الإختبار فى الحب

ازيكم ياشباب..
أنا عندى موضوع جامد جدا ممكن نتكلم فيه كلنا ونتناقش فيه واللى عنده فكرة يقولها وأكيد هيكون فى حد مؤيد وفى حد معارض وهنعرف اللى بيؤيد ده إيه مبرراته واللى بيعارض هو كمان إيه مبرراته خلونا ندخل فى الموضوع,,
كنت عاوزة اتكلم معاكوا فى "الإختبار فى الحب" هل انتوا من المؤيدين إنه يكون فى إختبارات بين كل إتنين علشان يعرفوا إذا كان الطرف التانى مخلص ولا لأ ولا بيقول كلام وخلاص, ولا رأيكم انه مينفعش إنه يكون فى مكان للإختبارات دى بين أى إتنين لأنها بتشكك الطرفين فى بعض وممكن كمان تكون سبب فى إنهم ينفصلوا... scratch

بليز ياجماعه أنا بجد عاوزة كله يشارك علشان نعرف وجهات نظرنا هتكون إزاى ونتعرف على طرق التفكير المختلفه ومين عارف كمان ممكن نستفيد من خبرات بعض ليه لأ؟؟

بصى يا توتى
انا مش مع الاختبار عشان يبقى فيه اختبار لازم يكون فيه قوانين للاختبار اسئلة او مواقف معينة تنفع للاختبار مستويات ثابتة .. على فكرة انا مابكلمش على مادة علمية
لكن اللى اقصد اقوله ان العاطفة شىء لا يحتاج لاختبار ولكنه يحتاج لصدق واخلاص وثقة
فانا مش مع الاختبار خالص وكمان شايفة انه شكله غير لائق تماما على شىء زى الحب
وبعدين افعالنا هى اللى بتبين لوحدها مدى قوة حبنا
يعنى اتنين ماشين مع بعض وزى ما بيقوله مقضينها هو دا اساسا مش حب دا قلة ادب
غير لما يكون واحد خاطب واحدة وعايز يجبلها الدنيا كلها
غير لما يكون واحد عنده لا مبالاة تجاه الاخر
فالحب من اكتر الحاجات اللى بتكون واضحة صعب يكون فيها غش او تمثيل فمش محتاج اختبار

http://www.daralansar.com/</A>

انا معاكى يا نورا فى انه الحب عاطفه مش محتاجه للإختبار وانه واضح ومفيهوش غش ولا تمثيل, كلااام جميل بس بردو لازم تاخدى بالك لأن مشكله الحب زى ما قلتلك انه عامل زى البرد بيجى فى أى وقت ومع أى شخص و مش احنا اللى بنختاره هو اللى بيختارنا
Embarassed

وميرسى على مرورك يا قمــر وانا أسفه بجد لسه واخده بالى من ردك flower

:flower

اولا وحشتوني جدا
ووحشتني مواضعكوا ومناقشتكوا اوي اوي اوي
وبصراحه موضوع جامد يا انووووووووووس

المهم
فعلا انا معاكو ان التصرفات بتبين الشخصيه اللي قدامك
بس فنفس الوقت في ناس بتعرف تمثل كويس اوي
وممكن تمثل فوقت الخطوبه كله مهما كانت المده

عشان كده الواحده لازم تبقا صاحيه لنفسها كويس
ولو لقيت فرصه انها تعمل اختبار حتي ولو كان بسيط ليه لا

بس ما يبقاش علي طول يبقا من وقت للتاني كل فتره
وما تحسسش الطرف التاني انها بتختبره
تفهموه ان الموضوع طبيعي جدا
عشان ما يحسش انه موضع اختبار وساعتها ممكن يخلي باله ويمثل بردو

انا بجد مقتنعه جدا ان الوحده مهما كانت بتحب حد اوي بس بردو مهما كان لازم تاخد بالها من تصرفاته كويس جدا
في ناس اه بتعرف تمثل بس التمثيل مش هيبقا ع طول ممكن يغلط ويظهر ع حقيقته

في مواقف كتير اوي ظهرت قدامي اثبتتلي اللي انا بقوله ده

بمعني ان الواحد يحب وكل حاجه بس يشغل دماغه كويس يعني يبقا صاحي لنفسه
ويفكر فالموضوع من كل ناحيه ويسمع راي اللي حواليه ويفكر فيه كويس وما يتفهش منه
ممكن يبقوا هم شافوا حاجه انت ما شفتهاش

بجد الجواز والارتباط ده مصير وحياه
مش حاجه سهله كده

معلش طولت عليكوا بس الموضوع ده شاغلني جدا الايام دي
نسبه الطلاق زايده بطريقه بشعه بين الشباب اللي فسننا
يعني مثلا تلاقي وحده عندها 22 سنه مطلقه ومعاها طفل

وناس اعرفهم كويس ومعشراهم وعشت معاهم
وبجد بيبقوا عايشين قصه حب ما تتوصفش
ومافيش سنه تلاقيهم مطلقين

بجد حاجه تخوف
ما تعرفوش النفوس بتتغير ولا ايه ؟؟

يعني مثلا قعدت مع وحده اعرفها اطلقت ومن ضمن اسباب طلقها ان جوزها كان بيعملها معمله وحشه اوي
فبسالها فالخطوبه كان بيعملك ازاي مش معقول اتغير فجاه؟
قالتلي كان مواقف بتبين كده بس انا كنت بعديها وبعمل نفسي مش واخده بالي عشان بحبه

اللي انا عايزه اوصله اننا لازم ناخد بالنا كويس
وربنا يرزقنا باللي يقدرنا ويتقي ربنا فينا

ياخبر أبيض فى ناس كده فعلا؟؟ طب فلنفرض ان فترة الخطوبه دى طولت شويه 3 أو 4 سنين مثلا هيعمل ايه؟؟ ياترى فى حد عنده القدره انه يخرج بره نفسه الفتره دى كلها ويمثل دور حد تانى؟؟طب ليه؟؟وعلشان ايه؟؟ حرام بجد فى ناس مؤذيه بالشكل ده؟؟!! Crying or Very sad

فى الحاله دى بقى يبقى لاااااااااااااااااااااااااااااااازم يكون فى اختبار لا ده مش اختبار واحد دول 100 اختبار بس السؤال بيقول:
انا هعرف منين انه بيمثل؟؟؟ها هعرف منين؟؟ حد يرد علياااااااا bounce

العاطفة مش محتاجة اختبارات
دى حاجة بتيجى بظروفها من غير ترتيب
والمهم نختار الشخص المناسب Very Happy

» الإنسان قبل(~الحب~) وبعد (~الحب~) وعند ( الحب العام
» ليس من يتكلم عن الحب ... كمن يتألم من الحب
» هو ده الحب؟؟؟
» قالوا عن الحب
» اتسألوني ما هو الحب ؟؟؟؟؟