الي كل عشاق الصحافة

سلام جوانهای فردا
بصراحة من یومین کده کنت اعده بدردش مع عبیر , وعرفت منها ان فی ناس فی المنتدی زی حلاتی بیعشقوا الکتابة فی الصحافة والسیاسة بوجه عام
المهم انا فکرت اکتبلکم عن تجربتی فی الصحافة , هی مش تجربة بقدر ما هی کانت بالنسبه لی نجاح وانی قدرت أحقق اللی نفسی فیه من زمان .
المهم مش عایزه اطول علیکم
انا نشر لی الأستاذ ابراهیم سعده – واکید کلکم تعرفوه – مقالة فی جریدة الاخبار بتاریخ 14 \7 \ 2008 باسمی کنت بعتهاله
انا لایمکن انسی الیوم ده , بجد کان یوم تاریخی فی حیاتی – وفیه شهود کتیر یقولولکم انی یوم ما أخدت اللیسانس مکنتش فرحانه زی فرحة الیوم ده –
لانی بصراحه فجأة لاقیت أقاربی وبعض اصحابی بیتصلوا بیا ویقولولی الف مبروک علی المقال . وانا مکنتش لسه عرفت انه اتنشر فعلا .
اما مناسبة المقال هي انتاج ايران لفيلم ( اعدام فرعون) اللی أساء الی أنور السادات , مش عارفه انتوا سمعتوا عن الموضوع ده ولا لا ؟
علی ای حاال اتمنی انکم تقرأوه وتقولوا رایکم , والحقیقه انا عندی اقتراح لیکم , اللی فعلا حابب انه یکتب عن الاحداث اللی احنا عایشینها یکتیلنا هنا واحنا نقولوا راینها فی کتابته .
وتقدروا تقرأو المقال من السایت ده
http://www.elakhbar.org.eg/issues/17546/0203.html

طبعا انا كنت فرحانه جدا ان حبيبتي اسراء اتنشرلها مقاله في الاخبار وفي اليوم ده اسراء جابت لكل واحده فينا الجريده اللي اتنشر فيها المقاله وطبعا انا لسه محتفظه بالجريده لغايه دلوقتي

يا رب من نجاح الى نجاح

سلام اسراء يارب تكونى فاكرانى انا ريم قابلتك فى الاهرام . بجد المقال حلو اوى و انا فرحانة لك اوى و بجد مبسوطة اوى انى اتعرفت عليكى و على ريم و فخورة جدا بان انا اعرف بنوتة زيك كده وان شاء الله تكونى تحققى كل احلامك و تصبحى دكتورة تدرسيلى فى سنوات دراستى القادمة
سلام خدا حافظ

بجد مرسى ليكى جدا يا اسراء وانا كل يوم بجد بتعلم منكم حجات كتيرة اوى وربنا يوفقك يارب

خيلي ممنون إسراء
ربنا يكرمك كمان وكمان يا إسراء وعقبال ما نشوفك دكتور قد الدنيا أنتي وكل زمايلنا فى المنتدى
بس بجد المقال تحفة خاصة أسلوب الألقاء والمعلومات المترابطة الجيدة اللى عندك
وعلى فكرة أنا ليا ميول صحفية وأعلامية كويسة وممكن أنافسك بس منافسه شريفه وخاصة فى مجال السياسة والقضايا المعاصرة
وأنا بعشق حاجة أسمها السادات ولما شوفت فيلم "إعدام فرعون" زعلت جدا وبصراحة خدت فكرة سيئة عن الأعلام الإيراني لأن السادات أسطورة لم ولن تأتي بعد كفاية أنه الوحيد اللي قدر يحارب أسرائيل وينتصر عليها حتى الآن وبعدين لا هو فرعون ولا هو أغتيل يبقى ده مش أعلام ده تخاريف وبعدين كفاية أنة لقب ببطل الحرب والسلام ؛
عموما أنا حاسس أن كل واحد وواحدة معانا فى المنتدى جواه موهبة وطاقة عاوز يفجرها بس المهم أننا نستغل موهبتنا فى حاجة كويسة وتنفعنا كلنا وأنا عن نفسي بحب الصحافة من زمان وساعات كنت بكتب خواطر ومقالات بس كان مصيرها الباسكت وده اللى بحاول أصلحه وأبنيه من جديد معاكم هنا ؛
والله الموفق
خدا حافظ

اكيد كنت فرحانه بيكي يا اسراء وفخورة بيكي ..وفعلا اسراء كانت منفعلة جدا بعد الفيلم ..حتي كلتنمي في التليفون وهي متنرفزه وانا كنت عماله اضحك عليها لاني كنت شايفه ان دي تفاهه منهم وانهم جاهله او بصراحه بيستعبطوا وده لان اللي بيفهم في علاقات ايران السياسية فهو عارف ومتاكد ان ليها علاقات بامريكا ومازالت بس كلها من تحت التربيزه يعني علي المتغطي واللي بيحصل ده مسرحيات وفي النهاية كله بيدور علي مصلحته فكنت بضحك عليهم واقول بتضحكوا علي الناس ولا علي نفسكوا..ومع ذلك عملت كليب صغير كده عن السادات ببرنامج الموفي ميكر وبعته للايرانيين اللي اعرفهم بس عشان احرق دمهم ..هههههه واتحرق والحمد لله ده بالنسبه للمجانين اللي ماشين ورا الحكومه وكلامها اما الناس اللي بتفهم عجبهم وطبعا مكنش عجبهم الفيلم وفي واحد ايراني قالي دي حكومه مجنونه
اما يوم ماتنشر المقال اسراء اتصلت وهي عماله تضحك وفرحانه قوي واقولها مالك فيه ايه ؟ تضحك ؟ اقولها ايه اتجوزتي من ورايا ؟ تضحكت اومال يا بنتي مالك ؟وساعتها اتاكدت ان اسراء اتهبلت ههههههههه
وعرفت اللي حصل وكنت فرحانه وفضلت اضحك عليها
وربنا يوفقك دايما يا سوكيننه قصدي يا اسرا طبعا واكون معاكي

مرسي ليكم كلكم
شكراً ليك يا مصطفي
وكنت عايزة اوضحلك نقطة ان الإعلام الايراني بعكس ما قلت اعلام محترم جداً
لكن المؤسسة اللي انتجت الفيلم كانت جهة تابعة للحكومة
وما ادراك ما الحكومة الإيرانية
الحكومة الايرانية لما بتختلف مع حد أو بتلاقي حد معادي لمبادئ الثورة بتاعتها
بتعرف ازاي تشوه صورته امام العالم كله مش بس امام مواطنيها
لان الاعلام الايراني بيغزو كل دولة بلغتها مش بس عندهم قنوات تنطق بالفارسية
هتلاقي كمان عندهم قنوات ناطقة بالانجليزية والعربية والأذارية والتركمانية ووو……
وده نتيجة لتعدد الأقوام داخل ايران ، وبصراحة أنا شايفة ان دي بتعتبر عندهم ميزة ان هما من ناحية بينشروا ثقافتهم للشعوب الناطقة باللغات دي
لكن الجانب السئ اللي فيها انها بتتنشر فيها اللي الحكومة عايزاه وبس طبعاً انتوا فاهميني قصدي ايه .
وهقولك مثال بسيط علي كده ، فيه قناة اخبارية اسمها قناة العالم دي قناة عربية من تهران ، شوفتوا اللي كان بيحصل فيها ايام الحرب علي غزة .
القناة دي لو انتوا متابعينها ،هتلاقوها دايماً واقفه ضد مصر و كانت مشوه صورة مصر جداً ايام الحرب بالصور اللي كانت بتعرضها والمحلللين السياسيين اللي كانت بتجبهم يشتموا في مصر ………………………. بس ارجع واقول دي كلها سياسية
يعني لو علاقات مصر اتحسنت مع ايران هتلاقي تاني يوم الصبح بيقولوا في قناة العالم
مصر دي مفيش زيها والحكومة المصرية من أفضل الانظمة علي الاطلاق ووووو

اما بالنسبة لرد ريم (ریا) فأنا بضم صوتي لها وبقولكم متنخدعوش في الحكومة الإيرانیة
لانها حكومة بتدعي الدين ومعاداة قوي الاستكبار و و و والاسطوانة المشروخة بتاعت مبادئ الثورة
بالفعل أأكد لكم أن ايران لها علاقات ود وصداقة مع اسرائيل وامريكا وكله تحت التربيزه ، وايران هي اللي ساعدت امريكا علي احتلال العراق وده اللي اعترف بيه السياسيين الايرانيين ، واعترفوا كمان انهم اشتروا اسلحة من اسرائيل

علي اي حال احنا اللي يهمنا تحسين العلاقات بين مصر وايران ، ويهمنا كمان ان ميكونش فيه عداوة بين بلدين اسلاميين

المهم يا أخ مصطفي رجع اللي كنت بتكتبه من الباسكت وانشره هنا واحنا هنقولك رأيينا
وانا هحاول في الاوقات اللي فاضية فيها أكتبلكم حجات من اللي بكتبها
و خدا نگهدار

ميرسي إسراء على توضيح الصورة السياسية الإيرانية وأكيد كل دولة على مستوى العالم بتنشر وتذيع وتنتج الأعلام اللى فى مصلحة بلدها أولاً بس أحب أقولك أن كل حاجة فى العالم دلوقت بقت سياسة وكل دولة لها سياستها ونظمها التشريعية والإدارية الخاصة بيها ومصر حالياً من أهم الدول بل أقوى الدول سياسة فى الشرق الأوسط بفضل الله ثم بعض السياسيين المصريين الكبار ومصر وخاصة الأعلام المصري قادر على الدفاع عن صورتنا أمام العالم وحماية سياسة دولتنا

أما بخصوص المقالات والخواطر فحاول أكتب تاني وأنشرها على المنتدى ولكن خلينا فى المهم أنا بجهز دلوقت حوار جامد جداً عن حقيقة أوباما اللى كلنا أتخدعنا فيه وفى كلامه فى الجامعة عن إسرائيل والفلسطينين والعلاقات الأمريكية الإسرائيلية ويارب يعجبكوا ويكون أضافة لأعضاء المنتدى

بس عل فکره یا مصطفی مش کلنا اتخدعنا بکلامه وبصراحه کنت بضحک علی فرحتنا الغریبه بیه وبخطابه مع انه مقلش جدید وجای عشان یعرفنا ان اسرائیل لازم نعترف بیها وانهم یا عینی غلابه وکان موقفه واضح بعلاقته باسرائیل ..مش عارفه کنا فرحانین علی ایه !!

ياريت ع الأعتراف بإسرائيل وبس يا ريم دا موضوع كبير جدااا
أوباما طلع أنيل من بوش فى علاقته مع إسرائيل وحقوقها مع الفلسطينيين
أنتظروا الموضوع إن شاء الله بعد الرحلة هكتبه وهيبقى مفاجأة دماااااار