تامر حسنى .. قصة مكافح

- الاسم : تامر حسني شريف عباس .

- مواليد : برج الاسد 16\8\1977 .

- تخرج : من كليه الاعلام بجامعه 6 اكتوبر في بالقاهرة .

- والد مصري ووالدة سوريه ( حفظهما الله له )

كيف بدأ مشوار الفنان تامر حسني :

-في احدى الحفلات كان يغني اغنيه (قولوا لا )وصادف وجود الاعلاميه سلمى الشماع التي اعجبت بصوته وعرفته على المنتج نصر محروس والذي اعجب بموهبته ايضا ووقع معه عقدا .

- كانت اغنيه ( شكلي هحبك ) كانت اول اغنيه تسجل له في البوم تضمن العديد من الفنانين وكانت النقلة الاولى .

- وكانت النقله الثانيه عندما بدأ في العمل بالالبوم الذي اشتركت معه المطربه شيرين وكان عنوان الشريط ( تامر وشرينFree Mix 3) وفعلا تم تسجيل الالبوم وحقق مبيعات .

- بعدها قام بتسجيل البومه الخاص بعنوان(حب)والذي لقى ايضا نجاح منقطع نظير .

- حاز تامر على جائزه افضل مطرب عام 2002 ولقب أفضل مطرب شاب .

- رشح تامر للمشاركه في مهرجان جرش 2002 ولكن هناك ظروف حالت دون قدومه .

- ومن مواهب تامر حسني انه كتب اغاني للعديد من الفنانين ولحن ايضا ومن اشهر

الاغاني ( بص بقى )لشيرين و ( فضلت احايله ) و ( قوم اقف ) لبهاء سلطان .

- تميز برقة احساسه وصوته الناعم وانسانيته ولم ينسى له اغنيه( احمد زكي )التي

غناها له بالجامعه الامريكيه عندما كرموا الفنان الرائع احمد زكي ( رحمه الله )

- والف تامر فيلم ( حاله حب )والذي شاركه معه في البطوله هاني سلامة ودنيا وهند
صبري وزينة .

اعماله الفنيه:

-عدد البوماته الكامله 7 البومات وهم:
فري مكس 3
حب
عينيا بتحبك
يا بنت الايه
الجنه فى بيوتنا
قرب كمان
هعيش حياتى


_وقام تامر بالتمثيل فى 5 افلام وهم:
*حاله حب (وكان اسم تامر فى هذا الفيلم يوسف)
*سيد العاطفى(وكان اسم تامر فى هذا الفيلم سيد)
*عمر وسلمى(وكان اسم تامر فى هذا الفيلم عمر)
*كابتن هيما(وكان اسم تامر فى هذا الفيلم ابراهيم)
*عمر وسلمى 2(وكان اسم تامر فى هذا الفيلم عمر)

اعترافات تامر :

- تامر يعترف و بصراحه بان الفن لن يتعدى كونه مجرد مرحله ، تماما مثل الرياضه ، و انه سرعان ما ستتغير هذه المرحله ، و ان ذقنه الخفيفه هذه ليست نابعه عن تقليعه ، بل هي شئ اساسي في حياة تامر الذي تعد اكبر احلامه ان يكون ( شيخ دين ) و حكى تامر عن تجربته في بناء المسجد .

ان تامر يبلغ الان 32 سنه من عمره و قد اصبح بعد معاناه هائلة شابا مشهورا و غنيا يركب سيارة فاخرة و يمتلك فيلا لا تقل قيمه عن السيارة ، و المهم في هذا هو انه يريد ان يرتبط و لكنه لم يجد حتى الان تلك الفتاه التي تعوضه عن حبه الاول ، على طريقة ليلى مراد و هي تغني الحبيب المجهول و هي تقول لكل من يتقدم لها : (كلام جميل .. و كلام معقول .. مقدرش اقول حاجه عنه لكن خيال حبيبي المجهول ما لقتشي فيك حاجه منو )

و حتى بعد كل هذه الشائعات عن الحب و الزواج من شيرين او رزان او زينه او نور او دنيا سمير غانم او او او ......................... تامر لم يحب حتى الآن .

شكرا يا مصطفى

وانا كنت اسمع كتير عن معاناته .. وان والده بعد عنه حوالى عشرين سنة وان والدته هى اللى كانت مسئولة عنه بشكل كلى وانه فى سنواته الاولى من عمره اشتغل ف محطة بنزين وبائع للورد والعطور
ولما كبر دخل اعلام بواسطة من واحد صاحب والده
وهو فعلا نفسه ما يكملش فى الغناء كتير
https://www.youtube.com/watch?v=K1yme6ZHM2Y&feature=related

وعلى فكرة هو مش من المطربين المفضلين لان انا ما بحبش الاغانى اللى اتغنت بعد سنة 2000ومع ذلك انا بحب افلامه اوى لان فيها خفة ظل حتى ولو القصة ما كنتش مفيدة انا بتفرج عشان الفيلم كوميدى ولان الافلام الكوميدية دلوقتى هى اكتر حاجة مضمونة

شكرا يا مصطفى على المعلومات والاضافة

Anoooooos كتب:

هو فعلا تعب كتيييييير جدا انا عرفت ده من برنامج واحد من الناس بتاع عمرو الليثى
ويستاهل فعلا النعمه الكبيره جدا اللى ربنا انعم عليه بيها اللى هى حب الناس ماشاء الله عليه
و تقريبا مامته هى اللى دعت له الدعوة دى وكانت راضيه عنه وبجد هى اجمل دعوة
شكـــــــــــــرا جـــــــــــدا ع الخبر الexclusive

تامر .. عشقى
بس بصراحه أكتر حاجتين بتعجبنى فيه > أستايله .. إحساسه
أما عن حكاية الرضا وحب الناس فدى من عند ربنا بجد
مش مستأجرين زى ما ناس بتقول وبيأجر بنات تصوت ويغمى عليها .. ههههه
تامر بجد أكبر من الحاجات دى بكتير أنا قابلته وكلمته .. شخصية محترمة ومتواضعة جداااا
وعلى فكره صدق المثل .. الشجرة المثمرة يكثر قذافها بالحجارة

وميرسي على مرورك يا أنوووووووووس بجد نورتى التوبيك

NOUR كتب:

شكرا يا مصطفى

وانا كنت اسمع كتير عن معاناته .. وان والده بعد عنه حوالى عشرين سنة وان والدته هى اللى كانت مسئولة عنه بشكل كلى وانه فى سنواته الاولى من عمره اشتغل ف محطة بنزين وبائع للورد والعطور
ولما كبر دخل اعلام بواسطة من واحد صاحب والده
وهو فعلا نفسه ما يكملش فى الغناء كتير
https://www.youtube.com/watch?v=K1yme6ZHM2Y&feature=related

وعلى فكرة هو مش من المطربين المفضلين لان انا ما بحبش الاغانى اللى اتغنت بعد سنة 2000ومع ذلك انا بحب افلامه اوى لان فيها خفة ظل حتى ولو القصة ما كنتش مفيدة انا بتفرج عشان الفيلم كوميدى ولان الافلام الكوميدية دلوقتى هى اكتر حاجة مضمونة

شكرا يا مصطفى على المعلومات والاضافة

ميرسي يا نور على مرورك الجميل
وميرسي أكتر على الفيديو الجامد أووووووووى
أنا كل ما أشوفه أحاسب نفسي وبحس أنى مكان تامر
وعلى فكرة أنا كلمته فى حوار الدقن وأنه سايبها على طول
لأنه بجد ملتزم وبيصلى وواخدها سنه عن الرسول (ص) وكمان الغنا بالنسبه له مجرد مرحله
وفى فيلم عمر وسلمى 2 كان لسه راجع من العمره ..
وعلى فكره يا نور الأغانى اللى بعد 2000 أجمد أغانى لتامر
طب مش بتسمعى ......
أرجعلى ويعنى خلاص وصوتك وميحرمنيش منك وهوصلك ونور عينى وهعيش حياتى و...

لأ... يا مصطفى
انا مش قصدى اغانى تامر اللى بعد سنة2000........انا بتكلم بصفة عامة
لان من بعد سنة 2000 وخصوصا 2005 وخصوصا خصوصا 2007
الاغانى نزلت تماما من نظرى الا القليل اوى منها عشان الموجة اللى بجد مستفزة وهى موجة الرقص اللى مش محترم تماما والكليبات اللى مليانة بنات والكلمات الهابطة فريحت دماغى وبقيت اسمع اغانى قديمة شوية يعنى محتفظة باحترام اسلوبها وكلماتها ...وخاصتا انى بحاول ماسمعش اغانى غيرشرعية ابطل شوية وارجع تانى...معندكوش وصفة
بس هو ده السبب