رأيكم مهم الموضوع ضررررررووووووورررررررررررى

االسلام عليكم أولا
االموضوع ده مهم جدااااااااا ياجماعه وانا بجد محتاجه رأيكم ياريت تشاركونى
اأنا كنت عاوزة اعرف رأى البنات وبس
أأيهما تفضلين؟؟
االولد الخام اللى ميعرفش بنات خاااااااالص لإنه خجول وبيتكسف من خياله
ولا الولد اللى عارف بنات بعدد شعر راسه (زى مابيقولو) وانتى مش اول واحده يعرفها
مع العلم بإن الموضوع جد جدا شافك وعجبتيه بجمالك وذكائك (واخلاقك طبعا) وقرر يتوب على ايديكى ويبدأ معاكى حياه جديده خااااااااالص بعيده عن شقاوة زمان السؤال بقى هنا...
هل هتصدقيه لانك اول واحده يبقى صادق فى اعترافه ليها وبرده اول واحده يحبها بجد وغيرت له فكرته عن البنات ألطف الكائنات؟؟؟ ولااااااااااااااااااا مش هتصدقى لان ده ممكن يكون كلام قاله ل10000 واحده قبلك ودى اسطوانه بيسمعها لاى واحده يعرفها؟؟؟
بلييييييييز ياجماعه رأيكم والله يهمنى جدااااااااااااااا واتمنى انكم تشاركونى

...بسى يا قمر دلوقتى من الصعب يكون فى ولد ما عرفش بنات هو الموضوع مش مسلم به وبديهى ! لكن يارب اهدى
فانا عن نفسى ما عنديش تفضيل نوع شاب على شاب يعنى لوجالى شاب كان يعرف بنات واستقام واتغير اوكى لكن بشرط انى اقيس كويس مدى تغير سلوكه وافعاله واخلاقه وده يتم بمنته الدقة واياكى والكلام المعسول والمظاهر
اما بقى لو جالى واحد ماكنش يعرف بنات خير وبركة لكن انا فى حاجة بعتبرها مشكلة هو انى فى شاب خجول ومؤدب وبيكسف لدرجة انه بيكسف مع الشباب وما بيعرفش يتعامل مع الاولاد نفسهم ده بالنسبالى غشيم مش بس خجول الحياء شىء جميل وشعبة من شعب الايمان لكن النوع الغشيم ده مالوش عندى اى رد فعل غير لالالا
اما بالنسبة ل لو هو كان يعرف بنات واستقام وهصدقه ولا لا فانتى تقبلتى انه مبدأ انه هيتغير اوكى ليه بقى تلفى حوالين نفسك
وبعدين الشرع هيسمح له ويلزمه
انه يكلم معاكى الكلام ده طب يعمل ايه يكلمش بلاش برحتك
يبقى الحل اننا نمشى على الشرع والشرع بيأمرنا نأخذ بالظاهر لان الباطن بتاع ربنا لوحده
سيدنا محمد عليه افضل الصلاة والسلام يقول "انى لم أمر ان انقب قلوب الناس ولا ان اشق قلوبهم " وده مين سيدان محمد اللى بيقول كدة ......وكمان عليه الصلاة والسلام يقول " اياكم والظن فان الظن اكذب الحديث "1
يارب اكون افادتك يا جميل

بصي يا ستي مينفعش اصلا تختاري بين النوعين يعني مينفعش التفضيل بين نمطين لان البشر مش كلهم نمطين بس اها هو فيه زي ما قولتي ولد معرفش بنات وفيه ولد عرف بنات كتير لكن الشخصيات بتختلف مهو مش بالضرورة اللي يكون معرفش بنات يكون انسان سوي طب مهو ممكن يكون شخص مكبوت او بيظهر عكس ما يبطن او يكون شخصيه غير اجتماعية مثلا او بيخاف من التعامل مع البنات ممكن تكون عنده عقده مثلا يعني انتي ايه اللي يضمنلك مثلا ان الولد اللي معرفش بنات ده يكون معرفش بنات فعلا يعني مهو ممكن يكون ده الظاهر وما خفي كان اعظم يعني مثلا عندك نت ..تليفونات ..كده يعني وفيه حاجات ممكن تفضل مخفيه محدش يعرفها ..ومع ذلك فيه ناس فعلا مش معرفتش بنات لا عرفت بنات بس باحترام يعني ممكن كان هايرتبط بوحده ومحصلش نصيب او كده او بيتعامل معاهم عادي في اي مجال ده بيرجع لشخصيه الانسان نفسه ...ومش كل واحد عرف بنات كتيره يبقي فعلا مفيش منه امل ونفضل شاكين فيه برضوا علي حسب الشخصيه فيه ناس بتكون كده وبعدين ربنا بيهديها ويوم ما بيتجوز بيكون مخلص قوي لمراته واعرف نماذج كده حقيقي ..المهم الموضوع كله علي حسب الشخصيه ..يعني مثلا الولد اللي عرف بنات كتير بيبقي عنده القدره بعد كده انه يعرف البنت الكويسه فعلا وبيقدرها وبيبقي عارف قيمتها قوي وده لو هو في الاساس انسان كويس يعني اساس تربيته صح وسليم يعني من الاخر من جواه نضيف بس ده كان طيش شباب ومرحله عمريه وعدت ..وفيه نوع تاني بيبقي عنده حب البنات ده مرض اللي هو ميقدرش يستغني عن البنت اي بنت ولا يقتنع بواحده بس يعني اللي ماشيين بمبدأ محمد فوزي في الاغنيه "اصل الزهور زي الستات لكل لون معني ومغزي" يعني ان كل واحده عندها ميزه فهو بقي بيحب دي عشان الميزه الفلانيه وبيحب دي عشان كذا وهكذاااااااااا بقي ده عمره ما هيقتنع بواحده وده برضوا مقدرش اقول انه بالضروره اساس التربية عنده غلط مش شرط فيه ناس بتبقي اصلها كويس بس هي كده ..بس في الغالب بيكون الاساس فيه حاجه غلط ......
خلاصه الكلام انك هتقدري تفرقي بين الشخص الكويس والشخص السئ سواء عرف بنات كتير او معرفش من تصرفاته يعني لازم التعامل ولازم تقدري تفهمي كلام الولد ونظراته وتلميحاتها وذلات لسانه لان هي دي الحاجات اللي بتوضح شخصيته لان طبيعي مش هيعرفك عيوبه ايه هي بشكل واضح لا هي هتبان في كلام او تصرفات في حاجات بسيطه اوي وانتي عليكي تكوني ذكيه ولماحه وتفهميها مش وهي طايره لا دي حتي من قبل ما طير
ونصيحه يعني خلي شخصيتك قويه مع اي ولد هترتبطي بيه يعني من الاخر بلاش دلأة البنات دي ..يعني لازم كله يكون بالمعقول ..ونصيحه كمان الولاد عموما بيحبوا البنت الصعبه اللي يحس انه تعب او بتعب لحد ما يوصلها او يعني حتي يقنعها بكلامه ..بمعني ان الشاب بيحب البنت اللي بيكون عندها فكر وشخصيه مش اللي بتلغي شخصيتها عشانه وتقول حاضر وطيب علي اي حاجه النوع ده من البنات مش بيتمسكوا بيه قوي علي الرغم من انه يحاول يلغي شخصيتها او يمشيها عليي دماغه هو
يعني المسأله كلها نسبيه بتفرق من شخصيه للتانيه ومن فكر للتاني وكل فعل ليه رد فعل
وربنا يوفقكوا

على فكره كلام ريم جامد جدا وفعلاكلام حد فاهم كويس جدا