علشان خاطر عيون مرمر

انا كده عملت اللى عليا يامرمر وجبتلك التريننجات
رخمه انا اوى صح؟؟

شفتى انا ماصدقت تقولى على حاجه وجبتهالك ازاى؟؟؟
يللا اختارى وانا اجيبهولك بقى بجد المرة دى

الله يا ايناس والله احلى من ميت فستان فرح
حلوين اوى وكفايه انهم منك ميرسى يا نونوس توبيك جميل

هما حلوين اه بس مش احلى من فستان الفرح هههههههههه
واصلا هما حلوين علشان هما جايين علشانك انتى ياحبيبتى وميرسى اوى على ذوقك

NOUR كتب:

ميرسى يا انوستى جمال جدا
على رآى مريم انتى مرة تجبلنا فستان ومرة تجهزينا عفش
ودلوقتى بتجهزينا هدوم بناء على طلب مريم
انا بقى طالبة جهاز من نوع تانى خالص هاتلنا العريس بالمرة

ههههههه اهى دى الحاجه الوحيده اللى مش هعرف اجيبهالكم هو بيجى لوحده كده يانور
وبعدين ياستى جربى كده واطلبى حاجه انتى كمان وانا هجيبهالك فى وقتها انتوا بس اللى محدش عاوز يقول على حاجه

ههههههههه
كده يانور بتصوتى وبتلميهم عليا وبتشهديهم كمان
طيب انا عاوزة حد عاقل يقوللى أجيبهم ليها ازااااااااااااااااااااااى؟؟؟

هههههههههه ولا حاجه يا ستى نزليلها اعلان فى اى جريده اكتبى عندك
ن .أ انسه من اسره محترمه ومحافظه
السن 19 الطول من 162الى ما فوق
ترغب بالزواج والحياه المستقره
تحب الاطفال والاستقرار وست بيت بريمو (كده وكده علشان يجى )
جمال براق عيون زرقاء وشقراء (من الاخر هتندم ندم عمرك لو مجتش )
تعليم عالى كليه الاداب قسم عربى
مواصفا الزوج سيبينى بقى انئيهولك على زوقى
طويل وسسسسييييييييييييييييييييييييم (اكبرها اكتر من كده ولا كده كفايه )
عاقل يحب الاستقرار والاطفال والحياه الزوجيه
سنه من 20 الى 50 (ولا اصغر احسن يقول علينا واقعين ههههههههه)
تعليم عالى او متوسط بيبصم مش مشكله
يكون مقتدر عنده شقه وعربيه واراضى وعقارات (علشان نعرف نقلبه كويس هههههههه)
امه تكون ميته (متلقيش بقى حد يخنقك وتعرفى تستفردى بيه هيشوف ايام )
العريس القادم يأتى على بيت نور منفعش على بيت اناس منفعش على بيت مريم هوا
اهو برده تطلعلنا اى مصلحه ولا هى خدمات ببلاش
بالنسبه وهو جى يبقى فيه جاتو بلاش بخل بقى وتجيب من عند العيسوى احنا عايزين من عند لابم او مونجينى لو يعنى خلاص الميزانيه مخرمه اوى يبقى من عند العبد
اى خدمات يا نونوس انتى ونور مريم حلاله المشاكل

ههههههه نسيتى يامريم كمان تقولى:
تقدر الحياه الزوجيه وتشارك فى الأثاث وعندها إستعداد تعمل اى حاجه بس ربنا يسهلها ويفك ضيقتها
وبصراحه بصراحه يانور مريم قالت على شويه مواصفات جامده اخر حاجه
ده كفايه انه طويل ووسيم ومن 20 ل 50 (عز الطلب) وبعدين عنده عقارات وحاجات يعنى لو منفعش جواز يبقى كل شيء قسمه ونصيب بس يتقلب الاول هههههههه وعاوزه اقولك انه بالنسبه ليكى بقى تلحقى نفسك وتوافقى علشان زى ما انتى شايفه اهه قالتلك اللى بعده على بيت مريم أو إيناس يعنى مش محتاجه تفكير إلحقى نفسك علشان الناس الواقعه دى ههههههه انتى كده ممكن تضيعى فى الوسط لو رفضتى وانتى حرة يابنتى وليكى مطلق الحريه يا تواقفى ياتوافقى
والله يامريم انتى بنت حلال يابنتى وجبتى لها من الاخر شفتى يانور بتقولك مامته تبقى متوفيه يعنى عندك فرصتك للإنفراد بيه وكل حاجه هتبقى ليكى
بس مقولتيش يامريم ممكن يكون معاه أطفال ولا لأ؟؟