شباب الايـمو فى مصر!!!!

https://www.youtube.com/watch?v=sSWQcUpBQVo

ده ياجماعه موضوع كده ظهر فى مصر فجأه مش عارفين ايه اصله ولا ايه سببه اصلا وليه ظهر عندنا, هو مش بس ظهر ده انتشر بطريقه مرعبه بجد
دول مجموعه شباب مسميين نفسهم (الايموز) تفكيرهم غريب وشكلهم اغرب ومناهجهم فى الحياه ومبرراتهم مش منطقيه ابدا ومش مقنعه
ياريت اعرف ايه اراءكم فيهم, يعنى مع ولا ضد؟!!
اللقاء ده مع وائل الابراشى المذيع الجامد جدا هو سألهم فى كل حاجه وعرف عنهم كل حاجه انتوا ممكن تكونوا عايزين تعرفوها
ياريت تدخلوا وبعدين قولوا رأيكم فيهم وخصوصا شريف الاب الروحى بتاعهم!!!!!
وبالمناسبه هى كذا حلقه ياريت تشوفوهم وتقولوا انتوا ايه وجهات نظركم
معلش طولت عليكم بس اصل الموضوع ده شاددنى جدااااا ومهتمه جدا اعرف ايه اراءكم ياريت يعنى

مرسی یاایناس انا شفت الحلقات دی لما اتعرضت والله حاجه تحزن ..ادی شباب المستقبل ورجاله مصر ..طبعا مش کل شبابنا کده والحمد لله فی ناس تتاقل دهب ..بس غریبه والله یعنی التقلید الاعمی وصل للدرجه یعنی حتی مش قادرین یدافعوا عن اللی بیعملوه مفیش واحد فیهم رد رد مقنع ...قال احساس واحاسیسهم عالیه قال یعنی محدش غیرهم بیحس کلام هما نفسهم مش فاهمینه ولا فاهمین بیقلدوا ایه ولا قادرین یردوا ..رایی ان ده شباب فاضی مش عارف یعمل ایه ..ضایعین مش لاقیین هدف یتعبوا عشانه ...اقولک الحق احساسی لما شفت الحلقات دی ..حسیت بقرف واشمئزاز من مناظرهم ومن تفاهتهم
علی العموم ربنا یهدی شبابنا ..والله بستغرب اوی لما اشوف شاب عایش حیاته بتافاهه وملوش ای لازمه فی الدنیا ..نفسی اقول لای حد کده "انت عایش لیه ؟؟" ..عشان تاکل وتشرب وتتجوز وتجیبلک اورطه عیال وخلاص ویاریتک هتعرف تربیهم کویس ..لان لو اساس غلط هما کمان هیبقوا غلط ... سوری یعنی یبقی ایه الفرق بینا وبین الحیوانات لو دی بقت حیاتنا ..سبحان الله

أولاً ميرسي يا أنوس على طرحك للموضوع الجامد ده والمثير للجدل فى الفترة الأخيرة
ثانياً شباب الأيموز دول بجد أتفه من أنى أكتب أو أتكلم عنهم لأن بصراحه دول عالم خايبة ملهاش أى هدف فى الحياة ولا حتى بيعملوا حاجه فى حياتهم غير أنهم يحسوا أو بمعنى أصح بيعيشوا اللحظة وكمان شباب تافه تافه لأقصى درجة قال يعنى لما يعوروا نفسهم هيخرجوا مواجعهم .. شباب أخر زمن .. وعمالين نقول اليهود والأمريكان والدول الأوروبية طب أيه رأيكوا بقا أن الشباب اللى زى دول فى أى دولة حتى ولو أمريكا منبوذين وبياخدوا نقد ملوش أخر لأن الدول دى بجد مستقبلها أهم من حاضرها ده حتى إسرائيل البنات عندهم بتدخل الجيش 20 شهر عارفين يعنى أيه ! .. مش بتحط ميك أب وتلبس وتحس وتصاحب وتروح الديسكو .. يا خسارة بجد يا شباب .. أنا مش بقول منعش شبابنا لأ .. أنا عن نفسى ليا وقت للجامعة بعمل فيه اللى أنا عاوزة وكمان عندى وقت للشغل ووقت للمذاكرة وعندى أهداف كتيرررررررررة بحاول أحققها على قد ما أقدر من جهد وبجد لازم كل واحد مننا يبقى عنده طموح وأهداف وخطط مستقبلية لحياته ــ مش عايش كده وخلاص ــ يا جماعة بجد لو كل واحد حدد لنفسه أتجاه معين ومشى فيه البلد دى هيبقى فيها أكبر نسبة علماء فى شتى المجالات علمياً وأدبياً وسياسياً وأجتماعياً .. ده أحنا 80 مليون يا جدعان أزاى مفيش علماء هيطلعوا .. ومحدش يقولى المشكلة فى البلد .. البلد دى أحسن من غيرها بكتيييييييير وفى علماء كتير طلعوا منها ومن أقصى مناطقها فى الريف والحضر والدليل على ذلك أحمد زويل ومجدى يعقوب وفاروق الباز والأسطورة السياسية الســـــــــــــــادات والأمثلة كثيرة وأن شاء الله هنفضل نتعب ونشقى لعل وعسى .. مين عارف ما يمكن نطلع حاجه مهمة فى البلد دى
وأخيراً وليس آخراً أحب أنصح الشباب بمقولة جميلة جداً (( ضع لنفسك أسمى وأكبر هدف فى الدنيا حتى ولو لم تحققه فتأكد أنك سوف تكون متميزاً بل ومن أعظم الشخصيات فى يوم من الأيام ))
الحقيقة دى مش مقولة مشهورة ولكن دى كلمات من تأليفي كنت أذكر بها نفسي عند الوصول لأى هدف لأسعى جاهداً فى الهدف الأكبر منه .. وربنا يهدى شباب الأيموز ويتحملوا المسؤلية أكيد طبعاً بعد لما يحسوا .. يحسوا بالضياع ويرجعوا لربنا ولصوابهم لأن بجد لو الحالة المؤسفة اللى هما فيها دى أنتشرت يبقى نقرأ الفاتحة على شباب الغد .. أعتذر عن الأطالة وأتمنى أن تكون وجهة نظرى قد وصلت أليكم .. والسلام عليكم

دى باقى صورهم الى قدرت اجيبها لكم علشان الفكرة عندكم تكتمل





وحسبى الله ونعم الوكيل فى اللى هيبقى سبب فى فساد شباب الامه و المسلمين خصوصا
بالله عليكم ياجماعه كل واحد ياخد باله من نفسه وانه مينساقش ورا الكلام الفارغ ده دول فعلا شباب فاضى مش وراهم حاجه لا مستقبل ولا حياه ولا اهل يقولوا لهم كده غلط او حرام.
انتوا تعرفوا انهم اتقابلوا فى سيتى ستارز واتفقوا ووحدوا اهدافهم وخططهم وازاى يخلوا اكبر عدد من الشباب ينضم ليهم
دول بيقولوا كمان انهم والعياذ بالله خليفه لعبدة الشيطان فى مصر وليهم علاقه بجماعه البانكس بتاعة زمان اوى دى وانهم كمان خليط من البانكس والماسوشيه والعياذ بالله
خدوا باااااااااااااااااااااااااااالكم من نفسكم بالله عليكم















Noooooooooooooooooooo comment

ميرسى يامصطفى على ردك انت والله بكلامك ده ريحتنى وحسستنى انه لسه فيه شباب واعى لنفسه وعارف مصلحته كويس ربنا يكملك بعقلك ويحقق لنا امانينا كلنا.
انا بس اليأس مسيطر عليا شويه من بعد ما اتفرجت على الحلقات دى و على اد ايه هما متمسكين بمبرراتهم الفارغه دى وكلامهم اصلا مش منطقى ابدااااااا
مهو كلنا عندنا عاطفه وكلنا بنحس يعنى هما مش زياده عننا فى حاجه بل بالعكس ده احنا اللى زياده عنهم فى اننا عندنا اهدافنا اللى ممكن نوصل بيها لأمنياتنا وطبعا بلا شك احنا كلنا احسن منهم
ميرسى تانى ليك يامصطفى على مرورك وردك ولو عندك رأى تانى او عرفت حاجه تانيه ياريت تتفضل
انا كتبت الموضوع علشان كلنا نتشارك الرأى

ملحوظه مهمه:
اللى لابس احمر ده ولد بالمانيكير اللى هو حاطه ده والسلسله اللى هو لابسها دى

والصورة اللى هما متجمعين فيها دى كانت فى سيتى ستارز فى مدينه نصر

سلام شباب
انا لاحظت حاجه كده فى اخر الكليب بتاعهم مع وائل الابراشى انه جاب نفس الاشخاص بس بعد ما غيروا فكرتهم وغيروا كمان من نفسهم ورجعوا تانى لطبيعتهم وربنا هداهم والله كان شكلهم افضل بكتييييير من الاول وده طبعا حصل بعد ما حصلت محاولات لاغتيالهم كتيييير من ناس متضايقه منهم زيى كده ههههههههه بس انا مسالمه هههههههه
الحمدلله والله انهم رجعوا تانى وربنا يهدى الباقى منهم ويهدينا احنا كمان ويحمى مصر من الجماعات دى ياااااااااااااااااارب

nooooo comment

[
[
ميرسى يا انوس على الموضوع القيم ده فعلا اخدوا شعبيه وهما ولا ليهم لازمه ظاهره كده وهتعدى
لان اختى الصغيره واصحابها بيتداولوا صورهم لانهم بيبوصول للبس والاستايل الى هما عملينه
وانتى عرفتيهومنى وخليتها تتفرج والله على التوبيك والفيديوهات لحد ما عرفتهم وفهمت الاستايل ده جى من ايه وانا ضفت صور كانت على جهازى ليهم
ميرسى بجد ليكى يا ايناس

اولا يا مرمر ده شرف كبير جدا ليا انك تقرأى الموضوع والحمدلله انى قدرت انفعك واقنع اختك وده والله شرف ليا وبعدين لو عاوزة صور وفيديوهات تانيه انا ممكن اجيبلك وبصراحه اختك غصب عنها انها تنجذب للناس دى اهى صغيرة وبكره ان شاء الله تعرف انها فترة كده فى حياتها وخلاص تقولى ايه بقى فى الشباب الكبار اللى مشيوا وراهم وهما مغمضين وبيقلدوهم تقليد اعمى واهى موضه والسلام!!!!!
فهميها بالعقل وبالراحه انهم بيضروا نفسهم قبل ما يضروا حد تانى وربنا يخليهالك ويخليكى ليها يارب
وميرسى تانى على مرورك الجميل كالعاده ياحبى

والله يا انوس من غير ما اتكلم هى اول ما شفتهم قعدت تضحك على كلامهم
تقولى ايه الفرافير بتوع الاحساس دول بس موضوع قيم جدا
اتمنى يختفوا من مجتمعنا اساسا وميرسى لترحيبك يا قمر

انا كنت قرأت عنهم من حوالى سنة وشوية وعرفت عن افكارهم معلومات مش قليلة
ده بالنسبة للايموز المعروف والمنتشر فى كل العالم واللى معروف عنه الافعال الشنيئة
وانا تابعت حلقة وائل الابراشى كلها
بالنسبة للشباب اللى كانوا فى البرنامج فهما بيدوروا على انتماء مفقود لكن فكروا غلط انا ممكن الاقى نفسى فى مكان ومع اى حد يفهمنى وافهمه لكن مايلبسوش اللبس ده ويقولوا للحوالهم انتو فاهمنا غلط
انا لو ماشية وشوفت بنت لابسة حجاب او نقاب وبنت تانية لابسة سلسلة فيها صليب هقول ديه مسلم وديه نصرانية وساعتها مش هكون غلطانة
اما بالنسبة لموضوع مساعدة الاخرين... طب ما فيه مليون طريق اساعد بيهم غيره هو انا لازم اللبس لبس ايموز عشان اساعد اللى حواليا طب الخير موجود في الانسان كانسان كشخصه ليه يتم توظيف هذا الخير للايموز وتحت مظلته وبعدين مالاقتش غير الجماعة دول اشبه نفسى بيهم وهما معروفين فى العالم كله بافكارهم و افعالهم الشنيئة والفاضحة عشان اعمل خير او اعبر عن نفسى خلاص ماينفعش اقلدهم واقول للمجتمع لا متظلمنيش انا مش زيهم
ولو شفت واحد لابس تى شيرت عليه نجمة داود او اى شعار للكيان الصهيونى هقول انه بيحب الكيان الصهيونى ويتفق معه فى كل الجرائم اللى بيعملها فالانتماء للشعار والزى يعبر عن الانتماء للمبادىء واسس جماعة تلك الشعار
يعنى لو الشباب اللى كانوا فى البرنامج تفكيرهم زى ما قالوا.... اعتقد ان المشكلة هى مشكلة وعى لاقوا حاجة مفتقدنها فى الجماعة ديه وانتموا ليها من غير ما يفكروا كويس ويكون عندهم بعد نظر و من غير ما يعرفو هى فى الاصل ايه والعالم كله بيقول عليه ايه بالضبط

انا مش بدافع عن الايموز.. لكن انا بتكلم عن الشباب اللى فى البرنامج اللى ماينتموش الى الايموز الامن خلال تقليدهم فى اللبس وده غلط طبعا من تشبه بقوم فهو منهم فالعملية عملية وعى

ربنا يهدينا ويهديهم وعلى فكرة يا مصطفى انت كلامك كله صح


ميرسى جدا جدا يا انوووس على الموضوع ده
بجد مثير اوى فى افكاره ومبادئه ميرسى يا قمر

لا تعليق
اية التفاهة دى!!!!!!!!!!!!!!!!
فعلا وا حسرتاااااااااااااااااااه على شباب مصر بنات واولاد (طبعا مش كلهم كدة بس كتير)
الايموز دول انا بحتقرهم من ساعة ماشفتهم حتى لو اهدافهم سامية شكلهم يجبرك انك تحتقريهم للاسف

ميرسى ليكى انتى يانور على رأيك طبعا ومرورك الجميل كالعاده
وعيودتى حبيبتى شكرا ياجميله على المرور وعندك حق ايا كان اللى عنده اهداف ساميه ميحققهاش باللبس والشكل والمبادئ الغريبه دى واللى عنده هدف بيفضل وراه لغايه ما يحققه واولا بيبقى حريص طبعا على ان الناس تتفهم هدفه ده بطريقه محترمه علشان ع الاقل حتى يساعدوه ويشجعوه انه يحققه نورتينى ياعيوده
وبالمناسبه انتى وحشتينى جدااااااااا والله العظيم ووحشنى كلامك يا حبى

ايه القررف اللى فيه الشباب ده وربنا بطنى وجعتنى من مناظرهم يارب اهدى شباب المسلمين يارب والله حاجه تجزن استغفر الله العظيم

اللهم امين ربنا يسمع منك يا ملك يارب وعندك حق هى حاجه تحزن فعلا تخيلى هما دول الشباب اللى المفروض يحرروا الاقصى وفلسطين ويرتقوا ببلدنا بجد انا لله وانا اليه راجعون
شكرا يا ملك على مرورك الجميل ورأيك الاجمل