يلا بقا نتعرف علي بعض..........

مين قال بس ان مواضيعك مش بتعجبنا

والله انتى مواضيعك جميييلة جدا جدا ومش مجاملة والله

بس انتى عندك حق فى موضوع عدم التفاعل دا

بجد يا جماعة المفروض يبقى فيه نقاش داير فى المنتدى ويبقى فيه ردود اكتر ويبقى فيه تفاعل من الناس

مش هينفع كل واحد يدخل موضوع يكتفى بمشاهدته سواء عجبه او لآ ويسيبه ويمشى

عجبك الموضوع قول وعلق وقول انت مع الموضوع فى ايه وضده فى ايه

الموضوع مش عاجبك انقده ومتخافش من زعل صاحبه لان اكيد صاحب التوبيك مش هيزعل لاننا كلنا هنا على قدر جميل جدا من تقبل النقد وتقبل الرأى الاخر

واكيد النقد الموجه للموضوع هيكون دافع لصاحبه انه يطور من نفسه ويحسن من شغله القادم

بجد موضوعك حلو اوى يا ساسو

واكيد انا جاى تانى وهعرفكو على نفسى اكتر

بس مستنيين منك انتى يا ساسو البداية علشان نعرفك اكتر

بالنسبة للتعارف يا ساسو مفيش فيه مشكلة
المشكلة الوحيدة اننا كلنا فعلا او اغلبنا يعني الا القليل قوي نعرف بعض شخصيا
علشان كده مش محتاجين لده
و لكن تفاعلا مني هعرف نفسي برده
أنا اسمي عبير
25 سنة
معيدة فى قسم اللغات الشرقية
اكتر حاجة بحبها فى حياتي القراءة و الرحلات
بعرف غير العربي فارسي و انجليزي و بندرس الماني
حلمى إني ألف العالم
شخصية مش تقليدية بحب الناس و ليا معارف كتيرة
لكن صعب قوي إن حد ياخد قلبي و اتمني انه يكون صديق قريب مني
بكره كل حاجة فى الدنيا بتتعمل كد وكده
يعني محبش اعمل حاجة مش مؤمنة بيها و الا اكون مضطرة ليها
عايشة علشان اتعلم و افهم و اجاوب على تلت اسئلة
احنا اتخلقنا ليه؟
ما هي الطريقة المثلى للحياة؟
ماذا يريد الانسان من الله عندما يقابله فى الاخرة؟
قد يبدو لبعض الناس ان الاسئلة دي ليست مجال للتفكير فالاجابة عنها منطقية
و لكني اعتقد ان هذه الاسئلة هي كل الحياة
عارفينه بقي انتي بنفسك يا جميلة

مواضيعك ياساسو جميله جدا والله مش مجامله والله

وبالنسببه للتعارف

انا زينب قسم لغات شرقيه

رايحه انشاء الله سنه تانيه

عندي 18;5سنه

وهتخصص فارسي

بحب الرحلات ونفسي الف العالم

بحب الناس كلهم الي اعرفهم

وبحب الاغاني القديمه
زي ام كلثوم وعبد الحليم ونجاه

وبحب الافلام الجديده
الي ليها قصه وقضيه وهدف

اتمني اني اكون متولطش عليكم

سلااااااااااااااااااااام

اهلا ياساسو
انا بقي اسمي مني
قسم اللغات الشرقيه تخصص فارسي اتخرجت خلاص السنه دي عقبالك
عندي 21سنه
نفسي اسافر اماكن كتيره واعرف اكتر
مش بحب العمل الروتيني
بحب دايما مساعده الاخرين
بمل بسرعه يعني انا لو مسكت في حاجه تلاقيني بعد مده سبتها
نفسي اغير العالم بس صدقيني مش بعمل حاجه تٌذكر احلام وبس (عارفه ان ده غلط )لازم الشخص يسعي لتحقيق اهدافه
بحب الاطفال جدا
للاسف مش بحب القراءه لكن بحب مشاهده الافلام الاجنبيه او العربيه
بحب الحاجه اللي تشدني اللي ليها تاثير في المجتمع
بس
ميرسي ليكي ياساسو

ميرسي اوي اوي اوي لمروركواا
التوبيك نور
وعقبال الباقي لما ينورونا بمشاركتهم


انا بقا اسمي بسمة

عندي 18 سنه

فقسم اجتماع... ورايحه تانيه ان شاء الله

اعندي اصحاب كتير الحمد لله....... وبيحبوني قد ما بحبهم
بس اقرب وحده ليا ( انتمتي يعني ) مع بعض انا وهي من واحنا صغيرين (تقريبا من اولي ابتدائي).... ربنا يخلهالي
انا وهي متفاهمين جدا وتفكرنا قريب من بعض واكتر حاجه بحبها فيها انها مش بتجاملني وفعلا محل ثقه
وامينه جدا علي اسراري
لما ببقا مخنوقه او في حاجه مضايقاني بلجالها .......... بعد ربنا طبعا




لكتر حاجه اكرها فحياتي الغرور
او اني احس ان اللي قدامي بيعاملني حلو عشان في مصلحه بعملهاله واول ما تخلص ولا يعرفي تاني



ابحب الصراحه
بحب الهزار والضحك ........ بس وقت الجد ببقا جد جدا جدا جدا

بحاول اعمل اي حاجه عشان اقرب من ربنا
ربنا يقدرني ويثبتني بعد رمضان

بحب اسمع الاغاني والخواطر والقصص الرومانسيه

بس

انا اهو بدات وعرفتكوا بنفسي
يلا بقا مستنياكوااااا


ا

اولا انا بحب موضوعاتك جدا لانها مميزه
انا اسمى مريم ودلعى مرمر وعندى 18 سنه
قسم لغات شرقيه وطالعه تانيه ان شاء الله وهتخصص عبرى
اكتر حاجه بحبها القراه جدا فوق ماتتخيلى وبحب اعزف برده جدا والف قصص وروايات بصى هواياتى كتيره جدا وبحب اتعلم اى حاجه جديده
اما بالنسبه لطباعى متسرعه جدا وبحب التهريج وعصبيه بالرغم من كده بحب الهدوء ليا عالم كده مع نفسى
واهدافى لا تحصى نفسى احقق حاجات كتيره اوى واقلها ان اعمل حاجه تنفع الناس سواء فى فكرهم او فى حياتهم
واحلامى اعظم حلم بالنسبالى نبقى امه اسلاميه متحده ذى زمان اوى منبقاش منفصلين
اما بحب ايه سمكتى الى اسمها فيشو بجد بحب اربى السمك الزينه واسمع موسيقى عمر خيرت
اما بكره ايه الكدب ده ممكن تكون اكتر حاجه بكرها
مرسى جدا لساسو ويارب مكنش طولت عليكو

سلام عليكم جوانهاى فردا انا حبيت اوى موضوع التعارف ده عشان فى ناس كتير مش عارفة بعضهاوانا مشكلتى انى ماليش اى مواضيع عشان اتعرف لانىوبصراحة شديدة لسه جديدة على عالم النت والكمبيوتر ففى حاجات كتير بحب ااضيفها ومش بعرف
ومش لاقية حد يعلمنى معلشى طولت عليكو ا هعرفكم بنفسى وياريت تتواصلوا معايا عشان حسه ان انا غريبة بينكم


اانا اسمى اية نبيل طالبة فى لغات شرقية راحة تانية ان شاء الله وبحبكم كلكم ونفسى تعرفونى وتساعدونى انى اضيف ا لكم حاجات جميلة اوى
بحب الرسم والقراءة بس بقالى فترة مش بقرأنفسى اكون ذات شأن فى المجتمع ان شاء الله واسافر لاماكن كتيرة وربنا يوفقنا جميعا ان شاء الله ويحقق لكل واحد ما يتمناه فى الدنيا

انا بقى يا بسمة

دوحا المصرى قصدى مدحت


كنت عايش فى سوريا ورجعت على الجامعة عشان ادرس فى الجامعة

مبكرهش حد
ماليش اصدقاء كتير

وميزتى الوحيدة انى زملكاوى

وفعلا المنتدى ده ناقصه التفاعل وهيبقى افضل المنتديات ولا ايه

واهلا بيكى يا ساسو قصدى يا بسمة

ميرسي اوي علي مرورك يا مريم ....... نورتي التوبيك

وميرسي ليكي يا ايه ........... انتي مش غريبه بينا ولا حاجه ما تقوليش كده
انتي خلاص بيقتي واحده مننا

انا كنت زيك كده فالاول........ ما كنتش عارفه حد هنا خالص
كنت حاسه فعلا اني غريبه..... بس اول ما سجلت و بدات اشارك معاهم
واتكلمت معاهم وعرفتهم اكتر
وعرفت ان هم ناس بجد زي العسل

انا بقيت اقضي وقت كبير هنا

وان شاء الله اوعدك ان انتي كمان هتبقا مبسوطه هنا معانا


وميرسي اوي علي مرورك الجميل ده يا دوحا



ومسنيين ردك يا كاسوووو............

ورجعت من تانى اهو

انا اسمى طارق

18 سنة

مليش هوايات كتير غير انى بحب النت والكورة والسباحة

بحب اوى انى اكون فاهم فى اى حاجة يعنى مش هدفى انى اكون بارع فى شئ معين لكن انى اكون بعرف اعمل اى حاجة وكل حاجة

وحلمى كمان انى اكون انسان ناجح وانى اكون راضى على نفسى وانى اعيش حياة طبيعية جدا باكبر قدر من الهدوء وعدم وجود اى مشاكل

ولو على الطباع بحاول دايما انى اشوف عيوبى واغيرها وبحس انى بتعلم اكتر بمرور الوقت ودا اهم حاجة

من اجمل الحاجات اللى فحياتى هما اصحابى ودا لان بجد الصداقة دى اهم شئ ومينفعش الواحد يبقى طبيعى منغير اصدقاء

وبس

اهلا وسهلا بيكى يا مى نورتى المنتدى
وانا مريم تانيه لغات شرقيه عبرى ويارب النجاح للكل
احنا هنا كلنا اصدقاء وهنستنى منك تشاركينا تعليقاتك وموضوعاتك
وبجد شرفتى المنتدى يا قمر

ان شاء الله ربنا هيفقنا كلنا فالنتيجه

وانت بقا يا ميوي منوره المنتدي
وان شاء الله مستنيين موضوعاتك الجامده