الامتحانات قربت و اكيد الهواجس ابتدت تشتغل
أنا فكرة و أنا طالبة كانت لما الامتحانات تقرب الكوابيس بتشتغل
دايما كنت بحلم إن الامتحان بكرة و أنا مخلصتش المنهج
أو إن راحت عليا نومة و مرحتش الامتحان
او إنى رحت امتحان و انا مذاكرة كويس جدا بس لقيت الامتحان فى مادة غير اللى أنا مذاكراها
أو إن المواصلات زاحمة و ملحقتش الامتحان
ياااااااااااااااااااااااااااااااااااااااااااااااااااا
الله لا يعدها أيام
هاهاهاهاهاهاهاه
أنتو عارفين
أنا لو بقيت وزيرة التعليم العالى أول حاجة هعملها هلغى الامتحانات
اللى عايز يتعلم اهلا و سهلا
و اللى مش عايز إن شاالله ما فلح
اصلى بصراحة بيصعب عليا الطلبة اوى
الطالب من دول يخلص امتحانات من هنا و يبقى عايز يروح يتعالج من هنا
ليه كل ده؟؟؟؟؟؟؟
القصد فى الشهادة يعنى؟
طب ما الناس بتاخد الشهادة و بتركنها فى البيت
و الله يا جماعة أنا اشتغلت فى تلت شركات ترجمة محدش قللى عايزين شهادة
كلهم كانوا بيسألو انتى بتعرفى فارسي؟؟؟؟؟؟؟
المهم
نفسى الناس يبقى عندها ثقة فى نفسها
متخفوش من حاجة
العلم حاجة و الامتحانات حاجة و الدرجات حاجة تانية خالص
انتو هتتخرجوا هتتخرجوا
بس مش المهم انكوا تتخرجوا
المهم إنكوا تخرجوا للمجمتع شباب قادر يخدم بلده
مش شباب عايز يتعالج من اللى شافه و هو طالب
و عجبى