نفسك تطلع/ى أيه ؟؟!

بصوا يا شباب الفكرة دى جت على بالى فجأة نفسنا نتطلع أيه
يعنى كل واحد وواحدة ان نفسهم يطلعوا أيه وهما صغيرين
وهل الحلم أو الأمنية لسه زى ماهى ولا أتغيرت مع تغير
الفكر والمجتمع والبلد اللى عايشين فيها يعنى كان نفسكوا
تطلعوا ايه زمان ودلوقت نفسكوا تعملوا ايه وهل أتغير
حلمك بتغير التعليم أو اكلية والتخصص اللى دخلته
وأهى فرصة نكتشف كوادر جديدة فى البلد مع
التعديل الوزارى الجديد ممكن يخدوا حد مننا
أكيد هتقولوا بيهزر لكن ليه لأ مش يمكن
حد فينا يطلع سفير وزير رئيس ...
منتظر ردكم وأحلامكم وكمان
أزاى هنحققها ونخطط ليها
يلا قولوا وأحلموا ونفذوا
متخافوش ومتنسوش
لو بطلنا نحلم نموت

وأنا هبتدى
أنا كان نفسي وأنا فى إبتدائى أطلع أعلامى كبير لأنى كنت بحب الأخبار والأعلام وبيقولوا أن أسلوبى لبق فى الكلام وعندى اقناع كبير وكمان الحمد لله أنا واثق من معلوماتى وبحب قراءة الجرايد زى بابا ومعرفة أخبار المجتمع
أما لما وصلت لثالثة أعدادى حلمت أنى أبقى رئيس الجمورية هو مجرد حلم بس ليه لأ وليه مجتهدش ويبقى عندى تفاؤل فى المستقبل يمكن يبقى ليا دور فى تغيير المجتمع حتى لو من اى منصب عالى مش شرط رئيس الدولة المهم أنى أسعى لده من خلال تعليمي وفكرى وثقافتى وأحاول أوصل يمكن يمكن أبقى حاجه كبيرة ومتخافوش مش هنساكوا .. king

أحب أقول موقفين بالمناسبة دى
الأول أن وأنا فى إبتدائى وبالتحديد فى سنة تانية كنت بقرأ الأخبار لفصول فى سنة رابعة وخامسة معندهاش مشروع أعلامى متميز زيى .. lol!

والثانى أنا وأنا فى ثالثة إبتدائى كانت أفضل سنة تعليم فى حياتى بسبب مدرس الحساب كان بيهتم بيا بذات لأنه حاسس أنى مخى نظيف والحمد لله فعلاً كنت بدخل مسابقات مع المدارس التانية وكنت بكسب مدرستى لدرجة أنى كنت بسم الله ماشاء الله بحسب العمليات المعقدة أسرع من الأله الحاسبة ... confused

وجه مدرس الحساب ده كان أسمه أستاذ بدر لسه فاكره وبكلمه سأل الفصل كله نفسك تطلع/ى أيه .. قلت رئيس جمهورية ضحك وقالى طب هتفتكرنى لما يبقى عندى 100 سنة وجاى أسلم عليك وسنانى مكسرة قلتله دانا أطلعك تخطب وتقف على منصه الرئاسة بدالى .. بجد أنا بعشق المرحلة دى والأستاذ اللى ربى فيا حاجات كتييييييير حلوة .. afro

اكيد طبعا لو اخدنا كلامك على انه هزار هناخده على انه مزح لكن مش هنقول عليه مستحيل

انا لانى من صغرى شاطرة فى كتابة المواضيع والمقالات فكان نفسى اوى اوى اطلع صحفية وده لانه مناسب مع امكانيات وكمان مع احوال البلد السياسية

ده كان لحد اولى ثانوى
بدايتا من تانية اتغير حلمى
لما درست فى ثانوى علم نفس حبيته اوى وبقيت اسمع برامج كتيرة بتتكلم فى المواضيع ديه والمواضيع الاجتماعية والتربوية وكيفية تربية الطفل والتعامل مع المراهق والتنمية البشرية
قلت يبقى ادخل علم نفس لانى بحبه اوى
فكان حلم متعلقة بيه اوى وكمان واقعيا احنا فى اشد الحاجة اليه لان دراسة التربية والنفس وتنميتها هى اساس كل شىء
قلت خلاص ادخل اداب علم نفس ونفس الوقت انا بحب التاريخ جدا جدا بيشبع ميولى وفضولى الثقافى لحد كبير جدا
لما مجموعى قبل انتساب مفيش علم نفس انتساب قلت ادخل تاريخ

لكن بما انا فى ثانوى ظهر عندى حب التاليف
وكمان اخدت شهادة تقدير فى سنة اولى من المكتبة على قصة قدمتها لها
قلت طب انا بحب التاريخ لابعد حد ومقدرش يعدى يوم الا ماكون قرأت حاجة فى التاريخ
طب انا ادخل تاريخ ليه وانا اساسا من غير مادخله هثقف نفسى فيه
وادخل حاجة متقبلاها مش لازم اكون حباها اوى وفى نفس الوقت اقدر افهمها واثبت نفسى فيها بحيث انى اجمع ثقافيا مابين حاجتين او مجالين فى نفس الوقت
فلاقيت العربى اهم حاجة ممكن ادخلها لانى كمان بحب الادب والتاليف واكيد العربى هو اكتر مجال هيفدنى فى حاجة زى ديه
و وصل حلمى لاكون مؤلفة سينمائية لوجود الحمد لله موهبة وهواية التأليف فى النفس الوقت واقعيا التليفزيون والسينما بقى هما اكتر حاجة بتأثر فى اولادنا وبتعلمنا غلط وبتهدم مبادئنا وبشكل احمق غبى بتسىء الى الاسلام حتى الفنانين فاهمين الفن غلط
يمكن اغير حاجة واقدر اوصل للناس صح يعنى ايه فن واقدم رسالة تقيم قيمنا ومبادئنا وادافع بيها عن دينى

ادعولى

معلش طولت عليك اوى وميرسى اوى اوى يا مصطفى على الفكرة الهايلة ديه

سورى يا مصطفى ردك ماكنش باين
طموح جميل اوى ايه يعنى تبقى رئيس جمهورية وان شاء الله كلنا هنحقق احلامنا اللى كل هدفنا فيها نعلى من بلدنا ونفسنا واكيد طبعا ندافع بيها عن دينا
هما دول الشباب الصح اللى هيعيشوها ويموتها صح بعد ما يسيبو اثر فى الوجود اللى عايشين فيه

اه نسيت حاجة كمان انا مهما كان او هيكون حلمى وعملى انا لازم اسيب علامة واثر حتى ولو فى انسان واحد انا مش هموت كدة وخلاص انا ان شاء الله مش همشى من الدنيا زى ماجيت فيها
مش بس عقائديا ان عايزة اسيب علامة صح تشفعلى بعد مماتى او اخد بيها حسنات بعد ما اموت
لأ...دا كمان انسانيا انا قيمتى ايه كانسان عملت ايه طول حياتى سيبت ايه للناس يستفيدوا بيه ولو حتى كلمة

ميرسي لمرورك وردك الأكثر من رائع يا نور والواحد لازم يحلم ولازم يسعى ويفرغ كل طاقته فى أنه يحقق حلمه king

» اعرف نفسك
» قول اللى ف نفسك
» تخيل نفسك كمبيوتر ...!!!
» احمى نفسك من السرطان
» كام مره عملت حاجه وقعدت تضحك ع نفسك؟؟؟