أحدى مؤلفاتى الشخصية .. أعظم أمرأة

فى عيد الأم كان لابد أن لا أبخل على أمى بقصيدة
وخاصة عندما يكون لك أم تمثل لك الحب والحنان
والعطف والتسامح وكل معانى الحياة الأم التى
هى أساس حياتنا ووجودنا بعد ربنا الذى وهبها
الجنة بدون أدنى شك لأنها تتعب وتشقى فى
الحمل والولادة والتربية من أجل سعادتنا وبعد
أن نكبر تسعى دائماً لتحفيزنا على النجاح
والظهور فى أحسن صورة وأن نكون أفضل
من أى مخلوق وفى أعلى المناصب
ويرجع الفضل لصاحبة الفضل الأول
والأخير ورمز الحب والعطاء
صاحبتي وأختي وحبيتي
أمــــــــــــــــــــــــــــــــــــي

جو القصيدة :

أمى التى هى منبع الحب وأقرب من روحي ليا
أهديكى أرق الكلمات وأجمل ما كتب فى الحب
والأشعار والقصائد التى لا تغنى عن وصفك بجد
ووصف الإحساس عندما أكون فى قمة كئابتى
ويأسي وتعبى يزول كل هذا فى حضنها الدافئ
والعطاء المستمر الذى لا ينفذ ولا يقل مع مرور
الأيام لا أستطيع أمامه إلا الأنحناء لأقبل يداكى
وأهديكي حبى الشديد وأمنياتى بطول العمر
للأم التى تمثل الحياة والحنان والضحكة وهنا
أحب أن أذكر بتشبيه بسيط أن الأبن أو الأبنة
لو كانوا كتاب لكانت الأم عنواناً فى كل شئ
وأننا لو ذكرنا فضل الأم طول حياتنا لن تكفى
بل أننا عند الموت سنكون قد ذكرنا نصفه أو
أكثر شوية وفى نهاية القصيدة كان يجب علي
أن أنطلق بصورة بلاغية جميلة وهى أننى أقول
لأمى أنها مهما جاملتك ومدحتك أقلامى وكلماتى
ستظلين أعظم أمرأة فى تاريخ حياتى بين النساء ...

القصيدة :

يا من كنتى سبباً فى وجودى .. أهديكي أرق الكلمات وخالص حنانى

معاكى عرفت معنى الحـــــب .. وعشت فى حضنـــك أحلــى أيامــى

مهما أعمل عطائك مستمر .. بجد مش كفاية عليكي حبى وأحلامى

أنتى الحيــاة والحنــان والضحكة .. ولو أنا كتــــاب تبقى أنتى عنــوانى

هعيــــش وأمـــــوت أذكر فضلــك .. وعند المـــوت لن ينتـــهى كلامـى

يا أعظــم أمـرأة فى تاريـــخ أبنك .. حتـــــــى وإن جامـلتــك أقـلامـــى

أتمنى أن تكون القصيدة قد نالت أعجابكم وأن أكون قد وفقت فى تناول مضمون القصيدة
وأخيراً وليس آخراً أنتظروا منى المزيد ولتكن هذة القصيدة هى رابع مؤلفاتى فى المنتدى
وأقسم بالله أن هذا النص من مجهودى كتابة وشعر وعرض وأرجو أن من ينقله يذكر الكاتب
ومنتظر ردودكم وتعليقكم ..والسلام ختام .. الكاتب والشاعر / مصطفى محمد عبد الرازق

ميرسى جدا يا مصطفى
الام ديه اعظم حاجة فى الوجود ربنا يباركلنا فى امهاتنا

بالرغم من الضغائن والمناوشات والتسخين والى احنل عملينه فى بعض
الا انى لازم اشكر صديقى مصطفى روميو المنتدى علشان بجد قصيده جميله اوى
ميرسى انك استمريت فى كتابه قصايدك وانك بتنشرها لنا هنا

حلوة اوى يا مصطفى الام اغلى هدية فى حياة ابنائها يارب يخليلى امى يارب انا بحبها اوى
مرسي ليك

NOUR كتب:: ميرسى جدا يا مصطفى
الام ديه اعظم حاجة فى الوجود ربنا يباركلنا فى امهاتنا

ميرسي لتعليقك يا نور وفعلاً ربنا يخليهم لينا queen

marmar كتب:: بالرغم من الضغائن والمناوشات والتسخين والى احنل عملينه فى بعض
الا انى لازم اشكر صديقى مصطفى روميو المنتدى علشان بجد قصيده جميله اوى
ميرسى انك استمريت فى كتابه قصايدك وانك بتنشرها لنا هنا

مفيش ضغائن ولا حاجه ده هزار عاااااااادى جدا Wink

وميرسي بجد ربنا يخليكي يا مريم على الرد الأكثر من رائع
وأستمرارى فى الكتابة بناءاً على تشجيعكم وأكيد رأيكم مهم في القصائد
وعموماً أنتظروا منى المزيد بس أصبروا شوية عليا عشان الوقت اللى باخده
وده لأنى لسه على قدى فى الشعر وبكتب اللى بحسه ..

malak كتب:: حلوة اوى يا مصطفى الام اغلى هدية فى حياة ابنائها يارب يخليلى امى يارب انا بحبها اوى
مرسي ليك

مرورك هو اللى أحلى بجد يا ملك
وربنا يخليلك والدتك وأنا كمان لأنى متخيلش حياتى من غير والدتى flower