انسحاب الوفد الايراني

انسحاب الوفد الإيرانى من «حوار الأديان» أثناء كلمة «بيريز».. وطنطاوى وزقزوق شاركا فى الجلسة

كتب أحمد البحيرى، أستانا - وكالات ٢/ ٧/ ٢٠٠٩
شارك الدكتور محمد سيد طنطاوى، شيخ الأزهر، والدكتور محمود حمدى زقزوق، وزير الأوقاف، مع الرئيس الإسرائيلى شيمون بيريز، ووفد من الدولة العبرية فى مؤتمر دولى لحوار الأديان، بدأت فعالياته، أمس، فى عاصمة كازاخستان «أستانا».

وانسحب ممثلو الوفد الإيرانى المشارك فى فعاليات المؤتمر من القاعة أثناء إلقاء شيمون بيريز كلمته، ورفض أعضاؤه العودة طيلة الكلمة وعلقوا قائلين: «لقد جئنا إلى هنا لسماع القيادات الدينية، وبيريز ليس رجل دين».

وذكرت صحيفة «جيروزاليم بوست» الإسرائيلية أن الوفد الإيرانى لم يكن على علم بمستوى التمثيل الإسرائيلى فى المؤتمر حتى الاثنين الماضى، كما أنهم لم يكونوا على علم بخطاب بيريز ضمن فعاليات المؤتمر.

ووفقا لمصادر فى المؤتمر، فإن شيخ الأزهر ووزير الأوقاف شاركا فى حضور جلسة المؤتمر أثناء إلقاء بيريز لكلمته ولم يغادرا القاعة.

وألقى زقزوق كلمة فى إحدى جلسات المؤتمر طالب فيها زعماء الأديان السماوية بأن يتحملوا مسؤولياتهم الضخمة فى مواجهة الأخطار المشتركة التى تهدد العالم كله ومنها «أسلحة الدمار الشامل».

وقال زقزوق: إن زعماء الأديان عليهم العبء الأكبر فى إحداث التقارب بين الشعوب بإقناع أتباع هذه الديانات بأن رسالتهم جميعا جاءت للسلام وتحقيق الخير لكل البشرية، مضيفا أن الإسلام يحترم تماما حق الإنسان فى تأدية شعائر دينه ويرفض التعصب الأعمى والعنصرية البلهاء.

كان شيخ الأزهر قد تعرض لهجوم شديد إثر مصافحته الشهيرة لشيمون بيريز فى مؤتمر حوار الأديان بالولايات المتحدة الأمريكية، العام الماضى، أصيب على خلفية هذا الهجوم بالتهابات فى الأعصاب ودخل على إثرها مستشفى وادى النيل لتلقى العلاج.

المصري اليوم

الحقيقة الواحد محتار بين ابراز التسامح مع الطوائف و الديانات الاخري
و بين شبهة التطبيع
موقف رجال الازهر يحترم
لانه من قبيل تقبل الاخر و احترامه و ايجاد ارضية مشتركة لتحقيق السلام
و موقف الايرانين ايضا يحترم
لان ما يفعله اليهود يصعب معه اي نوع من انواع التفاهم
يبقى فى النهاية
تبقي النوايا هي الفيصل فى الموضوع
و ربنا هو اللى يعلم بيها
اما انا شخصيا احترم الاثنين
لان كل طرف فيهم ليه منطق فى التعامل
و الله اعلم لو كان الواحد فى موضع الاختيار
كان هيختار اي تصرف

الحقيقة انا شايفه ان الحوار مهم بين كل الاديان وبين المذاهب ولازم يكون فيه حوار ثقافي بعيدا عن السياسة وفي نفس الوقت مش لازم نغفل حقوق المسلمين في فلسطين ونأكد علي حقوقهم في كل المؤتمرات والمحافل الدولية، زي ما عمل اوباما بالضبط في مصر لما جه وقال انه هيوجه خطاب للعالم الاسلامي من مصر واظهر حبه للمسلمين والاسلام واحنا فرحنا وهللنا وهو جه عشان يأكد علي ان فلسطين هي ارض اليهود وانهم غلابه مساكين وامام العالم كله ومن اهم دوله اسلامية في المنطقة العربية .. الحقيقة دايما بيلعبوها صح ،يا ريت نعرف اصول اللعبة ونلعبها صح في يوم من الايام ..اما رأيي في تصرف الايرانيين فانا شايفه ان الايرانيين دايما بيخدوا مواقف صارمة امام العالم عشان الكل يعجب بيهم خصوصا الدول او الشعوب اللي بتفتقد المواقف اللي زي دي ( بمعني اصح الشعوب اللي بيبقي نفسها تشوف حكومتها بتقول لا لاسرئيل ولا لامريكا حتي ولو علي الفاضي ..فاهمني طبعا)الحقيقه ان مش هي دي الحقيقه ، الحقيقة انهم برضوا بيلعبوا لمصلحتهم والحياة عندهم مش يا ابيض يا اسود زي احنا ما بنشوف لا عندهم الوان تانيه كتيره ،هما كمان بيعرفوا يلعبوها صح امام العالم ..الدور والباقي علينا ياريت نعرف نلعبها صح بس لمصلحتنا احنا مش لمصلحة حد تاني ..