حقيقة أوباما

إن خطاب الرئيس الأمريكي الجديد باراك حسين أوباما فى جامعة القاهرة
كان خطاباً مثالياً ومليئ بالشعارات والأقوال التى خدعت الشعب المصري
بل والعالم الإسلامى كله الذى ظن أن أوباما داعى للسلام وقائد سياسي عظيم
ولكن الحقيقة عكس ذلك تماماً خاصة فى قضية فلسطين والذى قال فيها
أن فلسطين لابد وأن تحرر وتكون عاصمتها القدس وأعتقدت أنه سينهى
الصراع الذى دام لأكثر من خمسين عاماً ولكن أتضح أنه رئيس ذكى
وقدر يضحك على الشعب المصرى الغلبان بكلمتين وأحنا كنا هنعمله تمثال
لأنه قال آيتين قرآنيتين ومدح فى الأسلام والمسلمين ولكن هذا يذكرني
بمجئ نابليون إلى مصر عندما دخل إلى قلوب الشعب المصرى من مدخل ديني
ثم بعد ذلك أحتلنا وسيطر على شئون بلدنا وجعلنا عبيد لقوانينه
وهتلر أيضاً الذى أراد أن يجعل من مصر قاعد عسكرية فى الحرب العالمية
فأعلن إسلامه وأطلق على نفسه الحاج محمد هتلر وتستمر الحكاية
ولكن السيد أوباما ظهرت حقيقته كما توقعت وقبل أسابيع قليلة من خطابه
فى مصر الذى أكد فيه على ضرورة أقامة السلام فى فلسطين مهد الأديان السماوية
بعد معاناة الشعبين وذكر أن 6مليون إسرائيلى قد ماتوا فى سبيل تحقيق وطنهم
ولم يذكر قتل ملايين الفلسطينين من الرجال والنساء والأطفال والشيوخ وتدمير بيوتهم
ولكنه أكد على ضرورة إيقاف المستوطنات ... بعد أيييه
كان أوباما قبل أنتخابه بأيام يوجه خطاب للإسرائيلين عظيم جدااا
ده الخطاب https://www.youtube.com/watch?v=mRWBRyDP8wg

مرسي يامصطفي الموضوع حلو اوي

انا للاسف انا مكنتش شوفت الخطاب ده قبل كده لكن شوفت خطاب جامعة القاهره

فصدقت بعض الحاجات الي قالها بخصوص العراق والدول الي محتلها امريكا لان ده هو الي يهمه

لكن فلسطين لاتهمه في اي شئ ده بالعكس مصلحته مع اسرائيل

انا من رايي ان احنا لو استننا رئيس او دولة اوربية يجي يرجعلنافلسطين او حقوق اي شعب محتل يبقي هنستنا علي طول

ان مكنش احنا هنرجعا يبقي عمرها مهترجع.

ومن الحاجات الي عملها وتحسبله بدأ انسحاب امريكا من العراق

شکراً یا مصطفی علی الاضافة الجمیله دی
عموما انا شوفت الخطاب اللی القاه فی جامعة القاهرة وهو کان واضح من الاول لما قال لن نتنازل عن دعمنا لاسرائیل ویجب اقامة دولة یهودیة الی جانب الفلسطینیة
والشعب المصری معروف بانه طیب وغلبان وعلی نیاته وکل جمله یسقفوا علیها انا بصراحة کنت بتفرج مش لاقیه حاجه تدعی التسقیف
مش عشان قال آیتین ولا السلام علیکم اسقفله
بالعکس احنا نحذر من الانسان اللی قرأ فی ثقافة دینا اوی قبل اللی میعرفش حاجه عن الاسلام
وعلی العموم الایام هتبین حقیقة اوباما أکثر وأکثر
ومستنین مقالاتک یا مصطفی
وبالتوفیق

شكرا مصطفى على الموضوع
و شكرا اكتر علي الخطاب لاني مكنتش شوفته قبل كده
و منتظرين منك كلام اكتر

ميرسي يا جماعة على الردود الجميلة
وأتمنى أن الموضوع يكون حاز أعجاب الجميع
بس على فكرة أنا مش ضد أوباما ولا سياسته بالعكس فى حاجات كتير عجبتني فى خطابه زى كلامه عن الديمقراطية والمرأه وحاجات تانية كتير بس اللى ضايقنى أنه قال هنا كلام وأمام لجنة الشئون العامة الأمريكية الإسرائيلية كلام تاني خالص زى موضوع حماس والسلطة والقدس والمستوطنات بس عموماً أنا متفائل بسياسة أوباما وفكره وحاسس أنه هيصلح حاجات كتير وهيكون أحسن من غيره
وإن شاء الله فلسطين تتحرر وترجع عاصمتها القدس والكل يعيش فى سلام قولوا يارب
وربنا يقدرنى وأحاول أفيدكم دايماً وأن شاء الله هرجع أكتب تانى مقالات وموضوعات مهمة بس لما أفضى شوية من الشغل

موضوع جميل اوى يا مصطفى وفعلا خد تفكير كتير وكان فى اسئله كتير عن حقيقة شخصية اوباما هو من الشخصيات اللى تحير لانه زكى جدا وكلامه بيخليك متعرفش هو بيفكر فى ايه وهو مش علشان رئيس اكبر دوله يبقى هنستناه انه يحل مشكلة فلسطين رغم انه رئيس امريكا لكن مش هو بس اللى بيجكم فى ناس تانيه هما برضه بيحكموا العالم واوباما لو كان واحد غبى وعايز يضيع امريكا كان اتبنى قضية فلسطين وطرد الاسرائيليين بس طبعا ميقدرش يعمل حاجه زى دى لان اسرائيل هى اللى عملت امريكا ويعتبر معظم اقتصاد امريكا فى جيب اسرائيل فعلشان كده كان لازم ان اوباما ميديش وعود كتير على حساب اسرائيل . وده رايى الخاص.

مرسي يا مصطفي علي الموضوع ..وكان المفروض علي اي مصري انه يبقي فاهم كويس قوي ان اوباما مش المسيح اللي هيجي يخلص العالم من الشرور والآثام ، ولا هو المهدي المنتظر ، في النهاية هو امريكي
اقسم علي حماية ورعاية مصالح امريكا مش المسلمين ولا العرب
وكلنا عارفين مصلحة امريكا فين ومع مين
هو جاي وعارف هو هيوجه الخطاب لمين بالضبط يعني ايه اللي بيفرحهم قال اقولهم السلام عليكم واجيب كام آيه كده من عندهم ..كلمنا باللغة اللي بنفهمها احنا بس وللاسف فرحنا بيها ،نفسي نعرف مصلحتنا فين ونفهم اللعبة اللي بيلعبوها ..بس مين يفهم ..ولا مين يسمع !!

موضوع جميل يا مصطفى
و خطابة الصارحة محير جدا متعرفشى ان كان ضد او مع العرب
لكن من وجة نظرى ان عمر ما رئيس امريكى هيكون مع الاسلام و العرب
بالعكس هو كلامة كان متناقض و محير جدا و الصراحة مستفدتش اى حاجة من الخطاب بالعكس اتلخبطت و ضحك علينا جة و و زار المساجد و الاهرامات لكن دة اكيد وراة حاجة الله اعمل بيها
مرسى بجد على التوبيك دة و على الخطاب كمان

بجد حقيقى يا مصطفى ميرسى جدا
اوباما لا يختلف عن غيره فى شىء ابدا
ولازم نعرف كويس اناليهود مكانتهم بتكبر فى امريكا رغم عددهم ومع ذلك عارفين كويس يتحكموا فى مشاعر الامريكان والغرب تجاهم وكمان سيطرتهم على جزء كبير من اقتصاد امريكا

على رآى وجدى غنيم باراك بومة مش اوباما

ميرسي يا جماعة على الردود الجامده
بس أنا حبيت بجد أنى أقول وجهة نظرى فيه بكل صراحة
وأظهر حقيقته أمام الكل لأنه مش ملاك ولا اللى هيخلى العالم كله سلام
وعلى فكرة مؤخراً فاز الرئيس الأمريكى الجديد بجائزة نوبل للسلام وعلق على الجائزة بكلمة ... مستحقهاش !