خبز البيتا التركى

ازيكم يا بنات يا ألطف وأجمل الكائنات, النهارده جبت لكم حاجه سهله وحلوة جدا ومطلوبه كمان اللى هى العيش التركى انا شايفه انه ينفع مع العيش الأسمر اللى احنا بناكله انا مقولتش أحسن منه أو بداله لأ انا بقول ان التغيير مطلوب علشان منزهقش اهو يبقى ده شويه وده شويه وطريقته سهله جدا وعلشان مش أطول عليكم وتزهقوا نبدأ الشغل يللا استعنا على الشقا بالله :

**المقادير:
- 3أكواب دقيق أبيض
- ملعقة خميره
- 2/1 1 ملعقة طعام سكر
- رشة ملح
- ملعقة حليب بودره
- ماء للعجن
- زبده وسمسم للتزين

**الطريقه: (معايا بقى خطوة خطوة بالصور)
- نخلط الدقيق والملح والحليب والسكر ومن ثم تذوب الخميرة في الماء ثم تضاف إلى الدقيق وتعجن لمدة 5 دقائق حتى تصبح عجينة لينه ومتماسكه ثم تترك حتى تخمر لمدة ساعه وممكن نحطها فى التلاجه الساعه دى وبعدين نطلعها وننثر بعض الدقيق و نأخد قطعة من العجين و نشكل منها عدة كويرات صغيرة مع الاستعانة برش الدقيق على العجينة.(زى كده)


نبسط العجينة الى دوائر رقيقة بواسطة النشابه (طبعا بنات وعارفينها)


وللحصول على بيتا بالسمسم او حبة البركة بعدما ما تبسطين العجينة ادهني سطحها بالفرشاه بقليل من زيت الزيتون وانثري عليها السمسم
او حبة البركة
وممكن طهي هذا النوع من الخبز فوق مقلاه التيفال وممكن أن تضعيها في الفرن أو على الصاج
**طريقة الخبز:
تسخنين المقلاه و تضعين الخبز عليها و بسرعة ستظهر فقاقيع على سطح العجينة اقلبي القرص على الجهة الثانية . ستلاحظين انتفاخها حتى تصير كالكرة.
اتركيها حتى تشقر قليلا . لا تاخد اكثر من دقيقتين في الاستواء على كل
جانب
يقدم هذا النوع من الخبز مع الحمص او الفلافل و ممكن تحشينه
كسندويتش.
وهيبقى كده فى الأخر ان شاء الله




وبكده يبقى العيش اتعمل فى وقت قليل جدا وبأسهل طريقه ممكنه وبألف هنا وأسيبكم مع العيش

جزاكى الله خيرا يا انووووس بجد العيش شكله تحفة بس المشكلة انو بيتخن وتسلم ايدك ياجميل وعلى فكرة انا شاطرة اوى فى المطبخ بيقولوا وحياتى كلها فى المطبخ فى الاجازة طبعا ولو عايزة اى حاجة قوليلى انا اقولهالك

يبقى ما شاء الله عليكى انتى علشان انا بصراحه بصراحه يعنى على أدى خالص فى موضوع المطبخ ده ونااااادرا لما بدخله ههههههههه ومفيش مشكله يا بطوط فى انه يتخن انا بدور على الحاجات اللى بتتخن وبآكلها وبردو مفيش فايده
وتسلميلى يا حبى ونورتينى جداااا