سلام جوان هاى فردا
لأنكم شباب المستقبل حبيت اطرح عليكم السؤال ده و هو هل العمل غاية ام وسيلة؟
عرفين أنا بسألكم ليه؟
لأنكم دايما بتسألوا هو احنا لما نتخرج هنشتغل ايه
و الغريبة إنكم مش بتسألوا احنا هنتعلم من القسم ده أيه
عارفين سؤال احنا بشتغل علشان نتعلم و الا بتعلم علشان نشتغل ده بيفكرنى بأيه؟
بسؤال هو احنا بناكل علشان نعيش و الا بنعيش علشان ناكل
كلنا عاشين و بناكل
بس فى ناس عاشين علشان يكلو و ناس بيكلوا علشان يعيشوا
كلنا كمان بنشتغل و بنتعلم
بس فى ناس بتشتغل علشان تتعلم و تطور من نفسها
و فى ناس كل همها إنها تتعلم حاجة تقدر تشتغل بيها
للأسف المجتمع وجه الشباب وجهة أنا مستغرباها
فهمهم إنهم لازم يجمعوا شهادات علشان يحصلوا على وظيفة محترمة
فى حين إن فكرة الوظيفة المحترمة دى فكرة مضحكة جدا
الانسانية تعرف إن فى عمل شريف و عمل يخل بالاخلاق العامة
لكن يعنى ايه وظيفة محترمة؟
و الله لو حد يعرف يبقى يقوللى
الانبياء كان منهم النجار و الحداد و راعى الغنم ووووو
الغريبة إنكوا حاسين إن انتو لو مشتغلتوش دكترة جامعة أو مترجمين فى شركات أجنبية أو مزيعين فى التلفزيون
يبقى القسم ده ملهوش لازمة و تبقوا ضيعتوا وقتكم على الفاضى
و دى كمان فكرة مضحكة جدا من وجهة نظرى
أنا اعتقد إن اى وظيفة شريفة هى وظيفة محترمة
و ان الوظيفة مهما كانت هى وسيلة لخدمة المجتمع و تأمين الاحتياجات الاساسية للانسان و ليست هدف فى حد ذاتها
أنتو بقى بمنتهى الأمانة شايفين ايه؟
الجمعة أبريل 17, 2009 9:08 am
