محكمة الحب

نعم نعم مش هتجاوبى عن ايه خلاص مش هاجى اللى بالى بالك انتى حرة بقي

انتى يا بت يال ايناس انتى روحتى فين انا استنيتك انا وبهيجه اد كده عشان نروح مع بعض ملئنكيش

ويلا جاوبى احسلك

انا فكرت فى انى اقولك بطريقه جديده وهى انى احكى لان مفيش ولا سؤال من الموجودين عندى اجابه عليه!!!!
الحكايه يا جماعه وبإختصار شديد هى إنى محبيتش قبل كده (أكيد دلوقتى بتقولوا إما إنى مش عندى قلب أو إنى مريت بتجربه خليتنى أبعد عن الحب خالص) بس الحقيقه ولا ده ولا ده كل ما فى الموضوع إنى مش مديه نفسى فرصه إنى أفكر فى الموضوع ده خالص حتى لو هفكر فيه بينى وبين نفسى وده لسبب بسيط جداا وهو إنى مؤمنه بإن الحب الأول هو الحب الأخير يعنى هيكون ليه أكبر مكان فى قلبى وهعيش بيه وعلشانه عمرى كله فمش عاوزة ادخل نفسى فى تجربه متكونش موفقه وأتعب أنا فى الأخر لأن جرح الحبيب أصعب حاجه فى الدنيا كلها وممكن يتسبب فى عقده لأى طرف من الطرفين (بعيد الشر عنكم وعنى) فأنا مؤمنه جداا بالمبدأ ده علشان كده كمان بحاول إنى مش أدى حد الفرصه انه يقربلى علشان ميحصلش حب وأنا مقدرش أكمل وهو يتعب!!! أنا عارفه إنه منطق غريب جداا بس أنا مؤمنه بيه بجد جدااا
ومن ناحيه تانيه تقدروا تقولوا إنى محوشه (بتشديد الواو) مشاعرى للى أنا حاسه إنه يستاهلها ويقدرها كويس وده لسه مجاش للأسف وأنا مش مستعجله خالص
أنا خلاص خلصت كلام إنتوا أكيد بتقولوا عليا دلوقتى إنى مجنونه أو مش طبيعيه بس بجد والله أنا قلت كل حاجه وقلت الحقيقه كمان ومفيش بجد كلام غير كده وممكن يا ملك اجاوب على سؤال واحد اللى إجابته متوفرة عندى وهو:
*ما هى مواصفات فتى أحلامك؟؟؟
أنا نفسى فى حاجات بسيطه جدا وأولها إنه يكون محترم ومؤمن بربنا ويتقى الله فيا ويحبنى طبعا لأنه هيكون كل حياتى وثمرة صبرى كل الفترة دى ويكون مثقف ويكون عارف كل حاجه ده بالنسبه للصفات الجوهريه
أما بقى الصفات الخارجيه أنا نفسى فى حاجه غريبه شويه وهى إنه يكون لابس نضارة ههههههههه( كده بقيت مجنونه رسمى ) ومش شرط الجمال لأنى أنا مش حلوة أساسا بس يكون مقبول على الأقل (كده بقى موضوع مطلوب عريس مش محكمه الحب ههههههههههه بوظت لك الموضوع يا ملك بقى معلش بس إنتوا اللى مصممين إنى أجاوب)
طولت عليكم معلش ومأفادتكوش بحاجه كمان يعنى صدعتوا على الفاضى معلش بجد بس والله كل حاجه قلتها كانت صح وهى دى الحقيقه ودلوقتى إنتوا تقريبا عارفين عنى كل حاجه ومفيش حاجه مستخبيه عنكم
كده بقى يا ملك مش هيبقى فى حكم اساسا لأن مفيش قضيه كان تشابه أسماء ولو فى حكم ولا حاجه فأنا ألتمس من عدالتكم الرأفه والرحمه بيا لأنى أبيض مفيش قضايا ولا حاجه والحمدلله هههههه وشكرا يا حضرات على الإستماع

لا لا لا ولا مجنونة ولا حاجة

بجد منطق احييكى عليه لسبب

انه صعب تطبيقه

يعنى بجد لو انتى قادرة تعملى كدة يبقى برافوا عليكى جدا لانك مريحة نفسك من هم كتير اوى بيحصل بسبب الموضوع دا

بس لو هنكمل المحكمة او كأستفسار بسيط :

مسالة المشاعر والاحساس بشئ تجاه شخص تانى مسالة مش فى ايد حد يعنى محدش يقدر يمنع نفسه من كدة

طيب انتى بتقولى ان دا منطقك طيب انتى مش شايفة ان تطبيق المنطق دا صعب شوية بحيث انك متقدريش تخلى نفسك متحبيش مثلا او متتعلقيش بحد ؟

طيب مفيش مرة مثلا كسرتى المنطق دا يعنى ازاى بجد تقدرى تنفذى حاجة زى دى ؟


بس كدة

يالا كملى باقى المحكمة

لا يا حبى مش جنان وانا بحييكى تحية كبيرة جدا جدا جدا
وانا تقريبا متفقة معاكى
ومش هسئلك لانى فهماكى كويس والنوع اللى زيك انا اتعرفت عليه كتير

بس هو الجنان كله فى النضارة بس لو كنت جيتى بدرى شوية كنت لحقتى طه حسين
بس هو كدة مش هيبقى عايز نضارة هيبقى عايز قرنية

casooo كتب:

لا لا لا ولا مجنونة ولا حاجة

بجد منطق احييكى عليه لسبب

انه صعب تطبيقه

يعنى بجد لو انتى قادرة تعملى كدة يبقى برافوا عليكى جدا لانك مريحة نفسك من هم كتير اوى بيحصل بسبب الموضوع دا

بس لو هنكمل المحكمة او كأستفسار بسيط :

مسالة المشاعر والاحساس بشئ تجاه شخص تانى مسالة مش فى ايد حد يعنى محدش يقدر يمنع نفسه من كدة

طيب انتى بتقولى ان دا منطقك طيب انتى مش شايفة ان تطبيق المنطق دا صعب شوية بحيث انك متقدريش تخلى نفسك متحبيش مثلا او متتعلقيش بحد ؟

طيب مفيش مرة مثلا كسرتى المنطق دا يعنى ازاى بجد تقدرى تنفذى حاجة زى دى ؟


بس كدة

يالا كملى باقى المحكمة

ايوه على فكرة يا طارق انا بطبق المنطق ده فى حياتى انا فى الاول لما اخدت على نفسى عهد انى احاول انى مش اتشد لحد ولا اتعلق بحد كان الموضوع صعب جداا فى الاول لانه انت عارف فترة الثانوى هى بدايه الشباب والمراهقه طبعا فطبيعى جداا انى اشوف حد تشدنى فيه حاجه او تعجبنى حاجه فى تصرفاته (لان طبعا طبعا الفترة دى بتبقى تعلق بالتصرفات وبس يعنى محدش بيدقق على اخلاق او طباع او اى حاجه تانيه بجد) ده كان فى الاول طبعا وبالفعل حافظت على عهدى مع نفسى وكنت بنفذه لمجرد وفاء للعهد مش اكتر بس بعد كده بقى لما كبرت شويه وخلص الثانوى ودخلت الجامعه بدأت افكر فى الموضوع جديا وان دى مصلحتى وخوفا على قلبى وعلى نفسى انى اتجرح و اد ايه الموضوع صعب ولقيت انى فعلا كنت اخدت القرار ده فى الوقت المناسب جدا فبالتدريج تقدر تقول انى اتعودت على كده!!! وممكن تقول انى من تعودى ده استفادت حاجه جامده جداا وهى انى دلوقتى قادرة افرق بين الشخص اللى ممكن يصرحلى بحبه ويكون صادق او اللى ممكن يكون بيكدب.
تخيل مدى الاستفاده من القرار اللى كان مجرد فكرة ده لو حسبتها هتلاقى انى كنت واخده بالى جامد جداا من نفسى من انى اتجرح او حد يعلم فيا وانى اكتسبت خبرة ولو بسيطه فى الموضوع ده وازاى اقدر افرق بين اللى ممكن يكون بيلعب بمشاعرى واللى بيتكلم بجد ومش بيهزر!!!!!
يارب تكون فهمتنى واكون انا قدرت اوصلك انا قصدى ايه واوضح المنطق ده وبجد يا طارق انا مبسوطه جداا من مرورك الجميل جداا ده كالعاده طبعا وعلشان كمان انت مقولتش ان اجاباتى دبلوماسيه

NOUR كتب:

لا يا حبى مش جنان وانا بحييكى تحية كبيرة جدا جدا جدا
وانا تقريبا متفقة معاكى
ومش هسئلك لانى فهماكى كويس والنوع اللى زيك انا اتعرفت عليه كتير

بس هو الجنان كله فى النضارة بس لو كنت جيتى بدرى شوية كنت لحقتى طه حسين
بس هو كدة مش هيبقى عايز نضارة هيبقى عايز قرنية

هههههههههههههه مش اوى كده يانورا انا مقولتش عوزاه مش بيشوف خالص انا قلت لابس نضارة بس ميكونش نظره ضعيف يعنى تكون النضارة بسبب مشكله بسيطه كده طول نظر او قصر نظر مش عمى!!!!! (مع كامل احترامنا للعظيم طه حسين الله يرحمه) هتودينا فى داهيه يانور دول اموات مش اى حد.
ميرسى على مرورك ولو عندك اى سؤال قوليه بسرعه فى الاوكازيون هههههههههه علشان مش هجاوب على حاجه تانى قبل ما تصدروا الحكم وربنا يستر

هههههههههه
ربنا يرحمه ويغفرلنا يارب

بس على فكرة ملك هتنفخك

ههههههههههههههههههههه

طب ايه رأيك يا نور نتوسطلها انا وانتى عند ملك علشان متحكمش حكم جامد

ارحميها بقى يا ملك وبلاش تعملى فيها اللى عملتيه فى مصطفى

ههههههههههههههه
طب مصطفى جاوب وقال حاجة
انما ديه قفلتها خالص ....... لأ بجد انا لو مكان ملك وبجبروتها ده انا مش هقولك هعمل فى ايناس ايه

ملك ارجوكى البنت عندها مبدأ يحترم جدا وكفاية وفائها لعهدها
هى اولا واخيرا بتتكلم بمنتهى العقلانية وكمان خايفة على نفسه وبصة للامام
يعنى مش معقول هتفترى على واحدة عشان عاملة حساب لمشاعرها وخايفة على نفسها من الجرح او اى صدمة

منك لله يا ايناس طب انا هحكم عليكى بايه دلوقتى؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لازم حكم شديد وحاسم هفكرلك فيه

هههههههههههههههههههه

جبتيه لنفسك ههههههه

ههههههههههههههههههههه
والله انتو شلة عسل
شلة المهاويس
هههههههههه
سورى
ههههههههههههههههههه

casooo كتب:

ههههههههههههههههههههه

طب ايه رأيك يا نور نتوسطلها انا وانتى عند ملك علشان متحكمش حكم جامد

ارحميها بقى يا ملك وبلاش تعملى فيها اللى عملتيه فى مصطفى

الله يباركلك ياطارق وكويس انها جت تطوع منكم لانى كنت لسه هأفكر فى ان حد فيكم يكون محامى مع انى مش محتاجه هههههههههه

NOUR كتب:

ههههههههههههههه
طب مصطفى جاوب وقال حاجة
انما ديه قفلتها خالص ....... لأ بجد انا لو مكان ملك وبجبروتها ده انا مش هقولك هعمل فى ايناس ايه

ملك ارجوكى البنت عندها مبدأ يحترم جدا وكفاية وفائها لعهدها
هى اولا واخيرا بتتكلم بمنتهى العقلانية وكمان خايفة على نفسه وبصة للامام
يعنى مش معقول هتفترى على واحدة عشان عاملة حساب لمشاعرها وخايفة على نفسها من الجرح او اى صدمة

مش عارفه اقولك ايه يانور بصراحه ربنا يخليكى يارب وتفضلى تدافعى عنى مش تهدى النفوس ولا حاجه ههههههههههههه

حكمت المحكمة حضوريا ببراءة المتهمة ايناس وشهرتها انوس ولكن بدفع كفالة قدرها 10 اغانى بتتكلم عن المنطق اللى هى مشية بيه ده وخمس اغانى رومانسية جداااااااا يمكن الاغانى دى تلزق فيها وعشر صورة رومانسيين وخمس قصائد بردوا عن منطقها الى هى مشية بيه
واخر حاجه انها تحب بسرعة جدااااااااا لانها هتتدخل القفص شائت ام ابت
رفعت الجلسة

ههههههههههه
لأ بجد حقيقى كرم منك يا ملك ....اظاهر ان حكم مصطفى عليكى خلاكى تهمدى شوية

يلا انوس ادبحى حاجة باربع رجول وقدميها لملك طبعا

جهز نفسك يا طارق عشان انت اللى عليك الدور

ايه الظلم ده اومال لو مكناش اصحاب يا ملك كنت عملتى فيا ايه؟؟؟؟
عاوزة اقولك على حاجه بالنسبه للحكم بتاعك ده انا مش لاقيه حد بيتعامل بالمنطق اللى انا بتكلم عليه ده والا مكنتش قلتلك انه غريب ولا ايييه؟؟
علشان كده انا بطعن فى الحكم ده ومش موافقه عليه واذا كان على الصور فدى حاجه سهله ممكن اجيبلك بدل العشرة عشرين بس دول بس اللى انا هقدر اجيبهم ومش بعرف اكتب قصايد طبعا فياريت يا شباب لو حد يقدر يمسك قضيتى ويدااااااااااااافع عنى ويطعن لى فى الحكم

على فكرة يا ايناس انتى المفروض تحمدى ربنا انا كنت متوقعة ملك تلبسك البدلة الحمرا
بجد يا ايناس انا لو جتلى قضية كدة هرفضها انتى يعتبر ما جاوبتيش اساسا يا حبيبتى...

لا لا لا ما فيش داعى للطعن خالص

مش بقولك صلى على النبى يانور واهدى عليا شويه انا المتهمه وانا مصممه على الطعن حرام كده ده كتير اوى وبعدين ايه يا جماعه مفيش حد عنده قلب يقبل القضيه

انا هعمل اللى عليا واجيب اللى اقدر عليه وهطعن فى الباقى