بجد حاجة مستفزة

انا كنت مترددة شوية فى كتابة التوبيك...بس بجد الموضوع اخلاقيا خنقنى
اول امبارح لفينا انا وبابا 3 محافظات تقريبا مفيش شارع ندخل منه ولا اشارة نقف فيها الا والاقى ولد وبنت ماشين مع بعض
يعنى انا عاوزة اعرف هو الموضوع ظاهرة يعنى هو ده موسم......وطبعا اكيد كلهم مش اخوات
انا بجد مش متخيلة خفة العقل اللى تخلى بنت تخرج مع ولد غريب واكيد فى الغالب من ورا والده والدتها باسم الحب
يعنى الحب اسمى بكتير من خروجة على النيل او عزومة فى كازينو...هو خلاص كدة الحب اتلخص فى كلمتين
انا نفسى بنت وهى خارجة مع شاب تشوف لو هو شاف اخته ماشية مع ولد رد فعله هيكون ايه
وبعدين البنت ترجع تبكى اصل سابنى اصله جرحنى اصله..اصله
اعتقد انه لو بيحبها هيتقى الله فيها وفى سمعتها ولو بيحبها هيربط نفسه بيها بجميع الروابط سواء خطوبة ... . جواز مش يسرح بيها فى الشارع ...سورى على اللفظ
وبعدين هما ما بيتعلموش من القصص الفاشلة اللى سموعها
لأ وكمان ايه لما البنت ولد يسيبها تكرر نفس الحكاية مع واحد التانى..وبرضه هيسيبها
اصلى مكونتش نفسى اصلى لسة بدرس اصلى مش عارف ايه الحجج ديه
وفين الاب والام
ديه المصيبة الاب بنتى بميت راجل
والام بنتى متربية احسن تربية ....بنتى قطة مغمضة
مفيش رقابة واحساس بالافلام اللى الولد والبنت بيشفوها ولا مع مين هيخرجوا ولا مصحبين مين

انا مش عارفة اقول ايه بجد الموضوع مضايقنى اوى
المفروض وزارة الاوقاف تطلع قانون لما ولد وبنت يخرجوا مع بعض ومعهمش اوراق ارتباط رسمى او عائلى يبلغوا الاب والام
يعنى يا ريت زى ما شبابنا عملوا حملة ضد التدخين وحملة ضد المخدرات ياريت نعمل حملة ضد العلاقة ديه
بلاش كلمة ضد لان فيها قوة شوية خليها للتوعية وللارشاد وللعفة
الله الكلمة ديه وانا بكتبها عجبتنى اوى اوى
العففة..وتقوى الله وطهارة النفس والفكر والعمل وغض البصر....مش مجرد معانى وكلمات لكنها قيم واخلاق وايمانيات وعبادات بجد محتاجنها اوى اوى والبنت محتاجة تفهم اكتر مصطلح انا مش رخيصة انا عفيفة انا عزيزة انا جوهرة محفوظة مصونة مش فى ايد اى حد يقولها بحبك ويتسلى بيها برضو سورى على اللفظ

ولذلك كان الرسول صلى الله عليه وسلم يدعو ربه فيقول: (اللهم إني أسألك الْهُدَى والتُّقَى والعفاف والغنى) [مسلم].

فقال تعالى: {والذين هم لفروجهم حافظون . إلا على أزواجهم أو ما ملكت أيمانهم فإنهم غير ملومين . فمن ابتغى وراء ذلك فأولئك هم العادون}
[المؤمنون: 5-7]. وقال الله صلى الله عليه وسلم: (عِفُّوا عن النساء تَعِفَّ نساؤكم) [الطبراني والحاكم].

حلو الموضوع يانور بس والله فعلا شكلك متغاظه موووووووووووووووووت
لدرجه انك عاوزه تدخلى الحكومه فى المواضيع دى
انتى بنت حلال اوى وطيبه جداااا يابنتى اللى بتخرج دى (من غير روابط رسميه خطوبه, جواز, او روابط اسريه اخوها مثلا ابن عمها ابن خالتها كده مثلا) مبيبقاش فى بالها قيم ولا مبادئ ولا حاجه من دى خالص هى بس كل اللى فى دماغها تخرج وتجرب زى اصحابها اللى برده بيخرجوا ويروحوا ويجوا والكلام ده
والله انا من خوفى ليتقال عليا الكلام ده مبقيتش اخرج انا واخويا فى مشاوير ولا حتى اى حد من قرايبى وبقيت اشوفهم فى الجامعه لما اكون عاوزة اشوفهم او عاوزين يشوفونى لان طبعا الوقت ده وقت امتحانات ومفيش حد بيروح عند حد فالجامعه وسيله ههههههههه (بالمره يعنى مش حاجه مخصوص ) هههههه
وانا يمكن اتناقشت انا وانتى يانور لما قابلتك فى الظاهره دى. معلش صدعتك بس موضوعك اصله جميييييل جدااااا ومفيد وفى الاخر برده نقول (كل واحد حر ههههههههههههههه) شكرا يانورا Wink

ميرسى على ردك يا انووس ونورنى دخولك

ايوة حياتى الى حد ما انتى معاكى حق
بس انا مش قادرة اسكت ...وكمان بوجه مع النقد نصيحة سواء للبنات دول او اصحابهم
يعنى احنا كلنا منظومة واحدة بنأثر فى بعض...عاملين زى قفص الطماطم اللى لو ضربت طمطماية واحدة الباقى بالتدريج هيفسد
ولو بنت او ولد بيعملوا كدة احنا واجبنا ننصحهم...0وبالحسنة ونقرب منهم فى الحدود اللى مشوهش سمعتنا عشان يتقبلوا النصيحة
وما ننساش ان الموضوع مش موضوع البنت او الولد بس
ده موضوع منظومة باكملها كل عضو فيها يؤثر ويتأثر بباقى الاعضاء
وكمان مستقبلا لما يبقى اب او تبقى ام
ايه شكل التربية اللى هطلع حماة للوطن وانصار للدين والمبادىء والقيم وخادمين لبلادهم
لازم ندرس كويس كل الابعاد ده غير طبعا ان حاجة زى ديه غير شرعية بالمرة

ولو على السبيل المثال المدخن اللى اعطى لنفسه الحق انه يضرها فهو مالوش الحق انه يضر الآخرين.. يعنى هو مش حر
بالضبط كدة للمةوضوع ده الولد والبنت ربنا هو اللى هيحاسبهم
لكن سيدنا محمد لاعطانا 3 طرق لتغيير اى شىء غلط اخلاقيا ودينيا
الفعل باليد وده مسئولية الاب والام اللى نايمين فى العسل وولى الامر
النصح بالحسنة وده مسؤولية الاصدقاء والمقربون
الدعاء بالقلب وده اضعف الايمان
يارب اهدينا واهديهم

وفى حاجة نسيتها
بالنسبة للبيحكم على حاجة زى ده انها مجرد علاقة بريئة
اعتقد انها لو بريئة مش هتكون بعيد عن اعين الاهل
ولو بريئة مش هيحبوا انهم يموتو و يقابلو ربنا على كدة
و ربنا قال لا تتبعوا خطوات الشيطان
و مقالش لا تتبعوا الشيطان .........لآن الشيطان مش هيصور المعصية بشكل مباشر ولكن بالتدريج
و حاجة زى ديه غير محلله و تعتبر خطوة من خطوات الشيطان

موضوع جميييييييل جدا وفعلا انتى شكلك منقوطة مش متنرفزة وبس ههههههههه

انا معاكى فى كلامك بس المشكلة مين يسمع لو قلتى لاى حد كدة هيقولك وانتى مالك انا حرة مالكيش فية ولو دخلتلهم من ناحية الدين هتقولك ربنا يسهل ويهدينى لكن مش هتتغير بنسبة 100% وبعدين نعمل حملات توعية اذا ماأنصلحوشو ولا الكلام دة جاب نتيجة لازم بقى وزارة الاوقاف تتدخل وتعمل قانون للحد من الظاهرة دى
وفى النهاية على رأى المثل ألى بيشيل قربة مخرومة بتنقط على دماغة

ميرسى يا قمر على ردك
وعشان كدة بقول ان احنا نقرب منهم بالشكل اللى ميشوهش سمعتنا عشان ننصحهم
واحنا بجد محتاجين نفهم ونتعلم فن النصائح
وننصح الاخر براحة وبالتفاهم وبالسلاسة وخفة الظل والتقبل
ومننساش اننا بنحاول نجرد عقليته من فكرة هو مقتنع بيها اوى اوى
او اصبحت عنده شىء عادى او روتينى او ادمان
بغض النظر عن ايه هى الفكرة ديه
فبجد احنا محتاجين نتعلم وندرس يعنى ايه ننصح
سواء عن طريق او على المستوى الدينى او الفكرى او العاطفى او النفسى
وميرسى كمان مرة على ردودكم

بصى يانور من الاخر ده اسمه سن الشباب بقى والطيش سورى ع اللفظ بس هو كده فعلا سواء للبنات او للولاد بيبقوا عايزين يخرجوا ويتفسحوا ويعيشوا حياتهم بس الشاطر اللى يخرج من كل الحوارات دى من غير خسائر يعنى يجرب وخلاص من بعيد يعنى صح كده؟
ده رأيي مش عارفه بقى انتو ايه رأيكم فى الموضوع ده
معلش صدعتكم بس كان لازم اقول رأيي هههههههههههه
شكرا ع الموضوع الجميل يانورا

حياتى ربنا يهديهم ويهدينا ويهدى جميع الناس

وشكرا على اهتمامكم بالتوبيك والمناقشة كانت جميلة جدا بردودكم اكيد

ويارب كلنا نخرج من الحياة كلها من غير خسائر لكن الاشطر هو اللى مايعرضش نفسه للخطر و خصوصا لما تكون نهايته معروفة

» صور آخر حاجة
» نكت جامدة أخر حاجة
» حاجة عمرها ما تتسرق في مصر ؟؟؟
» حاجة قديمة للبيع...!!!!؟؟؟؟؟؟؟؟
» ما جبناش حاجة من عندنا هما اللى بيقولوا