تم التسجيل بنجاح

السلام عليكم جميعا ايها الأصدقاء والدكاتره الأعزاء
يسعدني جدا مشاركتي معكم في هذا المنتدى الرائع والمتميز
ولقد كنت أتابع مواضيعكم ومناقشتكم بأهتمام بالغ
وكنت الحاضر الغائب نظرا لوجود مشكلة في التسجيل
أولا/ أحب أعرفكم بنفسي الطالب المجتهد مصطفى وشهرتي روميو (وجوليت عند الكوافير على فكرة)
ثانيا/ كنت قد رشحت نفسي لمنصب الرئيس (وهو حلم مشروع لكل شاب في سني)
أتمني أن أكون عند حسن ظنكم دائما سواء من من تعرفوا علي في الجامعة
أو من الموجودين في هذا المنتدي ( جوانهاي فردا ) أو أي منتدي آخر
ثالثا/ من مهماتي حل المشكلات والصعوبات التي تواجهكم (بعد الشر)
وأنا تحت أمركم ومساعدتكم في أي وقت وأنني لمتفائل ومتحفز للمشاركة معكم
في هذا المنتدي الشيق الذي يتولى الأشراف عليه ورئاسته ثلاثة من كبار الشخصيات الأنسانية أولا
ومن الدكاترة العظماء أيضا لدينا في قسم اللغات الشرقية
أرحب أولا بوردة المنتدي الدكتورة/ أيمان عرفه
والدكتورة المحبوبة الخلوقة/ عبير صلاح
والدكتور الرائع والمتميز/ عادل إبراهيم
وأخيرا يارب أكون ضيف ومشارك خفيف عليكم وقبل أن أفيدكم أستفاد منكم
والله المستعان ؛ خدا حافظ ؛ شالوم .

اهلا بيك يامصطفي نورت المنتدى

ميرسي زينب المنتدى منور بيكو

اهلا بيك يا مصطفى
و حمد الله على السلامة
اخيرا وصلت المنتدي؟
بما إنك بقى نفسك تبقى رئيس جمهورية
يا ريت تجاوبلى على السؤال اللى بيشغل ناس كتير
يا تري حرية الاعلام هتبقي من سياساتك و الا هتفرض رقابة أعلامية على المضامين المقدمة لشعبك
و أنا أقصد حرية الابداع بعيدا عن القيود الدينية و الاخلاقية
يا ريت تشرحلنا سياستك فيما يخص هذا الموضوع
و شكرا

أولاً/ ميرسي جدااا دكتور عبير علي الترحيب
وبجد ياريت أبقى أضافة هايلة للمنتدى الرائع ده
ثانياً/ أحب أقول للأعلام (لما أبقى رئيس جمهورية إن شاء الله )
إن الأعلام هو نموذج للتقدم المرئي والمسموع وحرية الأعلام
حرية لا حدود لها في حدود العقيدة والأحترام والأمانة والأخلاق
وحرية الإبداع والأبتكار لن أعمل على تركها تسير منوالا فقط
بل سأدعمها بكل ما أملك وأعمل على تجديدها والحفاظ عليها
لأن هذه الحريات هي أساس التقدم والأزدهار في العالم كله
ولكن الأفلام والأعمال الساخرة والخادشة للحياء سأعمل على رقابتها
رقابة دينية شرعية فى إطار الفن ولن أحرم شعبي
من مشاهدة الروائع والنقد والسلبيات بل سأكون أول
من يشاهدها بصدر رحب ويعمل على تشجيعها وإزالة السلبيات .

صحيح يا دكتور أنا عملت تقرير جامد آخر حاجة عن خطاب أوباما
بس للأسف وأنا بعاينه أتلغى وبصراحه كان طويل جدااا
وأتخنقت جدااااااااا وكنت هكسر الكمبيوتر ومن ساعتها
مكسل أكتبه تاني والأمتحانات وخداني جامد
وبعت شكوى للإدارة ولسه مردوش ؛ أعمل أيييييه

اهلالالالالالالالا بيك يا مصطفى يا روميو نورت المنتدى ويارب تكون اضافة مميزة لينا وتكون ديما معانا

ثانكس ملكـ وربنا يقدرني وأكون أضافة كويسة وأفادة للمنتدى
بس كان عندى سؤال بخصوص المنتدى ياريت حد يجاوبني عليه
أزاى أضع صورة جنب أسمي
وشكرااا

اهلا بيك معانا فى المنتدى يا مصطفى ومستنيين منك الجديد بقى