يوميات الفتى الرومانسي

نداء عاجل لمصطفى
مش معنى انى مش متوقعه الجايه يحصل ايه
انك متنزلهاش وتعذبنى زى كل حلقه بفضولى
يلا يا مصطفى ربنا يخليك نزل الحلقه الجديده بسرعه

كنا انتهينا فى الجزء الرابع ان عمرو كلم ياسمين وكان فرحان جدااااااا
لانه حس انها مستلطفاه وانه طلع ضرب حودة هههههههه صعبان عليا الواد
يلا بقى

الحلقه الخامسة

روح عمرو وكل اللى بيحلم بيه انه يروح ينام عشان يحلم باجمل عيون وارق ابتسامة واروع صوت
روح وبيتمنى ان محدش يصحيه من حلمه الجميل اللى بقاله كتير بيحلم بيه
ونام عمرو على صوت الست

ياما عيون شغلونى لاكن ولا شغلونى
الا عيونك انت دول بس ال خدونى وبحبك امرونى
امرونى احب لاقتنى بحب
لاقتنى بحب وادوب فى الحب ..........

ونام عمرو وطول الليل بيحلم بحبيبته
وصحى عمرو من نومه على صوت تغريد العصافير وكأن الدنيا كلها فرحانه علشانه
حس عمرو ان ده احلى يوم نام فيه من مدة طويلة اوى
وفكر عمرو ياترى يتصل بيها ولا لا
فقرر انه يتصل ويصبح عليها ويعمل فيها الواد الرومانسى الجامد اوى
اخد الموبايل بتاعه واتصل الووووو
قفل السكة
عمرو :- إيه ده !!!!! ده شكله صوت امها !!! اكيد هى فى المدرسة دلوقتى ؟؟!!
ربنا يستر
وخرج عمرو راح كليته
وفى اخر اليوم
اتصل بيها

عمرو :- الو

ياسمين :- الو

عمرو :- عاملة ايه ؟؟

ياسمين :- الحمد لله ....... وانت عامل ايه ؟

عمرو :- مافيش احسن من كدا حاسس انى اسعد واحد فى الدنيا

ياسمين :- ( ضحكة خفيفة ) .. للدرجادى

عمرو :- واكتر من الدرجادى كمان
انتى مش متصورة انا بحبك قد ايه ؟؟

ياسمين :- قد ايه !!!!

عمرو :- قد عمرى ولو انه صغير اوى عليك ولو اتمنيت انه يطول فيطول عشانك انت وبس وعشان احبك انت وبس

ياسمين :- يسلام انت بتجيب الكلام ده منين

عمرو :- ده بس عشان بممووووووت فيك

ياسمين :- طب انا عاوزة اسالك سؤال !! ( من اولها اسئلة )

عمرو :- ايه هو ؟؟

ياسمين :- مش انت قولتلى انك فى كلية

عمرو :- اه

ياسمين :- يعنى بتشوف بنات كتير واكيد فيهم الاحلى منى و.......
عمرو :- بس عرفت انت عاوزة تقولى اى
اشمعنا انت يعنى ؟؟

ياسمين :- اااااااااه

عمرو :- اولا هما مش احلى منك ولا حاجة انت اجمل واحدة انا شوفتها فى حياتى كلها ولو لفيت الدنيا كلها مش ها الاقى الاجمل منك .... وثانيا الحب مش بأيدينا ولا باختيارنا

( سكوووووت )

عمرو :- طب ممكن انا اسالك سؤال

ياسمين :- اتفضل

عمرو :- انت حبيتى قبل كدا

ياسمين :- لالالالالالالا ............ انا اساسا اول مرة اكلم حد

عمرو :- والله يا ياسمين وانا اول مرة احب فى حياتى وماكنتش اعرف انى ها ابقى مدهول كدا فى الحب وانى اللى ها احبها ها تبقى احلى واحدة فى العالم كله

ياسمين :- ههههههههههه مش اوى كدا يعنى يا بكاش

عمرو:- والله العظيم بتكلم بجد

عمرو :- بحبك

ياسمين :- وانا كمان

عمرو :- يا لهوى انا مش قد كدا انا ممكن اموت منك

ياسمين :- لا بعد الشر عليك

عمرو :- هو انت عيد ميلادك امتى ؟؟

ياسمين :- اشمعنا

عمرو :- عادى بسأل

ياسمين :- 1/4

عمرو :- لا بجد والله

ياسمين :- والله بجد فيها ايه

عمرو :- والله العظيم انت 1/4

ياسمين :- اه انت مستغرب كدا ليه ؟؟

عمرو :- ههههههههه اصل انا كمان مواليد 1/4

ياسمين :- هههههههههه بجد

عمرو:- اه والله العظيم شوفتى بقى اللى احنا شبه بعض فى كل حاجة حتى اليوم اللى اتولدنا فيه !!!
يعنى احنا مخلوقين لبعض من قبل ما نشوف بعض

عمرو :- على فكرة انا اتصلت الصبح وتقريبا مامتك هى اللى ردت عليا

ياسمين :- وايه اللى حصل ؟؟

عمرو :- لا ولا حاجة انا قفلت السكة

ياسمين :- وكدا تقفل السكة فى وش ماما
هههههه

عمرو :- طب وانا كنت ها اقول ايه

ياسمين :- على فكرة ماما طيبة جداااااااا وانا مش بخبى عليها اى حاجة خالص

عمرو :- يعنى انت قولتيلها

ياسمين :- لا لسة بس اكيد ها اقولها لانى ماينفعش انى اعمل اى حاجة من وراها

عمرو :- طب ولو رفضت

ياسمين :- ها احاول معاها و على فكرة كلنا كدا حتى اخويا

عمرو :- اخوكى باسم

ياسمين :- انت تعرفه

عمرو :- ااااه يعنى صحاب نص نص ماهو معايا فى الكلية

ياسمين :- يالهوى

__________________

ونكمل فى الحلقة 6 ...

يالهوى هههههههههه
تستاهل اللى يجرلها بقى

انا مش بخبى حاجة عن ماما طب تجرب تقولها كدة

ايه يا مصطفى الحلقة مكالمة تليفون بس

يا ترى حصل ايه انا خايفه على ياسمين ممكن
يكون باسم دخل فى الوقت ده وسمعها او ممكن تكون والدتها

يوميات الفتى الرومانسي - صفحة 2 211563408

السلام عليكم جامدة القصة بس انا شايفة ان ياسمين غلطانة من الاول علشان خدت وادت في الكلام من الاول لما كلمها عمرو وكمان المفروض متكلموش كدة علشان حرام وكان المفروض تقوله انه لو غرضه شريف يتقدملها او يستنى لما يكبروا ويقدر يتقدم مش تكلموا على امل انه بيحبها وعايز يتقدملها والصراحة فيه اولاد دلوقتى بيقولوا للبنات انهم عايزين يتقدموا وبعدين يقولوا مفيش نصيب وانا لو مكان ياسمين كنت من اول ما كلمنى كنت قولتلوا انى مبكلمش اولاد او لو قالى انه عايز يتقدم بجد هاقوله لو فعلا هيتقدم هقول لبابا او اخويا ويكلمك علشان يبقى كل حاجة في النور وكمان المفروض ان الواحد لما يعمل اى حاجة ميحطش ماما وبابا بس في اعتباره علشان لازم يخاف من الاحسن منهم وهو (الله) وانا اسفة على الاطالة بس بجد دة كان رايى وياريت مكنش دايقتوكوا برايى والسلام عليكم ورحمة الله وبركاته

بالعكس يا سومه أنتى نورتينا بجد وبالأخص الرد الجامد ده ومنتظرين منك المزيد من المتابعة
وبجد رأيك يحترم جداااااااا وده الصح فعلاً بس أكيد مش هيتجوزها على طول والأفضل فى العرف
أن الولد يخطبها وبعد كده يبقوا ماشيين فى السليم ده لو بيحبها بجد أما لو بيحبها بس ظروفه
متسمحش أنه يخطب أو يرتبط دلوقت يبقى أحسن حل أنه يقطع نفسه ويحاول يجهز الحاجات
المبدئية علشان يرتبط بيها رسمياً والمفروض أن البنت تستناه مش زى ما بنشوف دلوقت أن
الشاب يتغرب ويشتغل ويكون نفسه ويضحى بحاجات كتير علشان خاطر البنت وفى النهاية ...
يسمع أغنية ورجعت من السفر lol!

NOUR كتب:: يالهوى هههههههههه
تستاهل اللى يجرلها بقى

انا مش بخبى حاجة عن ماما طب تجرب تقولها كدة

ايه يا مصطفى الحلقة مكالمة تليفون بس

ميرسي لمرورك الجميل يا نور
وبعدين متقلقيش أن شاء الله الموضوع يبقى رسمي

marmar كتب:: يا ترى حصل ايه انا خايفه على ياسمين ممكن
يكون باسم دخل فى الوقت ده وسمعها او ممكن تكون والدتها

لأ متخافيش يا مريم خييييييييير lol!

ويا ترى يا سمين أتقفشت والحوار قلب ولا أيه !! أما نشوف توقعاتك Suspect

الحلقه السادسه

عمرو :- وفيها اى اتخضيتى كدا ليه ؟؟

ياسمين :- طب ولو عرف

عمرو :- وهو ها يعرف منين وحتى لو عرف انا ها افهمه وبعدين يعنى هى حلوة ليه ووحشة لينا ... طب ماهو كمان بيحب وعايش قصة حب

ياسمين :- بس هو حاجة وانا حاجة

ياسمين :- انت لو عندك اخوات بنات كنت هاترضى انهم يكلموا حد

عمرو :- اولا انا عندى اخوت بنات بس لسة صغيرين .... ولما يكبره يبقى ربنا يسهل

ياسمين :- لا ها ترضى ولا لا قول ؟؟!!
( اى السؤال المحرج ده )

عمرو :- بصى يا ياسمين مش كل الناس ذى بعضها
انا الحمد لله واثق من نفسى وعارف انى عمرى ما ها اضرك فى حاجة وعمرى ما هاذيكى
( هرب من السؤال بمعلمه )

ياسمين :- ( تنهيييييييد )

عمرو :- مالك

ياسمين :- مافيش

عمرو :- طب ممكن بقى اسمع منك كلمة بحبك

ياسمين :- دلوقتى

عمرو :- اه طبعا امال بكره ههههههههههههه

ياسمين :- لا طبعا انا مش ها اقولهالك غير لما اتاكد مية فى المية انك بتحبنى

عمرو :- انت كل ده ولسة ما اتاكديش

ياسمين :- يعنى ومش .....
( بوم اتقفلت السكة على ودن عمرو طبعا عمرو فهم ان فيه حد دخل عليها )

اتصل بعديها بشويه

عمرو :- الو

ياسمين :- الووو

عمرو :- ايه في ايه اللى حصل

ياسمين :- لا والله النمرة غلط
( وبردك قفلت السكة )

شك عمرو شوية بس يمكن فيه حد جمبها وفقد الامل انه ممكن يكلمها تانى النهاردة

وكمل اليوم مع صحابه
وحكلهم على اللى حصل
وكله تمام ومرت الايام فى سعادة وسكينة

لحد ما ياسمين قالت لعمرو انها حكت لمامتها عنه وان مامتها عاوزة تكلمه

طبعا عمرو استغرب من الموضوع ده وكان كل مرة بيقولها ماشى بعدين طب هو انا اقولها ايه ؟؟

عادى كلمها وانت ها تعرف
وكان عمرو قلقان اوى من الموضوع ده
بس اكيد هى لو ماكنتش عاوزة تخلى بنتها تكلمنى اكيد كانت منعتها وهو ده اللى كان مصبره ومطمنه

وفى يوم كان عمرو
بيكلمها
وفجأة

ياسمين :- على فكرة ماما عارفة انى بكلمك دلوقتى وهى عايزة تكلمك

عمرو :- طب ياسمين .....

ياسمين :- خد ماما معاك
((( يا خرابى على الزنقة ))

مامتها :- السلام عليكم

عمرو :- وعليكم السلام ( ضاااااااااع الواد )

مامتها :- ازيك يا عمرو

عمرو :- تمام الحمد لله ازى حضرتك

مامتها :- الحمد لله

مامتها :- ياسمين كانت حكتلى عنك وبصراحة كدا انا قولتلها انها ما تكلمكش تانى بس هى مش راضية
وانت عارف بقى دماغها ناشفة
هههههههههههههه

عمرو :- اه مانا عارف طب وحضرتك ليه كدا ؟؟

مامتها :- ياعمرو انت ذى باسم ابنى وعارفة انك بدرى عليك صح ولا لا ؟؟

عمرو :- مش بدرى ولا حاجة انا قدامى سنتين واتخرج من الكلية وساعتها ممكن انى اتقدم لياسمين وبعدين ياسمين لسة صغيرة

مامتها :- يااااااا يا عمرو ده انت لسة عاوز تكون نفسك ولسة قدامك جيش وموال
هههههههههه

طب وليه حضرتك ها تعقدينى (( الواد جاله احباط ))
ههههههههه

عمرو :- انا بس اتخرج من الكلية وربنا يحلها ولا فيها جيش ولا حاجة باذن الله وبعدين انا بحب ياسمين وهى كمان بتحبنى .. وباذن الله نكمل مع بعض

مامتها :- مافيش حاجة اسمها حب فى الزمن ده انت بس علشان شايف ياسمين حلوة شوية فمعجب بيها مش اكتر

عمرو :- لا والله العظيم انا بحبها بجد وعمرى ما اقدر اتخلى عنها ولا انى استغنى عنها فى يوم
(( وفضل عمرو كلمة من هنا وكلمة من هناك يقنع بيها والدة ياسمين بكلامه ))
(( وفعلا نجح فى انه يقنعها )) ( مقنع اوى الواد ده .... طالع لى )

واثناء المكالمة كان سامع صوت ياسمين جمب مامتها وهى بتقول قفشات وبتعلق على كلام مامتها زى
خلاص بقى عقدتى الواد
كفاية كدا
اشمعنا يعنى باسم

وكان بيضحك عليه هو ومامتها
وبعد ما المكالمة ما انتهت
حس عمرو ان الدنيا بدأت تضحكله وان هم من على قلبه انشال

واول ما روح بيته اتصل بيها تانى واتكلموا مع بعض عن كلام مامتها وايه هو رد فعلها على كلام عمرو

بس الواد كان ذى الاسد واقدر انه يقنعها بكلامه ويثبتلها انه قد المسئولية وقد كل كلمة بيقولها

وقالت ياسمين لعمرو ان مامتها معجبة بشخصيته وبكلامه
وانها عاوزة تشوفه وانها حكتلها على موضوع الدرس اللى بيروحه عشان خاطر عيونها
وانها ممكن تطب فى اى لحظة قال يعنى عاوزة تطمن عليها بس هى ها تيجى عشان تشوفه مش اكتر

واطمن عمرو لكلام ياسمين
وانتهى اليوم بسلام

لحد ماظهرت مشكلة جديدة وهى ان باسم شك ان اخته بتكلم حد فى التليفون و ......

تنتهى الحلقة على كدا ااااااااااااااا

_____________
ونشوفكم على خير
مع يوميات عمرو و ياسمين فى الحلقه السابعه
سلامو عليكووووو

ياسمين :- لا ها ترضى ولا لا قول ؟؟!!
( اى السؤال المحرج ده )
ده مش سؤال محرج ده سؤال منطقى وعقلانى

عمرو :- بصى يا ياسمين مش كل الناس ذى بعضها
الكلام ده لما انا اقول بحب البامية وغيرى يقول لأ انا بحب الملوخية
لكن فى المبادىء والاخلاق فيه حاجة اسمها انسان خلوق وانسان قليل الادب
وفى احب بالذات فيه حاجة اسمها انا بحب الانسانة ديه وعايز احافظ عليها واربط نفسى بيها بشكل ما يشوهش سمعتها

SoMA Bob كتب:: السلام عليكم جامدة القصة بس انا شايفة ان ياسمين غلطانة من الاول علشان خدت وادت في الكلام من الاول لما كلمها عمرو وكمان المفروض متكلموش كدة علشان حرام وكان المفروض تقوله انه لو غرضه شريف يتقدملها او يستنى لما يكبروا ويقدر يتقدم مش تكلموا على امل انه بيحبها وعايز يتقدملها والصراحة فيه اولاد دلوقتى بيقولوا للبنات انهم عايزين يتقدموا وبعدين يقولوا مفيش نصيب وانا لو مكان ياسمين كنت من اول ما كلمنى كنت قولتلوا انى مبكلمش اولاد او لو قالى انه عايز يتقدم بجد هاقوله لو فعلا هيتقدم هقول لبابا او اخويا ويكلمك علشان يبقى كل حاجة في النور وكمان المفروض ان الواحد لما يعمل اى حاجة ميحطش ماما وبابا بس في اعتباره علشان لازم يخاف من الاحسن منهم وهو (الله) وانا اسفة على الاطالة بس بجد دة كان رايى وياريت مكنش دايقتوكوا برايى والسلام عليكم ورحمة الله وبركاته

وعليكم السلام ورحمة الله وبركاته تمام يا سوما اكيد عندك حق وده اللى بيعملوه المحترمين

واكيد ده مش هيقلل من حبه ليها بالعكس هيشوف فيها اكتر الانسانة اللى تناسبه وتناسب تكون ام وزوجة تصونه وتصون سمعته

NOUR كتب:: ياسمين :- لا ها ترضى ولا لا قول ؟؟!!
( اى السؤال المحرج ده )
ده مش سؤال محرج ده سؤال منطقى وعقلانى

عمرو :- بصى يا ياسمين مش كل الناس ذى بعضها
الكلام ده لما انا اقول بحب البامية وغيرى يقول لأ انا بحب الملوخية
لكن فى المبادىء والاخلاق فيه حاجة اسمها انسان خلوق وانسان قليل الادب
وفى احب بالذات فيه حاجة اسمها انا بحب الانسانة ديه وعايز احافظ عليها واربط نفسى بيها بشكل ما يشوهش سمعتها

على فكرة يا نور ده محرج من رأى الكاتب ومن وجهة نظرى ممكن يكون محرج لعمرو
أما عن الكلمة اللى مضيقاكى (مش كل الناس زى بعضها)
ففعلاً مش كل الشباب زى بعضها فى الحب وده قصد عمرو
فى شباب بتحب بجد وقلبها نظيف وشباب تانية بتتسلى
وشباب مش عاوزه ترتبط غير ارتباط إيجابى ينتهى بالزواج
والنوع الأخير ده نادر شوية وأنواع تانية من الناس اللى ممكن تقابليها ...

وبشكرك جدااااااااا على رأيك ومتابعتك الجميلة المتواصلة وأتمنى المزيد ... Cool

السلام عليكم القصة حلوة بس ياريت يبقوا لبعض في الاخر وميحصلش حاجة تانية ومتابعة معاك القصة ان شاء الله والسلام عليكم ورحمة الله وبركاته

SoMA Bob كتب:: السلام عليكم القصة حلوة بس ياريت يبقوا لبعض في الاخر وميحصلش حاجة تانية ومتابعة معاك القصة ان شاء الله والسلام عليكم ورحمة الله وبركاته

ميرسي لمرورك الرائع وبجد نورتيني يا سومه بمتابعتك
وأنا شخصياً بتمنى انهم يتجوزوا فى النهاية المتوقعة وهنشوف ف الآخر Cool

الحلقه السابعه

كنا انتهينا ان عمرو ظبط كل حاجة مع مامتها وانها اتاكدت ان عمرو ده شخصية كويسة وابن ناس وانه مش بيلعب ببنتها ذى شباب اليومين دول
(( فاهمنى طبعا اا ))

كل شئ كان تمام وفى يوم كان عمرو بيكلم ياسمين وديه كانت المكالمة

ووووو نسمعها سواااااااا

عمرو :- وحشتينى

ياسمين :- انت اكتر

عمرو :- بجد والله انا نفسى اشوفك

ياسمين :- يسلام انت لو كنت عاوز تشوفنى بجد كنت زمانك جيت الدرس عشان تشوفنى بس انت بقى اللى ما جتش

عمرو :- والله يا ياسمين انا عندى اليومين دول امتحانات وبتاع ونفسى اشوفك بس مش قادر انزل

ياسمين :- لا خليك فى مزاكرتك احسن .... وكفاية عليا انى اسمع صوتك كل يوم

عمرو :- يا لهوى اهى الكلمة دى عندى بالدنيا وما فيها
انا بموت فيكى يا ياسمين

ياسمين :- بس انا اكتر

عمرو :- اكتر ايه ؟؟

ياسمين :- هههههه ما انت فاهم وعارف كل حاجة

عمرو :- بس انا عاوز اسمعها منك

ياسمين :- ما انت عارف انى مش بعرف اقول الكلام ده

عمرو :- طب ما انت اول واحدة اقولها بحبك وبموت فيك يا ياسمين وربنا يخليكى ليا يا رب يا اغلى عندى من الدنيا ومافيها

ياسمين :- بجد يا عمرو يعنى انت بتحبنى زى ما بحبك

عمرو :- بصراااااااااااااااااااااااااااااحة لا ( يا خرابى اعترف الواد )

ياسمين :- ايه ......!!!!!؟؟؟ ( راح ف دهية)

عمرو :- اكتر بكتييييييير اوى منك ( حرام عليك نشفت قلب البت )

ياسمين :- حرام عليك فجعتنى

عمرو :- ليه هو كل ده لسة شاكة فى حبى ليكى

ياسمين :- ليه هو انا لو شاكة كنت كلمتك ثانية واحدة

عمرو :- يا واد يا جامد والنبى عسل يا خواتى

ياسمين :- بس بقى عشان فيه موضوع مهم

عمرو :- خيييير

ياسمين :- باسم اخويا بدء يشك فيا وكل شوية الاقيه ماشى ورايا فى الشارع ويعملها صدفة
وكل شوية يقولى انت بتكلمى مين فى التليفون وكدا يعنى ......
ولولا ماما كنت زمانى روحت فى داهية

عمرو :- ربنا يخلهالنا يا رب لحد ما اقدر اجى لحد عندك واطلب ايدك من باباكى
واقوله يا عمى انا بطلب ايد بنتك ياسمين وعاوزها تكون مراتى وام عيالى لحد ما اموت

ياسمين :- بعد الشر عليك ده انا اموت وراك
وبعدين كل سنة وانت طيب

عمرو :- يااااااا ده احنا عيد ميلادنا كمان 3 اياام ( 1 /4 )
كل سنة وانتى طيبة يا قمر

ياسمين :- على فكرة ماما عملالك مفأجاة

عمرو :- ايه هى ؟؟ ( استر ياللى بتستر )

ياسمين :- ما تبقاش مفأجاة
((( وتمر التلات ايام اوااااام )))

ويوم عيد الميلاد الصبح موبايل عمرو بيرن

عمرو :- الو

ياسمين :- الو صباح الخير

عمرو :- صباح النور يا روحى وحشتينى اوى رغم انى لسة سيبك فى الحلم

ياسمين :- ههههههههههه

ياسمين :- وكنت بتحلم بايه بقى ؟؟

عمرو :- بيكى انت وبس

ياسمين :- كل سنة وانت طيب يا عمرو

عمرو :- وكل سنة وانتى طيبة يا ياسمين ونفضل مع بعض
على طول لاخر يوم فى عمرنا

ياسمين :- يا ريت يا عمرو
على فكرة ماما جمبى وعاوزة تكلمك

عمرو :- اوك ماشى

مامتها :- ازيك يا عمرو

عمرو :- الحمد لله حضرتك عاملة ايه ؟

مامتها :- الحمد لله
كل سنة وانت طيب

عمرو :- هههههههه وحضرتك طيبة يا رب

مامتها :- انا عندى مفأجاة ليك

عمرو :- اه ما ياسمين كانت قايلالى بس مش راضة تقولى اى هى المفأجاة

مامتها :- طب انت فاضى النهاردة بليل

عمرو :- ولو مش فاضى اكيد افضى نفسى

مامتها :- طيب الساعة 7 استنانا قدام الدرس

عمرو :- اشمعنا

مامتها :- ها تعرف فى وقتها وعشان نشوف حل لموضوع باسم

عمرو :- اه اكييييد ( وانا كنت ناقص )

ويعدى النهار وطبعا عمرو لبس الحتة اللى ع الحبل وجلجل شعره ورش كالونيا وحضر هدية جميلة جداااااا لاجمل بنت فى الدنيا
حبيبته اللى فضل يحلم بيها طول عمره ويشوفها فى احلامه خلاص
شاء القدر انه يجمعه بيها ويشوفها قدامه ذى الملاك
ما يقدرش يوصف لسانه اللى شايفاه عيونه لانه يفوق اى جمال شافه فى الدنيا
وقف قدامها مش عارف يقول ايه ؟؟ مش عارف يعمل ايه ؟؟؟
عاوز يبصلها وبس يمكن يشبع منها ..... مش عاوز يضيع ولا ثانية قدامها

ياااااااااااااه

كلام كتير جواه عاوز يقوله بس اكيد الزمن مش هيكفى حبه ليها
هى كمان كانت مش عارفة تنطق ولا كلمة
مش عاوزة ترفع عينها من عليه ..... عاوزة تعوض كل ثانية مش بيبقى قدام عنيها ...... نفسها تقوله بحبك يا عمرو وياريت ماتبعدش عنى ولا ثانية
بس مش قادرة
ليه مش عارفة

وفجأة تنقطع لحظة الرومانسية ......

مامتها :- ازيك يا عمرو ( ده وقته يا شيخة )

عمرو :- الحمد لله حضرتك عاملة ايه ؟؟

مامتها :- كل سنة وانت طيب

عمرو :- وحضرتك طيبة

ياسمين :- كل سنة وانت طيب يا عمرو اتفضل
( لفة باين من شكلها انه دبدوب )

عمرو :- وانت طيبة يا ياسمين وبرده كل سنة وانت طيبه اتفضلى

و إداها هديته واديته هديتها
واتمشوا لحد كافيه

وهناك كانت المفاجأه.................

___________________
ونعرف المفاجاه في الحلقه ال8

شكل كدة باسم جايبله هدية

http://www.daralansar.com/

يوميات الفتى الرومانسي - صفحة 2 14724

NOUR كتب:: شكل كدة باسم جايبله هدية

http://www.daralansar.com/

ياسمين :- على فكرة ماما عملالك مفأجاة
على فكرة يا نور لو مش متابعانا صح باسم لسه ميعرفش حاجه !
ومامت ياسمين هى اللى عمله لعمرو مفاجأة عموماً .. ربنا يستر lol!

الحلقه الثامنه
-----------------

كان فيه مفاجأه مستنية عمرو
كانت اخت ياسمين وصحبتها مروة
قاعدين وفيه تورتة جاهزة للشمع
طبعااا عمرو استغرب

عمرو :- ايه ده ؟؟

ياسمين :- ايه رايك فى المفاجأه بقى ؟؟

عمرو :- بقى كدا ما تقوليش

ياسمين :- كل سنة وانت طيب يا عمرو ويا رب كل سنة نبقى مع بعض

عمرو :- بحبك اوى يا ياسمين بموووووت فيكى

وراح عمرو مع ياسمين يطفوا الشمع
وهابى بيرث داى

وكله تمام والاكل كفى المعازيم والحمد لله
واقعد عمرو مع والدة ياسمين يتكلموا
وياسمين طبعااااا مضايقة لان المفروض اليوم ده يبقى عمرو معاها هى وبس

وعمرو قاعد على ناره وكل يبص لياسمين ونفسه يكلمها بس مش بايده

مامتها :- طب وانت ها تعمل اى فى موضوع باسم

عمرو :- بصراحة مش عارف .... بس عاوز اروح اكلمه وانا ها اقدر اقنعه

مامتها :- طب ازاى مش ها ينفع

عمرو :- لا انا ها اعرف بجد والله اتفاهم معاه
وبعدين ما هو كمان بيحب وحكيلى على كل حاجة

مامتها :- يعنى ما افتحش معاه الموضوع انا

عمرو :- يعنى شوية من عندى وشوية من عند حضرتك
....................
وماصدق عمرو ان والدة ياسمين انشغلت مع مروة
وجرى على ياسمين

ياسمين :- ما لسة بدرى خليك شوية كمان وانا سيبنى واقفة كدا لوحدى

عمرو :- طب اعمل ايه ما انا لازم كنت اتكلم مع مامتك

ياسمين :- كل ده كلام على ايه يعنى كل ده !!!!

عمرو :- لو ما كنتش مامتك كنت قولت من طريقة كلامك انك بتغيرى عليا

ياسمين :- انا بغير عليك من الهوا مش ها غير عليك من ماما
( ده الواد علقها بيه جامد جدااااااااا )
ولو اعرف اخليك ما تشوفش غيرى ها اعمل اى حاجة

عمرو :- طب ما انا فعلا ما بشفش غيرك
وبعدين تصدقى انا كنت لايمكن اتصور انك بالجمال ده

ياسمين :- ميرسى

عمرو :- على ايه ديه الحقيقة انت ما فيش حد فى جمالك

ياسمين :- مش يمكن انت بس اللى تكون شايف كداااا

عمرو :- كفاية عليا انى اكون الوحيد اللى فى العالم اللى يشوف الجمال ده
بزمتك مش يبقى ربنا بيحبنى لو خلانى من وسط الكون اللى يتمتع بجمال زى ده

ياسمين :- ههههههههههههههه

عمرو :- يا خرابى ده ايه السكر ده

ياسمين :- ههههههههه

على فكرة انا لايمكن انى كنت اتصور ان ممكن اقعد معاك فى مكان واحد ونتكلم مع بعض

عمرو :- تصدقى بقى انى كنت بحلم باليوم ده
وكتير كنت اتمنى ولو للحظة انى اشوفك صدفة فى الشارع
مش انى اقعد معاكى واتكلم كمان

عمرو :- مش ها تريحينى بقى وتقولى بحبك

ياسمين :- لالالالالالالا

عمرو :- طب ليه كداااااا

ياسمين :- مش عارفة بسسسسسس بجد مش عارفة ليه !!!!!

عمرو :- طب لو قلتلك انى بموت فيك
وفى جمال عنيكى
ونفسى اسمع منك كلمة بحبك يا اغلى واحلى انسانة فى حياتى
ولو ما قولتليش دلوقتى بحبك ها يبقى ده اتعس عيد ميلاد ليا

ياسمين :- بقى كداااااا اتعيس عيد ميلاد وانا معاك

عمرو :- طب ما تكملى فرحتى وتريحينى وتقوليلى بحبك

ياسمين :- امممممممممم بحبك استريحت

عمرو :- ايه ؟؟؟!!!!!!!!
تاااااانى كدا

ياسمين :- بحبك والله العظيم بحبك انت وبس

عمرو :- يا لهوى ده انا ممكن اموت من الفرحة
تانى كدا الا اكون بحلم

ياسمين :- بحبك يا عمرو

عمرو :- بموت فيك يا ياسمين
يا روح قلب وعقل عمرو يا كل كيان عمرو

ياسمين :- بس كدا عشان انا دلوقتى اسعد انسانة فى الدنيا

عمرو :- لا طبعااااا عشان انا اسعد منك بكتيييييير اوى اوى اوى
واتمنى ان العمر يقف فى اللحظة ديه وما يمشيش
وافضل معاك بقيت عمرى كله

وفجأة النور يقطع ........ قصدى والدة ياسمين تطب عليهم فجأة وتقطع احلى لحظة فى حياتهم

________________________
ونتقابل فى الحلقة الجايه >>>>

شكرا يا مصطفى واتمنى الحلقه الجايه تبقى يعنى
تاخد وقت احسن احنا مش عايزين الحلقات كلها تنزل ورا بعضها كده عايزين تشويق
يعنى عايزين بتاع شهرين تلاته كده يعنى شويه وقتعلشان نقدر حتى نتوقع هيحصل
ايه انما كده مش ملاحقين نفكر حتى
اه ويا مصطفى من فضلك متحرقش كل الجزء الكبير ده من الحلقه كده المسلسل هيخلص بسرعه
وانا عايزه حلقاته تطول يعنى لازم تراعى اننا عايزين نكمل المسلسل لحد سنه رابعه ان شاء الله
اهو ربنا يديك ويدينا طولت العمر
ها ها ها ها ها ها ها Twisted Evil

طبعا اسعدك مرورى Wink

ههههههههههههههههههههههه
بجد طب كويس بس متقلقيش ممكن على أجازة رابعة أنزل الحلقة الأخيرة afro

وأكيد أسعدنى مرورك وبلاش نكش وضحكة مرعبة عشان أنتى لسه مجربتيش رخامتى
ههههههه ومنتظر باقى الردود ومالكوش دعوة بمريم هنزلكوا الحلقات برايفت Razz

اهو اهو خيانه واضحكه وصريحه (هنزلكوا الحلقات برايفت )
وتهديد ادام عنيكوا (انتى لسه مشوفتيش رخامتى)
يا جماعه انا بنت بريئه ومش هعرف اخد حقى
يرضيكوا اختكوا مريم يتعمل فيها كده

ااااااااااااااااايون البوتاجاز أشتغل Evil or Very Mad

مريم اهدى يا مريم احسن لك انا بوتاجازى اشعال ذاتى
وعلى فكرة بقى مصطفى اتاخر فى انه يكمل المسلسل
يعنى الحلقة ديه اتاخرت اوى عايزة المسلسل يفضل لسنة رابعة
دا الاتراك ماعملوهاش
وانتى بتقولى يا مصطفى من فضلك متحرقش كل الجزء الكبير ده من الحلقه
هو قال حاجة عشان الحلقة تتحرق ولا ماتتحرقش
دا كل اللى حصل فى الحلقة انه اتكلم مع مامتها فى مشهد واحد
والمشهد التانى عمالين يسبلوا لبعض
ايه بقى اللى اتحرق ان شاء الله يا ختى

يا نور انتى مش فاهمه انا بنكش مصطفى بس
علشان ينزل الحلقات اسرع مش قصدى يعنى انه ياخرها
وبعدين بوتوجاز ايه الى اشتغل انت لسه شوفت حاجه

فين الحلقة الجاية يا مفصطى lol!

بعدين ايه الام السهلة دى عاملة لحبيب بنتها عيد ميلاد عشنا وشفنا lol!

» يوميات اباليسو ... غض البصر
» يوميات مسلسل تركى
» يوميات اباليسو ..اباليسوا والدراسة