دعوى ضد تامر حسنى

دعوى قضائية لمنع تامر حسني من الغناء في المدارس
المحامي المصري نبيه الوحش، يرفع دعوة قضائية
لمنع غناء تامر حسني بالمدارس خشية وقوع تحرشات بالفتيات

قال المحامي المصري نبيه الوحش: إن عائلات مصرية كلفته برفع قضية يطالب فيها بمنع حفلات المطرب الشاب تامر حسني في المدارس بسبب حدوث تحرشات بالفتيات فيها، فيما نفى المطرب المصري ذلك، وقال: إن هذه القضية محاولةٌ للنيل منه.

وتقدم المحامي المصري بالدعوى التي حملت رقم 6253 أمام محكمة عابدين، وطالب فيها بمنع تامر من الغناء في المدارس، استنادا إلى توكيلات من أولياء أمور، بعدما تعرضت بناتهم لتحرشات في الحفلات.

ودعا الوحش وزير التعليم المصري إلى منع أية حفلة للمطرب في المدارس، بسبب التحرشات بالفتيات، معتبرا أنه أمر لا يليق بأي مؤسسة تربوية.

في المقابل، دافع تامر حسني عن حفلاته، وقال: إن كل ما يشاع عن حدوث تحرشاتٍ خلالها "ليس صحيحا"، مشيرا إلى أن من يأتي إلى حفلاته يرغب في قضاء وقت ممتع مع أغنياته.

وتساءل المطرب: "هل يعقل أن الشباب ينتظرون حفلاتي حتى يتحرشوا بالفتيات"، مشيرا إلى أنهم إذا أرادوا ذلك فالأماكن كثيرة لحدوث مثل هذه الأفعال، مؤكدا أنها شائعات تحاول النيل من نجاحه.

وأضاف أن أولياء الأمور يدعونه الى المشاركة في حفلات المدارس، مشيرًا إلى أن كثيرا من الطلاب يتخذونه قدوة، بعكس ما يقول الوحش.

من جانب آخر، أعرب تامر حسني عن حزنه لعدم تمكنه من السفر مع بعثة منتخب مصر لكرة القدم إلى لندن، لملاقاة نظيره الإنجليزي في 3 مارس.

وأضاف أن قرب تصوير فيلمه "نور عيني" حرمه من الذهاب لتشجيع المنتخب المصري، مشيرا إلى أنه مشغول بجلسات العمل مع الوجوه الجديدة التي تشاركه الفيلم.

وعبر عن خشيته من رد فعل الجمهور تجاه فيلمه، خاصة أنه يظهر فيه بشكلٍ مختلف عن أفلامه السابقة سواء "سيد العاطفي" أو "عمر وسلمى 1 و2"، مشيرًا إلى أنه سيخرج بنيولوك جديد في أحداث العمل.

ورفض الانتقادات التي طالت اختياره منة شلبي لبطولة فيلمه الجديد، لا سيما أن مجموعات في الفيس بوك قالت: إن المطرب المصري سيهدم موهبة الفنانة المصرية.

واعتبر أن هذا الهجوم سيطاله حال اختار أي فنانة أخرى، وقال ساخرا: "أنا أتشاءم لو لم أتعرض للهجوم، وأشعر بأن شيئًا ما ينقصني، فالهجوم علي أصبح سمة أساسية في حياتي، لذا أدعو من يهاجمونني إلى عدم الكف عن هجومهم علي، لأنني أتفاءل بهم".

ههههههههههه نو كومنت بجد
وزى ما قال تامر يعنى الشباب هيستنوا الحفلات علشان يتحرشوا بالبنات
وبجد رده ع الأشاعات جامد جدااااااا وفعلاً الشجرة المثمرة يكثر قذافها بالحجارة

الشجرة المثمرة ؟!
سورى يا مصطفى مهما كانت جماهيرية تامر ومهما كان روعة احساسه فى اغانيه
انا مش بحب اقول على الناس ديه كلام ومصطلحات يحسسونى انهم حاجة كبيرة اوى

وبعيدا عن الدعوى انا عندى تعليق على حفلات تامر حسنى بصفة عامة
تامر حسنى عنده حق فى رده هل يعقل أن الشباب ينتظرون حفلاتي حتى يتحرشوا بالفتيات

لكن اللى البنات بتعملوا عشان تامر حسنى فى الحفلات وموضوع انه بيأجر بنات عشان يبكوا
انا ماشفتش بصراحة وهو بياجرهم لكن ناس كتير اتكلموا فى الموضوع ده ومنهم شيرين

ديه حاجات تخلينى ما تقلبش تامر حسنى
على الاقل تأثر البنات بيه بشكل فظيع والله بجد بيصعبوا عليا بخفة عقلهم ده

انا عارفة انك بتحب جدا جدا تامر حسنى لكن انا ماعرفش الجانب الانسانى فيه

ميرسى يا مصطفى على مرورك

موضوع: مين هو تامر حسنى ! الأحد مارس 07, 2010 2:53 pm

أولاً تامر بجد يستاهل أكتر من الألقاب اللى طلعت عليه لأنه فعلاً فنان مكافح وتعب علشان يوصل للمكانة اللى هو فيها وكفاية الجوايز والحفلات اللى مكسرة الدنيا ولا مش بتشوفوها ...

ثانياً حوار تأجير البنات ده حوار كدب ومالوش صحة من الأساس ولا يعقل أن فنان هيأجر كل المعجبين اللى بيطلعوا فى الحفلات ويلفوا معاه الوطن العربى يعنى (ولو اللى بيتكلم مجنون اللى بيستمع عاقل) يا نور وبعدين مع أحترامى لشيرين كمطربة ولكن كأنسانة وحشة أوى بجد كفاية أنها تغلط فى صديقها اللى طلعت معاه وبعدين مين شيرين دى أصلاً وهى بتقول كده علشان مضايقة من تامر علشان بقى أشهر منها وأحسن منها ولما تقولى حاجه يا نور أتأكدى منها الأول لأن حرام ترمى الناس بالباطل وبعدين تامر أكبر بكتييييييييير من أنه يأجر بنات او ناس تحضنه كل مافى الموضوع أنه متواضع جدااااااااا بجد ومش بيحب يكسف جماهيره أو يحط حاجز ما بينهم وده أنا شفته بنفسي بمجرد أنى قلتله بحبك وبقدر فنك خدنى بالحضن مش زى مغنى مشهور فى أخر حفلاته بالأستاد واحد من الصحفيين بيبوسه قام حاش وشه وزقه بعنف بالذمة دى معاملة فنان لجمهوره اللى شهره للأسف يا هضبة ...

ثالثاً على الجانب الأنسانى فأن تامر حسنى أنسان بمعنى الكلمة بجد وكفاية حفلاته الخيرية التى تصب لصالح الأيتام والمرضى والفقراء دائماً وأخرها حفلة لصالح (متضررى السيول فى أسوان وجنوب سيناء) وحفلة أخرى فى عيد الحب أسماها (يوم الحب فى حب مصر) وغيرهما ... ويكفى أنه بقى مشهور فى مجال معين وبيرفع أسم وعلم مصر فى أى حفلة فى الدول العربية والأوروبية وبجد ده أكبر مثال للكفاح والطموح للشباب حالياً بعيداً عن الغنا طبعاً يعنى مثلاً فى المجالات الأخرى لو كل واحد تعب وقدر العمل اللى بيعمله بجد هيبقى ليه مكانة حتى لو مش مشهور كفاية أنه بقى حاجه تنفع الناس وبتعبه وكفاحه وأعتماده على نفسه يوصل للى هو عاوزه وبجد مهما قلت مش هقدر أوفى هذا الفنان حقه لأنه بجد يستاهل أكتر من كده ...

واللى مش عارفين مين هو تامر حسنى يشوفوا ويعرفوا !!!

عرفتوا مين هو تامر حسنى ولا لسه Suspect

ايه دا كله يا مصطفى ههههههه
سيبك من انه بيأجر بنات يا سيدى انا قلتها لمجرد الذكر مش اكتر و انا قلت انا ماشوفتهوش
لكن ما بيحبش يكسف جماهيره يقوم يحضن البنات كمان
اهو ده اللى ما حدش يرضاه فعلا
هو كان ممكن يتصرف مع تصرفات البنات ديه بشكل افضل من كده

اما بالنسبة لافعاله وحفلاته الخيرية فلا تعليق انت عندك حق
وفعلا ربنا يجازيه كل خير

وهو فعلا تعب جدا عشان يوصل للمكانة ديه وانا عارفة كدة كويس .... بس تعبه ما كنش فى علم ينفع الناس
مثلا .. حتى افلامه واغانيه ان ما وصلتش لدرجة الاشمئزاز منها فهى كمان ما وصلتش لدرجة الرسالة القيمة

وهو فى الاول والاخر اسمه مغنى .. عشان كدة مش عايزة احس ان انه حاجة كبيرة اوى سواء هو او عمرو الدياب او غيره كلهم مجال واحد
واذا كنت بتتكلم عن الجانب الانسانى فى تامر حسنى لانك اتعملت معاه فانا طبعا مصدقة كلامك وعارفة ان تامر حسنى فيه حاجة انسانية جميلة جدا ويارب تكون عندنا كلنا
لكن الجانب اللى ظاهر واللى من خلاله نعرف تامر حسنى هو الجانب الفنى واللى البنات بتتاثر بيه بشكل فظيع جدا و بتعمل حاجات كدة هبلة عشانه وده الى بيحصل فى حفلاته

ميرررررررررررررررسى

اقولك حاجة انت ما تسكتليش بطوبة واحدفنى

يبقى العيب على البنات التافهة اللى بتجرى عليه وتحضنه مش من تامر والبودى جارد بيحوشوهم

وبعدين الغنا فى حياة تامر مجرد مرحلة زى ما قال فى اول فيديو وبجد هو أنسان جمييييييييل جدااااااااا

أما حوار الطوبة فمش لاقى طوب صغير .. هههههههه
لأ طبعاً مقدرش ليه يعنى تامر حاجه وصحابى حاجه تانية وأكيد أغلى عندى من تامر بكتيييييير

Twisted Evil

طب خليها رش ماية

ميرسى يا مصطفى على مرورك
بس انا لسة شايفة ان تامر برضوا ممكن يتصرف تصرفات كمطرب تقلل من الهبل دا بتاع البنات

» تامر حسنى .. قصة مكافح
» تامر حسنى : مى عز الدين نور عينى !
» منة ومنة يشاركان تامر (نور عيني)
» تامر حسني: "أنا مصري" في ألبومي الجديد
» أجمل ما غنى تامر