عايزة من ده

يا اخوانا انا عايزة رآيكم فى عمل قسم مخصص للاديان او مقارنة الاديان
نتعرف فيه على اوجه التشابه و الاختلاف بين الديانات السماوية.. والاعجاز العلمى
ورآى العلم والعصر والادباء والمعاصرين فى كل ديانة
وعدد اتباعهم و توزيع اتباعهم فى دول العالم
بجد هيبقى اضافة متميزة جدا للمنتدى ولثقافتنا احنا شخصيا
وكمان مجال زى ده بقى فى غاية الاهمية وبستغرب جدا انى بلاقى ناس مش بتقرأ فيه

بجد هكون سعيدة جدا لو وافقتوا وافقوا علشان خطرى
بليز ارجوكم هعيطلكم انا عاوزة من دا مليش دعوة

متهيئلى يا نور ده هيبقى صعب اوى لاننا مش هنعرف نحكم على الصح من الغلط فيه ده علم كبير اوى انا من وجهه نظرى ان تواجده هيبقى صعب اوى لاان مفيش حد فينا متخصص فيه انا شايفه صعب جدا فى انتظار باقى الاراء

متقفلهاش بالله عليكى يا ملك
والمواضيع اللى هتتكتب هتبقى من مواقع معروفة تبع مشايخ او علماء اوقنوات موثوق فيهم ومعروفين
والارقام والاحصئيات هنزل المثبت والمعتمد واللى تبع متخصصنها
وفى المواضيع ديه بالذات هيبان المفبرك من الصح
لان المجال ده قائم على الاثباتات العلمية والعقلية والمنطقية
فلو الموضوع مشكوك فيه هيبان مش بس من خلال مصدره لأ من خلا ل الموضوع ذاته

وضمانا المواضيع اللى هنكتبها لازم نقول مصدرها

مستنية رآى الباقيين

يا نور الموضوع دا حساس جدا وبلاش نخوض فيه

لان ليه ناسه اللى يقدرو يتكلموا فيه

اصل موضوع مقارنة الاديان وحوار الحضارات دا صعب بجد ولازم يبقى فيه الرأى والرأى الاخر ولازم تكون الحجة موجودة وقوية عند المتكلم

لكن اننا نجيب معلومات من مصادر مختلفة اكيد وبصراحة هنجيب حاجات لا تخلو من التحيز لدينا وكل واحد هيدخل على اختلاف دينه هيجيب معلومات ودلائل

طيب ليه ندخل فى الموضوع الحساس دا

اوكى طارق , ملك
اقتنعت
وانا هكتفى بوضع توبيكات للا عجاز العلمى فى القرآن و السنة