المؤسسة الأحـوازية لفضح إيران تحــذر دول الخليج العربي من خطر تصدير الثورة الإيرانية

بسم الله الرحمن الرحيم
المنظمة الإسلامية السنية الأحـوازية

المؤسسة الأحـوازية لفضح إيران

تحــذير لدول الخليج العربي من خطر تصدير الثورة الإيرانية بأشكال جديدة
بدليــل القاطع
فضـــائح مؤسسات إيرانية في التجسس و ترويج أفكار هدامة في دول عربية
و صــور منشورات هيئات إيرانية نشطة بقوة في دولة الكويت الشقيقة

تستغل الجمهورية الصفوية الإيرانية ، المساجد و الحسينيات و المدارس و… لترويج أفكارها الإرهابية الطائفية عن طريق أتباعها المخلصين في الجزيرة العربية و الخليج العربي ، و باقي البلاد العربية و الإسـلامية ، و هذا لا يخفى علي أحد ، لكن مع الأسف سكوت دول الخليج العربي و خاصة في العقد الأخير ، أعطي فرص ذهبية لهذه المجموعات التابعة لإيران بالعمل النشط و ازدهار أفكارها و أموالها في المجتمعات الخليجية . و أن أتباع إيران المندسين الفرس و المستعجمين و غيرهم من ذوي الأصول الإيرانية يحملون الجناسي الخليجية و متغلغلين في الحكومات و البرلمانات الخليجية (لوبي إيراني) و باسم الديمقراطية ينشرون أفكارهم الإرهابية الطائفية الهدامة الاستعمارية الإيرانية ، مثل : وجوب ولاية الفقية (مادام المهدي غائب)! و الترويج لأفكار إيران و هم جواسيس لإيران في الخليج العربي و يخبرون إيران بكل صغيرة و كبيرة ، و هم عيون إيران علي أبناء شعبنا و أشقائنا في الخليج العربي ، و هؤلاء المرتزقة من ذوي الأصول الفارسية متطرفين و ليس لديهم أي انتماء وطني للبلاد العربية التي يسكنونها و يعتاشون من خيراتها بل هم إيرانيون بامتياز ، و الدليل المظاهرات التي تخرجها إيران في ملكة البحرين الشقيقة و يحمل عبيد إيران هؤلاء ، صور المجرم خامني اي (العظب) و السفاح الخميني (فضح الله سره) و غيرهم من المجرمين و شاهدنا كيف أخرجت إيران عبيدها و مرتزقيها في مظاهرات في البحرين علي أثر نشر كاريكاتير في صحيفة الأيام البحرينية . (هؤلاء تهديد لأمن المنطقة ) . أن ما تسمى بهيئة خدام المهدي التطوعية و مقرها (الرئيسي) صيدا في لبنان و بتمويل إيراني و لديها مكتب في بيروت تعمل منذ سنة 1999 بدون رخص رسمية و بشكل سرطاني . هذه المؤسسة الإيرانية المحظورة بحمد الله في الكويت و منذ فترة ، نشطت منذ سنوات عديدة في دولة الكويت و مملكة البحرين و كذلك في دولة الإمارات العربية المتحدة و ذلك تحت الطاولة و بتحريك من أيادي خفية (أطلاعات إيران و مؤسسة تبليغ الشيطاني الإيرانية) و يوجد منها العشرات (تديرهن مجموعات صفوية متطرفة تابعة لإيران) ، و إن سكوت دول الخليج العربية علي هذه المؤسسات ، مسوق لهن لتطاول أكثر علي سيادة هذه الدول و هم أيادي لإيران لتدخل السافر في شؤون الدول . و إن ما يسمى السيد صادق الشيرازي هو من الداعمين لهذه المؤسسة ، و هذا
الشيرازي ولائه التام لدولة الفرس الصفوية (ملاحظة : أن آل الشيرازي الإيرانيين يدعمون و بقوة هذه الهيئة)، و لدي هيئة خدام المهدي مركز توزيع رسمي و هو مركز نور محمد و مقرة الرئيسي أيضاً في بيروت حارة حريك ، و أما عن مكتبهم الرسمي في الكويت فهو في منطقة الدسمة و لدى هذه الهيئة الطائفية الإيرانية ، وكالة أنباء و لدى الوكالة موقع علي شبكة الإنترنت و كذلك موقع آخر لدى الهيئة باسم المعصومين و موقع باسم التراث الحضاري لشيرازي . و إن اختيارهم لدولة الكويت لهو لانطلاق من الكويت لدول الخليج العربية الأخرى و بيروت للانطلاق منها إلي بقية بلاد الشام . هذه المكاتب لهي إشارة واضحة علي طموحاتهم الهدامة لنشر الفكر الإيراني الصفوي و مبدأ ولاية الفقية . و أن مقراتهم في الكويت تنتشر بكثرة بشكل سري (تحت السراديب) و علني و بشكل سرطاني ، فغير مقرهم في الدسمة و مقرهم في منطقة الدعية (حسينية الكربلائية) و هو مقر مجلتهم الشهرية (المنبر) و كذلك لدهم مقر في مكتبة و تسجيلات جنان الغدير في منطقة بنيد القار في دولة الكويت و لديهم لجنة أهل البيت بمكتبة الرسول (ص) في بنيد القار و تسجيلات دار الزهراء في الشرق و مكتبة النورين في الشرق و لديهم كذلك مواقع دائمة في حسينية الكربلائية في الدعية كما أسلفنا بالذكر و حسينية معرفي في الشرق (جنب الخزعلية) و حسينية آل ياسين في المنصورية و حسينية آل بو حمد في الدعية و كذلك لدهم شبكة مندوبين كثر موزعين علي مختلف المساجد و الحسينيات التابعة لدولة الفرس في دولة الكويت الشقيقة و يبلغ عددها علي أقل تقدير ال170 مسجد و حسينية تدريها إيران بشكل أو بآخر عبر جماعتها في دولة الكويت الشقيقة . ولدى هيئة (خدام المهدي) ، مجلة الشهرية (المنبر) التي انتشرت في الكويت سنة 2000 م و بشكل سرطاني و توزيع أرقام حساباتهم لتبرع لإيران و لمشاريعها الإعلامية الصفوية الاستعمارية و هي للتجسس علي البلاد العربية و الأحـوازيين في المهجر . لم تنتبه مع الأسف دولة الكويت الشقيقة إلــى هذا الخطر إلا منذ وقت قصير حينما حظرت عمل الهيئة التابعة لإيران . و إن الجوائز التي كانت تقدمها المجلة لمشتركيها تثير الشكوك حـول التمويل ذلك لأن الجوائز كانت تصل إلي 8000 آلاف دولار لهيئة تطوعية و ذلك منذ اليوم الأول و كذلك سيارات فخمة كجوائز . و كل هذه الخطط كانت تسير بشكل خبيث و ذلك باستغلال محبين آل البيت و أن ترويج الفكر الطائفي الإيراني و مبدأ ولاية الفقيه هي أساس عمل هذه الهيئة الإيرانية . و أن رئيس تحرير مجلة المنبر التابعة لهيئة خدام المهدي و هو يوسف عبد الهادي ، يعمل بشكل يثير القلق و الشكوك و يتردد لإيران كثيراً و لدينا شكوك حول تعاملاته مع إيران و مصـادر تمويل المجلة و أهدافها المشبوهة (يذكر أن الاشتـراك الشهري في هذه المجلة يبلــغ ال30 دولار سنوياً و هذا رقم يثير الشكوك لمجلة ترسل عشرات التسجيلات و المنشورات و 12 مجلة علي مدار العام و..) . و أن نشر الملصقات و المنشورات الطائفية و (الصفوية) لهذه الهيئة و توزيعها علي السيارات الخاصة لهو دليل واضح علي أهدافهم المشبـوهة و الجاسوسية ضد البلاد العربية و ضد جالياتنا في الخليج العربي و ترويج الأفكار الإيرانية . لم يقتصر كل ذلك علـى كبار السن بل شمل تغـذية الأطفال بأفكار هدامة و ذلك عن طريق مجلة الثائر (مجلة الجيل المهدوي) و ذلك لغسل أدمغة الأطفال الخليجيين و أيجاد تابعين جدد لإيران في المستقبل . و أن من مؤسسات التابعة للهيئة هي مجلة المنبر و مجلة الثائر و مركز نور محمد و هي مؤسسات إعلامية لنشر الفكر الإيراني التوسعي للوصاية علي دول الخليج العربي . و أن بنك فدك الذي أشار إليه الأمين العام لتجمع ثوابت الأمة ، السيد محمد هايف المطيري الموقر ( إقراء اتهامات السيد محمد المطيري الموقر لهيئة خدام المهدي الإيرانية و المتعاونين معها المندسين في الدولة ذلك ما نشرته السياسة اليـوم ) لهو خير دليل علي التمويل المشبوه و التحضير لأرضية خصبة لدعاية و ترويج أفكار إيران و أخذ الأوامر من دولة الفرس عبر ما تسمى المرجعيات (الإيرانية) و باسم الدين و الديمقراطية و قد تتحول هذه المؤسسات بيوم و ليلة كما حذرنا سابقاً : إلــــى منظـــمات إرهابـــية إيــرانية كما حدث سابقاً أبان قدوم الخميني و محاولة اغتيال أمير الكويت حفظة الله و إننا من هذا مقال نحذر أشقائنا العرب من خطر التوسع الفكر الإيراني المتمثل في مبدأ ولاية الفقية و الدولة الإسلامية الراشدة ! (الإيرانية) في الدول العربية و خاصة أشقائنا الخليجيين و أن المظاهرات التي يسير فيها مؤيدون هذه الأفكار و هم يحملون صور خامني اي و خميني و غيرهم لهي خير دليل علي غسل الأدمغة عن طريق المؤسسات الإيرانية العاملة في الخليج العربي بأسماء متعددة و ذلك لحلم إيراني قديم و هو تصدير الثورة بأساليب جديدة و أننا نناشد دول الخليج العربية ، التحقيق العاجل حول هذه المؤسسات و مصادر دخلها و أهدافها و اتصالاتها مع إيران و مدى انتمائها الوطني للدول الخليجية و نناشد دول الخليج العربية ، سحب جناسي كل متورط من حاملي الجناسي الخليجية و تسفير المقيمين الذين تثبت التهمة عليهم ونحذر بأن هذه الهيئات الإيرانية بالرغم من أنها محظورة ، لكنها مازالت تنشط بقوة في الحسينيات و المساجد و برعاية إيرانية . لدينا أسماء أكثر من 170 مقر فيه مندوبين لهؤلاء و سننشر أسماء المقار لو لزم الأمر و أن الكثير منها يعمل و بشكل علني و ليس محظور مع الأسف وسنفضح بإذن الله ، سياسات إيران التسلطية تجاه أشقائنا في دول الخليج العربية و انا لله و انا إليه راجعون

الله الله الله
و الله ده كلام رائع
طيب ايران و بتفكر تنشر الثورة
حكام العرب بقي بيفكروا في ايه؟
حطين فلوسهم فى بنوك امريكا و اروبا ليه؟
مش راضين يتحدوا و ينقظوا فلسطين ليه؟
سايبين اسرائيل تبهدل فى كرامتنا ليه؟
مفيش حد فى العالم دلوقت ميعرفش مين هو رئيس ايران
يا تري بقي كام واحد عارف اسماء رؤساء العرب و زعماؤهم؟
ثم الناس اللى بتتكلم على الدولة السرطانية و تصدير الثورة
مش الاول يفهمونا يعني ايه ثورة؟
و ليه قامت؟
و ايه اهدافها؟
و ايه مخاطرها؟
و يا تري بقي مخاطرها دي على الشعوب و الا على كراسي الحكام؟
احنا جهلة و مش عارفين حاجة و مش عيب ان الواحد يعترف انه مش مستوعب السياسة العالمية
بس بيان زي ده كان لازم فيه رد على الاسئلة دي
لان من وجهة نظري من غير الرد ده يعتبر البيان استخفاف بالعقول

شوفتی یا عبیر
یبقی تصدقی مین ولا مین
هتصدقی اللی بیتقال ویتنشر عن ایران
ولا تصدقی افعالها
یبقی لازم نعمل العقل شویه
حزب الله لو کان لقی کلب من الکلاب اللی بتحرس الحکام العرب ساعده مکنش هیکون خطر بالشکل ده
لکن الواضح ان فیه جهل کبیر اوی بالثورة الاسلامیة و اهدافها .جهل عالمی
واللی امریکا بتصدره للعالم العربی من مقالات مضللة وغیره وغیره
ده اللی بیخلینا نشوفها انها دولة سرطانیة وبتعمینا عن الحقیقة

د عبير واسراء مش عارفة ليه بحس فيكم انكم مفضليين ايران عن العرب بشكل كبير ياترى احساسى ده صح ولا غلط وليه منحازيين ليها بالشكل الكبير ده

اسمحيلي ارد انا يا ملك ..اكيد طبعا وانا كمان معاهم
قوليلي هما فين العرب ؟؟؟
بيعملوا ايه ؟؟
عايشين حياتهم ازاي ؟؟
عملوا ايه للاسلام والمسلمين ؟؟؟
مين هما اللي قامت علي ايديهم الحضارة الاسلامية ؟؟
واسئلة كتير قوووووي
شوفي مات كام من الايرانيين وعاملين ايه دلوقتي عشان مش راضيين عن نتيجة الانتخابات
احنا بقي عملنا ايه واحنا عارفين ومتأكدين ان اصواتنا اتسرقت من غير ماتنتخبي ؟؟؟ حتي اللي انتخب هل اتعمل بالاصوات دي ؟؟
واللي رشحوا نفسهم كان مصيرهم ايه ؟؟
كل ده احنا كنا عارفينه وسكتنا ..بنتكلم عن ايران
نشوف خيبتنا الاول وبعدين نقارن بينا وبينهم شعبا وحكومة
الصراحة ايران تستحق الاحترام لأنهم بيعرفوا ازاي يقولوا لألألألألألألألأ
احنا بقي بنعرف نقولها ؟؟؟؟؟؟؟؟؟؟؟؟؟

خبيتنا ايه يا ريم خلاص نغير جنسيتنا ونروح ناخد جنسيه ايران طالما بنستعر من اصلنا كاعرب
مين هما اللي قامت علي ايديهم الحضارة الاسلامية ؟؟
نقطة انطلاقها كانت مولد رسولنا الكريم الذي ينحدر من أصل عربي.
القران الذى هو دستور حياتنا نزل بلسان عربى
العربية هي اللغة دون بها اعلام هذه الحضارة الجانب الاكبر من خلاصة أفكارهم والعروبية هى الاساس انا بعتبر الاسلام الاصل والعربية الفرع
العرب هم الذين حملوا الجهاد في المرحلة الاولى في بناء الدولة الاسلامية ونشروه بلسانهم في مشارق الدولة ومغاربها ولو هتكلم عن الحضارة الاسلامية العربية مش هيكفينى المنتدى ده كله اصلا انا عاوزة اعرف ليه بنستعر من اننا عرب ولكن هجاوب على السؤال ده وان العرب عملوه ايه للاسلام فى توبيك لانه مش هيكفيه رد

ملك أحنا بنقول الحق
ايران لها مواقف كتيره جديرة بالإحترام
العرب عملوا ايه في حرب غزة ؟؟؟؟؟؟؟؟؟؟؟؟؟؟
هما اصلا العرب دول بيعملوا ايه في الدنيا غير انهم خايفين علي مناصبهم وبس
بالنسبة لنا احنا مصريين ومعروفين في ايران بالمصريين ولسنا عرب
والحضارة الإسلامية اللي انت بتكلمي عنها عدك حق هنكتب فيها ملاين من الكتب والمنتديات
بس عارفه الحضارة الاسلامية دي قامت لما دخلت كل الأمصار تحت لواء العرب والخلافة الاسلامة
الحضارة الاسلامية نتاج لإندماج عدة حضارات في بوتقة واحد وليست حضارة مختلقة
العرب كانوا بدو كرمهم الله تعالي بالنبي محمد وبالدين الاسلامي
بدءوا يتعرفوا علي التمدن والحضارة من الأمصار اللي فتحوها او اللي اجهزوا عليها
وياريتهم كانوا بيمسكوا الحكم لكن للأسف كانوا بيتركوا كل شؤون الحكم والسياسة لأبناء المِصر.... بكسر الميم
وكاونوا بيتوجهوا هم لجمع الأموال .................. اقراي مقدمة ابن خلدون شوفي ابن خلدون العربي كيف يصف العرب .
وهي دي اصبحت شغلة الحكام العرب حالياً انهم يجمعوا الأموال واللي يتحرق يتحرق عندهم
عروبة فين دي؟؟؟
عقل مبيشغلوش هو فين العقل عندهم
ماشين ورا امريكا وبيقولوا سمعاً وطاعاً
امريكا تقول شمال يلا بينا شمال
هي ايران عشان بتقول لأمريكا لأ تبقي وحشه
ايران شعبها شعب صاحي نابض بالحياة وبيقول للظلم لأ والف لأ
يا ريتنا كنا صاحيين زيهم كده .............ومش هكرر كلام ريم
الثورة الاسلامية عشان قامت للثورة علي الظلم وقوي الاستعمار والاستكبار
جعلوها ثورة ارهابية
تبقي فاضل ايه تاني
الناس لازم تشغل مخها شويه
احنا عارفين فين الصح وفين الغلط كويس بس مغميين عنينا وماشين.......................................................

اولا يا ملك انا عمري ما اغير جنسيتي حتي لو ادفع لي ملايين
ثانيا متنسيش اني مسلمة زي زيك
ثالثا والاهم اني مش بتكلم عن العرب المسلمين الاوائل اللي حملوا لواء الاسلام وهما شرف لاي انسان مسلم ده لأنهم كانوا مسلمين فعلا
انا بتكلم عن العرب اللي ظهروا بعد المسلمين الاوائل اللي رجعوا تاني لنظام القوميات وكانت رغبتهم في السيطرة علي الحكم اكبر من اهتمامهم بالاسلام وتطبيقه
اقرأي العرب لما فتحوا ايران عملوا ايه..والكتب اللي اتكلمت عن كده كتابها عرب ومنهم مصريين وسنة مش شيعة عشان منقولش ليهم اهداف
العرب مش هما اللي اسسوا الحضارة الاسلامية كاملة زي اسراء ماقالت اولا هي حياة العرب ايام الرسول كانت شكلها ايه عشان يعرفوا معني الحضارة ؟؟
العرب عرفوا يعني ايه حضارة لما دخلوا الدول اللي كانت بتقوم علي الحضارة زي ايران ومصر وطبعا حضارتهم غنية عن التعريف
نقلوا كتير من علومهم واتعلموها ..ارجعي وشوفي العلماء اللي احنا بنفتخر بيهم هما اصلهم ايه
اقولك علي حاجة العرب لما دخلوا ايران لقوا الكافور في خزائن كسري استعملوه في اكلهم ملح
ده غير انهم نهبوا الخزائن من مجوهرات حتي العواميد الذهب في القصور خدوها للجزيرة العربية
العرب معرفوش الحضارة الا من اهل الحضارة عرفوا يعني ايه طبخ وان الانسان يتفنن في الاكلات عرفوا يعني ايه لبس وان الملك او السلطان يلبس افخم الثياب ولما فتحوا الدول دي مهتموش بالدين لا اهتموا بحياتهم هما ازاي يعيشوا ويتبسطوا ويجربوا الحاجات الغريبه دي
وازاي يمتلكوا اجمل الجواري الفارسيات اللي كانوا مشتهرين بحسنهم "هو ده من الاسلام؟؟"
اتعلموا منهم مش هما المؤسسين حتي في السياسة والحكم كانوا بيستعينوا بالفرس لانهم ميعرفوش غير نظام القبائل والعشائر اللي مازال موجود حتي الان اها هي في الظاهر دولة اسمها السعودية علي سبيل المثال ..قوليلي ايه هي السعودية اصلا اسمها جاي من ايه ؟؟ جاي من آل سعود يعني برضوا نظام قبائل وعشائر
اما بقي العرب بتوع دلوقتي فماشاء الله سيرتهم سبقاهم ميختلفش عليها اتنين ..شوفي قطر اللي فيها اكبر قاعدة عسكرية امريكية ..واحنا ولله الحمد معروفين اننا منقدرش نقول لألأ لاي واحدة فيهم (التوأمتان) ودوري كده في كل العرب بيعملوا ايه ..هاتيلي دولةواحدة عليها العين وقدرت تعترض
ايه حال العرب دلوقتي عشان نفخر بيهم ؟؟؟؟؟؟؟
كفاية ان الايرانيين قدروا يحافظوا علي هويتهم وليهم هدف عايشين عشانه ان ايران تكون الافضل هو ده هدفم اما احنا هدفنا بقي ان .فلان يكون الافضل
انه يسيطر علي الحكم وعلي الناس وعلي الفلوس وعلي الانفاس حتي اللي الناس بتتنفسها
الشباب عاطل وتايهه عادي ايه يعني ..الناس مش لايقة تاكل واية يعني فستين داهيه ..وغيره
اكيد انتي من مصر وعارفه حالنا والمفروض حال العرب عموما
اما بقي كشعب مصري فاحنا الحمد لله وبقولها وانا فخورة احنا مصریین ..احنا اهل حضارة اها اختلطتنا بالعرب وبنسلهم بس الطباع المصرية والذكاء المصري فينا
اسالي اللي عاش في اي دولة عربية عن المصريين هناك ..هما الافضل في كل حاجة من اعلاهم لابسطهم
حتي الطلبة لما تكون مدرسة فيها مصريين الاوائل بيكونوا المصريين
اصلا اتعملي مع اي واحد عربي وشوفي بسم الله ما شاء الله سرعة البديهة والذكاء اللي بيعانوا منه ..معاهم فلوس اها بس عقول للاسف لا ..دايما محتاجين اللي يحركهم
اما بقي علي الخيبة فهي فعلا خيبة كفاية اننا نسد ودنا ونبرمج عقولنا ونمشي جنب الحيط
انا مش بقول نتنازل عن مصريتنا بالعكس انا اول واحدة نفسي نبقي مصريين بجد كل حاجة في حياتنا تبقي نابعة من مصريتنا مش نقلد وخلاص زي العمي ..ابسط مثال شوفي البنات مثلا دلوقتي بيلبسوا ازاي هتلاقي جماعة متأمركة او متفرنجة وجماعة متأعربة ..ههههههههه يعني بيلبسوا زي العرب العباية السودا وكيلو ميك آب علي وشها والاهم بقي الورم اللي في دماغها وطوله مترين ..ايه ده
ليه منعيش حياتنا احنا ..في المقابل مثلا لو شفنا لبس البنات الايرانيات فليهم الاستايل الخاص بيهم اللي لو شوفتيهم فين هتعرفيهم بيه
يا ملك انا مش بتكلم ولا بعيب علي العرب المسلمين الاوائل ولا عن اللغة العربية ولا عن كل ده اللي بتتكلمي انتي عنهم غير اللي هنا دلوقتي واللي بنتكلم عليهم
وفي فرق بين المسلمين العرب اللي عاصروا الرسول واللي كانوا تابعين وفرق بين العرب اللي عاشوا في الامصار او حكموها واللي تصرفوا تصرفات لا تليق بالاسلام في مواقف كتير
بس احنا مش عايزين نقبل الكلام ده ونسينا انهم كانوا بشر مش ملائكة ولا هم انبياء
يا ملك ده المسلمين اختلفوا علي الحكم والخلافة والرسول علي فراشه ولم يدفن وسيدنا علي بن ابي طالب الوحيد اللي كان بجواره يبكي ..؟؟؟؟؟
انا لم اسئ للاسلام ولا الي العربية عشان تتكلمي عن الاسلام وتدافعي عنهم انا اصلا لم اسئ ليهم انا بتكلم عن عرب وتصرفات بني آدميين يعني بيغلطوا وبتكلم عن حقايق في كتب كتبها عرب ومصريين وسنه مش شيعة للمرة التانية
بتكلم عن ذل واهانه بنشوفها كل يوم من كل الدول وده لان هما ملقوش حكومتنا عاملة لنفسها قيمة ولا عاملة لينا قيمة وده عشان احنا سكتنا وقابلين بده ...لما کل یوم نسمع اني مصري اتهان في الدولة الفلانية ..فين حق سميرة موسي ..فين حق علمائنا اللي راحوا في دول كتير ومدورناش علي حقوقهم ..
فين حق مروة الشربيني ؟؟
فين حق الدكتور المصري اللي اتهان في السعودية عشان اميرة ؟؟ فين حق الاساتذة المصريين اللي اعتدوا عليهم السعوديين وضربوهم وشتموهم داخل بلدهم بزعم انهم بيصرفوا عليهم وانهم اسيادهم وکل ده عشان الغش؟؟؟ ..وفي امثلة كتير جدا هما دول العرب يتشطروا علي المصريين الافضل منهم وينحنوا لاي اجنبي
العرب اللي انتي بتتكلمي عنهم هما نفسهم مش بيحبوا حاجة اسمها مصر او مصريين واول ما تيجي الفرصة شوفي بيعملوا معاهم ايه وده واقع ..هما بيغیروا عشان احنا الافضل فبیحاولوا يذلوا اي مصري
كل دي مش خيبة ؟؟؟
اما ايران بقي فشوفي انتي احوالها ايه ..
واقرأي ..أقرأي أقرأي
القراءة مهمه جدا
ونصيحة متشكليش رأي الا لما تقري وتبحثي كويس قوي وتفكري اكتر بعقلك من غير محد يقولك ومن غير متسمعي لحد
اما بقي ان احنا معجبين بايران فده مش معناه اننا هنغير جنسياتنا كمصريين لا المفروض ان ده معاناه اننا مصريين بجد ..نفسنا نكون الافضل ..يعني احنا معجبين بيها عشان بنفتقد كتير عندها نفسنا يكون عندنا
يعني نتعلم منهم ..نتعدي منهم
ومش ايران بس اي دولة فيها امور ايجابية لازم نتعلم منها
..اما ايران فهي نموذج اسلامي ده الفرق
زي الانسان مهو لازم يتعلم من اي انسان افضل منه ميقولش لا ده انا وانا وانا الاحسن او ده انا بابا كان وجدو كان كان
كان فعل ماض ..يعني الحاجة راااااااااااحت خلاص

على فكرة انا كرهت ايران من اسلوب المقارنة والتفضيل ده بنا وبينهم طيب انا اللى اعرفه انهم بيتباهوا بنفسهم اوى وكلهم بيفتخروا انهم ايرانيين ده اللى سمعته فى الكلية طيب ليه احنا نبقى منعملش زيهم فى النقطة دى ليه نقعد نطلع فى نفسنا القطط الفطسانة ونمدح فيهم هما ليه بدل منقعد نقول هما الاحسن وهما الافضل طب منشوف هما بيتفوقوا بايه عننا ونحاول نعمل احسن منه من غير ما نقول هما الاحسن ونقعد نحط ايديننا على خدنا انتوا بتصورا لى العرب انهم متخلفيين وعمرهم ما عملوه حاجه فى اى حاجه مجرد حيوانات بتاكل وبتشرب بس هما دول مش بنى ادمين؟؟ العرب اللى احنا منهم ليه كل غلطه او موقف نقول امريكا ليه عاملين امريكا شماعة بنعلق عليها اخطائنا ليه مش فاهمة ياجماعة ياريت تفتخر بكوننا عرب وزى ما بنفتخر بايران وغيرها نفتخر باصلنا ونرفع راسنا واخطائنا نحاول نصلحها مش ننشرها بالوند العريض ونقول انتوا احسن مننا احنا فينا كذا وكذا

ملک احنا مصریین وانتی مصریة واحنا فعلاً لازم نفتخر بکوننا مصریین

والمصریین اصحاب الحضارة الفرعونیة اقدم واعرق حضارة عرفها التاریخ

قولیلی بالصفات دی ملناش حق اننا نفتخر بکوننا مصریین

زی الایرانیین ما بیفتخروا بکونهم الفرس اصحاب اقوی امبراطوریة فی التاریخ

عارفه یا ملک لیه الایرانیین عندهم حتت الفخر دی او تعرفی هی نابعة منین عندهم؟؟

لان هویتهم لم تمحی منذ دخولهم فی الاسلام

ولغتهم لازالت موجوده

تعرفی لیه الایرانیین مبیکلموش عربی؟؟ علی الرغم انهم کانوا زیینا لیهم حضارة ولغة مختلفة عن العربیة

ولما فتحت ایران ونشر الاسلام فیها لم تتحول لغتهم الی العربیة زینا؟؟؟

لانهم شعب بیحب یحافظ علی هویته وحضارته

احنا لما کان عندنا اللغة المصریة القدیمة جت اللغة العربیة ومحت لنا اللغة دی واستبدلناها بالعربیة

وبالتالی لما لغة تمحی اصبح من الصعب بعد آلاف السنین اننا نقرأ نقوش اللغة المصریة القدیمة

وعلیه محی جزء کبیر من تاریخنا اصبحنا بنتکهن عشان نعرف عنه حاجه امام نقوش المعابد ومقابر ملوک الفراعنة

لکن الایرانیین کان حالهم مختلف عننا لان اللی حافظ علی لغتهم حجات کتیرة اوی منها شاهنامه الفردوسی والتراث اللی هنا بیفتخروا بیه حتی الآن

انتي لما تطلعي تانية هتقدري تستوعبي الكلام ده لما تتعرفي علي تاريخهم وتعرفي انهم بعد دخولهم تحت لواء الخلافة الاسلامية ازاي قامت نزعات تحررية عندهم بتطالب بالاستقلال عن الخلافة الاسلامية واحياء التراث الفارسي واللغة الفارسية وكان اولي الدويلات كانت الىولة الطاهرية اللي اسسها طاهر ابن الحسين

وتبعتها الغزنوية والصفارية ... و.... و...

اذاً هو شعب بيحب هويته

وانا مش بعمل مقارنة عشان تكرهي او تحبي ايران

انا عشان نتعلم منهم حب الشعب لهويته ولغته واللي متمسك بيها حتي وقتنا ده

ونكون الأفضل كمان

واتمني ذلك

كلام جميل وطبعا انا مقدرش اقول حاجه عنهم لانهم فعلا زى ما بتقولى انتى انهم حافظوا على هويتهم بغض النظر عن الفراعنة اللى هى قبل الاسلام اصلا احنا فضلت مسيطرة علينا الدولة العثمانية اد ايه هل احنا نسينا هويتنا ولغتنا اللى هى العربية واتكلمنا باللغه التركية نفس الموضوع ايران احتلتنا برده هل احنا نسينا هويتنا ولغتنا واتكلمنا باللفة الفارسية برطانيا احتلتنا هل احنا نسينا هويتنا ولغتنا واتكلمنا باللغة الانجليزية اسرائيل احتلتنا هل احنا نسينا هويتنا ولغتنا واتكلمنا باللغة العبرية ؟؟؟؟

اولا انا قلت اننا ناخد ونتعلم منها وكمان قلت حتي لو مش ايران واي دوله عندها حاجه كويسه نخدها زي الانسان ما بیتعلم من الاحسن منه " ارجعي للرد واقرايه كويس "
انا بقارن عشان نتعلم مش عشان نحب او نكرهه ايران دي امور خاصة بكل انسان
ثانيا انا فخووووووووورة بأني مصرية وهفضل مصرية وهافضل فخورة بده وده اللي انا اتعلمته من الايرانيين نفسهم من تعاملي معاهم واللي انا لمسته فيهم بنفسي مش سماعا واظن اني قلت الكلام ده قبل كده في المنتدي علي ردي لدوحا المصري في موضوع لو سألتك انتي مصري ؟؟ بتاع سلمي
ثالثا اننا نطلع القطط الفطسانه في نفسنا ده اول خطوه للتغير ..عشان تغيري من نفسك لازم تعرفي الاول ايه هي عيوبك عشان تعرفي تعالجيها ..اما لو معرفتهاش هتعالجي ايه ؟؟؟ والاهم من انك تعرفيها انك تعترفي بيها وعلنا ومن هنا يجي التغيير.. طول مااحنا بنخاف علي الشكل العام وبنحاول نداري ونضحك علي نفسنا كل ماالامور بتكبر والمشاكل بتتكاثر ..ليه ميكنش فيه صراحة ..زي بالظبط لما يكون في جرح في انسان هل بتغطيه علي الميكروبات اللي فيه من غير ما يتنضف ؟؟ ولو عملتي كده وقفلتي عليه وغطيتي عليه وهو ملوث هيحصله ايه ؟؟هيكبر ويكبر وينتشر في العضو كله وممكن يتسبب في بتر العضو والعياذ بالله
هو ده بالظبط حال المجتمع
رابعا بقي انا بقوووووووووول ايه من يوومين مش بقول نتغيييييييييير... نتعلم ..نقلد في الصح ..نغير من نفسنا
انا عن نفسي بغير من نفسي وبتعلم من اي حد واشوف هو عنده ايه مش عندي واتعلمها منه ..وكمان بحاول اني اغير اللي حواليا بدليل اننا بنتجادل ..كل ده ليه عشان عايزه نتغير ونبدأ نفكر ...المهم الناس تستوعب
خامسا انا بفتخر باني مصرية للمرة المليووووووووووووووووووووووووووووووون
والعرب لو هما بيعملوا حاجه في حياتهم غير الاكل والشرب كان زمانهم اسياااااااااااد العالم
هي امريكا بقت امريكا ليه ؟؟؟؟ شعب بيشتغل اربعة وعشرين ساعة في اليوم ..مش شغل يعني العمل وبس لا شغل يعني ناس عاملة كانهم عايشين في خلية نحل ..الللي بيشتغل واللي بيدرس بضمير واللي بيحضر ندوات وغيره وغيره المهم انهم شغالللللللين عشان يكونوا دايما في البداية
كل واحد عارف ايه اللي ليه وايه اللي عليه من اول الرئيس لغاية اصغر واحد فيهم
هي مش حاجة تكسف لما احنا نبقي امم ليها حضارات من الاف السنين ودولة لسه عمرها كام سنة عاملة فينا كده ؟؟؟؟؟
اسرائيل اللي طلعت فجأة ومجننا العرب كلهم ولا عارفين ياخدوا منها حق ولا باطل ..مش ده يكسف
بصراحة ليهم حق يبقوا في الجبروت ده ..في مثل شعبي بيقول ..يا فرعون مين فرعنك قال ملقتش حد يلمني
!!!!!!!

" شوفتي كان بيضرب بينا المثل دلوقتي احنا بنضرب "

يا تري العرب بقي يقدروا يلموهم عشان نفتخر بيهم ؟؟ ياتري العرب يقدروا يرجعوا فلسطين ؟؟؟ يا تري العرب يقدروا يحرروا المسجد الاقصي ؟؟ يا تري العرب قدروا يتفقوا اصلا ؟؟؟؟؟؟؟؟؟
لما ده يحصل ابقي افتخر بيهم ...بفتخر باني مصرية بتحاول ترجع مصر والمصريين قبل ما يفوت الاوان ..وياريت دي تكون مهمتنا كلنا

طبعا عندك حق يا ريم فى كل اللى قلتيه

malak كتب:

احنا فضلت مسيطرة علينا الدولة العثمانية اد ايه هل احنا نسينا هويتنا ولغتنا اللى هى العربية واتكلمنا باللغه التركية نفس الموضوع ايران احتلتنا برده هل احنا نسينا هويتنا ولغتنا واتكلمنا باللفة الفارسية برطانيا احتلتنا هل احنا نسينا هويتنا ولغتنا واتكلمنا باللغة الانجليزية اسرائيل احتلتنا هل احنا نسينا هويتنا ولغتنا واتكلمنا باللغة العبرية ؟؟؟؟

مع الفارق الکبیر یا ملک
الفرس او العثمانیین او بریطانیا او اسرائیل لم یجبرونا علی لغة او دین عشان نتکلم بلغتهم
دی کانت امتزاج ثقافات علی ارض واحدة نتج عنه حجات بسیطه فی اللغة
یعنی سعات یقولولک کلمة مش عارفه ایه مثلا دی اصلها ترکی ............ وهکذا
یعنی لم تؤثر کلیة علی لغتنا
عموما انا مش هرد رد افضل من رد ریم
وفعلا الحاجة اللی انا بأکد علیها ان انا تعلمت من الایرانین حجات کتیره حلوه
اتعلمت حب بلدی وانتی اخاف علیها واحافظ علیها
ومش عیب انک تتعلمی من حد حاجة طالما اللی انی هتتعلمیه هیفیدک ومش هیضرک
وهیسد مواطن النقص اللی مش موجوده عندک
ونفتخر بس باننا مصریین
ویوم میبقی العرب بنی ادمین
ابقی افتخر بانجازتهم اذا عملوا یعنی انجازات

ان لم اکن مصریاً لوددت ان اکون مصریاً

بصراحة كان نفسي اكتب حاجة
بس رجالتى قاموا بالواجب و زيادة
هاهاهاهاهاها
كل اللى اقدر اضيفة
ان الحوار ده هو الخطوة الاولى للاصلاح
و البركة بالشباب