اداب الحوار

بسم الله الرحمن الرحيم

اولا اذيكم عاملين ايه ؟؟يارب تكونوا بخير

دة اول توبيك فى القسم دة وطبعا بشكر صاحبة الفكرة انوس حبيتى وملوكة اللى نفذت الفكرة وكل اعضاءالمنتدى

اول توبيك لو تسمحولى نتكلم فيه اداب الحوار لانى الفترة اللى فاتت خصوصا مفتقدينه تماما يعنى على سبيل المثال الشباب الحلوين اصحاب الثورة مش قصدى طبعا الناس الشريفة المحترمة لكن الفئة التانية اللى بيفتقدوا اداب الحوار يعنى مثلا بنوتة من اللى طلعوا على الشاشة اثناء الاحداث الاخيرة كانت بتتكلم بمنتهى التعالى وعدم الاحترام تماما وبتنقض ناس لها تاريخها طبعا متفقين ان اختلاف الراى لايفسدللود قضية بس بردو نعرض راينا باحترام ونراعى غيرنا

وكمان وطريقة الشباب وكلامهم مع بعض غريبة وعجيبة وبيقولو الفاظ بصراحة مش فهماهة
تحسو ان مبقاش فيه ادب فى الحوار سواء مع الاهل او الاصحاب او حتى الجامعة!!!
كل الى بيتكلمو بيه وبيسموها لغة العصر غير لائقة ابداااااا بشباب وبنات محترمين
قليل جداا من البيوت المصرية الى لسة جواها احترام وادب فى الحوار, لكن لو حد من الجماعة الفانكى اتعامل معاهم يقول عليهم دول عالم ( متخلفين)! قال يعنى التحضر فى قلة الادب
احنا كل فترة بنفقد اصول واداب من حياتنا وبننساها شوية بشوية
لحد مهتلاقى يوم ابنك هو الى يربيك مش انت ولا انتى
احنا عوزين نحافظ على اسلوب الكلام بينا شوية وسيبكم من الكلام الى بيقولو عليه
موضة العصر, وخلينا فى موضة احنا الى نعملها والباقى هو الى يقلدنا فيها
خلونا نرجع من تانى بمبادئنا وادبنا الى كنا مشهورين بيهم من فترة عدت




وسؤالى بقا هو عشان احنا فى عصر الازدهار نفقد اداب الحوار؟؟

فى الله احبكم

لأ طبعا عمر التحضر ما كان بقلة الادب او الانعواج فى الكلام
وللأسف بقينا نسمع كلام فى منتهى التخلف من الاطفال والشباب ومبقاش فى احترام للكبير زى الاول وشفت بعيني
واكيد حاجه اساسيه من مبادئ اى شعب مسلم احترام الاخر قول رأيك بس بدون اساءه لشخص او مجموعه
ميرسي لطرحك الموضوع الرائع ده يا روميساء ومنورانا بمواضيعك الجمييييييييله ويشرفنى اكون اول رد

الله ياجماعه كلامكو حلو اوووووووووووووووووووووووووووووووى
روميساء السكره موضوعك جميل زيك وهادف جداااا والكلام فيه كتير وميخلصش، عاوزة اقولكو انها فعل بقت مشكله ياجماعه والله، انتو لما تمشوا فى الشارع وتسمعوا الكلام اللى الاطفال الصغيرين دول بيقولوه مش هتفهموا منه حاجه، والله انا كل ما بسمعهم بقول انى مكنتش طفله فى يوم من الايام، لا ودول هما المستقبل اللى هيعملوا اللى قبلنا واحنا نفسنا معرفناش نعمله

المشكله اكبر مما نتصور كلنا والمفاجأه بقى ان الحل سهل جداا وفى ايدينا احنا وهو اننا نبدأ بنفسنا، انت شاب وانتى شابه مش كل حاجه نسمعها نرددها وخلاص، فكر شويه بعقلك واحنا من منظلق اننا هنا اصحاب واخوات نبدأ سوا ونشجع بعض نحاول نتغير للأحسن واكيد كلنا مع بعض هنشجع بعض وان شاء الله نوصل للى احنا عاوزينه

نور ومصطفـى كلامكو عجبنى اوووى

ربنا يوفقنا جميعا، وفكرة القسم ده ياجاعه قايمه على المشاركه وفتح باب النقاش وزاللى عاوز حاجه يقولها وكلنا هنسمعه

ميرسى ليكو كلكم نورتوا التوبيك