حاجة عمرها ما تتسرق في مصر ؟؟؟

السلام عليكم ..وازايكم جميعا
واحب اشكر عبير علي المنتدي الجميل ده ومتزعليش مني عشان اتأخرت في اني اشارك
عندي سؤال ليكوا ايه هي الحاجة اللي صعب جدا تتسرق منك في مصر ؟؟؟؟؟؟
ياتري ايه
هاااااااااا
فكروا
مش عارفين
اقولكوا
هي الكتب ...من الصعب ان الكتب تتسرق منك في مصر ،يعني مثلا لو انت نسيت كتاب في مكان ومشيت وبعدين افتكرته ...متقلقش ..هترجع وتلاقيه
ولو مش موجود يبقي اكيد حد خده ..بس هو مخدوش حبا في الكتب يعني ..لا اسأل بس وهتلاقي حد شايلهولك
عارفين ليه لان احنا شعب ميعرفش قيمة الكتاب .يعني تلاقي الواحد عنده استعداد يدفع الآف في انه يشتري ريسفر عشان يشوف كل القنوات واهمها طبعا الاغاني والافلام والذي منه
او يشتري موبايل بكاميرتين عشان يشوف نفسه فيه .هاااهاها
والنبي فيه احلي من كده ..روقان والله ..احنا شعب رااااااااايق
شعب عنده الكتب اتعملت عشان يتلف فيها فول وطعميه وبطاطس
ولو قلت لحد انا رايح اشتري كتاب هايبصلك وكأنك بتقوله انا رايح اشتري بانجو (ولو ان ده بقي عادي )ولو قلت لحد تعالي نروح المكتبه هايقولك ااااايه ..استغفر الله
ويسلام بقي لما تروح سور الازبكية وتلاقي كتب اساتذتك هناك ..هتقول الكتب دي جت ازاي هنا ..عادي مش غريبة ..لان صاحبها خلص وباعها يخليها ليه وهي بتفكره بالعذاب
ايوة عذاب ..اصل التعليم والعلم بقي عذاب وسجن ..اما بقي التليفزيون وقنوات المسابقات اللي اسئلتها من نوع هل النملة حيوان ولا طائر ؟؟؟؟
تخيلوا حالنا وصل لفين ؟
كام واحد فينا بيقرأ ؟
كام واحد ممكن يتنازل عن شراء لبس او عن خروجه في سبيل انه يشتري كتاب ؟
يا تري مصير كتب الجامعةاو غيرها بيكون ايه ؟
هل سور الازبكية ، ولا تحت السرير ، ولا ..............؟
قولولي رأيكم ايه ؟
والسلام

سلااااااااااااااااااااااااااااام ریم جون

بس انتی تقریباً متسرقش منک کتب فی الجامعه قبل کده !!
انا برضو لما بشوف کتب اساتذتی مرمیه علی رصیف فی سور الازبکیة ببقی مضایقه اوی
وبکون عایزه اشتریه عشان احافظ علیه.
عارفه انتي عديتي مني ، لو مكنتيش جبتي كتبي النهارده
كنت...................... ولا بلاش

المهم عایزین نروح سور الازبکیة اللی فی الجامعة قریب

شاكرين لافضالك والله ..ميرسي يا سوسو علي ردك
بس عايزه اعرف بقي كنتي هتعملي ايه يعني لو مجبتش الكتب ياهانم ؟؟؟؟؟

ميرسي يا ملوكه علي ردك الجميل
ونصيحه لما تيجي تروحي المكتبة وحد يرفض يروح معاكي اوعي ده يأثر عليكي روحي انتي ،طول ما انتي صح ميهمكيش حد ،سيبي اللي يتريق يتريق ،العلم مش محتاج حد
وربنا معاكي

اهلا بيكى يا ريم انتى و اسراء
بجد وحشتونى موووووت و نفسى اقولكم بكل حب
انتو لسه فاكرين يا هوانم ان فيه منتدى ؟؟؟؟؟
على العموم مرسى على الموضوع اللى انتى طرحتيه
بس تعرفى المشكلة مش مجرد ان الناس مش بتقرا
الكارثة ان القراية مبقتش جزء من ثقافتنا
الحاجة الوحيدة اللى الناس بتستخصر فيها الفلوس دلوقت هى الكتب
مع ان القراية دى من اكتر المتع اللى موجوده فى الدنيا
أنا عن نفسى مدمنة قراية
تقريبا مبعملش حاجة فى حياتى غير الشغل و القراية
و من كتر حبى فى القراية
بتعلم لغات علشان اقرا بلغات مختلفة و اطللع على ثقافات مختلفة
و بجد بجد القراية دى الحاجة الوحيدة اللى بتحسسنى انى بني ادمة
انا بيصعب عليا اى حد غافل عن المتعة دى
يا رب اى حد مش متعود يقرا يبدأ فورا يحدد وقت من يومه للقراية العامة
حياته هتفرق معاه كتير اوى

مرسي قوي يا عبير علي ترحيبك بينا ..وانتي عارفانا اننا فاقدين الذاكرة طبعا ،بس الحمد لله في يوم كده فجأه رجعتلي الذاكرة وافتكرت المنتدي فشاركت
انا طبعا بشكرك علي المنتدي الجميل ده
وفعلا القرايه دي متعه ما بعدها متعه ..وانا كمان بعشق القرايه ..وببقي نفسي اقرا كل الكتب اللي موجوده
ويا ريت فعلا الكل يقرا
وانا ليا رايي في موضوع القرايه ..انا شايفه ان القرايه تعود ..زي اي حاجه
يعني لو عودنا نفسنا نقرا بعد فتره هتبقي حاجه في دمنا زيها زي الاكل مثلا
واللي بيقرا في اليوم صفحه بكرا هيقرا كتاب كله في يوم وهكذا
بس احنا نبدأ