وانت ايه رأيك؟؟

ازيكم ياولاد

بصوا القهوه دى احنا عاملينها علشان نقعد كلنا سوا ونتكلم نضحك بقى نقول نكت فوازير اى حاجه المهم نكون مع بعض كلنا ونتسلى ونعرف أراء بعض فى اللى بيحصل حوالينا ونشوف وجهات النظر فى الموضوعات المختلفه ونتناقش فيها وياتقنعنى يااقنعك

انا بقى عندى سؤال كده انتوا ايه رأيكو فى اللى بيحصل دلوقتى من بدايه الثوره لحد النهارده طبعا مرورا بأيام الجمعه الكتير اللى عدت وبأساميها المختلفه
متنسوش ان أراءنا مؤثره جدااا وبقالنا كلمه ياجدعاااااان وغير كده مش دايما بتبقى وجهات النظر كلها متفقه على رأى واحد أكيد فى حد مختلف فى حاجه

المهم اللى يدخل بقى يقول رأيه فى اللى بيحصل وهل انت مبسوط من اللى بيحصل ولا بتقول كفايه كده وايه رأيكم فى الاعتصامات ولو حد فيكم نزل التحرير يقووووووووووول

وياريت بجد تردوا ونتناقش انا عاوزة اسمع أراء ونتكلم فيها وكل واحد يقنع التانى وكده

بس قبل ما اى حد يتكلم يطلب حاجه يشربها مهى قهوة بقى واول 3 هيدخلوا المشاريب عليا انا اول 3 بسسس

هىىىىىىىىى انا عاوزة نسكافيه بما انى اول واحده
بصى يا ايناس طبعا مكنش حد فينا يتصور ان مبارك يمشى بالطريقة دى وده طبعا انجاز فى حد ذاته وده طبعا انا فخورة بيه لكن بقى فى ناس راكبة الثورة لمصالحه اا الشخصية والاعتصامات اللى كترت اوى دى بالتحرير وان الناس اللى فى التحرير اى حاجة يقولها تبقى استغفر الله ككانها قرءان لازم كله يقول امين لكن اللى يتعارض مع ارائهم او افكارهم يبقى ده بلطجى وفلول نظام وبيحب مبارك اصلا لتحرير مش الحرم يعنى الثورة كان من ضمن اهداهفها حرية الراى لكن فى حاجات كده بتحصل كتير وحشة والتباطىء فى محامكمة رؤس الفساد بردوا مضايقة كل الناس وحال البلد اللى بيرجع لورا والبلطجة وخطف العيال والاغتصاب ليه كل ده ؟؟؟؟؟؟؟؟

بصي يا ايناس انا فرحت بالثوره جدا ووقفت زى اى شاب مصري علشان نقول كفايه
وشيلنا الرئيس والنظام بأكمله فى 18 يوم وده اعجاز والحمد لله الجيش وقف والامور بتتحسن كل يوم
والحمد لله البلد بدأت تقف على رجليها من تانى ومحصلش معنا زى ليبيا وسوريا واليمن اللى مش عارفين يشيلوا
الرئيس لحد دلوقت يبقى نحمد ربنا والنظام هيتحاكم يعنى هيتحاكم يبقى كفايه اعتصامات احنا ملناش غير الجيش
يبقى ازاى نقف ضده ده اكبر غلط وهيودى مصر للمجهول الجيش دلوقت امك وابوك يعنى هتتمرد عليهم هتروح فين ؟؟

ده رأيي مع الاحترام لكل الناس والاراء الأخرى وانا بقول القصاص للعادلى واعوانه اكيد بس من غير ما نوقف حال البلد