كرسى الاعتراف ادخل ورشح

احلى سلام لاحلى ناس فى العالم
يلا بينا نلعب لعبه كــرســى الاعـتراف


طــبعا اللعبه دى مشهور اوى فى المنتديات و قولت لازم نعملها




اولا : ما الهدف من لعبه كرسى الاعتراف ؟؟!!
الهدف هو التعرف اكثر على الاعضاء بطريقة مضحكة و كسر حواجز الخجل
ثانيا : كيف يتم اختيار ضحيه كــرســـى الاعتراف ؟؟!!
عليكم انتم ان تختاروا والاكثر ترشيحا هو اللى هيقعد على الكرسى

و سوف يكون لمده 3 ايام
.: حاجات مهمه :.
1 - مش عايزين اسئله محرجه بالذات للبنات
2 - اللى مش عايز يبقى على الكرسى يقولى علشان اشيله بسرعة و اعين حد مكانه

3 - زى ما قولت الكرسى حيبقى لمده 7 ايام و بعد كده هعدل التوبيك ده بالاسامى الجديد و انتوا اختاروا
كفـــايه كده

يلا بينا نلعب
اختاروا يلا وده شكل الكرسى وانت قاعد عليه

أنا موافق

طيب رشح حد بقى يقعد على كرسى الاعتراف

انا موافقه

وبرشح دكتور عبير

دكتور عبير طبعا لازم نضحى بيها فى الأول
يلا يا دكتور كرسي الأعتراف مستنيكي

خلاص دكتر عبير هى اللى هتقعد على الكرسى الاعضاء تتفضل بالاسئلة بقى وياريت نتفاعل مع الموضوع استعدى يا دكتر عبير والبسى حزام الامان هههههههههههههه

بيرو ليا عندك سؤالين
أولاً/ أيه أكتر موقف أتعلمتى منه فى حياتك
ثانياً/ أيه أكتر حاجه جرحتك فى حياتك (لو الموقف شخصى قوليلنا الصفة)
وشكرا جزيلا

يلا دكتر عبير مستنيينك

الكرسي شكله مخيف يا ملك
بس يلا نجرب في عبير الاول

هى فين عبير مدخلتش ولا مرة هنا انا كتبت اسمها فى عنوان الموضوع عشان تاخد بالها وتخش

طيب يا د عبير لو مش عاوزة تقعدى على الكرسى ياريت تتدخلى تقولى انك مش عاوزة عشان نشوف حد تانى عشان اللعبة كده مطعطلة

الظاهر الأسئلة مش عجباها

خلاص عبير كده تعتبر منسحبة من الكرسى يلا نرشح حد تانى

انا برشح ريم

أنا هرشح ملك

يا جماعه د\ عبير مشفتش المسابقه اصلا

سلام جوانهاى
دكتر عبير مشغولة جدا جدا جدا فى الجامعة و ماعندهاش وقت تدخل على المنتدى
دى بتروح بتها الساعة 8 مساءا ادعولها ربنا معها و انا فى رائى رشحوا حد تانى لحد ما
تدخل دكتر عبير ع المنتدى : :

و على فكرة شكل الكرسى مرعب اوى
باىىىىىىىىى

انا عوزة ارشح حد ممكن بس بصراحة هم كتيرة

أنا جيت يا شباب
و بعتذر جدا لاني كنت مشغولة الاسبوع اللى فات
و جاهزة للرد

اولا اكتر موقف اتعلمت منه
وانا بشطب شقتي كنت معرفش اي حد من المنطقة فكنت مضطرة استعين بحد فلجأت للبواب
البواب جابلي ناس
الناس قلولي خلي بالك البواب ده نصاب و بينصب عليكي فى فلوس كتير
الحقيقة حسيت ان الشخص ده امين و امنتله جدا
و بقي هو اللى يتابع الشغل
لحد ما في يوم جه الصبي بتاعه و اعترفلي ان الراجل ده نصاب و بينصب عليا
و طلب مني انه يلدلني على حد كويس بدل الراجل ده
الحقيقة فى اللحظه دي قررت اني اتابع كل اموري بنفسي و معتمدتش على حد
و امنت بالحكمة اللى بتقول
ما حك جلدك مثل ظفرك

مرسسى د عبير على الرد الموضوع نور بيكى يلا يا شباب ادخلوا اسالو د عبير

وانا هسالك بقى
اول سؤال مين الاب الروحى ليكى ؟
ثانى سؤال كان احساسك ايه اول يوم درشتى فيه فى الجامعة؟
ثالث سؤال ايه اكتر حاجه بتتمنيها فى حياتك ولسه متحقتش وتسعى لتحقيقها ؟
اسئلة سهلة اهى يلا اشتغلى بقى

بالنسبة للاب الروحي كنت اتمني انه يبقي استاذ جمال البنا الا اني مشوفتوش غير مره واحده بس و كانت صدفة لكني نفسي يبقي عندي جزء صغير من ثقافته
اول يوم فى الجامعة كنت تايهة و عاملة زي العبيطة مش فاهمه اي اللى بيحصل حوليا
اما عن الحلم فأنا نفسي اسافر بلاد كتير

شكرا يا د عبير على الاجوبة بس بالنسبه للسؤال اول يوم درستى فيه للطلبة مش لليوم اللى كنتى رايحه فيه لدراستك

اول يوم درست فيه للطلبة حسيت بمسئولية رهيبة
و من يومها و انا بحاول استعد لليوم اللى ربنا هيسألني فيه
اذا كنت كنت قد المسئولية و الا لا
مسئولية توصيل العلم للناس مش بسيطة
لان العلم بيكون حجة على الانسان يوم القيامة
و ممكن يكون سبب فى هلاك الانسان لو موصلوش للناس