نكت جامده اوى

كل الشقاوه والفكار الجنونيه والخفيفه ..بمناسبه السنه الجديده

كوكتيلات من كل الحوارات...
وشعارنا جاين نقول ..**هو العمر فى كام ابتسامه**
بمعنى::: .. تجيلها كده تجيبها كده هى كده

المهم يا سيدى ما طولش عليك ..قول طول..
ليه السمك بيخاف من اتصالات؟
علشان أقوى شبكة.....اكيد

- طب ليه عملاء موبينيل هيدخلو الجنة؟
علشان هما أحسن ناس.....ـ

و ليه القطنه هتدخل معاهم؟
عشان مدام نظيفه قالت القطنه متكدبش....

- طب ليه عملاء فودافون ما بيبردوش؟
علشان فودافون أقوى تغطية.....

_ امتى السما يبقى لونها بتنجانى
لما الدنيا تبقى مسقعه.....

ليه القطر مهم
...... عشان تحتيه خطين

ليه سندوتشات الكفته والبطاطس بتجري
...... عشان وجبات سريعه

ليه اليابان معندهاش حنان
........... عشان ف قاره آسيا )

ليه البرازيل معندهمش تين
............ .عشان ف امريكا اللاتينيه )

ليه الفيل بينزل البحر بالشورت الاحمر .
.......... عشان الشورت الاخضر مش نضيف

ليه الصعيدي بيحط جنبه منبهين
............ . عشان واحد يضرب والتاني يحوش

واحد بلدياتنا ماشي تحت الكوبري و رافع ايده ليه ؟
......... عشان الكوبري مسلح

ليه الكلب بيهوهو
.......... عشان القطه بتنونو

عسكرى زهق من البندقيه عمل ايه
جاب حمصية.....

ليه القرد سريع
....... عشان القرد في عين امه غزال

عاوزين نطير كلب نعمل ايه
.......... نضرب في ( 1كلب )الكلب يطير مع الكلب

ليه النمل مش بترضي تركب الفيل قدامها عالعجله
......... عشان بيلعب في الجرس

فرخه معلقه سلسله فيها صوره بيضه ليه ؟؟
............ صورتها و هي صغيره

ايه الفرق بين عمرو دياب و إليسا ؟؟
إليسا بتعمل شريط كاسيت ....
و عمرو دياب بيعمل شريط كاراجل ....

ليه المنبه بيرن
....... عشان مش معاه رصيد يتصل

ليه الصيدلي بيبني عماره_
........ عشان يسكن الآلم

ليه قبضوا على صاحب شركه جهينه
...... ..... عشان ( زبادو ) متلبس

ليه القطه بتخربش
............ . عشان نفسها تكسب

ليه الام مدرسه
........ عشان بتذاكر لولادها

ليه عمر دياب و هو بيقول فى اغنيه راجعين مخبطش فى اللى وراه
عشان طلعت زين واقف وراه وبيقولو تعالا تعالا

حكموا على صاحب شركه موبينيل احكام كتيره اوووي ليه
..... عشان بيتحاسب بالثانيه

خمسه صعايده قاعدين في اوضه كل يوم يخرج واحد ليه
....... بيلعبوا ستار ميكر

طب ليه ابو الهول كان وشه اصفر
......... من خوفو

واحد بلديتنا واقف قدام المرايا و مغمض عنيه ليه ؟؟
............ ......... .... بيشوف شكله و هو نايم

مهندس كمبيوتر، حلل دمه، طلعت فصيلته

.......... hp

لية السمك بيخاف من الجنية....؟!
علشان الجنية فية 100 قرش.........

فيزيا بقه

واحد تايه في الصحرا ومعاه مسطره حرف تي ..يعمل ايه ؟؟ .......... يسمك المسطره ويقيس مسافه ... يكاملها تبقى سرعه ....
يكاملها تاني تبقى عجله ... يركب العجله

القاضيه بقى

قطه بنت عم قطه تانيه ... وقطه تالته بنت عم التانيه ... و قطه رابعه تبقى بنت اخت التالته ...... و قطه خامسه تبقى عمه الرابعه ... وقطه سادسه تبقى بنت خاله مراة عمه الخامسه ...
تبقى القطه الاولى تقول القطه السادسه يا ..... ايه ؟؟

تقولها ناو ناو.......وكل سنه وانتم طيبين

هههههههههههههه
ايه السكر ده يامرمر
حلوة اوى ياحبيبتى
بجد دمك زى السكر
ميرسى اووووى بجد
ضحكت من قلببببى

يا حبيبى كفايه انك
ضحكتى ده احلى حاجه عندى
اسعدنى مرورك يا قمر وميرسى لتعليقك

بجد ملهاش حل
نكت السهل الممتنع دى .. صح
ههههههههههههههههه
ميرسي يا مرمر على التوبيك الجامد
بجد نكت زى العسل .. تسلم إيدك

تسلم يا مصطفى
بجد ميرسى لتعليقك وكفايه عندى انها
ضحكتك ميرسى لمرورك

اول مره اعرف ان دمك جفيف يامريومه

بجد ضحكتني هههههههههههههههههه

ههههههههههههههههههههههههه جمیله اوی یا مرمر
مرسی علی النکت الجامده دی

ميرسى يا زينب لمرورك نورتينى

ميرسى ياريم نورتينى بمرورك
يارب يكونوا عجبوكى وضحكوكى من قلبك

حلوة اووووووووى يامرمر ضحكتنى وانا كنت قربت انسى الضحك

طيب الحمد لله انى عرفت ارسم ضحكه على شفايفكوا
ميرسى لمرورك يا طمطم نورتينى بجد

ههههههههههههههههههههه حلو اوى يا توتة ههههههههههههههههه
بس مكان التوبيك مش هنا هنقله الى قسم الترفيه

نورتينى بمرورك يا ملك
ماشى شوفى هتحطيه فين مش فارقه المهم ان فى ناس تشوفه ويعجبها