NOUR
مشرفة القسم العام
مشرفة القسم الاسلامى
الابراج : الأبراج الصينية : عدد الرسائل : 2018 العمر : 31 الموقع : http://www.quran-m.com/ العمل/الترفيه : التأليف المزاج : التثقيف الذاتى السٌّمعَة : 3 نقاط : 2969 تاريخ التسجيل : 30/10/2009
| موضوع: 10 نصايح حلوين للعزومة فى مطعم الأحد أبريل 18, 2010 9:11 am | |
| لما باذن الله ربنا يفك عقدتك.. وتتخطبى.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه..... إلى مثوااااه الأخير في قفص النسانيس.. قصدي قفص الزوجية السعيد..
أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك..... قلنا رقَّه ....
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا .
2- العيش أوعي تفضحينا وتقطعيه بسنانك..... ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....
3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر لل**ون.. وطبعًاااااا عايزك تنسى تمامًا.. السلطانية اللي بتقيميها على بقك في البيت.. وتدلدقي على روحك.. بالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة......
4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه...
5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..
6- السمك.. مشكلة.. شوفي... بتفصلي اللحم عن الشوك.... إزاي..؟؟ تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.... بلاش فلح... شيلي السلسله بالشوكة والسكينة , وحطيها ف جنب الطبق وكملي أكل النص التاني... وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك...
7- الجمبري.. -إذا كنتي عارفاه-.. أول ماطبق الجمبري ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟؟؟
وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..
8- البطاطس سواء مسلوقة أو محمرة... أوعي تهرسيها وتدبيها ع الرز وتبدي ....لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي....
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....
10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..
أنا أودامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.... آل يعني بتمسحي بؤك.. وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا | |
|
marmar
الابراج : الأبراج الصينية : عدد الرسائل : 377 العمر : 33 السٌّمعَة : 0 نقاط : 493 تاريخ التسجيل : 16/08/2009
| موضوع: رد: 10 نصايح حلوين للعزومة فى مطعم الإثنين أبريل 19, 2010 3:02 am | |
| ههههههههههههههههههههههههههههههههههههههههههههههههههههههه طيب وليه ده كله ما يجى يتغدى فى البيت وخلاص بس على فكره المكرونه بتتاكل كده اول حاجه بتدخلى الشوكه فى الكم الى تحبيه من المكرونه وبعديها تنقليها على المعلقه وتلفيها اصل انا ليا فى حوار الاتكيت ده بدون خطوبه هههههههههه وميرسى يا نور توبيك جميل جدا | |
|
قطــــــــــــــــــــه
مشرفة كلام بنات
مشرفة قسمForeign forum
الابراج : الأبراج الصينية : عدد الرسائل : 1515 العمر : 32 العمل/الترفيه : StuDinG n0t MoRe المزاج : cHeeRful :D السٌّمعَة : 1 نقاط : 2036 تاريخ التسجيل : 17/11/2009
| موضوع: رد: 10 نصايح حلوين للعزومة فى مطعم الخميس أبريل 22, 2010 8:01 am | |
| ههههههه اه صحيح ده أسهل بكتير إننا نأكل فى البيت على الأقل هكون أنا اللى عملاه وهيتآكل يعنى هيتآكل اتيكيت بقى ولا مش اتيكيت وعلى ما أجى أعمل اللى إنتى بتقولى عليه ده يا نور هيكون اليوم خلص ولسه مأكلتش حاجه والمطعم فضى والناس مشيت واللى أنا قاعده معاه خلص أكل وزهق هو كمان ومشى ههههههه لأ بس موضوع مفيد فعلا وجميل يا نورا وأكيد هينفع | |
|
SoMA Bob
الابراج : الأبراج الصينية : عدد الرسائل : 291 العمر : 31 العمل/الترفيه : الرسم المزاج : عايشة السٌّمعَة : 3 نقاط : 313 تاريخ التسجيل : 25/02/2010
| موضوع: رد: 10 نصايح حلوين للعزومة فى مطعم الجمعة أبريل 23, 2010 4:21 am | |
| هههههههههههههههههههههه كل دة علشان اكلت فى مطعم وقدام العريس دة الواحد يعزمه في البيت احسن وكمان انا افضل ابقى بطبيعتى ادامه بس الفرق انى لو قدام خطيبى هبقى محرجة شوية علشان كدة ممكن معرفش اكل بطبيعتى اوى وعموما مشكورة على المعلومات | |
|