علاقات مصرية ايرانية

سلام عليكم جوانهاى فردا .... چطوریید؟
اسى ريم و حابة اخذ راى الشباب اللى فى سنى فى موضوع مضايقنى اوى
و هو علاقةمصر بايران مع العلم ان ايران من اعظم دول العالم حاليا فايران دولة لايجوز ان يكون بنا و بنها عداء
انا عرفة ان بعضا منكم سيقول ان المذهب الدينى لديهم مختلف عن مذهبنا الدينى و لكن هذا ليس سببا مقنعا اطلاقا *فلكم دينكم و لى دينى* وعلاقتنا بهم ستكون فى اطار ثقافى اجتماعى سياسى ليس اقل و لا اكثر حتى ان اضعف الايمان ان يستطيع طلاب او دارسين السفر و التعامل مع الايرانين

فمن فضلكم اريد معرفة رايكم بصراحة شديدةفى كل ما يحيط بالموضوع وشكرا جزيلا
خيلى ممنونم ...خيلى خوشحلم شمارا مشاركت كرديد

[b]

سلام ريم جان
طبعاً انتي هايله انك التفتي للموضوع ده وانتي اعتقد انك في سنه اولي
ده شئ جميل ، لكن شوفي موضوع علاقة مصر وايران مش زي ما احنا متخيلين
مش سهل له حسابات أخري مع امريكا
طيب هتقولي يا اسراء وايه دخل أمريكا في النص ده انا بقولك ايران
هقولك ان كل شئ في السياسة له حساباته مع أمريكا او بعبارة أخري
امريكا معاها مفتاحه . (مع العلم ان دولتك موقعه معاهدة تطبيع مع الجناح الاخر)
طيب لكن يا ريم يا حبيبتي اوعي ابداااااااااااً تدخلي او تفكري بشكل مذهبي أو طائفي
لان التفكير ده مش في صالحنا ابدا ومش في صالحهم . التفكير بالشكل اللي انتي بتقوليه ده يعني بكده انتي بتنفذي أيديولوجية الغرب في العالم الاسلامي. (وأكبر مثال عليه العراق)
شوفي انا مش بحب ادخل السياسة في الدين وأقول اصل هما شيعه واصل احنا سنه
لا وألف لا...... ولازم أوضح حاجه برضو انكم لازم تقرأوا في المذهب الشيعي كتير . وتعرفوا جذور الخلاف من عند وفاة الرسول(ص).وازای تشعب . ولازم نطلع علی المسألة دی حتی العصر الحالی. وفئات المجتمع الایرانی وتوجهاته . وای فئة متشددة
وای فئة معتدلة.
طيب ليه لما اجي اقول لواحده ايه تعرفيه عن الشيعه
تروح بصه ايه انتي بتقولي شيعه دول كفره !!!!!!!!!!!!!!!
ليه يا جماعه بنكفرهم واحنا مش من المفروض نكفر حد ابداً ولو كان حتي يهودي !!
نقرأ كويس ونعرف مش يمكن نلاقيهم صح واللي بيقولوا عليه كفر دي بدعه في المذهب يعني استثناء بيخالف القاعدة . طيب وهما السنه معندهمش بدع . ده بسم الله ما شاء الله البدع عند السنه ماليه الدنيا .
وعشان متعتقديش اني بتحامل علي اي مذهب انا كمسلمة بحترم جدأَ السنه ومعتقداتهم والشيعة ومعتقداتها بشدة (وكل الاديان بشكل عام واليهودي والزردشتي و.......). لكن أنصحك يا ريم يا حبيبتي انك متفتحيش موضوع المذاهب قدام حد قبل ما يكون عندك خلفية عنه . وكمان بلاش تدخلي موضوع مذهبهم في العلاقات المصرية الايرانية .
انا عايزه أقولك ان الموضوع كبير جداً جداً جداً ......... وبعد الامتحانات انا انشاءالله
هطرح الموضوع هنا وعايزين كلنا نبحث في جذوره ، يعني جذور العلاقات المصرية الايرانية حتي عام 1979م .
عارفه ليه بحدد العام ده بالذات ............................................
انا عايزاكي انتي تقرأي كويس في الموضوع ده وتقوليلي ليه ؟ .
وهقولك ايه الكتب اللي هتقرأيها بالضبط وياريت انتي واصحابك ، وكل المنتدي تبدءوا تقرأوا .
وهتواصل معاكم بعد الامتحانات وربنا معاكم ومعانا كلنا يارب .

ميرسي ياريم لموضوعك وخيلي ممنون ليكى يااسراء علي ردك انا عارفة انتي لية حددى 1979 لان هذا التاريخ هو بدايةقطع العلاقة بين مصر وايران عندما حدثت الثورة الايرانية وطرد الشاة من ايران فاستقبلة السادات في مصر وتوفي ودفن في مصر فكانت هذة بداية قطع العلاقة ثم بعد ذلك عندما استشهد السادات فرحت ايران فرحا شديدا وسموا شارع في ايران باسم قاتل لسادات فغضبت مصر وبعد مباحثات تم تغيير اسم الشارع

الحقيقة أنا مبسوطة اوى للتواصل اللى ابتدا يحصل ده
مبسوطة من طرح الموضوع
و مبسوطة اكتر من رد اسراء الرائع
هو ده فعلا كان هدفى لما شجعت فكرة المنتدى
بجد شكرا ليكوا كلكم

اشكرك يا عبير
اشكرك يا زینب , معلوماتک صحیحة
لکن السبب الأساسی لقطع العلاقات لم یکن استقبال الشاه وحده
بل أنا بعتبر استقبالنا للشاه ده عمل انسانی من أنور السادات
لان فی حرب 1973م وقف بجانب المصرین وبعتلنا بترول
واحنا استقبلناه لانه کان مریض فی الوقت اللی ای دولة فیه رفضت استقباله
حتی الدول اللی کانت حلیفه له وکان موکل منهم بقیادة ایران
وعلی فکره أنور السادات کان یعرف الفارسیة جیداااااااااااااً
اما بالنسبة لموضوع شارع خالد الاسلامبولی ؛ فعلا تم تغییر اسم الشارع مره
فی عهد حکومة خاتمی المعتدلة کی یستأنف النظام المصری العلاقات ثانیة
الان انه لم یحدث شئ من الجانب المصری
و رجع اسم الشارع مره اخری
والصورة الکبیرة اللی موجوده لخالد الاسلامبولی ومکتوب تحتها
أنا قتلت الفرعون المصری
لکن اتمنی ان الحکومة القادمة فی ایران تکون من المعتدلین زی خاتمی
ده لو نژاد مکملش انشاء الله
وتکون بدایة مبشرة لمستقبل العلاقات المصریة الإیرانیة .

بجد برافو عليكي انك فتحتي الموضوع ده ..وزي ما قولتي ان ايران دولة مهمة جدا ومن الأفضل طبعا اقامة علاقات دبلوماسية معاها ..ولكن السايسة لعبة كبيرة قوي وتقريبا كل خيوطها مع امريكا زي اسرا ما قالت هي اللي بتزرع جوانا الخوف من ايران ومن المذهب الشيعي وان ايران عايزه تسيطر علي العرب ..وعيشت الناس في حالة من الرعب بسبب الشيعة وفعلا محدش يعرف حاجة عن الشيعة والناس بتردد اللي بتسمعه من غير علم باي شئ ..وللمعرفة بقي احب اقلكوا ان التشيع اللي احنا خايفين منه وخلاص بقي مرادف لكلمة ايران هو ظهر اصلا علي ارض عربية خالصة يعني العرب هما اللي انتجوا التشيع وكمان هما اللي نشروه في ايران او فارس وانتقل من العراق لايران عن طريق السواحل فتشيع الايرانيين اللي عايشين علي السواحل القربيه من العراق اما باقي النواحي الايرانية فكانوا سنة خالصين وكانت اصفهان سنه متعصبين كمان
يعني الموضوع مش موضوع مذهب ولا حكاية استقبال الشاه ولا اسم شارع
المشكلة اكبر من كل ده ومش سهل نتكلم فيها هنا
المهم اننا نعرف اننا مجرد دمي في لعبة كبيرة قوي بتحركها المصالح وطبعا مش مصالحنا احنا ..وانتوا فاهمني
والاهم اننا نقرأ ونعرف الحقيقة ايه وقبل ما نقرأ لازم نفضي دماغنا من كل اللي نعرفه وكل اللي سمعناه عشان نقدر نعقل الكلام ونحكم احنا ..حتي لو كان حكمك ضد التيار السائد
المهم اعرف الحقيقة ومتمشيش خلف التيار وخلاص وتقول امين علي كل حاجة
واقروا كتير عن التشيع وافهموه صح ..وبعدين اللي خلانا متأقلمين ومتقبلين المسيحية واليهودية في مصر مش قادرين نفهم مذهب من نفس دينا ..حاجة غريبة
!!
وبعدين كمان لما تيجوا تفكروا في التشيع كمذهب فكروا في ال البيت وشوفوا هما يستحقوا اللي الشيعة بيعملوه واحنا بنحبهم زيهم ولا لا ..وعايزة اطرح عليكم سؤال غريب شوية واكيد محدش فكر فيه ..
ايه هو طبق عاشورا اللي احنا بنعمله وبنحتفل في اليوم ده .. يا تري انتوا عارفين احنا بنحتفل بايه ؟
متاكده انه لا ..بس مش هاقلكوا دلوقتي ..اكتبولي انتوا ليه احنا بنعمل طبق عاشورا وبعدين ابقي اقول .
اقرأوا كتير وابحثوا واسألوا وتقبلوا كل الاراء من المتعصبين والمعتدلين ..وزي ما هتبحثوا في التشيع ..ابحثوا في معتقدات السنه وشوفوا حالنا ..هل احنا الفرقة الناجية صحيح ؟؟
وبعدين شغلوا عقلكوا وفكروا واحكموا
واحنا انشالله زي اسراء ما قالت هنطلعكوا علي اسماء الكتب اللي هتساعدكوا في الموضوع ده ..وانشالله بعد الامتحانات نبقي نحاول نتقابل كلنا ونتكلم في المواضيع دي وجها لوجه افضل
والسلام

تم النقل الى القسم المناسب