طفولتى وطفولتك كانت

بصوا كل واحد هنا يدخل ويقول طفولته كانت عاملة ازاى اقصد هو /هى كان عامل ازاى فيها
انا عن نفسى كنت فى طفولتى بلوة مسيحة
وفى نفس الوقت يقول هو /هى كناضج دلوقتى تفكيره ازاى ايه اللى بيحبه اى هى ميوله /ها بيخطط لنفسه ازاى
نعيش ذكريات بعض ونستفاد من افكار بعض

ايه رآيكم

شكرا يانورا ع الفكرة الجميله كالعاده طبعا
انا بقى لو هتكلم عن طفولتى فأنا من وأنا صغيرة لحد دلوقتى بصراحه مدلله جداااااااااا وكل حاجه عوزاها بآخدها يمكن لأنى اخر العنقود فماما وبابا بيقولوا احنا بنعمل كده علشان الله اعلم هنعيش لحد مانخليها زى اخواتها ولا لأ ربنا يديلهم الصحه طبعا ويخليهم ليا ويخلى لكم مامتكم وباباكم لأنه بجد اغلى واهم حاجه فى الدنيا كلها وبدعوتهم ليك ممكن تعيش اسعد حياه ممكن حد يعيشها فحاولوا تكسبوهم المهم
بالرغم من طفولتى المدلله دى انا عارفه واجباتى طبعا ومش بتهاون فيها وبرده مش بستعمل الدلع ده غير فى مواقف معينه هههههه يعنى مثلا لو عاوزة حاجه منهم او من حد من اخواتى او من صحابى (صح يادودو) هههههههه وفاكرة طبعا حاجات كتيرة من طفولتى وكانت برده عندى احلامى اللى حققت منها شويه الحمدلله يعنى
اما دلوقتى فمن اول الثانوى وانا كانت عندى احلام طبعا زى اى حد وللأسف مش اتحقق الا جزء صغير جدا منها واللى معرفتش اعمله قبل كده بحاول اعمله فى الجامعه وبرده بحاول اخلى احلامى اكبر واوسع علشان حياتى اللى جايه ان شاء الله
معلش طولت عليكم بس هى دى كل الحكايه وميرسى ليكى يانورا

ميرسى يا ديدا وانووووس على مشاركتكم
بس ايه يا ديدا تفكير فى المستقبل بطلت من زمان ..لا طبعا ان مكناش نفكر احنا فى مستقبلنا ومستقبل بلدنا مين هيفكر
وعندك حق الطفولة ديه كانت اجمل حاجة فى الانسان كفاية بس برائته
وانت يا عم انوس يا آخر العنقود يا مدلع هات حبة....ربنا يخليلك ويخلينا آبائنا وامهاتنا


انا طفولتى كانت حاجة عجيبة كدة...كنت طفلة عندها هبل
اوقع الناس فى بض...اى حاجة اشوف طعمها ايه
شربت قبل كدة كلونية حلاقة خمس خمسات وشربت























بيرسول
.... ايوة ايوة بتاع الحشرات ..عارفينوا ...انا عرفاه
وكنت اعمل المصيبة والزقها فى غيرى
كنت بعور نفسى عشان اعرف اللى موجود جوا

بس الحمد لله لما دخلت اعدادى خفيت
شوية يعنى

دلوقتى ..انا كل همى ان اصلح من اللى حواليا من خلال نفسى
و نفسى اكون اديبة او مؤلفة

والله ان بشكركم اوى ياساسوا انتى وملك
وفعلا التوبيك انا فرحانة بيه اوى
وانتى ياملك انتى ليكى حق تقولى انا هاخد البيوت كلها........ياعينى على ابن عمك
انا برضوا كنت بعض الاولاد بس فى المدرسة
ومرة كنا بنبيض دلقت البوية كلها على نفسى وحمونى بجاز
حلوة الذكرى ديه
انا برضوا ليا قصة مع الجاز ماما وابراهيم اخويا كانوا نايمين ولاقيت ان الجو برد
رحت جايبة جاز و ولاعة عشان ادفيهم...بس الحمد لله ماما صحيت قبل ما النار تيجى فيها هى وابراهيم
طرف الملاية بس هو اللى اتحرق

وبجد يا ساسوا اجدادنا دول حاجة جميلة اوى فى حياتنا
لم كان بابا يزعلى كنت اروح اقول لجدوا وتيتة
كانوا بيعرفوا يخدولى حقى منه اوى
وكنت اروح اقول لجدوا رحمة الله عليه ....على كل حصلت فى بيتنا و التلاجة فيها ايه والجيران عملوا ايه

يااااااااااااه ايام والله جميلة اوى
ليت الطفولة تعود غدا
انا مبسوطة اوى انكوا اشتكرتوا فى التوبيك ده
بجد فكرتونى باجمل ايام حياتى
وسمحتولى ان اعيش معاكوا ذكرياتكم الجميلة ديه