كيفية جذب الاعضاء وعمل تفاعل فى المنتدى

مرسي ليك عالاقتراحات ديه وان شاء الله نحققها

حلو اوى يا محمود الشغل ده والأفكار كمان هايله وعلى فكرة احنا فكرنا فى كذا طريقه لتطوير المنتدى وكان منهم كام طريقه من اللى انت قلتهم دول واحنا بالفعل بنعمل أعياد ميلاد للأعضاء ومعظم الموضوعات الموجوده مش بتبقى منقوله واللى عنده فكرة لموضوع او حل لمشكله او اى حاجه بتيجى فى باله بيقولها فعلا وربنا يسهل واحنا بنظبطها مع بعض
وميرسى جدااااا بجد على أفكارك

malak كتب:

مرسي ليك عالاقتراحات ديه وان شاء الله نحققها

العفو ربنا يعزك يا رب ماشاء الله انتو عاملين شغل هايل جدا اصلا هنا وانا عارف انى مقصر معاكم بس بجد فعلا مش فاضى خالص طالع عينى

[quote="Anoooooos"]حلو اوى يا محمود الشغل ده والأفكار كمان هايله وعلى فكرة احنا فكرنا فى كذا طريقه لتطوير المنتدى وكان منهم كام طريقه من اللى انت قلتهم دول واحنا بالفعل بنعمل أعياد ميلاد للأعضاء ومعظم الموضوعات الموجوده مش بتبقى منقوله واللى عنده فكرة لموضوع او حل لمشكله او اى حاجه بتيجى فى باله بيقولها فعلا وربنا يسهل واحنا بنظبطها مع بعض
وميرسى جدااااا بجد على أفكارك [/quote

ربنا يكرمك يا انوووس يا رب بس يلا يا انووس عاوزين نبدا احنا ممكن نحط ميت الف فكره بس المهم هانفذ انهى

ربنا يكرمك ويعزك يا رب يا انوووس ان شاء الله هايبقى خير وانا متفأل بالمنتدى هنا جدا ربنا يكرم بإذن الله وانا مستعد اساعد معاكم بأى حاجه

كلام جميل جدا يا حوده وفعلا المنتدى في كم افكار وموضوعات لا تليق بحجمه ع النت يعنى المفروض نزود نشاطه ونحسن وضعه بالتفاعل وطرح الافكار ونشهره اكتر من كده بمجوداتنا كلنا وممكن بالاعلانات اللى بشوفها فى منتديات كتيره وكبيره وكمان حته com. ع طول هتفرق فعلا وحوار تثبيت الموضوعات وافضلها برضك مهمه يا ملك ياريت تعمليهالنا وتواصلي مجهوداتك الرائعه فى تطوير المنتدى واحنا معاكى وبليز يا جماعه عاوزين ننشط المنتدى والناس اللى غابت مره واحده نحاول نوصلهم بماسج وياريت محدش يغيب الفتره الجايه عشان انا عندى مفاجآت حلوه فى المنتدى وزى ما عودتكوا على المواضيع الجامده لسه الأجمد جاى لأنى بجد مش بعتبر نفسي عضو عادى ولا حتى مشرف لأ انا بعتبر نفسي مسئول وان المنتدى ده بيتي ولو عدى يوم من غير ما ادخله بجد بحس انى مقصر فى حقكوا وطبعا ده من ثقتكم وتقديركم المستمر ليا وبجد الثقه دى تاج فوق راسي بس اهم حاجه منكسلش ونهتم شويه وفى نقطه مهمه اوى اتكلمت فيها قبل كده حكاية الكسل وقلة المشاركات يعنى لو موضوع عجبك متتفرجش عليه وتخرج ع الاقل سيب كلمة شكر للى كتبه حتى لو منقول كفايه انه تعب نفسه وخد من وقته علشان يوصلك معلومه او يفيدك فى مجال ما بجد ياريت يا جماعه نقدر الشغل شويه وحتى لو الموضوع مش عجبك قول نقدك بأحترام واكيد صاحب الموضوع هيتقبله بس منبقاش سلبيين لأن كلمه شكر مش هتاخد منك حاجه بس هتحفز صاحب الموضوع انه يجتهد اكتر وبجد احنا جت علينا فتره كان المنتدى بسم الله ماشاء الله كله بيرد على مواضيع التانى ومشاركات ومسابقات وحوار وكده يعنى بجد نفسي ترجع الفتره دى ..

وتقبلوا ردى مع خالص الأحترام والتقدير لكل عضو وعضوه .. ومعذرة للأطاله

تسلم ايديك يا مصطفى وفعلا عندك حق فى كلام كتير بس المنتدى فعلا عاوز شغل كتير احنا لسه مجرد 188 عضو
محتاجين شغل من نار ولازم على اقل تقدير يتواجد كل كاست الاداره بشكل دائم فى المنتدى وطبعا معاك فى موضوع تثبيت المواضيع المهمه انا والله عارف انكم بتعملوا الى عليكوا وزياده بس مش تقلقوا هيا بتيجى واحده واحده انا متفأل بيكوا خير اينعم انا مقصر تقصير فظيع بس والله بحاول ادخل واشارك على قد ما اقدر بس المشكله ان كل توبكاتى يا منقوله من المنتدى بتاعى يا شعر مافيش دماغ لاى ابداع للاسف وبرده التوجهات بتاعتى الفتره دى محتاجه كاست عمل تقيل وعلى الاقل قاعده ما تقلش عن 100 عضو فعال علشان نعمل الشغل ده فا علشان كده مش عارف ادى بس انا معاكم لحد ما نبقى مليون عضو بإذن الله انا ياما بنيت منتديات من الصفر وكانت بتعدى الكذا الف وبتتباع بمبالغ وقدرها وناو واخد هدنه وماسك بتاع الكليه ( المخروبه ) حاجه محندقه بتاع الف وخمسميت عضو كده المهم الصبر بس واننا ننجز ونعمل حاجه

اى حد عنده اقتراح يقول عليه وانا هنفذه ان شاء الله زى ما انتوا عارفين