ايه بقى اللى مش عاجبك؟؟

انا جتلى فكرة كده (انا عارفه انكم اتخنقتوا منى ومن افكارى بس هتقولوا ايه بقى قدركم ونصيبكم
من الاخر وعلشان مش أطول عليكم.. بصراحه ياجماعه فى الفترة الاخيرة دى انا لقيت الناس كلها اللى مش فاهمين قبل اللى فاهمين عمالين بيشتموا فى مصر وفى اللى فيها وبيجرحوا وخلاص وكلهم بيذكروا الحاجات اللى مش كويسه وبس ونسيوا الحاجات الكويسه الكتيرة جدااااااا طبعا اللى فيها (بينى وبينكم انا كمان فى حاجات كتيرة مضيقانى بس مش كل حاجه) وعلشان كده انا فكرت فى الموضوع ده وهو ان كل واحد فيكم يدخل يقول ايه الى مش عاجبه فى مصر بالظبط ونفسه يتغير وياريت كل واحد فيكم يتخيل كده انه فى حاجه مش عجباه فى البلد وانه هو اللى بيغير الحاجه دى بنفسه!!!!
يااااااااااه بجد احساس اكتر من رائع انه تبقى فى حاجه مضيقاك طول الوقت كل ما بتشوفها او بتسمع من اى حد انها برده مش عجباه فتيجى انت تغيرها, ومتنسوش كمان انه بما ان الشباب هما عصب اى مجتمع فبالتالى لما كل واحد فينا يقول اللى مش عاجبه هنشجع بعض ونساعد بعض على اننا نبدأ بنفسنا ونحاول نغيرها مين عارف الله اعلم ممكن فعلا تتغير بإيديك انت أو بإيد أى حد تانى غيرك المهم انها تتغير وخلاص
هاااا مين موافق على الفكرة؟؟ واللى يدخل هيقول رأيه بليز يعنى ويبدأ هو بحاجه مضيقاه وممكن تكون ايه الحلول اللى تنفع كمحاوله منه انه يصلح ما أفسده الأخرون...يللا؟؟؟

لا فكرة هايلة يا انوووس بجد

بس ممكن يبقى فى شرط او تزودى شرط للتوبيك ان كل واحد هيدخل هيقول حاجة واحدة بس مش عاجباه

يعنى اللى هيرد هيكتب حاجة واحدة بس فى المشاركة ويستنى اللى بعده يقول رايه فيها ويختار اذا كان هيقول حاجة تانى ولا هيسيب اللى بعده يرد على نفس الحاجة يعنى هيباصيها للى بعده او يقول حاجة جديدة

وانا هبدا واقول حاجة مش عاجبانى

( جلد الذات والاشاعات )

احنا الشعب المصرى دايما كارهين نفسنا والبلد وبنقول كدة بالرغم من حبنا ليها

دايما بنشتم فى البلد وحتى الحاجة الحلوة بنفسرها تفسير وحش ودايما بنستبق الاحداث وبنقول كلام محصلش ( الاشاعات ) وكل دا علشان نقول ان احنا وحشين . وخلاص دايما بنجلد ذاتنا وبنطلع بلدنا فى اسوء حال ولو كان الكلام صحيح كان هيعجبنى لكن للاسف بيبقى معظم الكلام محض ادعاء وافتراء و ( اشاعات )

حقيقى الحاجة دى مش عاجبانى

مبدئيا كده ميرسى ياطارق على الرد والشرط اللى انت قلته حلو بجد وكان ناقص وانت ضيفته
بعد كده بقى الحاجه اللى مش عجباك اللى انت قلتها دى هى فعلا حاجه وحشه جداا ودايما بتخلى صورتنا مش حلوة ابدا قدام الأجانب فى الوقت اللى احنا بنكون محتاجين فيه اننا نكون على مستوى مش هنقول عالى بس مقبول على الأقل علشان تكمل صورتنا صورة بلد الحضاره والأصاله
بس على فكرة موضوع الإشاعات ده مش مقتصر على البلد وبس ليه بقى؟؟ لأن الشخص اللى ممكن يطلع إشاعه على بلده ممكن يطلع إشاعه على أى حد أيا كان الحد ده أهو شخص والسلام وكأن الصفه دى (ترويج الإشاعات) بقت فى دمنا والموضوع ده كبر لدرجه ان الإشاعات بقت أنواع يعنى مثلا فى الإشاعات بتاعة وقت الإمتحانات إن الأمتحان هتيجى فيه الأسئله شكلها إزاى أو عن إيه واللى يحلف إنه شاف الإمتحان إزاى الله أعلم وإشاعه الدكتور كذا قال انه فى امتحان يوم كذا وأصلا مفيش امتحان ولا حاجه وطبعا اللى بيطلع الإشاعه دى ممكن يكون قصده التهريج مثلا أو حاجه ما تانيه وخلاص الشعب كله بقى معروف انه شعب بتاع إشاعات يعنى مشكله شعب مش مشكله فرد واحد...
وانا شخصيا عندى موقف كده بخصوص الإشاعات دى (حاجه بجد تحرق الدم) انه فى مرة سمعت انى انا مخطوبه وأنا معرفش هههههههه

ياجماعه عاوزة افكركم بالأيه الكريمه اللى بتقول:

بسم الله الرحمن الرحيم
( يا أيها الذين ءامنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )
صدق الله العظيم

ياجماعه لو كل واحد فينا بدأ بنفسه صدقونى والله هتتغير حاجات كتيرة اوى بس احنا نحاول وكل واحد يبدأ بنفسه ويحاول بقدر الإمكان انه لو سمع كلام ميرددهوش إلا لما يتأكد من صحته الأول ولو فيه فايده لأى حد يقوله ولو لأ خلاص ميقولش علشان ميشيلش هو الذنب لو فيه حاجه غلط ولا حاجه
ميرسى ياطارق على العيب اللى انت قلته والموضوع لسه كبير وأنا مش عاوزة أطول وهسيب اللى بعدى إما يكمله أو يتكلم فى حاجه تانيه مش عجباه وميرسى ليك مرة تانيه

ميه ميه والله يا نور تفسير واضح وصح كمان
بس هو ده بس اللى مش عاجبك فى مصر؟؟؟

معاكى حق والله يا نورا لكى الله يا مصر بس تصدقى بجد والله مع كل العيوب اللى موجوده دى واللى احنا ممكن نحولها لمزايا مش موجوده عند حد غيرنا ( متفائله شويه ) وعلى أد ما أنا بحلم إنى أسافر أكمل دراسه فى تركيا أو أى مكان يخص اللغات اللى انا بدرسها علشان أقويها وأبقى حاجه كويسه فيها وأرجع أفيد اللى مراحش وأستفيد من اللى راح (ووالله مش كلام وخلاص) يعنى الواحد يكون نافع لنفسه ولبلده يمكن يكون سبب فى إنها تخرج من طابور الدول الناميه دى إلا إنى مقدرش أستغنى عن مصر ولا حتى أبعد عنها وإن شاء الله أنا لسه عندى أمل فى إننا نغير حاجه حتى لو كانت مجرد محاوله إلا إنه يكفينا شرف المحاوله وهمتكم معانا يا رجاله

حلوووووووو اوووووووووى يا مودى بسم الله ما شاء الله عليك انت شجعتنى بجد !!!!!
مبدئك سليم مليون الميه ومعاك حق اللى عاوز يغير حاجه مش عجباه لازم يبدأ بنفسه وفعلا فعلا بقى إن الله لا يغير ما بقوم حتى يغيروا ما بأنفسهم
انا عجبانى الفكرة جدااااا وهبدأ معاك واللى مش عاجبنى هحاول أغيره انا بنفسى ويمكن لو كلنا جربنا يحصل تغيير بجد ليه لأ وربنا معانا
وعلى فكرة انا وصحابى بنعمل زى ما انت بتعمل انت وصحابك بالظبط والله حتى لو كنت باكل لبانه مبقدرش أرمى الورقه فى الأرض حتى لو فى الشارع ولو كان الشارع مش نضيف أصلا (و ده طبيعى جدااا)
ولو تعرف كمان ان موضوع انعدام الطموح ده كأنه فيروس وانتشر فى الدنيا كلها وصاب الشعب كله شباب بقى وناس كبار وحتى الأطفال الصغيرين والله
مبقاش فى حد فى دماغه ان ينفرد بفكره ماا او يحقق هدف ما حتى لو كان صعب شويتين او لو كان باين وكأنه مستحيل


ربنا يكرمك يامحمود ويوفقك و يوفقنا كلنا يااارب وشكرا لمشاركتك معايا ولو شايف اى عيوب تانيه ممن تقولها وننقاشها سوا كلنا

المحسوبيه او الوسايط فى الشغل حاجه منتشره جدا فى كل حته بطريقه مستفزه
تلاقي مدير بيعاقب ده عشان اتأخر وميعاقبش اللى غاب و......... حاجات لا حصر لها
نفسي نتعلم المساواه والتقدير والعمل بضمير بجد هنشتغل ونعلى ببلدنا

MOSTAFA ROMIO كتب:

المحسوبيه او الوسايط فى الشغل حاجه منتشره جدا فى كل حته بطريقه مستفزه
تلاقي مدير بيعاقب ده عشان اتأخر وميعاقبش اللى غاب و......... حاجات لا حصر لها
نفسي نتعلم المساواه والتقدير والعمل بضمير بجد هنشتغل ونعلى ببلدنا

هى فعلا حاجه تضايق وانا عانيت منها فى فترة كده بردو بس تقريبا كده خلاص يامصطفى مش هيبقى فى حاجه تانى اسمها محسوبيه ولا وسايط بعد ثورة 25 يناير ومش هيبقى فى رئيس هيتنرفز على مرؤوس ولا كلام من ده لانه هو اللى مختاره بمزاجه انه يبقى مديره

حلوه على فكرة النقطه دى، انت غشيتها منى

انوس بجد توبيك اكتر من رائع تسلملى افكارك
وكمان كل الاراء جميلة

بالنسبة ليا اكتر حاجة حسة بضيق منها الفساد الاعلامى بجد الفترة اللى فاتت كنت مببقاش عارفة ايه الصح من الغلط شوية اعيط على ناس وابقى زعلانة وشوية ابقى مبسوطة فيهم احترت بجد مفيش صدق اعلامى بيلهو الناس بحاجات تافة وحطموا افكارنا وشكوننا فى قدوتنا حتى فى نفسنا اتمنى يكون فى ضمير اعلامى ورقابة لان اكتر حاجة بتاثر على كافة الطبقات هو الاعلام يارب يصلح امورنا ويحفظ مصر وشعبها

وميرسى ياانوس

روميساء كتب:

انوس بجد توبيك اكتر من رائع تسلملى افكارك
وكمان كل الاراء جميلة

بالنسبة ليا اكتر حاجة حسة بضيق منها الفساد الاعلامى بجد الفترة اللى فاتت كنت مببقاش عارفة ايه الصح من الغلط شوية اعيط على ناس وابقى زعلانة وشوية ابقى مبسوطة فيهم احترت بجد مفيش صدق اعلامى بيلهو الناس بحاجات تافة وحطموا افكارنا وشكوننا فى قدوتنا حتى فى نفسنا اتمنى يكون فى ضمير اعلامى ورقابة لان اكتر حاجة بتاثر على كافة الطبقات هو الاعلام يارب يصلح امورنا ويحفظ مصر وشعبها

وميرسى ياانوس

العفو يارورو، وحشتينى اوى والله فينك يابنتى ما صدقتى تسيبينا ولا ايه؟

وعلى فكرة معاكى حق فى اللى قولتيه هى الفترة اللى فاتت دى كان الاعلام فيها مضلل ومش بيجيب الحقيقه والحكايه دى كانت مأزمه الناس كلها ده حتى كمان فى فترة الثوره الناس كانت بتضرب فى التحرير وبتستشهد وهما بيجيبوا فى اغانى وطنيه والقناة الوحيده اللى خرجت عن المألوف وبقت بتجيب الحقيقه كانت الجزيرة وأول ما عرفوا انها بث مباشر وليها مراسلين على أرض الواقع سحبوا تراخيصها
يلا الحمدلله ربنا عداها على خير وان شاء الله ميعودهاش تانى واكيد الوزاره الجيده هتظبط الزلات دى بإذن الله، انا عندى أمل ان شاء الله

وميرسى جداااااااااااااااااااا على مرورك ياحبـــى واهلا بيكى مره تانيه معانا

ربنا يخليكى ياانووووس والله وحشتنينى اووووووووووووووووى مقدرش انساكم انا بفتح والله عشانكم معلش بتبقى كل فين وفين بس بسال وفاكركم




ومبسوطة اوى ان ناس كتير مكنتش بتفتح الحمدلله رجعت ونورتنا تانى

والتوبيك جميل بس مش هنقول ايه اللى عجبنا فى بلدنا الجميلة والله كتير ياانوس ربنا يحافظ عليها ويحميها

روميساء كتب:

ربنا يخليكى ياانووووس والله وحشتنينى اووووووووووووووووى مقدرش انساكم انا بفتح والله عشانكم معلش بتبقى كل فين وفين بس بسال وفاكركم




ومبسوطة اوى ان ناس كتير مكنتش بتفتح الحمدلله رجعت ونورتنا تانى

والتوبيك جميل بس مش هنقول ايه اللى عجبنا فى بلدنا الجميلة والله كتير ياانوس ربنا يحافظ عليها ويحميها

ولا يهمك ياحبيبتى المهم بس اننا نطمن عليكى كل فترة ولا احنا نقدر ننساكى اصلا


وانا معاكى ان مصر بلدنا الجميله بس مهمتنا احنا بقى اننا نحافظ على الجمال دعه والترابط بين فئاتها وطوائفها وربنا يسترها علينا كلنا ويحميهالنا

ايناس بجد توبيك رائع جدا جدا جدا واسمحولى ..طارق روميساء نور مصطفى مودى..بجد انا ..اكاد ارى النجوم تحاوطنى بمعنين معنى انكم نجوم فى العالم..وبمعنى ان فرحتى بيكم خلتنى اطير وأوصل للنجوم بجد فخورة بيكم جدا...فعلا فى حاجات كويسه كتيرة فى بلدنا..بس البلد ارض بندافع عنها احنا الشعب، الارض لا بتنهب ولا بتسرق حق ولا بتعين بواسطة كفاية اتهامات لجاماد كفاية ندور على شماعات ونعلق عليها اخطأنا..الارض بتجمعنا ...الارض موطن بس الموطن الحقيقى مش حصى وتراب لا الموطن احنا اهل البلد الواحد....كل حاجه اتكلمتم عليها بتأذينى بس الاكتر والاكتر ...الضعف وأنعدام الاخلاق...انا يوم ما كتبت عن المصرى كتبت قولت مصرى خايب...وبعتذر على اختيارى للكلمة بس بجد الاخلاق بقت عملة ندرة اوى اوى .. كنت فى مرة كتبت وقلت "وتلقى الابن فى ابوه يهب" علشان بابا بتكلم فى التلفون وهو عاوز يشغل الوب..وبنت واخوها مجتمعين لكلمه اوف اختاروا لحن وللاهل يغنوهايلحنوها يدندنوها وينشروها..ورجل عجوز ساند على اشاب كان فاكره انسان بيحس..التفت الشب وشال ايده ..وبمنتهى القسوة بصوت عالى احرج ابويا عجز وعمى كمان...بنت بتسالاستاذها ..رد بمنتهى الثبات...غباء فى غباء امشى يا بت بلاش جنان...ولا الزوجه تقول لزوجها...والله افضحك بالشمع والعيدان..والا الزوج وحماته..والزوجه وحماتها كمان...يابنى دى زوجتك سرك وراحتك يا بنتى دى ام زوجك..شالته وربته وهيئته لراحتك...علاقاتنا بقيت مقطوعة..وصلتنا بقيت ملسوعه يعنى الحرارة زادت ...ولا هيئه المحلفين اللى ع الحلوة والمرة قالو امين.......أسفة انا عارفة طولت عليكم بس بجد موجعه من اللى بشوفه..كان عندى فكرة ليه منعملش حملة للاخلاق...ليه احنا بما ان احنا فى جامعه واحدة ليه منعملش يوم فى الاسبوع كل اسبوع نزور مدرسة ونتكلم مع الاطفال عن الاخلاق ..ايه رايكم نطلب من عميدنا اين كان هو مين سوا كان جديد أو قديم اننا نعمل عندنا فى الجماعه لجنة الاخلاق ..زى اللجنة الثقافيه ولجنة الاسر...اهتموا اهتموا بالمبادىء والاخلاق..فتلك هى وصية الاباء لاابناء الاخلاق ثم الاخلاق ثم الاخلاق....وخير الكلام ما قل ودل...اكيد انا اخر واحدة فى العالم تقول الكلمة دى...

meran fahmy كتب:

ايناس بجد توبيك رائع جدا جدا جدا واسمحولى ..طارق روميساء نور مصطفى مودى..بجد انا ..اكاد ارى النجوم تحاوطنى بمعنين معنى انكم نجوم فى العالم..وبمعنى ان فرحتى بيكم خلتنى اطير وأوصل للنجوم بجد فخورة بيكم جدا...فعلا فى حاجات كويسه كتيرة فى بلدنا..بس البلد ارض بندافع عنها احنا الشعب، الارض لا بتنهب ولا بتسرق حق ولا بتعين بواسطة كفاية اتهامات لجاماد كفاية ندور على شماعات ونعلق عليها اخطأنا..الارض بتجمعنا ...الارض موطن بس الموطن الحقيقى مش حصى وتراب لا الموطن احنا اهل البلد الواحد....كل حاجه اتكلمتم عليها بتأذينى بس الاكتر والاكتر ...الضعف وأنعدام الاخلاق...انا يوم ما كتبت عن المصرى كتبت قولت مصرى خايب...وبعتذر على اختيارى للكلمة بس بجد الاخلاق بقت عملة ندرة اوى اوى .. كنت فى مرة كتبت وقلت "وتلقى الابن فى ابوه يهب" علشان بابا بتكلم فى التلفون وهو عاوز يشغل الوب..وبنت واخوها مجتمعين لكلمه اوف اختاروا لحن وللاهل يغنوهايلحنوها يدندنوها وينشروها..ورجل عجوز ساند على اشاب كان فاكره انسان بيحس..التفت الشب وشال ايده ..وبمنتهى القسوة بصوت عالى احرج ابويا عجز وعمى كمان...بنت بتسالاستاذها ..رد بمنتهى الثبات...غباء فى غباء امشى يا بت بلاش جنان...ولا الزوجه تقول لزوجها...والله افضحك بالشمع والعيدان..والا الزوج وحماته..والزوجه وحماتها كمان...يابنى دى زوجتك سرك وراحتك يا بنتى دى ام زوجك..شالته وربته وهيئته لراحتك...علاقاتنا بقيت مقطوعة..وصلتنا بقيت ملسوعه يعنى الحرارة زادت ...ولا هيئه المحلفين اللى ع الحلوة والمرة قالو امين.......أسفة انا عارفة طولت عليكم بس بجد موجعه من اللى بشوفه..كان عندى فكرة ليه منعملش حملة للاخلاق...ليه احنا بما ان احنا فى جامعه واحدة ليه منعملش يوم فى الاسبوع كل اسبوع نزور مدرسة ونتكلم مع الاطفال عن الاخلاق ..ايه رايكم نطلب من عميدنا اين كان هو مين سوا كان جديد أو قديم اننا نعمل عندنا فى الجماعه لجنة الاخلاق ..زى اللجنة الثقافيه ولجنة الاسر...اهتموا اهتموا بالمبادىء والاخلاق..فتلك هى وصية الاباء لاابناء الاخلاق ثم الاخلاق ثم الاخلاق....وخير الكلام ما قل ودل...اكيد انا اخر واحدة فى العالم تقول الكلمة دى...

ميران انا مش عارفه اقولك ايه بجد، كلامك حلو جدااا والنثر اللى انتى قولتيه ده أثر فيا جدااااا ووالله كلنا موجوعين بس تعرفى زمان كنا مقتنعين ان احنا مش هنقدر نعمل حاجه من جوانا علشان كده مكناش بنسمح لاى فكرة تورد فى ذهننا انها تطلع للنور لكن دلوقتى زى ما كلنا شايفين كل حاجه بقت ممكنه وفى ايدينا احنا كمان...

عجبتنى اوى فكره الحمله وانا معاكى على فكرة مادام طالعه مننا وهتقوم بينا، لو الموضوع بجد ياجماعه ممكن نتفق كلنا كل واحد عنده فكره ونحطهم كلهم فى جروب ونعمل على تنفيذهم ...

وبعدين قولى اللى انتى عوزاها يابنتى بأى طريقه وزى ما تحبى تطولى طولى انا عامله التوبيك ده علشان كلنا نفضفض مع بعض ونطلع اللى جوانا، ممكن تكون افكار موجوده من زمان واحنا اللى مخبيينها خوفا من اى حاجه، ان حد يضحك علينا مثلا ويقول بيتكلموا على أدهم ومش هيعرفوا يعملوا حاجه او تافه يتريأ عليها لمجرد الضحك او او او او ..... الاسباب كتيرة

دلوقتى خلاص ياجماعه اللى نفسه فى حاجه يقولها من غير خوف، احنا نقدر نعمل اى حاجه فى الدنيا طالما متفقين عليها وايدنا فى ايد بعض

الـفــن اخــــــــــــلاق كتب:

والله يا ميرنا فى امل مع الاصلاح الساسى نلاقى اصلاح اجتماعى واخلاقى
وفى سؤال عايزة اسأله بخصوص الجامعة والاخلاق
هو احنا ليه مابيبقاش عندنا مادة تربوية فى الجامعة

ياريت والله يانورا، فعلا احنا محتاجين نتعلم حاجات كتيرة اوى ونقصانا الخبرة انا عارفه انها مش هتيجى بين يوم وليله زى ما بيقولوا بس احنا محتاجين اللى يوجهنا للصح ويرشدنا للصواب

ربنا يقدم اللى فيه الخير