بليز ياملك

ملك انا عندى اقتراح كده مفيد جدااا وحلو جدااا ( من وجهة نظرى يعنى) اللى هو اننا ممكن نعمل قسم للأخبار الاجنبيه عن اى حاجه وفى اى حاجه زى مثلا اخبار عامه او فنيه او اقتصاديه او سياسيه انا عارفه انه عندنا للسياسه قسم وللفن قسم وللأخبار العامه قسم بس انا عاوزة يكون فى قسم يضم الحاجات دى كلها بس بالإنجلش لآنى بحبه جدااا واكيد اكيد كلنا هنستفيد منه ونفيد بعض واللى عنده خبر او اعلان او حتى خواطر او ممكن صور او اى حاجه عاوز يقولها او شافها فى مكان ما وعجبته ممكن يطرحها فى القسم ده وصدقينى كلنا هنستفيد وهنضيف لنفسنا منه كتير اوى وانا ياستى اول واحده (ده لو هيتعمل) هجيب اخبار وكل حاجه ممكن تخطر على بالك
وعلى فكرة والله الفكرة لسه جايه فى بالى دلوقتى فقلت اطرحها عليكم ونناقشها كلنا سوا واللى موافق يقول واللى معترض برده يقول ويا أقنعكم يا تقنعونى هااا قلتى ايه؟؟؟؟ قوليلى بسرعه علشان انا عندى حاجات كتير ولينا كلنا مش بس للبنات وفى كمان مواضيع مشتركه بينا للبنات وللولاد فكرى على مهلك وقوليلى.. هاا فكرتى يللا قولى....خلاص خلاص على مهلك ع الاخر... يللا ياملك مفيش وقت قولى بقى يللا..


وانتوا كمان ياجماعه اللى يدخل وتعجبه الفكرة يقول واللى متعجبوش برده يقول ويكون فى تفاعل بقى علشان انا عاوزة القسم ده فى أسرع وقت بعد إذنكم يعنى

هو اقتراح حو !!! فى انتظار بقيت الاراء

حو ازاى يعنى؟؟ بس يللا مش مشكله المهم انه عجبك
وبعدين والله عيب كده بجد مفيش غير نور بس هى اللى ردت على فكرة القسم ده لو اتعمل مش هيبقى ليا انا لوحدى ولا انا بس اللى هأكتب فيه ولا دخوله هيبقى حكر عليا ولا برده انا لوحدى اللى هستفيد منه
واصلا دى اول مرة اقترح فيها اقتراح ولا اقول فكرة وللأسف مفيش حد رد بجد انا كده اتضايقت جداا ومش هأقول اى اقتراح تانى ولا حتى فكرة وخلاص حقى كده ياملك اعمل اللى كنت قلتلك عليه

هى اللام أتشالت
عموماً أقتراح جمي يا إيناس وأدينا بنشجع الجيل الصاعد

ميرسى يامصطفى على مرورك وتشجيعك
بس هو ايه اللى حصل لحرف اللام عندكم؟؟ انت بتقول جمى وملك بتقول حو
للدرجه دى الاقتراح عاجبكم

ههههههههههههه انا اللام عندى موجوده اصل مش اى حد تظهر عنده اللام
فكره جميله جدا انا مرجحه جدا فكره القسم وان شاء الله يلاقى نجاح

marmar كتب:

ههههههههههههه انا اللام عندى موجوده اصل مش اى حد تظهر عنده اللام
فكره جميله جدا انا مرجحه جدا فكره القسم وان شاء الله يلاقى نجاح

ياجامد انت يللى بتظهر عندك اللام واحنا لأ
ميرسى يامرمر على مرورك وعلى تصويتك وان شاء الله فعلا يلاقى نجاح

ها ياملك كفايه كده 4 أصوات وأنا ب 4 أصوات لوحدى علشان انا صاحبة الفكرة هههههه

جارى التنفيذ حوووول تيت تيت تيت