موعد النتائج وأخبار الجامعة

ازيكم عاملين ايه انا رحت امبارح الجامعة بس كانت زحمة قوى وكان في مظاهرات بس قابلت اصحابى واليوم كان حلو وعدى على خير واخدت محاضرة والتانية اتلغت يلا قولولى انتوا كمان قضيوا يومكوا في الجامعة ازاى

انا مروحتش لحد دلوقت بس صحابي كلمونى وقالولى رايقه وكان في مظاهره امبارح فعلا
وبأذن الله هنزل بكره وبجد وحشتني موووووووووووووووت الجامعه وصحابي وزمايلي وكل حاجه فيها
وان شاء الله يخففوا المناهج وينجحونا ويراعوا ضميرهم بدل ما يكون مصيرهم زى مبارك وربنا اقوم بثوره انا بحذر !!

ياجماعة هي بكرة اكيد في جامعة ومحاضرات ولا ايه ياريت تردوا عليا النهاردة

هو اللى عرفتوا لما نزلت امبارح يا سوما ان الجامعه شغاله بس كان فى اجتماع للمجلس الأعلى للجامعات مع وزير التعليم العالى بخصوص تأجيل الجامعات أو تلبية طلبات معتمصين القبة بأقالة رئيس الجامعه والعمداء والوكلاء وربنا يكرمنا وينجحونا بقا نخلص م السنه اللى مش معديه دى

مشكوووووووووووووووووووور على ردك عليا انا رحت امبارح والنهاردة واخدنا محاضرات بس في محاضرات اتلغت بس الجامعة هادية قوى اليومين دول ياريت الكل ينزل بقى ويبطل جبن الجامعة عادى والدراسة شغالة والمظاهرات عند القبة بس والجو عادى ياريت على السبت او الاحد الناس تنزل علشان الحد اللى فات الجامعة كانت زحمة قوى وعلى الثلاثاء بدات تبقى فاضية شوية ربنا يستر ونعدى السنى دى على خير ولو حد عرف اخبار عن النتيجة ياريت يبلغنا وجزاكم الله خيرا واسفة على الاطالة

انا بنزل التلات بس عشان ظروف شغلى ولما نزلت سمعت ان النتيجه اخر الاسبوع او الاسبوع الجاى ده
وربنا يكرمنا كلنا وننجح وميرسي لمرورك الجميل يا سوما

يا جماعة هى النتيجة امتى علشان تجارة ظهرت واحنا لسة والواحد زهق خلاص لما حد يجيب النتيجة ياريت يبلغنا وجزاكم الله خيرا

ياجماعة نتيجة ظهرت في كنترول باقلها كام يوم ومش نزلت حد دلوقتي علي النت انا خلاص هموت من كتر التوتر ربنا يستر

ده استهبال حرام يعنى تبقى نازله ف الكنترول وناس صحابي تجيبها بالوسايط والفلوس وبقالها اكتر من اربع ايام ومتنزلش ع موقع الجامعه فين العداله ومبادئ الجامعه احنا حتى لسه خارجين من ثوره وقلنا هنتغير ومفيش الكلام ده ولا وسايط ولا محسوبيه عاوزييييييييييين النتيجه تنزل بقا ؟؟

ايه ده ياجماعه هو فى حد منكم جابها؟؟
انا بقالى كام يوم مش قادرة انام من كتر الخوف
لو حد سمع حاجه جديده بالله عليكو يقول ويطمنا وربنا ينجحنا جميعا يااااااااااااااااااارب

انا بجد خالص زهقت وتعبت من كتر قلق الناس كلها عرفتها من كنترول ولحد دلوقتي مش نزلت علي النت لية مافيش حد عارف بجد دة ظلم

ازيكم يا جماعة يارب تكونى دايما بخير انا سمعت ان النتيجة احتمال تظهر النهاردة بليل او بكرة الصبح بس مش متاكدة فلو حد جابها ياريت يبلغ الجميع اول ما يجيبها ويطمنا عليه وجزاكم الله خيرا ومتاسفة على الاطالة

ميرسي كتير قطه وساسو وسوما ع المتابعه
وانا على اخرى من النتيجه الجملي دى بجد خنقوووووووووونا والواحد اعصابه مش ناقصه
ان شاء الله تظهر فى اسرع وقت وننجح كلنا ياااااااااااااااااااااااااااااااااارب

نتيجه طلعت يا جماااااااااااااااااااااعة

اللغات الشرقية جميع الفرق-اللغة الألمانية الفرقة الأولى و الثانية و الثالثة-اللغة الألمانية و اللاتينية جميع الفرق-اللغة الأسبانية الفرقة الأولى و الثالثة و الرابعة-اللغة اليابانية جميع الفرق-اللغة الصينية جميع الفرق-اللغة الأيطالية الفرقة الأولى و الثانية-الجغرافيا جميع الفرق-علم ا لنفس جميع الفرق-الأجتماع الفرقة الأولى و الثانية

ابقوا طمنزنى على دراجتكوا كلكوا وانا لسة علشان قسم مكتبات مظهرتش وبجد طمنونى عملتوا ايه وانتى يا ساسو عملتى ايه طمنينى والباقى فين

لا انا لسة مش طلعت انا قسم تاريخ ياجماعة حد يطمنا عملتوا ايه في نتيجه وهي حلوة ولا لا ربنا معاكوا وينجحكواااااااااااااااا كلكوااااااااااااا وبتقدير كمااااااااااااااااااااااان