رشوة لحبيبتى اسراء

https://www.youtube.com/watch?v=j7AZBpua_fc
سلام اسراء جون
دى هدية منى ليكي
و أنا عرفة أد ايه انتى بتحبى بنيامين
و الحقيقة دى رشوة
لانى عايزة منك خدمة
من فضلك عايزاكى تكتبى للشباب تجربتك فى التمرين فى الاذاعة
علشان الاجازة جاية و هتبقى فرصة ليهم يستغلوها

وااااااااااااااااااااااااااااو بنيامين
خيليييييييييييييييييييييييييييي ممنون عبير.مرسييييييييييييييي.
چشم , بهشون میگم
بس من غير رشوة انا طبعاً هقولكم انا ابدااااااااً مقبلش الرشوه.... بس كل واحد يطلع ربع جنيه مخروم
الاذاعه ياااااااااااااااااااااه دي كانت مغامرات
کنا انا وریم بس اللی بنتدرب من دفعتنا
عارفین بالنسبه لینا تدریب الاذاعه ده ایااااااااااااااااام لا تنسی
بجد کانت مغامرات فی مبنی الاذاعة
لحد دلوقتی مش قادرین ننساها , کنا بنروح کل یوم
في مره كنا هنتفسح في القنوات المتخصصه شويه
اولا التدریب بیبقی فی سنة تالته , عشان یکون عند الطالب حصیله لغویة فی الفارسی .
ویکون اتدرب علی ترجمة الاخبار طبعاً .لانها اساسیة فی شغل الاذاعة
وبیکون شهر واحد.
احنا کان بیدربنا احد المعدین للبرامج هناک
بس نصیحه أخویة لکم , روح اتدرب وانت لغتک قویة
وخلی بالک انت رایح تتدرب مش هتتعلم
یعنی لازم تکون قوی فی الفارسی .
وبجد هتستفیدوا کتیر اوی , خبره وترجمة وتتعرف علی شغل الفارسی
اولا هما عرفونا علی شغل القناة , واعداد البرامج ازای بیتم
علی فکره هی بتبث من الساعه 4الي 6، موجهه لايران وافغانستان
ممكن تسمعوها علي النايل سات في الدش علی الموجه 24 تقریباً
احنا کنا بنترجم کل حاجه فی الدنیا من فارسی لعربی
الاول بدانا بالاخبار اللی کانت بتتذاع , وترجمنا افلام
واغانی وشعر وبرامج فارسی وکنا بنفک خط الـ (شکسته) للمذیعین هناک
وعملنا زی بحث صغیر بالفارسی وترجمناه , وحاولنا ندخل on air بس کان صعب حتی معد البرامج نفسه .
وکمان ادینلهم افکارنا لتطویر الاذاعة
وادینالهم أغانی جدیده تتذاع عشان لاقینا ان کل أغاني الاذاعه قدیمه اوی
من ايام شجريان
وکنا اقترحنا علیهم مشروع سایت للقناة عشان تتعرف وكنا بنعمل زی تبلیغات بین اصحابنا فی ایران عن الاذاعه.
بس ده کله المعد کلفنا بیه لانه لقی مستوانا کویس
انتم کمان لازم تکـــــــــــــــــــــــــــــــــونوا احسن مننا .
ویاریت ریم تیجی تکمل مغامرات الاذاعه
وای حد عنده ای سؤال عن التدریب او التقدیم
من در خدمتم

انا جيتلكم اكمل مغامرات الاذاعة زي اسراء ما قالت ..فعلا الايام دي عمري ما هنساها طول حياتي كانت تجربة جميلة وممتعة ..بس اللي خلاها ممتعة كده اننا كنا رايحين جاهزين يعني الحمد لله الفارسي بتاعنا كان كويس وطبعا عبير كانت قايمه بالواجب وزياده معانا في تالته فكنا رايحين متحمسين جدا ،وكنا فرحانين قوي لما عرفنا موضوع الاذاعة ده ورحنا علطول عملنا ورقنا وهي لازم يمضي عليها رئيس القسم وتتقدم في الاذاعة والمفروض بيدوا معاد عشان يبدأ التدريب ..بس خلي بلكوا بقي هنا غالبا كل ماهتروحوا هيقوللكوا فوتوا علينا بكرا ..يعني شغل الموظفين بقي والكسل كنا بنروح كل يوم نسأل يقولوا مفيش حاجه تعالوا يوم تاني ..لحد اخر يوم ما زهقت واتنرفزت علي الراجل اللي في الامن وقلتله احنا مش هنمشي من هنا وهندرب يعني هندرب وقاعدناله علي الرصيف راح الراجل صعبنا عليه وقالنا خلاص وراح مكلم حد فوق اعتقد المسئول يعني المهم قالنا علي معاد التدريب ..يعني لازم تتبعوا الورق
وبعدين يا اسرا يا حبيبتي التدريب اصلا اسبوعين ..بس احنا بتاعنا طول لشهر ويمكن اكتر من حسن حظنا دي كانت غلطه من الامن برضوا
مكنوش عملولنا كارنية التدريب وكنا بندخل ونخرج عادي بورقه وبعد اسبوعين واحد من الامن تاني قالي ايه الورقه دي فين الكارنيه قلتله كارنيه ايه واتخنقت لتاني مرة(معلش انا بتخانق كتير لاني مش بحب حد يزعق لي وخصوصا لما يكون الغلط من عنده وبعدين اصلي نرفوزه قوي وطبعا عشان اسراء غلبانه فمفيش غيري يتخانق ) عشان بيزعق ازاي احنا بنطلع كده قلتله دي غلطتكوا انتوا مش احنا وعملنا الكارنية وده كانت بداية التدريب الرسمي بتاعنا يعني فضلنا اسبوعين كمان
اما بقي التدريب نفسه فكان ممتع جدا لان استاذ حمدي المعد اللي كان بيدربنا شخصية رائعة في كل حاجة وعشان احنا كنا متحمسين كان مبسوط مننا ..وادانا حجات معملهاش في اي تدريب تاني يعني زي اننا نترجم شعر حديث مثلا ..والخطوط زي اسراء ما قالت ..وكمان اغاني وافلام
وبصراحة كنا بنزهقه لاننا كنا بنروح كل يوم يعني كان ممكن نختار يومين مثلا او كده حتي السبت مكناش بنوافق يبقي اجازه لينا
لكن اركز تاني علي كلام اسراء ان انتوا لو روحتوا مش مستعدين في الفارسي مش هتستفيدوا قوي يعني عشان انتوا مش رايحين تتعلموا فارسي
هي تجربة جميلة ومفيدة بس للي يكون فاهمها صح ومستعد ليها
فعلا الاذاعة كانت ممتعة وليها مواقف كتير جميلة يعني احلي حاجة لما كنا نبقي متاخرين علي المعاد بدل 2 نروح 2 ونص ونلاقي الانسانسير زحمه فنطلع للدور السادس علي السلم جري واحنا ميتين من الضحك ومش قادرين ناخد نفسنا
وهناك اتعرفنا علي ناس كتير جميلة منهم واحده ايرانية مذيعه هناك وكمان افغان وناس تانية والحمد لله مازلنا علي علاقة باستاذ حمدي اللي قام بتدريبنا وهو شخصية فعلا رائعة ودايما يسال علينا
وكمان بقي يا عيال لما تخلصوا يعني التدريب روحوا كده اقعدوا علي الكورنيش ..تحفه كنت بروح انا واسرا بقي ونعقد في ضل وكانت الدنيا حر مووووووت ونشرب حاجة ساقعة او عصير وغالبا كان بيبقي استاذ حمدي هو اللي جايبهولنا ونشربه تحت وكمان مرة لقينا خمسين جنيه ودورنا علي صحبها في الشارع كتير وفي الاخر خدناها روحوا انتوا يمكن تلاقوا مية جنية ولا حاجة
كنا بنتصور وكنا بنتمشي كتيييييييييييييييييييير
ما احلي ايام الاذاعة
ميرسي يا بيرو علي الرشوة الجميلة دي .باعتبار ان انا واسراء واحد انا خدتها بدل منها لاني بحب الاغنية دي جداااااااااااااا
وفي انتظار الرشوة التانية