ازاى البنات تفرق بين الباب والشباك

السلام عليكــم ورحمـة الله وبركاتــة ،،





أزاى البنت تفرق بين الشباك والباب ؟


سؤال صعب جدا يحتاج الى المعرفة بكثير ما يحدث فى المجتمع يعنى هو موضوع مهم ولكن فى صورة فكاهة لذيذة


عالرغم من ان الباب والشباك يحتوى كلا منهما عى حروف من حروف الحب لكن شتان بينهما اللى يدخل من الباب

يبقى محترم واللى يدخل من الشباك (طبعا انتوا عارفين يبقى ايه مش محتاج انى اذكر لفظ معين )

الشباك دائما يحتاج الى تحايل وضحك على الدقون وكمان يحتاج الى ان الكمبيوتر يشتغل ويضع الأسطوانة المعروفة

اللى بتقول (على فكرة انا معجب بيكى من زمان وكنت مستنى اللحظة المناسبة عشان اقولك ومن الاخر بحبك ها قلتى

ايه )اسطوانة معروفة للجميع طبعا .

خدى بالك من حاجة (التسالى اللذيذ) وده تسالى جميل ولذيذ وكل الناس تمارسه انا واحد من الناس دى بحبه جدا وبعشقه

بس خد بالك ده تسالى مختلف عن التسالى اللى جه فى ذهنك انا قصدى التسالى باللب والسودانى والحاجات الحلوة

(البسبوسه والجلاش والبسيمه وصوابع زينب والزلابيا والكنافة والأكل عموما واللهى جوعت )يا السلام بقى بسبوسة

بالقشطة يااااااااااااااااااا حلوة اوى المهم خرجنا عن الموضوع فى نوع من التسالى اسمه تسالى بناتى ده نوع جديد من

العنب خدوا بالكم من انواع العنب الولد يشترى الصبيانى والبنت تشترى البناتى اوكى.

المهم فى موقف مثلا لبنت فسوف اعرض 4 اراء لبنت واحدة وهنشوف من الأفض من وجهة نظر القارئ

الموقف ( الأسطوانة اللى شغلناه واحنا فوق )

البنت الأولى / تنظر فى الأرض وتبتسم وده معناه القبول .

البنت الثانية / تعمل نفسها من لبنان وتشرب اللبن وتقولوا ايه رأيك فى الفيلم بتاع امبارح

البنت الثالثة / اخيرا قولتها صعبة للدرجة دى

البنت الرابعة / تسيبك وتمشى

وهناك اراء اخرى ولكن هذه الأراء الشائعة بس المهم هنا مين الأصح فى التصرف؟

اكيد طبعا كله هيقول المواقف مختلفة والوضع مختلفة يعنى الأولى ممكن نقول عليها مكسوفة(مكسوفة منك)

والثانية ممكن تكون بتحبه بس مثل اخوها ولكن مش عايزه تخسره كصديق وأخ

والثالثة ممكن اقول انها واقعة لشوشتها فى الحب وكادت تنفجر لولا انه قال لها بحبك

الرابعة ممكن اقول انها بنت لا تفكر فى موضوع الحب ده الأن فهى تفكر فى أشياء اخرى اكثر قيمة من وجهة نظرها

ويا ريت عزيزى القارئ تقول انت او انتى رأيك فى موقف الأربع فتيات

مع الأعتبار ان الأختلاف فى الرأى لا يفسد فى الود قضية قد نتفق او قد نختلف فهذا مجرد رأى


يا ريت يكون الموضوع عجبكم ومكنش طولت عليكم

الموضوع ده مكانه مش هنا يا مدحت المفروض المنتدي العام او كلام بنات

والله عن نفسي الأول مسكينة لانه للأسف في بنات كثير بتنكسف وتاخذ على راسها في الأخر
والثانية تعجبني انها تتوه في الكلام يعني علشان متخصروش كصاحب ومتدخلش في علاقة فاشلة بس اهم حاجة تكون هي دي نيتها
الثالثة واقعة لشوشتها زي ماقولت وانا بحب البنت الثقيلة
الرابعة بقى مقدرش اصنفها بس ممكن تكون بتخاف بتخاف على قلبها فبتريح راسها خالص
انا بقى عندي مقولة يعني على رتم اسم الموضوع
لو دخل الحب من الشباك باظة الصحوبية وهربت من الباب...بس
صحبية الولاد افضل من الحب بينهم ده رئي

انا اسف ريم بس انا اتلخبط

تم النقل الى القسم المناسب

شكرا لتحليلك يا ميما

برافو عليكى