فكره حلوه

انا عندى فكره حلوه اوى شوفوا ايه رائيكوا وقولوليى
اانا شوفت فى منتديات كتير برده فكره بتتعمل كده
علشان تعرف الناس على بعض الجديد على القديم على الى لسه داخل
حاجه اسمها كرسى الاعتراف مبدائيا هنتختار عضو وكل الاعضاء الباقين
كل سؤال حبين يسالوا او يخطر فى بالهم ليه يسالوه والاسئله تعتبر ملهاش عدد
يعنى ممكن تسال مره واتنين وتلاته لحد ما تكون فكره كامله عن العضو وميبقاش صديقك
من بعيد لاانت تعرف طبعه وميزاته والحاجات الى بضايقه علشان
نبقى فاهمين بعض فى المنتدى
يلا مستنيه ردوكوا كمان فكره انوس حلوه اوى عجبتنى بس افكارنا مش هيكون ليها لازمه من غير مشاركتكوا

وهبتدى بيكى انتى يا مرمر
ايه اكتر كلمة تحبى تسمعيها
واكتر كلمة تكرهيها
ايه الحاجة اللى ممكن تضايقك اوى مننا
وايه اكتر حاجة تحبيها فينا
ايه هى ميولك...بتحبى تسمعى ايه تشاهدى مين...تقرأى ايه وتقرأى لمين

اكتر كلمه بحب اسمعها الله طبعا
اكتر كلمه اكرها الكره يعنى محبش اسمع ان حد بيكره حد
ان انتوا متدخلوش المنتدى بزعل اوى
اها لا كتيير جدا انا بحب فى كل واحد فيكوا حاجات كتيييييييره جدا يعنى انتى يانور
بحب فيكى انك صادقه اوى ونشيطه جدا فى المنتدى وايناس بحب فيها طيبتها اوى وانها
خدومه جدا جدا وزينب السكره طبعا ده صديقتى فبحبها كلها على بعضها وريم علشان خفه
دمها ولان فكرها دايما جديد يعنى دايما تلاقيها سابت حاجه واهتمت بحاجه جديده وبتعرفنا دايما على الجديد
ومصطفى بحب فيه انه اجتماعى جدا وبيرحب بكل الناس وبسيط معاهم يارب مكنش نسيت حد بس دول الناس
الى دايما متواجدين وبنتعامل مع بعض من خلال التوبيكات
ميولى يا ستى فنيه جدا يعنى موسيقيه وبوعد دايما نفسى فى حياتى انها مش هتخلى من حلم الموسيقى
وانى همارسها فى يوم من الايام حرام يعنى اضيع 3 سنين لعب على الكى بورد ببلاش كده
وايه الى بحب اسمعه يعنى shyne word.karlwolf .akon.beyonce.rihanna.enrique
وناس كتير اوى يانور دول الى فكراهم منهم
اشوف مين بعشق حاجه اسمها احمد المسلمانى وحمدى قنديل وبحب اشوفهم او اقرى مقالتهم واحمد رجب طبعا
اما بقرا لمين فنتى ممكن تعمليلى توبيك جديد اكتبلك فيه انواع الكتب الى بقراها لانى بقرا كتير ممكن اقولك شويه من الرواه الى عجبتنى روايتهم جدا ديبى ماكومبر. ساره كريفن. ان هامبسون .ليليان بيك .واكتر واحده والى اتكلمت عنها اغاثا كريستى اتمنى انتوا كمان تقرولها
وبجد بشكرك جدا يانور انك شاركتى فى التوبيك اتمنى باقى الاعضاء يدخلو يشاركوا يقولوا رايهم
يحبوا التوبيك يستمر ولا لا كده يعنى ويشاركوا لو حبين برايهم باسئله او باختيار العضو الجى
اتمنى تشاركوا

ايه الجمال ده يارمريومه

مكنتش اعرف انك مثقفه كده

والحمد لله انك منستينيش

يا حيبيى وانا اقدر انساكى امال مين يناكفنى
ويتخانق معايا المهم باقى الاعضاء يدخلوا يشاركوا معانا انا حسا ان انا وانتى ونور
فى الصحرا
ونورتينى يا زينب بمرورك

هههههههه الصحرا

اجاباتك كانت جميلة اوى يامرمر
واشبعت حاجة السؤال اليها

اسئلة لزينب
اكتر حاجة بتغضبك ...اكتر حاجة بتسعدك
لوحبيتى تثقفى نفسك هيكون ايه المجال او القسم اللى بتحبى تقرأى فيه
مين اكتر واحد ترتاحى معاه فى الكلام
ايه اكتر برنامج بتشاهدى

وده اسالتى لزينب
حالتك النفسيه حاليا حسه بايه ؟
ايه اكتر حاجه مخوفاكى من المستقبل ؟
ايه اكتر حاجه بتتمنيها ونفسك تتحق بجد فى حياتك ؟
لو اتمنيتى امنيه لكل واحد من الى حوليكى تتمنيله ايه ؟
قولى العيب الى فى مريم وبيضايقك منها لما بتعمله ههههههههههههه؟
ايه اكتر حاجه لو عملتيها هتحسى بالرضا عن نفسك ؟
تقولى لمين شكرا وتقولى لمين اسفه ؟
لو انتى مش زينب كنتى تتمنى تكونى مين؟
راضيه عن حياتك حاليا ولا لسه عايزه تعمليلها حاجات تانيه ؟

الله الله ع الشغل الجامد ماشاء الله عليكم يابنات
الموضوع تحفه يامريم وفكرته كمان هايله وانا اكيد طبعا هشارك معاكم وميرسى اوى ياحبى على الكلام الجميل اللى انتى قلتيه وانتى كمان تفكيرك حلو اوى وذوقك جامد جداا سواء فى الموسيقى يعنى الناس اللى بتحبى تسمعيهم جامدين جدا وكلهم نجوم طبعا وكمان الناس اللى بتحبى تشوفيهم وتقرى لهم كلهم فنانين كبار جدااا وعندك حق الافكار من غير مشاركه ملهاش لازمه

بما انك جيتى متأخر تبقى تجاوبى على اسئلة التوبيك كله
حالتك النفسيه حاليا حسه بايه ؟
ايه اكتر حاجه مخوفاكى من المستقبل ؟
ايه اكتر حاجه بتتمنيها ونفسك تتحق بجد فى حياتك ؟
لو اتمنيتى امنيه لكل واحد من الى حوليكى تتمنيله ايه ؟
ايه اكتر حاجه لو عملتيها هتحسى بالرضا عن نفسك ؟
تقولى لمين شكرا وتقولى لمين اسفه ؟
لو انتى مش ايناس كنتى تتمنى تكونى مين؟
راضيه عن حياتك حاليا ولا لسه عايزه تعمليلها حاجات تانيه ؟
ايه اكتر كلمة تحبى تسمعيها
واكتر كلمة تكرهيها

جاوبى يا توتى

ايه الحاجة اللى ممكن تضايقك اوى مننا
وايه اكتر حاجة تحبيها فينا
ايه هى ميولك...بتحبى تسمعى ايه تشاهدى مين...تقرأى ايه وتقرأى لمين

اكتر حاجة بتغضبك ...اكتر حاجة بتسعدك
لوحبيتى تثقفى نفسك هيكون ايه المجال او القسم اللى بتحبى تقرأى فيه
مين اكتر واحد ترتاحى معاه فى الكلام غير ماما انا عارفة انك مش بتخبى حاجة عن مامتك ربنا يخليهالك
ايه اكتر برنامج بتشاهدى

نورتينى يا انوس يا حبيبى
وميرسى لكلامك والله فعلا انتى طيبه جدا وخدومه اانا
مقولتش غير الحقيقه
هههههههههههههه جاوبى بقى يا قمر علشان نور
عاقبتك انك جيتى متاخره هههههههههههه شكلها بتعذبك
نور بتضحكنى جدا والله فى اى توبيك وانا اسالتى ليكى يا قمر
ايه مواصفات فتى الاحلام ؟(سوسه انا معلش)
وايه الى تتمنيه من المشاعر يكون سائد فى بيتك اكتر يعنى امان ولا الحب ولا ايه المشاعر الى تحبيها متخلاش من البيت ؟
ايه الى نفسك تغيريه فى نفسك ؟
ايه الحاجه الى انتى شايفاه وحشه اوى فى الحياه مش قادره
تغيريها بس تتمنى دايما ان لوجتلك القدره تغيريها ؟
شايفه بلدك ايه ناقصها؟
عايزه توصلى لايه وانتى عارفه جواكى انه صعب؟
معلش يا انوس يا حبيبتى انا عارفه ان احنا عصرناكى بس معلش توبيك ويعدى ان شاء اللههههههههههههههههههه

اكتر حاجة بتغضبك ...اكتر حاجة بتسعدك

اني حد يفتكر حد حبي ليه ضعف

الي بيسعدني

اقل حاجه ممكن تسعدني يعني لو واحده صحبتي بحبها اوي او اي حد يمكون بحبه يقولي كلمه حلوه بفرح بيها وبتسعدني جدا
لوحبيتى تثقفى نفسك هيكون ايه المجال او القسم اللى بتحبى تقرأى فيه

هيكون عن تاريخ وحضاره ايران وشعبها


مين اكتر واحد ترتاحى معاه فى الكلام

في ناس كتير

صديقتي اللدود مريم
ريم ابو الخير
اسراء فؤاد
دكتور عبير
دكتور ايمان

ايه اكتر برنامج بتشاهدى

الحياه اليوم
الدين والحياه
العاشره مساءا

حالتك النفسيه حاليا حسه بايه ؟

طبعا انتي اكتر واحده اني مقدرش اجاوب ع السؤال ده

علشان انا متقلبه المزاج جدا
يعني ممكن اكون في قمه سعادتي وفي لحظه اي موقف يحصل يخليني اكره نفسي والدنيا كلها

ايه اكتر حاجه مخوفاكى من المستقبل ؟
اكتر حاجه هي اني مقدرش احقق الي بتمناه

ايه اكتر حاجه بتتمنيها ونفسك تتحق بجد فى حياتك ؟
اني اكون انسانه ناجحه واعمل ماجستير ودكتوراه

لو اتمنيتى امنيه لكل واحد من الى حوليكى تتمنيله ايه ؟

اتمنالك يامريم انك تتحققي كل الي انتي عايزه
واتمني لبابا واخويا ان ربنا يهديهم ويهدينا كلنا طبعا
واتمني لماما انها تحج
واتمني لمحمد دوده الصغير عارفها طبعا يامريم انه يكبر ويبطل شقاوه ويطلع مهندس

قولى العيب الى فى مريم وبيضايقك منها لما بتعمله ههههههههههههه؟

اه لما بنكون في عز الامتحانات والقيها بتحرق دمها علي حاجه تافهه

ايه اكتر حاجه لو عملتيها هتحسى بالرضا عن نفسك ؟

اني اساعد حد محتاج للمساعده

تقولى لمين شكرا وتقولى لمين اسفه ؟

اقول لمين شكرا لناس كتيييييير

مريم لوقفها جنبي
ودكتور عبير وريم واسراء ولدكتور ايمان وللمدرسين بتوع ابتدائي واعدادي وثانوي

اقول اسفه لاي حد زعلته بقصد او بدون قصد
لو انتى مش زينب كنتى تتمنى تكونى مين؟

بامانه ريم او دكتور عبير او مريم


راضيه عن حياتك حاليا ولا لسه عايزه تعمليلها حاجات تانيه ؟

لا مش راضيه خالص لاني معملتش لسه حاجه تخليني راضيه عنها

اظن انا كده جاوبت ربنا يسامحمكم ايدي واجعتني

ههههههههههههه
امال ايناس هتعمل ايه ...ما تشاركينا فى توبيك التعذيب ده وتديى لايناس اربع خمس اسئلة كدة

ميرسى يا زوزا على اجاباتك ويارب يارب تحققى كل اللى فى نفسك واللى انتى بتحلمى بيه

وعلى فكرة يا مرمر انا بعتلك رسالة خاصة ردى عليا بسرعة قبل يوم الاحد

انا رديت يا نور على رسالتك تنورينا ان شاء الله
وبالنسبه لزينب فهى انسانه والله وقفت جنبى كتير جدا
ولما كانت تقابلنا اى حاجه صعبه كانت والله بتسهلها علينا
انتوا عارفين زينب محسسانا فى الجامعه ان احنا بناتها اخواتها الصغيرين
بتشخط فينا بصراحه عندها حق احنا شله ماشاء الله
متعرفيش متبنجين عاملين دماغ تايهين علطول بس والله زينب خدومه جدا
وجدعه جدا وحاجات كتيره عملتها معايا والله يازينب انا بشكرك جدا
هو انا اينعم بناقرك وبنكشك بس انا والله مدينه ليكى كفايه انك مكنتيش لسه تعرفينى اوى
ووقفتى جنبى يوم ماتعبت هههههههههههه فاكره اليوم ده من ساعتها مبتبرعش بالدم
هو يظهر كده عندك حق ودمى واقف مبينزلش هههههههههههههه
وانا عملت التوبيك ده مخصوص علشان نعرف بعض اكتر وانتوا دلوقتى عندكو خلفيه
كبيره من ناحيه زينب اد ايه هى انسانه جميله ويارب نفضل اصحاب علطول
وبالنسبه لانوس الى نور يعينى عاقبتها علشان اتاخرت يلا يا باشا الدور عليك
علشان كمان تعرفى تاخدى حقك من نور وتعذبيها شويه ههههههههههه انا بس بهدى النفوس

اه منك اه يا سوسة

وانا والله بحب زينب اوى اوى وربنا يعلم بحبكوا وكلكم وبعزكم اوى يا شلة المهاويس انتوا
ههههههههههه

ولو عايزة دم يا حبيبتى انا جيالك ماتقلقيش خالص
هخليكى تهدى نفوس الدنيا كلها
وبعتلك كمان رسالة

مستنية ردك يا انوستى على الاسئلة
ما تسيبيش ولا سؤال ويتجاوبوا كلهم مرة واحدة
اصل ناوية اقوم بدور ملك هنا

وربنا يا يناس انتى بتخمى فين اجابة بقيت الاسئلة
انتى بتجاوبى الملون بس
وبعين السؤال الاخير اجابته مش عجبانى عدليها

ايه الحاجة اللى ممكن تضايقك اوى مننا
وايه اكتر حاجة تحبيها فينا
ايه هى ميولك...بتحبى تسمعى ايه تشاهدى مين...تقرأى ايه وتقرأى لمين

اكتر حاجة بتغضبك ...اكتر حاجة بتسعدك
لوحبيتى تثقفى نفسك هيكون ايه المجال او القسم اللى بتحبى تقرأى فيه
مين اكتر واحد ترتاحى معاه فى الكلام غير ماما انا عارفة انك مش بتخبى حاجة عن مامتك ربنا يخليهالك

اه ده غير طبعا الاسئلة بتاعت مريم


ايه اكتر برنامج بتشاهدى

اسئلة مريوم لانوووس

ايه مواصفات فتى الاحلام ؟(سوسه انا معلش)
وايه الى تتمنيه من المشاعر يكون سائد فى بيتك اكتر يعنى امان ولا الحب ولا ايه المشاعر الى تحبيها متخلاش من البيت ؟
ايه الى نفسك تغيريه فى نفسك ؟
ايه الحاجه الى انتى شايفاه وحشه اوى فى الحياه مش قادره
تغيريها بس تتمنى دايما ان لوجتلك القدره تغيريها ؟
شايفه بلدك ايه ناقصها؟
عايزه توصلى لايه وانتى عارفه جواكى انه صعب؟

حرااااااااااام عليكوا ايه ده كله هو انا زعلتكم فى حاجه ههههههههه مش كفايه الاسئله الموجوده اصلا لأ ده كل اللى يدخل بيضيف اسئله تانيه مين بقى ان شاء الله هيجاوب على كل ده وانا فعلا غلطااااااانه انى مدخلتش التوبيك على طول كنت وفرت على نفسى التعذيب ده هههههههه بس والله مأخدتش بالى منه ومع ذلك كل واحده فيكم ليها يوم وخصوصا نور ده انا هستعد لليوم ده بالاسئله من دلوقتى علشان خاطر نور هههههه وانتى عديتى خلاص يامريم (يا سوسه) اللى بعمله فى الناس هيطلع عليا ولا ايه؟؟ lol! علشان ما اطولش عليكوا:

*حالتك النفسيه حاليا حسه بايه ؟
حالتى النفسيه دلوقتى مش مستقره بصراحه فى حاجات كتيرة اوى بفكر فيها وقلقانى كمان

*ايه اكتر حاجه مخوفاكى من المستقبل ؟
اكتر حاجه مخوفانى بصراحه انى اكون لوحدى او ان يكون محدش معايا ولا جنبى

*ايه اكتر حاجه بتتمنيها ونفسك تتحق بجد فى حياتك ؟
نفسى بجد انى ابقى حاجه مهمه ان شاء الله او معروفه على الاقل واقدر افيد الناس وافيد البلد يمكن ليه لأ

*لو اتمنيتى امنيه لكل واحد من الى حوليكى تتمنيله ايه ؟
السؤال ده حلو اوى مبدئيا اتمنى ان ابن اختى يكبر ويبقى حاجه مشرفه هو عنده سنه واحده بس بيمثل الحياه بما فيها بالنسبه ليا كلنا من يوم ما جه للدنيا واتمنى لبابا وماما انهم يحجوا ان شاء الله ولأخويا انه يحقق اللى نفسه فيه وان ربنا يهدينا انا واختى وبنات وشباب المسلمين كلهم واخر امنيه واهم واحده اننا نفضل اصحاب على طول ومفيش حاجه تفرقنا ان شاء الله عن بعض ابدااا ان شاء الله

*ايه اكتر حاجه لو عملتيها هتحسى بالرضا عن نفسك ؟
لما اعمل حاجه تبسط اى حد وخصوصا بابا وماما والدكاترة اللى بيدونى

*تقولى لمين شكرا وتقولى لمين اسفه ؟
شكرا اقولها لناس كتيرة طبعا لأهلى كلهم ولأصحابى ولكل حد ساعدنى فى يوم من الايام وكمان اللى حاول يساعدنى ومقدرش, اسفه برده اقولها لأى حد انا غلط فى حقه فى يوم من الايام او ظلمته او فهمته غلط او ضايقته من غير ما اقصد

*لو انتى مش ايناس كنتى تتمنى تكونى مين؟
بصراحه ووالله مش غرور انا شايفه انى الحمدلله يجى منى ههههههه يعنى لو شديت حيلى شويه ممكن اعمل حاجه واحقق اللى نفسى فيه وانا زى ما انا وده طبعا ميمنعش انه ليا اشخاص بيمثلوا القدوة ليا ودول كتير طبعا وانا فعلا ماشيه على خطاهم وان شاء الله اوصل بس لنص اللى هما وصلوا له

*راضيه عن حياتك حاليا ولا لسه عايزه تعمليلها حاجات تانيه ؟
يعنى شويه راضيه عن حياتى والحمدلله وبشويه اجتهاد كمان بإذن الله اقدر اعمل حاجات اكتر تخلينى مش انا بس اللى راضيه عن نفسى واهلى كمان وانتوا اصحابى طبعا واغلى ناس عندى لأن رضايا عن نفسى مش بعترف بيه اوى قدام رضا اللى حواليا عنى والله طبعا قبل كل شيئ

*ايه اكتر كلمة تحبى تسمعيها؟
scratch امممممممم بحب اوى اسمع من ماما انها راضيه عنى او ان بابا يدعيلى وبسعى جدااا كمان ان ده يحصل وانهم يرضوا عنى وحاجه كمان بصراحه بحب اسمعها

*واكتر كلمة تكرهيها؟؟
انتى ظالمه

*ايه الحاجة اللى ممكن تضايقك اوى مننا؟؟
الحاجه الوحيده اللى ممكن تزعلنى منكم هى انكم تبيعونى ههههههههه او تنسونى ده انا ممكن اموت مش بس ازعل

*وايه اكتر حاجة تحبيها فينا؟؟
انا بحب فيكم كل حاجه لأنى ببساطه لما بحب حد اوى مش ببقى شايفه فيه اى عيوب مثلا: بحب ف مريم رأيها لأنى بحس انه شبه رأيي اوى, نور بحب فيها إيمانها وثقافتها ما شاء الله عليها طبعا وزينب بحب فيها براءتها وفى ملك خفه دمها وفى ريم ما شاء الله الثقافه وإلمامها بحاجات كتيرة

*ايه هى ميولك...بتحبى تسمعى ايه تشاهدى مين...تقرأى ايه وتقرأى لمين؟؟
انا بصراحه حابه انى اكون بروفيشنال فى حاجه ان شاء الله يعنى بشويه تخصص فى موضوع ما وتوفيق ربنا ان شاء الله هنوصل كلنا
وبحب اسمع ايه؟؟ بحب جداااا اسمع موسيقى هاديه واغانى رومانسيه لناس كتير جدااا لمطربين عرب ومش عرب كمان جنسيات مختلفه وبحب اشوف مسرحيات محمد صبحى جدااا وبستفيد منها كمان وبحب اقرأ لناس كتير وبصراحه بميل للشعر جدااا وخصوصا لفاروق جويده طبعا ونزار قبانى بعض قصايده بس مش كلها لأنه ساعات بيأفور فى المواضيع ههههههههههه وروايات وقصص قصيرة طبعا لنجيب محفوظ وتوفيق الحكيم وبحب مصطفى محمود جدااا وخصوصا برنامج العلم والايمان وكتبه وبقرأ كمان فى كل حاجه لأن المعرفه مش بتقتصر على فرع معين من فروع العلم او مجال محدد صح؟؟ (محدش بيرد عليا ليه) انتوا اكيد بتقولوا دلوقتى ان ذوقى غريب اوى عندكم حق هو فعلا غريب

*اكتر حاجة بتغضبك ...اكتر حاجة بتسعدك؟؟
اكتر حاجه بتضايقنى بجد هى ان حد يضايق طفل او يخليه يعيط ساعتها بتجنن وببقى نفسى اخنق اللى عمل كده او ان شيخ او مسن يهان ساعتها بقى مبقدرش اعمل حاجه غير انى اعيط او لو ممكن اضرب اللى عمله كده
و اكتر حاجه بتسعدنى جدااا انى الاقى حد يحبنى طبعا

*لوحبيتى تثقفى نفسك هيكون ايه المجال او القسم اللى بتحبى تقرأى فيه؟
ان شاء الله فى مجال الترجمه فى تخصصى بإذن الله وبحب جدااا اقرأ فى اى حد تخص المجال ده

*مين اكتر واحد ترتاحى معاه فى الكلام غير ماما انا عارفة انك مش بتخبى حاجة عن مامتك ربنا يخليهالك
ربنا يخليكى يارب وانا برتاح جداا فى الكلام مع اختى الكبيرة او صحباتى زيكم طبعا

*ايه اكتر برنامج بتشاهدى؟؟
الحياه اليوم

دى الاجابات على اسئلتك يانور حرااااااااااااام عليكى صوابعى اتكسرت والكيبورد اشتكت ههههههههه انتوا مش هتعفوا عنى ولا ايه؟؟

ههههههههه انتى ما بتصدقى يانور الاسئله الاولانيه جاتلك نصها بس لأن النت هنج وبعدين انا استنيت شويه وبعت الباقى ومنسيتش على فكرة اسئله مريم وكنت لسه بجاوب عليها انتى بقى استعجلتينى يعنى ممكن ارجع فى كلامى ههههههه

اسئله مريم هجاوب عليها اهه وصلى على النبى يانور وكفايه كده تهدية نفوس ههههههههه احنا هنموت بعض علشان خاطرك ههههههههه بسم الله

*ايه مواصفات فتى الاحلام ؟
ان شاء الله ان شاء الله يكون يعرف ربنا طبعا علشان يتقى الله فيا ويحبنى اوى ويخاف على زعلى ويكون محترم ويكون حاجه مهمه او مرجع للناس وطيب واهم حاجه انه يكون: وسيم وسيم وسيم وسيم وسيم ههههههههههههه
انا بهزر ياجماعه والله لأن الشكل ده اخر حاجه ممكن تبقى من المواصفات اللى نفسى فيها بس بصراحه انا لو لقيت واحد فيه نص المواصفات دى فى الزمن ده ابقى محظوظه جداااا وربنا يستر ويارب اكون قدرت اجاوب على سؤالك يامريومه

*وايه الى تتمنيه من المشاعر يكون سائد فى بيتك اكتر يعنى امان ولا الحب ولا ايه المشاعر الى تحبيها متخلاش من البيت ؟
الحب طبعا لأنه لو بقى موجود هتبقى الدنيا اماااااااااان حتى لو الحرب مولعه الدنيا كلها بس ما دام جنبك اللى انتى بتحبيه ومحسسك بالأمان معتقدش انك ممكن تدورى على حاجه تانيه اهم من كده ولا ايييييييييه؟؟
واللى مش عوزاه يكون فى البيت بصراحه المشااااكل والضغط علشان الاتنين دول قادرين يدمروا اى حاجه فى الدنيا كلها مش فى البيت وبس ربنا يكفينا شرهما

*ايه الى نفسك تغيريه فى نفسك ؟
انا فيا طبعا عيوب كتيرة بس اللى نفسى بجد اغيره وانتوا كمان ممكن تساعدونى على انى اتخلص منه التسرع انا متسرعه جدااا فى اتخاذ اى قرار حتى لو مصيرى. اما بقى العيب التانى انى بعيط بسرعه جدااا من اقل حاجه حتى لو حد زعقلى او شخط فيا ممكن اعيط تخيلوا؟؟؟؟

*ايه الحاجه الى انتى شايفاه وحشه اوى فى الحياه مش قادره
تغيريها بس تتمنى دايما ان لوجتلك القدره تغيريها ؟
اسوأ حاجه ممكن تحصل لأى حد انه يتظلم فلو كان الظلم رجلا لقتلته بصراحه وانا جربته فمش بحب حد يتظلم ابدااااا فلو جتلى القدره ليه لأ ده ياريت

*شايفه بلدك ايه ناقصها؟
بلدى ناقصها افكار الشباب وحماسهم وعزيمتهم واستعدادهم لو ده اتحقق وكل واحد شغل وظيفه فى مجاله والله هنبقى افضل واقوى دوله على مستوى العالم كله

*عايزه توصلى لايه وانتى عارفه جواكى انه صعب؟
عاوزة ارجع الزمن للوراء واشوف الدنيا كانت عامله ازاى والناس عايشين ازاى وايه اللى العرب كانوا بيعملوه وكان سبب فى تقدم العلماء المسلمين وعوامل قيام حضارتهم ونحاول مجرد محاوله اننا نقلدهم يمكن ان شاء الله نوصل ياااااااااارب

كده اسئلتك انتى كمان يامريومه حرام عليكم بجد كل دى اسئله انتوا بتنتقموا منى؟؟؟ هو انا عملتلكم حاجه وانا مش قصدى؟؟
يارب اكون قدرت اوصلكم اللى انتوا عاوزين تعرفوه وشكرا بجد ع انكم خليتونى اشارك معاكم وانا بجد مبسوطه جداا بيكم وبمعرفتكم وان شاء الله نفضل اصحاب على طوووول

اولا عليه افضل الصلاة والسلام
ثانيا ان شاء الله يارب دايما نبقى اصحاب واصدقاء واحباب واخوات ونقدر نساعد بعض ونصلح اخطائنا ببعض
ثالثا ميرسى يا انوستى على رآيك فيا

رابعا انتى غشيتى منى اجابة سؤال جاوبت عليه لنفسى
بحب اشوف مسرحيات محمد صبحى جدااا وبستفيد منها كمان وبحب اقرأ لناس كتير وبصراحه بميل للشعر جدااا وخصوصا لفاروق جويده طبعا ونزار قبانى بعض قصايده بس مش كلها لأنه ساعات بيأفور فى المواضيع ههههههههههه وروايات وقصص قصيرة طبعا لنجيب محفوظ وتوفيق الحكيم وبحب مصطفى محمود جدااا وخصوصا برنامج العلم والايمان وكتبه وبقرأ كمان فى كل حاجه لأن المعرفه مش بتقتصر على فرع معين من فروع العلم او مجال محدد صح؟؟
بس انا مش بحب نجيب محفوظ ورغم انى بقرأ للقبانى مش بحترموا لانه فعلا بيزودها اوى
واحيا بيقول حاجات غير مرغوب فيها تماما طبعا انتى فهمانى

ايه ياانوس انتي ونور

الاجابات الحلوه دي
وطبعا مرسي جدا لكلامكم عليه بجد ده كتير جدا

ومريم طبعا مش عارفه اشكرها ازاي علي كلامها

دي طلعتنني ملاك وانا غير كده خالص هههههههه

والله مريم انسانه جميله جداااااااا

بس متتغريش ماشي

احنا بناكف بعض كتير جدااااااااااااااااااااااااااا

وطبعا والحمد لله ربنا رزقني بشله تجيب الضغط
انا مش عارفه مستحملاهم علي ايه

والله ربنا يكون في عوني

هههههههههههههههههههههههههههههههههههههههههههههههههه
دنتوا والله ضحكتونى ضحك عليكوا انا متخيلتش لحظه
ان التوبيك هيبقى جامد كده انوس انتى ونور زى العسل
واجاباتك كلها يا انوس كانت جميله وكلها طالعه من القلب بجد
تهيه النفوس هتبتدى يلا بقى يامعلم خدى حقك نور اهى والدور عليه
(حسره عليه يا حسره عليها وانا ايه زنبى وانا ايه زنبى )
ههههههههههههههه كده بقى توبيك ريا وسكينه
المهم اسالتى لنور وردا للعذاب الواقع على المسكينه انوس سيرد العذاب على نور
وهتجاوب كل الاسئله وده نظرا لانها شخصيه عسوله جدا وانا عايزه اعرفها ومش هعرفها
غير من الاسئله ده فياريت تجاوب عليها كلها
تصدقى انتى نكافيه فعلا يازينب جايه اضيف الرد يقولى لقد تمت إضافة مساهمة جديدة في الفترة التي استغرقتها لكتابة مساهمتك!ههههههههههههههه وتطلعى انتى هذا العضو البايخ الى كان بيضيف موضوعه فى نفس الوقت اعمل فيكى ايه؟

هههههههههههههههههههههههههههههههههههه

معلش يامريم بقي

انا كمان مكتفيه اني اسال نور عن كل الاسئله الي اتحطت في التوبيك

حبايبى الحلوين انا رديت ع كل الاسئله اللى كانت موجوده وان شاء الله انا مستنيه واحده فيكم تتجرأ وتدخل علشان هعذبها بالاسئله علشان اللى انتوا عملتوه فيا ده ميرضيش ربنا
كل دى اسئله ياناس يا مفتريه هو انا عملتلكم ايه لكل ده ههههههههه وان شاء الله كده نور اللى عليها الدور نورتى التوبيك يا قطه ههههههههههه
ان شاء الله الى جانب الاسئله بتاعة التوبيك اصلا هنحط عليهم كمان سؤالين كده
وجااااااااااااوبى يا نوووووووور وجررررررررررررربى

نعم يا كميلة انتى وهى
انا عملت كدة فى ايناس عشان دخلت متأخر وتبقى تاخد بالها بعد كدة ومريم شاركتنى

لكن انا اول واحدة اساسا كتبت رد
بقولكم ايه كل واحدة تحط سؤالين تلاتة بالكتير اوى ده كدة كرم