يرضيك يا ناصر ؟!

كنت أتمنى أن أكتب مقالى هذا بدموع عينى التى أذرفها على كرامة علمنا، كرامة بلدنا، كرامة أهلنا، ولكن هذا يستحيل للأسف، ولكن دعونا من نوع المداد الذى أكتب به المقال، وها أنا أسأل سيادة الرئيس ناصر، رحمه الله، هل يرضى سيادتكم ما يفعله بنا الجزائريون؟! اسمح لى أن أسألك أيضاً لماذا يفعلون بنا هكذا؟!

أعرف أنك ستسألنى لماذا أسألك أنت ولماذا أعود باللوم عليك فيما اقترفه الجزائريون من ذنب بل من جرم حيالنا، وإجابتى بسيطة لأنك أنت الذى طالما ناديت بالعروبة والتعاون بين العرب، ولأنك أول من نادى بالأخوة بين العرب.

صدقونى أحبائى لقد اتصل بى أحد أقاربى فى الخارج ولأول مرة أراه مستاء فسألته عن سر ذلك، فقال: ألم تر خسارتنا أمس؟! وأخذ يقص علىّ كيف كان المصريون يوم المباراة الفاصلة واثقين مجتمعين فى المقاهى المصرية فى مانشستر يحلمون بالنصر، وكيف شهد مقهى ليالى مصر انكسارهم أمام الجزائريين وباقى العرب، ولكن لما قصصت عليه ما جرى من الجزائريين فى السودان، قال لى: لا إن كان ذلك كذلك فالحمد لله أننا خسرنا، الحمد لله أن المصريين عادوا من السودان.

معذرة أيها السادة، ألا تطاردكم مشاهد السيوف والسكاكين والسنج والمطاوى والخناجر التى كانت فى أيدى الجزائريين، ظننتكم فرساناً من فرسان العصور الوسطى ضلوا طريقهم إلى العصور الحديثة، لكننى سرعان ما تذكرت أن أولئك الفرسان كانوا نبلاء يعرفون أن من كان أعزل لا يصح قتاله ويجب احترامه، أما أنتم فلم يكن لكم هذا النبل بل كنتم تتمتعون بالكثير من الخسة والنذالة..

لم ترتضوا المواجهة بل اخترتم الغدر ولكن هذا ليس غريباً على شعب أنكر فضل الزعيم عبدالناصر عليه، وأنكر فضل مصر كلها عليه فى استقلاله، أى نكران جميل هذا؟! وأخيراً كن كالنجم لاح لناظر على صفحات الماء وهو رفيع، ولا تكن كالدخان يعلو بنفسه إلى طبقات الجو وهو وضيع.

منقول

ميرسى يا مصطفى والله فكرتنا باجدع رجالة اللى من الاصل منقدرش ننساه
بابا دايما يقولى اتنين هما اللى بنوا مصر محمد على وعبد الناصر رحمة الله عليهم

والاجواء ابتدت شوية شوية تتحسن
ويا ريت نأخد الاعمال اللاعروبية على انها تصرف فردى حتى لو شارك فيها شعب باكمله
عشان ما نفضلش زعلانين من بعض كدة كتير
واولا واخيرا انا مصرى انا جزائرى انا كويتى انا لبنانى انا فلسطينى انا عراقى
كلنا بيربطنا تاريخ ولغة وديانات واحدة
يارب الحاجات ديه هى اللى تبقى قصاد عنينا على طول لانها هى اللى تقدر تحل اى مشكلة بنا
شكرا مصطفى على التوبيك الجميل ده

أنتى بجد طيبه ومتسامحه قوى يا نور
ويرسي على مرورك الجميل

ويا ترى ده مدح ولأ ............ذم
ميرسى يا مصطفى

تقدرى تعتبريه مدح ...
ولكن حاولى تكونى خايفة على مصلحة بلدك أكتر من خوفك على العروبة bom

ده لو فصلت بينهم
لكن انا عندى العروبة والوطنية وحبى لبلدى كله واحد
لان انا ببص للمجتمعات العربية والاسلامية مش من خلال جنسيتها ولكن من خلال
انتمائها للامة واشتركها معنا فى عناصر الوحدة لاننا امة واحدة

شكرا جدا جدا على الرد والمدح
انا مش عارفة اودى جمايلك فين هههههههه

على فكرة أنتى مش أداب عربى ممكن أداب عروبه ... Wink

بس بجد بتكلمى عن العروبه كأنها موضوع أمن قومى
وأبقى عدى الجمايل وحطيها فى الثلاجه ... بهزر
هههههههههههههههههههههههههههه

ايوة يا مصطفى ما هى فعلا أمن قومى
مادام كلنا امة واحدة فى الاصل
هو مش الاسلام بقول كدة بردوه

بالنسبة للتلاجة نوعها ايه بالضبط ههههه

وشكرا يا مصطفى على نقاشك المفيد ده

اولا شكرا يا مصطفى على الموضوع دة لانة بجد حلو قوى قوى

ثانيا الجزائريون دول مايستحقوش اننا نتكلم عنهم اصلا لان بجد بجد انا لما قريت الموضوع دة

فكرتنى واستفزيت تانى للاسف

ثالثا لازم نعرف حاجة مهمة قوى ان دلوقتى مافيش حاجة اسمها عروبة وان العرب كلهم

بيكرهونا وابصم بالعشرة على كدة وسبب ظهور الكره الدفين للجزائر (يعنى الكره موجود اصلا

لكن ألى خلاه يظهر فجأه ) ألى فاكر انها مباراه يبقى غلطان لكن السبب ان احنا كنا كاتمين

بقهم بفلوسنا واستثمارات المصريين هناك ولان كل العرب بيكرهنا قطر بدأت تعمل استثمارات فى

الجزائر اكبر من استثماراتنا بالتالى الجزائر طلعت كل ألى عندها وبانت على اصلها بعد ما حد

تانى ملى بقهم

لكن دول شعب بربر همج لان اصلهم كانوا محجموعة من العرب عايشين فى الصحراء ليس لهم

اصل ولا حضارة ولا شئ وانا والله كنت بحبهم لما درست فى التاريخ معانتهم مع فرنسا لكن

دلوقتى بفيت بكرهم والله بكرهم منهم لله حسبنا الله ونعم الوكيل pale

انا اسفة انى طولت يا مصطفى

ايه يا عايدة اهدى شوية يا حبيبتى ماتعمليش فى نفسك كدة صحتك يا ماما ههههههه
انا هقول حاجة واحدة بس

بسم الله الرحمن الرحيم

"وان هذه أمتكم أمة واحدة وانا ربكم فاعبدون"

وفى جملة كمان سمعتها امبارح من خالد الغندور:ان اللى حصل ده كله والكراهية ديه كلها فيه ناس تانية اولى بيها لان احنا مش اعداء وفى ناس تانية هى عدوتنا واولى بالعداء ده كله

وفى شعار لاقيته فى منتدى من المنتديات عجبنى ياريت يكون ده مبدئنا كلنا بغض النظر عن مين بدأ........... معلش

أخوكم مراد. عوض ميساء
من الجزائر بلد المليون و نصف المليون شهيد
الإسلام ديننا
العربية لغتنا

والله يا نور انا بحاول اصفى نفسى نحيتهم واقول فى ناس مالهاش ذنب افتكر ألى اتعمل وشغل البلطجة ارجع اتشحن تانى من ناحيتهم بس هحاول ان شاء الله اصفى نفسى كدة وانسى دة وافتكر اننا المفترض اخوة فى الاسلام وفى العروبة
وشكرا على نصيحتك الغالية يا نور

العفو يا حياتى ويارب يجمع شملنا

وميرسى ياعايودة على ردك عليا

انا معاكى ياعايده فعلا الناس دى متستاهلش اللى عبدالناصر الله يرحمه عمله معاهم كان سابهم للفرانساويين يخلصوا عليهم
يانور الموضوع مش موضوع تسامح ده موضوع اهانه وده اصلا مكانش ماتش كوره دى كانت معركه هما استعدوا له واحنا كنا عزل واسمحولى اسخدم لفظ معركه لانها كانت كده فعلا
الموضوع ياجماعه ليه ابعاد سياسيه مش ماتش وخلاص
قوليلى يانور لو حد اكبر منك من قرايبك زعلك مش هتردى عليه صح؟
طيب لو نفس الحد (من قرايبك برده)زعل باباكى او مامتك او حد انتى بتحبيه اوى هتعملى ايه؟ *بصراحه*
الموضوع بقى اكبر من كده بكتير
الحد ده زعل اهلك كلهم مش بس كده ده ضربهم واهانهم وخلى شكلهم مش حلو ابدا قدام الناس (اهلك دول هما المصريين اللى راحو السودان والحد قريبك ده الجزائر لاننا عرب صح والناس اللى واقفه تتفرج دى الدول الاوروبيه واسرائيل طبعا ) هتعملوا ايه؟؟
عايزينا نسامحهم بعد مابهدلونا قدام العالم كله والله عيب احنا ممكن نسامحهم بس بشروطنا
طبعا يانور ياحبيبتى انا مش قصدى عليكى والله بس اصلى من كلامك لقيتك بتتكلمى وكأنهم معملوش حاجه
اوعى تزعلى علشان خاطرى والله مش قصدى انت متزعليش
معلش ياجماعه انا كنت هديت (مش نسيت) بس انتو قومتونى تانى والموضوع يضايق اصلا
انا اسفه ليكي يانور تانى وشكرا يامصطفى ع الموضوع الشائك كعادتك فى الموضوعات

يا روح قلبى صحتك براحة على نفسك هههههههههه
انا مزعلتش بس بصراحة وانا بقرأ عمالة اضحك متخيلاكى وانتى بتردى بعصبية وعايزة تضربى حد هههههههههه

بصى يا قمر الناس ديه جزء من الشعب الجزائرى
يعنى بلاش نقول جزائرين ولكن مجموعة من العرب للاسف هما اللى عملوا كدة
وكمان هما مش اهانونا هما اهانوا جزء مننا لان المصرين ومصر جزء من الكل
واحنا تقريبا اخدنا جزء من حقنا
اما بالنسبة للاعلام الصهيونى متقوليش اسرائيلى لو سمحت
فهما شافوا فعل شمتو فينا نقوم نشمتهم اكتر برد الفعل
يعنى الفعل من شوية شباب عربى ومش هقول جزائرى اكيد خلى الكيان الصهيونى فرحان طب احنا لما نرد الكره بالكره هما كدة هيزعلو ولا هيفرحوا اكتر
وبعدين مدام عارفين ناخد حقنا وتعويضات خلاص بقى ننسى ومنعملش تار

وبعدين نان لو قلتلك ايه سبب ضعفنا هتقولى بجانب بعدنا عن ربنا تشتتنا وان احنا مش عارفين نتفق على حاجة لمصلحتنا
يبقى يوم ما نتفق نتفق على الكره والعداء واحنا فى الاصل امة واحدة وربنا اللى بيقول كدة
ساعتها بقى شكلنا هيبقى حلو اوى قدام الاعلام الغربى والصهيونى
انا اللى بستغربلوا ان الاعلام الصهيونى فرحان عشان العرب بيعملوا كدة فى بعض واحنا نقعد نقول مصرى وجزائرى ونقسم فى بعض هو احنا ناقصين يعنى الصهاينة بيبصولنا كعرب ككل
واحنا نفسنا بشتت فى بعض ونقول لا انا مصرى انا مش عارف ايه

وبعدين الجزائرى مش قريبى الجزائرى اخويا
شوفى انتى لو اخوكى عمل كدة هتفضلى كرها وتبقى تاخدى بتارك يرضيك يا ناصر ؟! Sigpic124705_1

أخوكم مراد. عوض ميساء
من الجزائر بلد المليون و نصف المليون شهيد
الإسلام ديننا
العربية لغتنا

ما ننساش ان الجزائر بلد المليون ونصف شهيد يعنى بلد خرجت رجالة ضحو بحياتهم عشان العزة والكرامة مش قتلوا فى بعض وكمان تفتكرى لما بلد تكون صاحبة المليون ونصف مليون شهيد يبقى كل شعبها كدة انا والله من الحاجات اللى مخليانى اقول كدة الشهداء دول اكراما ليهم

انا نور لا فى اجابة افضل من كدة مليون مرة
طب انا مصرية لا فى اجابة افضل من كدة مليون مرة
طب انا عربية لا برده

انا مسلمة ينفع يكون فعلى كدة ولا حتى رد فعلى

اسفة يا جميل على الاطالة ومتزعليش اذا كان كلامى بلهجة فيها تعجرف شوية

بسم الله الرحمن الرحيم

"وان هذه أمتكم أمة واحدة وانا ربكم فاعبدون"

على فكره انا فعلا اتنرفزت لما كنت بكتب ودمى كان محروق هههههههههههههههههههه
بصى ياحبيبتى انتى مش عايزة تفصلى مصر عن الجزائر وبتقولى اننا تاريخ واحد وكلنا عرب ومعظمهم مسلمين
طيب والناس اللى فصلت مصر عن الجزائر وحرقوا العلم بتاعنا وداسو عليه وبهدلوه ده محركش جواكى اى مشاعر ناحيه بلدك طب والمصريين اللى اتبهدلوا
وبعدين زى ماقلتلك اهلنا كانوا رايحين يشجعوا بس فى الوقت نفسه اللى كانوا هما فيه بيخططوا ازاى يدبحونا ويضربونا
وهما كمان اللى فرجو علينا الاعلام الغربى مش احنا ده كان ماتش وعدى وبروحنا الرياضيه عديناه وخلاص
و ايه اللى وصل المواضيع للعلاقات المصريه الجزائريه وعايزين يقطعوها
عارفه زى ايه بالظبط زى اللى يضرب ويجرى يعيط ويشتكى وعايز ياخد حقه عارف ردنا هيبقى ازاى ف الاخر *حسبنا الله ونعم الوكيل* ان شاء الله هياخدلنا حقنا
نورا دى كانت مناقشه عاديه اوعى تزعلى ياحبيبتى ده رأيك وده رأيي والاختلاف فى الرأى لايفسد للود قضيه صح؟ اوعى بقى تزعلى

اية يا جماعة اهدوا كدة واستهدوا بالله هههههههههههه

انتم سخنتم قوىىىىىىىىىىىى انا بصراحة مع ايناس من غير زعل يا نور بس بحاول اهدى نفسى زى ما قولتى بس مش معنى كدة انى خلاص حبتهم او خلاص سمحت فى ألى عملوة Mad

يا جماعة الموضوع مش يستاهل أنه ياخد كم الأهتمام ده
الموضوع خلاصته فى كلمتين .. بعض الجزائريون غلطوا فينا وفى كرامة مصر ولازم يتحاسبوا ..
ولكن المشكلة أن الحكومة الجزائرية لم تتخذ أى إجراء ضد هؤلاء المجرمين الذين تطاولوا على المصريين فى السودان
يبقى الصح أننا مش نديهم أكبر من حجمهم بل ونجعلهم يندمون ويدفعون ثمن غلطتهم
بقطع العلاقات المصرية الجزائرية ( مؤقتاً ) لحين معرفتهم لمكانة مصر وشعبها
زى الأخ لما يهين أخوه الكبير .. يبقى لازم الكبير العاقل يبعد عنه لحد ما يعرف غطته وييجى الصغير يتأسف ..
king

تقريبا بالضيط كدة يا مصطفى بعض مش كل يعنى لما اكره او ادين هتكون الادانة للبعض

ياحبايبى انا مقولتش ان دى خناقه بس بجد انا عن نفسى مش ههدى غير لما يعتذروا عن اللى هما عملوه
وملناش فيه بقى (بعض, كل )المهم ناخد حقنا هى مصر الام ماشى ومحدش طبعا عنده اى اعتراض
على كده بس لما الام تتهان لازم ولادها ياخدولها حقها ده حقها علينا
وانا معاك يامصطفى انه ماشى مش نديلهم حجم اكبر من حجمهم بس لازم فى الاخر ياخدوا على دماغهم ويحترمونا ويعتذروا قدام الدنيا كلها
ده لولا عبدالناصر الله يرحمه كان زمانهم اصلا مش موجودين هما مين اصلا ولا اصلهم ايه؟
احنا الفراعنه اصحاب التاريخ العريق والحضاره العظيمه والاهرامات والنيل مش هيكسرونا ناس كانوا جماعات ملهاش اصل يضربونا ويحرقوا علمنا
وبعدين مالنا احنا ومال اذاكانوا هما سوابق يتشتموا والمحترمين منهم لأ ما المحترمين بتوعنا راحوا هما واولادهم واتهانوا وجريوا ف الشوارع بالليل ياحرام واولادهم اتضربوا برده تسوى ايه لما الاب يتضرب قدام ابنه اللى هو مثله الاعلى علشان خاطر ماتش وميعرفش ياحرام ياخدله حقه
ياجماعه الموضوع مش سهل وانا حاسه كده ان الموضوع هدى فى البلد ومبقاش حد يتكلم عليه وشكل كده محدش هيعمل حاجه وهنرجع تانى من غير اعتذار بجد ده لو حصل يبقى كده حرام عليهم والله وحسبنا الله ونعم الوكيل فى الظالمين
ومرة تانيه انا حاسه انك زعلتى يانورا ياريت يكون احساسى غلط ده خلاص احنا هنتقابل بقى اوعى تزعلى والله انا نفسى اوى اشوفك واشوفكم كلكم متزعليش يانووووووور
I love you

وشكرا ع المشاركه يامصطفى وعلى الانضمام ياعايده ههههههههه