قاموس المختصرات العبرية

عندي قاموس المختصرات العبرية ..والقاموس جديد جداااا لاني مستعملتوش خالص ..كنت اشتريته قبل تانيه علي اساس اني هتخصص عبري وبعدين اخترت الفارسي فمستعملتوش

القاموس كنت جايباه من مركز الدراسات الشرقية بس الحقيقة انا مش فاكرة سعره كان كام ..لو حد يعرف سعره وعايزه يقولي وطبعا هياخده اقل من سعره الحقيقي ..
الصراحة القاموس بقاله اربع سنين تقريبا في المكتبة ..حرام
يالا الجماعة بتوع العبري اكيد هيحتاجوا

أنا موافق يا ريم
وبالسعر اللى تحدديه
لأنى أن شاء الله هتخصص عبرى وهحتاجه أكييييد

اوك يا مصطفي ..انشاء الله بالتوفيق ..بس السعر هتاكد منه الاول عشان ميكنش في ظلم وهاقولك ..عموما انشاءالله احنا هنتقابل الخميس في الجامعه وكمان عبير عشان نسلم بعض الحاجه قولي اليوم مناسبك ؟؟وهنحدد الساعة بس انشاءالله هنتقابل من بعض الضهر

الخميس تمام أوى
بس مش عاوزين بقا أسعار خيالية أنا تاجر أساساً
وكمان ياريت القاموس يبقى نسخة كويسة ونظيفة زى ما قلتى
منتظر ردك وتحديد الميعاد
أوك

تم النقل الى قسم اللغات الشرقية

اكيد يا مصطفي انا مش هنصب عليك ولا هتاجر بالقاموس ..الفكرة كلها كانت قايمة علي الاستفادة مش التجارة ..وكمان قلتلك شوف سعره ايه وهتاخده اقل من سعره الاصلي لأن فعلا مش فاكره وافتكر انه مش غالي ..وكمان قلت ان القاموس مستعملتوش اساسا واكيد هتشوفه وهتحكم
ولو عايز تجيبه جديد من المركز روح هاته ..انا مش هاتفرق معايا ..القاموس فضل عندي اربع سنين ومفكرتش اتخلص منه ..الموضوع كله عشان الاستفادة واني احاول اوسع مكان للقواميس والكتب بتاعتي اللي بحتاجها فعلا

يا ريم أنا عند وعدى وهشترى القاموس
وعلى فكرة أنا كنت بهزر لما قلت أسعار خيالية
مش عارف أنت خدتى الموضوع جامد وجد قوى كده ليه
وبعدين أنا أكيد هحتاج القاموس وأنتى عاوزه تبيعيه
وأنا قلت هشتريه يبقى أيه علاقة النصب والتجارة فى قاموس ... أرجو التوضيح

اوك يا مصطفي ..حصل خير ..مش عايزاك تركز قوي في انفعلاتي هههههههههه
انا مش زعلانه ..احيانا انا اللي دماغي بتقفل كده ..ولا يهمك
انت زي اخويا الصغنوني برضوا ..ولو ان مليش اخوات صوغنين

بس انا عايزه اعرف سعره افتكر انه كان في العشرينات يعني تقريبا 25 ..المهم هتاكد

بالتوفيق يا مصطفي

مصطفي احنا هاننزل بكرا انشاءالله انا وعبير الساعة 2 هاخد القواميس منها هنتقابل عند القسم
وقبلها هاسال في المركز علي سعر القاموس لو هاتنزل قولي عشان اجيبهولك

أوك يا ريم أنا نازل بكرة
وبالسعر اللى تأمرى بيه يا حاجة
ما أنا بقيت أخويا الصغنونى بقا ... بهزر
وأن شاء الله نتقابل قدام مدرج 74 عند البرجولة الساعة 2 أوك
وكمان دكتور عبير عارفانى وياريت تكون موجودة علشان أباركلها بنفسى على الكتاب
حتى ألقاكوا لكم منى كل الشكر والأحترام والتقدير

ازايك يا مصطفي ..انا استنيتك انا وعبير في المكان اللي انت قلت عليه والساعة 2 بس انت اتاخرت وعبير كانت مشغوله وانا كمان كان معايا حجات كتير فمشينا ..علي العموم انا سالت في المركز علي سعر القاموس هو ب15 ،انا هبيعه ب10 ؟ ايه رايك ..يناسبك السعر ده ؟ وهو جديد زي ماقولتلك
المهم لو ان شاء الله هاتخده ..اكتبلي رقمك ..نحدد يوم تاني ..علي الاقل اعرف اوصلك ..النهاردة مكنتش عارفه اتصرف
وبالتوفيق

هاى ريم
أولاً أنا بعتذر أنى أتأخرت عليكوا يوم الخميس
بس بجد حصلتلى ظروف خارجة عن أرادتى وأضطريت أنى أتأخر شوية
وكلمت دكتور عبير وقالتلى أنكوا مشيتوا بعد ماكنت فى الدقى ... ورجعت
ثانياً السعر مناسب أووووى طبعاً وياريت تكلمينى فى أسرع وقت علشان أعرف أخد أجازة من الشغل
ورقمى أو وهستنى منك تليفون علشان نحدد الزمان والمكان

ايه ياعم مصطفى الارقام دى مخالف لقوانين المنتدى انك تحط ارقام تلفونات ياريت تبعتلها رقمك فى رسالة خاصة مضطرة امسح المشاركة ....شكرا

سورى يا ملك نسيت والله بجد مش قصدى خالص أنى أخالف القوانين
على العموم أنا بعتذر يا ريم إذا كنت أتأخرت عليكى بس بجد كانت ظروف خارجة عن إرادتى
والسعر مناسب جدااا وأنا منتظر تليفون منك بس ياريت بسرعة علشان أعرف أخد أجازة من الشغل ... أوك