت فيها عمرى ما أحب من طرف واحد إلا (مجرد) أعجاب ولو هى مش معجبة زى ومعندهاش نفس السينس يبقى بالسلامة لأنى مينفعش أبقى على حد جرحنى أو مش حاسس بيا

11_لو صاحبك بيحب نفس البنت اللى انت بتحبها هتعمل ايه؟؟
أولاً : أنا عمرى ما أخسر صاحبى علشان بنت واللى يبيع صاحبه ولا يزعله علشان بنت سورى يعنى يبقى مش راجل
ثانياً : لو هو بيحبها وأنا بحبها فأنا عن نفسي مكن أنسحب لصاحبى لأنى مبحبش أبقى فى موضع أختيار للبنت

12_لو اكتشفت خيانة حبيبتك ليك هتعمل ايه؟؟
أواجهها .. أسألها ليه .. ولو غلطانة يا أسامحها يا أسبيها خالص ع حسب نوع الخيانة

13_ما مدى تسامحك فى الحب؟
الحب تسامح وربنا بيغفر للناس يبقى أحنا مش هنغفر ونسامح اللى بنحبهم بس أكيد فى حدود وبرضك ع حسب الذنب

14_لو تقدمت لخطبة حبيبتك واهلها موفقوش هتعمل ايه؟
لو أحنا الـ 2 بنحب بعض أووووووى وباقيين على بعض أكيد هحاول مرة و2 و100 وإلا هبقى مش باقى عليها

15_ولو حبيبتك اتخطبت هتعمل ايه؟
هغنيلها الأغنية دى https://www.youtube.com/watch?v=tLEwofWjbuc&feature=related
وعادى جداً هسلم عليها وأباركلها بل بروووووووود لأنها مش باقية عليا فهعرفها أنها مش فارقة معايا خااااااااالص

16_ما هى مواصفات فتاة احلامك؟
سؤال وجيه من أنسانة ذكية .. ههههههه
يعنى الصفات الأساسية بس .. الأخلاق والأدب والأهل والتعليم والمستوى والجمال شكل وطبع وأخلاق ويا سلام لو عيونها حلوة وأنها تكون ست بيت شاطرة جدااااااا وبتحب الأطفال وبتغير عليا وتحبنى زى مابحبها وأكتر حبتين وحاجات تانية كتيييير بس دى الأساسيات

17_ليك النظر فى عين من تحب؟
لو قصدك ماذا يمثل ليك (أنا مش بفك شفرات يا ملك أرحمينا وركزى وأنتى بتكتبى مش هتبقى كفالة ونظارة ) الأجابة هتبقى قمة السعادة والإحساس بالحب والدفئ والأمان وكل معانى الرومانسية فى أعظم لغة لغة العيون

18_ايه الحاجه اللى ممكن تصدر من من تحب ومتقدرش تسامح فيها ابدا لدرجه انك تضحى بحبك بسببها؟
الأهانة وأنها تجرحنى أو ترفض أعجابى بيها

19_اذا اردت ان تبكى الان فعلى من تبكى؟
على الحب الأول والصادق فى هذا الزمن الضائع
أما لو إنسان فأنا لن أبكى لأن لن يبكى عليا أحد ولو بكى فسيكون بسببه

20_لو خيروك بين اعز صديق وبين حبيبتك من ستختار؟
أعز صديق .. الرجالة متتعوضش لكن البنات .. ولا بلاش لحسن تقيموا عليا الحد مانتوا معظمكوا بنات .. أفترى

بعد كده
دفع كفالة اخرى قدرها 20 صورة رومانسية .. حرام وربنا أنا هقوم محامى وهنقض الطلب ده وكفاية كل دى طلبات .. أرحمى من فى المحكمة يرحمكى من فى السماء يا ملك

ودفع كفالة اخرى قدرها 5 قصايد رومانسية .. ده ظلم بس علشان الأعضاء بيحبوا القصائد هنفذ الطلب ده وأمرى لله

أدى الأولى

اتحملت عشانك صبرى
استنفذت فى حبك طاقتى
مات القلب وضاعت راحتى
وجاى من تانى تضيع وقتى
أسفة خلاص انا راضية بقدرى

كنت فى ايدك ونتا بايعنى
كنت بتوهم وبتخدعنى
شوفت الدمعة فى عينى بتقتل
قولت لنفسك طب أيه يعنى
بس خلاص الحب مانعنى
ارجع تانى لحب وجعنى
صعب اصدق احساس قلبك
منتا هواك فاتنى وضيعنى

ليه بنضيع أغلى مالينا
ليه بنموت احساس فينا
ليه الغالى بيرخص فجأة
ويرجع يغلى أوام فى عينينا
ليه مانحسش باللى شارينا
غير لما الدنيا تجرح فينا
ليه فى البعد بيغلى علينا
ليه فى القرب بتأسى عينينا

واجمل حاجة فى عمرك حبك
واصعب حاجة فى حبك جرحك
مش بفتكرك ولا هافتكرك
قلبى خلاص بقى يكره سيرتك
افهم ان الحب ده معنى مش احساس دايماً يوجعنا
افهم ان الجرح بيمنع نرجع تانى لهوا ضيعنا

غير قلبك من احساسه فهم قلبك معنى الحب
قوله بلاش تكدب كلماته قوله بلاش تانى يجرح قلب

قول لقلبك اسفة عشان
صعب اتحمل جرح كمان
مهما تكون تعبان ندمان
مش هاتحس بقلب اتخان

عارف لما تحس ان انت عايش وحدك وسط الناس
وماتموت جواك ميت حاجة وما تعيش من غير احساس
وماتشوف الدنيا دى همك كل ايامها جراحك حزنك
ومايكون الحزن ده ضمك عايش شايف بيته فى حضنك
ده احساسى خلاص من ظلمك فارق وبعد انت وقلبك
قلبى خلاص بقى يكره سيرتك أنا ندمانة بأنى عشقتك

وأدى الثانية

حلمت اكون نسمة هوا
تعدى على قلبك تضمه
وحلمت اكون فوق فى السما
وتقول ده قمرى ياناس بحبه
وحلمت اشوف فى عينيك وقلبك أحساس يقولى انى بحبك

فى كل يوم بحلم اكون حبيب وقلبك يعشقه
وفكل ليل بسرح وشوف الحلم يمكن اصدقه

انا بعترف. ان الامل وياك يكون
انا بعترف. ان السنين وياك تهون
انا بعترف ياحلم عايش بينادينى
انا بعترف. انك حبيب قلبى وعينى
وكل أملى من الحياه اغرق ودوب فى بحور عينيك

حلمت اكون زهرة فى ورودك
تسقيها من حبك ندى
وحلمت اكون نظرة فى عيونك
ووصل بيها لأبعد مدى
وحلمت اعيش العمر جنبك وبقى دايماً بين أيديك

فى كل لحظة تفوت عليا ببقى شايف نفسى فيك
بتخيلك دايماً قصادى وقول لقلبى هايبقى ليك

انا بعترف.... ان قلبى بيموت عليك
انا بعترف.. نفسه يضم الدنيا بيك
انا بعترف...حبك فى قلبى ملوش حدود
انا بعترف من غير هواك ماليش وجود
وربى يشهد عاللى فيا من غير هواك احزن وموت

وأدى الثالثة

احب مين ولمين هاقول ياحبيبى
والحب ليه مش راضى يرحم تعذيبى
شوفت الزمان من زمان احساس وكان بالحب عايش
فين الأمان دلوقتى هان يارتنا كنا ولاد زمان
كنا قدرنا بالحب عشنا كنا حسينا بحب دافى
كنا عرفنا وكنا شوفنا كان أد أيه الحب صافى
مفهوش خداع ولا كدب يقتل حبنا
مفهوش وداع ولا لحظة تضيع حلمنا
فين ياقلبى فين الحب فين
ليه يوم ميلادى ويوم وجودى فى الدنيا كان فى الدنيا ديا
ليه ماتولدتش ماتخلقتش ويا ناس عاشوا قبليا
ليه ماتخدتش بين قلوب تعشق تدوب والحب حب مش لحظة يادوب

وقف الزمن بعمرى لما كسرتنى وقف وشوفتك شوفت قلبك
كان أد أيه مشاعره قوية
شوفتك بنور قلبى ومشاعرى وعرفت ليه اخترت قلبى تجنى عليه
كان قلب طيب كان حب هادى ماكنش يعرف القاسية

دوور يازمن ومشى وخبط اكتر فيا وسط حطام كل القلوب ارمينى
وجنى كمان عليا دوبنى وسط جراح قلوب حست وعاشت كل جرح بكل نوع

ربينى علجرح بقسوته نسينى معنى الحب ايه
مش عايز احس فى يوم بحلاوته كل القلوب مش حاسة بيه
فهمنى نظرات الخداع وصلى أحساس كداب
علمنى اقول الحب ضاع وحسس الحب بعذاب
قوينى ماضعف يوم وحن ولايوم اكون احساس لقلب
ورينى معنى الخوف فى عينى لو يوم هاحس بأى قلب
عشان لااضعف ولا انكسر ويوصلى يوم أحساس بذنب
كرهنى فى كلام الأحبه أوهمنى بأن الحب كدبة
أمحينى من الدنيا حبه حبه ماخلاص مماتت كل حاجة فى عمرى صادقة

والرابعة أسرى الحب https://facultyofarts.yoo7.com/montada-f29/topic-t1538.htm
والخامسة الدموع لا تكفى https://facultyofarts.yoo7.com/montada-f29/topic-t1371.htm
من مؤلفاتى الشخصية ع المنتدى

وايضا فيلم عربى رومانسى واخر اجنبى وياريت يكون تيتانك .. أنا بأنقض رفع الأفلام وهقوم محامى من المنتدى بس مش عارف أختار مين ! حد بيفهم فى المحاماة ؟؟؟؟؟؟؟ .. أنا هقول أسامى الأفلام اللى بحبها
السلم والثعبان لهانى سلامة وأحمد حلمى وحلا شيحا
وظرف طارق لأحمد حلمى ونور ومجدى كامل
وفيلم جودا أكبر الهندى ده تحفة بجد وكمان تيتانك أكيد ملوووووووش حل وفيلم LOVE STORY 2050

بقلك ايه يا ملك ما تحكمى بالأعدام رمياً بالطوب بعد كل ده .. أنا أتشليت وعلى فكرة بقى أنتى قلتى أنك بعديا ومش هتنازل عن أنك تدخلى وأبقى أنا القاضى ده بعد أذن الأعضاء طبعاً .. ااااااااااااااا ايوه بدبسك .. هههههههه

كفاية عليك كده .. شكراً على كرم سيادتك والله يا ملك أنا لو كنت قتلت كان زمانى خارج فى نص المدة .. يا ظالمة ..

هههههههههههههههههههههههههههههههههههههههه انا ظالمة ؟؟؟؟؟؟ طب فين الصورة يلا خليهم 25 صورة عشان تبقى تتطاول على القاضى مرة تانية Very Happy

بعدين انا بقول قصايد رومانسية ابقى بقى القصيدة الاولى دى تتغير لو سمحت

ويا ويل اللى هيوافق يبقى محامى مصطفى يا ويييييييله lol!

ليكوا الحرية طبعاااا lol!

يا عينى عليك يا مصطفى كفالة ونضارة وفك شفرات
انت اتعذبت بجد دا حرام ما ينفعش تسكت واوعى تتنازل عن ان ملك تبقى بعدك
دا انت هتحكم عليها حكم
بقولك ايه .. لحسن تفتكرنى بدافع ولا حاجة
مبروك يا عم ع البراءة
وتحية كبيرة اوى لاجاباتك

الله يسامحك يا ملك

محكمة الحب - صفحة 2 Elhilmxn7

ايه ده ده ده يا نور يا ويلك لما تتدخلى القفص

شفتى بقى أنك ظالمة بجد علشان تعرفى أنى تعبت أووووووى فى المحكمة بطلوا أفترى ع الناس بقى Laughing

ولو نور هتترافع عنى يبقى ضمنا البراءة هى أكيد عربى مش حقوق لكن كفاية لما تقول ( سيدى القاضى )
أو سيدتى مش هتفرق يا ملك ومستنين دورك فى المحكمة بعديا ع طوووول .. ههههههه Twisted Evil

مرسي ياملك يامفتريه
ع الفكره الجميله

ههههههههه
وبرفع القبعه ليك يامصطفي ع اجباتك

مبروووووووووووووووووووك البراءه

هترافع عنك يا مصطفى ما دام عملتلى التوكيل
بس ربنا يستر ملك ديه طلعت بتخوف بشكل

سيدى القاضى ...عفوا سيدتى
ان طباخ الطعام (السم)لابد من ان يتذوقه فلتتفضل سيادتكم بدخولها القفص
وان تجاوب على كل الاسئلة الموجهة اليها نعم سيدتى انتى (يارب بس ماتكنش امى داعية عليا) لا لا سيدتى انى احدث نفسى فقط

نعم ...انى احدث نفسى فى حال موكلى ...موكلى البرىء
الذى اجاب عن كل الاسئلة التى وجهتها سيادة المحكمة اليه بمنتهى المنطقية والموضوعية وبكل الاحترام والانحناء امام سيادتكم (استغفر الله العظيم يارب الانحناء لغير الله حرام) عفوا سيدتى انى اخاطب عقلى واخاطب فى سيادتكم الرحمة والرأفة وايضا العدل
سيدتى اذا اتى متهم مسلما نفسه للعدالة فان عدالتكم سوف تقدر موقفه هذا وتخفف الحكم عليه
فما بال سيادتكم اذا كان موكلى برىء
انه حقا برىء (حسبى الله ونعم الوكيل) لا لا سيادتكم
انى اخاطب ...اخاطب اخاطب
(اخاطب مين مش لاقية حاجة اخاطبها)
نعم اخاطب فى سيادتكم العدل والعدالة
بان تحكموا بعقل سدى وقلب سجى و عدل ناهى
انه ناهى لحبس موكلى
وهذا ليس حبس هذا سجن والقانون المصرى والعالمى ينص على الا تطبق عقوبة السجن على موكلى الا فى حالة ارتكاب جناية وان موكلى لم يرتكب حتى جنحة
وفى النهاية اشكر سيدتى القاضية سيادتكم لانكى سمحتى لى بالدفاع عن موكلى

توجل الجلسة الى حين يروق مزاجى وانظر الى هذق القضية مرة اخرى وسيظل المتهم فى الحبس لحد اما مزاجى يروق
رفعت الجلسة
محكمة

برااااااااااااااااااااااافو نور وأنا برئ وجاوبت على كل الأسئلة بصراحة متناهية وتلقائية شديدة عاوزة ايه تانى
وأحب أزود جملة قبل أنتهاء المحاكمة (أن وربنا يا ملك النت كان فاصل بقاله أسبوع وكنت بدخل من السايبر لكى أثبت أننى برئ ولم أهرب ومن الصعب أن أرفع 20 صورة وفيلمين من الايبر وأوعدك الفيلمين هتلاقيهم فى قسم الفن قريب والصور عندى ع الكمبيوتر هبقى أرفعها بعدين وفى النهاية ميرسي ملك على البراءة المنتهى أمرها )

خلاص يلا تم الافراج عن المتهم مصطفى روميو
رفعت الجلسة
محكمة

يلا رشحوا معايا بقى المتهم الجاى lol!

أنتى طبعاً يا ملك ومش هتنازل Twisted Evil

انتى يا حبيبتى ...انتى يا ماما

لأ وايه طول المحاكمة
رفعت الجلسة محكمة..........رفعت الجلسة محكمة
هو محكمة ولا رفعت الجلسة ماينفعش الاتنين مع بعض
يالا يا ملك هتجاوبى

فرصتك يا مصطفى

هى رفعت الجلسة ومحكمة مع بعض بمزاجى بعدين انا مش هجاوب لسه باقى الاعضاء مرشحتش يعنى مش انا اللى فيها lol!

يلا يا جماعة كله يرشح ملك علشان تقتنع أنها مذنبة
وهتشوفوا القضاء العادل بعيداً عن اى عواطف أو علاقات دبلوماسية (ايه اللى بقوله ده ) lol!

لا بجد بجد فرصتى أنى أبقى القاضي ده بعد أذن الأعضاء ولا فى رأى تانى ...

انا برشح ملك

علشان ننقتم منها
ع العملته في مصطفي

ايه رائيكم ياشباب

موضوع: رد: محكمة الحب الخميس فبراير 18, 2010 6:45 am

اوك وانا كمان موافقه يللا ياملوكه
اللى موافق على ملك يرفع ايده cheers

» الإنسان قبل(~الحب~) وبعد (~الحب~) وعند ( الحب العام
» محكمة المنتدي
» ليس من يتكلم عن الحب ... كمن يتألم من الحب
» مشاكل الحب
» قيمة الحب